1. விப⁴ங்க³வாரோ

ஹேதுபச்சயோ

245. ரூபாவசரோ த⁴ம்மோ ரூபாவசரஸ்ஸ த⁴ம்மஸ்ஸ ஹேதுபச்சயேன பச்சயோ – ரூபாவசரா ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ; படிஸந்தி⁴க்க²ணே…பே…. (மூலம் காதப்³ப³ம்.) ரூபாவசரா ஹேதூ சித்தஸமுட்டா²னானம் ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (மூலம் காதப்³ப³ம்.) ரூபாவசரா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (3)

நரூபாவசரோ த⁴ம்மோ நரூபாவசரஸ்ஸ த⁴ம்மஸ்ஸ ஹேதுபச்சயேன பச்சயோ – நரூபாவசரா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (1)

ஆரம்மணபச்சயோ

246. ரூபாவசரோ த⁴ம்மோ ரூபாவசரஸ்ஸ த⁴ம்மஸ்ஸ ஆரம்மணபச்சயேன பச்சயோ – சேதோபரியஞாணேன ரூபாவசரசித்தஸமங்கி³ஸ்ஸ சித்தம் ஜானாதி, ரூபாவசரா க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தம்ஸஞாணஸ்ஸ ஆரம்மணபச்சயேன பச்சயோ. ரூபாவசரோ த⁴ம்மோ நரூபாவசரஸ்ஸ த⁴ம்மஸ்ஸ ஆரம்மணபச்சயேன பச்சயோ – பட²மம் ஜா²னம் பச்சவேக்க²தி…பே… சதுத்த²ம் ஜா²னம் பச்சவேக்க²தி, தி³ப்³ப³ம் சக்கு²ம் பச்சவேக்க²தி, தி³ப்³ப³ம் ஸோததா⁴தும்…பே… இத்³தி⁴வித⁴ஞாணம்…பே… சேதோபரியஞாணம்…பே… புப்³பே³னிவாஸானுஸ்ஸதிஞாணம்…பே… யதா²கம்மூபக³ஞாணம்…பே… அனாக³தம்ஸஞாணம் பச்சவேக்க²தி, ரூபாவசரே க²ந்தே⁴ அனிச்சதோ…பே… தோ³மனஸ்ஸம் உப்பஜ்ஜதி. (2)

247. நரூபாவசரோ த⁴ம்மோ நரூபாவசரஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம் த³த்வா ஸீலம்…பே… உபோஸத²கம்மம்…பே… புப்³பே³ ஸுசிண்ணானி பச்சவேக்க²தி அஸ்ஸாதே³தி அபி⁴னந்த³தி, தம் ஆரப்³ப⁴ ராகோ³…பே… தோ³மனஸ்ஸம் உப்பஜ்ஜதி; அரியா மக்³கா³ வுட்ட²ஹித்வா மக்³க³ம் பச்சவேக்க²ந்தி, ப²லம் பச்சவேக்க²ந்தி, நிப்³பா³னம் பச்சவேக்க²ந்தி, நிப்³பா³னம் கோ³த்ரபு⁴ஸ்ஸ, வோதா³னஸ்ஸ, மக்³க³ஸ்ஸ, ப²லஸ்ஸ, ஆவஜ்ஜனாய ஆரம்மணபச்சயேன பச்சயோ; அரியா பஹீனே கிலேஸே…பே… விக்க²ம்பி⁴தே கிலேஸே…பே… புப்³பே³…பே… சக்கு²ம்…பே… வத்து²ம் நரூபாவசரே க²ந்தே⁴ அனிச்சதோ…பே… தோ³மனஸ்ஸம் உப்பஜ்ஜதி; ஆகாஸானஞ்சாயதனம் விஞ்ஞாணஞ்சாயதனஸ்ஸ…பே… ஆகிஞ்சஞ்ஞாயதனம் நேவஸஞ்ஞானாஸஞ்ஞாயதனஸ்ஸ…பே… ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ ஆரம்மணபச்சயேன பச்சயோ. (1)

நரூபாவசரோ த⁴ம்மோ ரூபாவசரஸ்ஸ த⁴ம்மஸ்ஸ ஆரம்மணபச்சயேன பச்சயோ – தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, சேதோபரியஞாணேன நரூபாவசரசித்தஸமங்கி³ஸ்ஸ சித்தம் ஜானாதி, நரூபாவசரா க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தம்ஸஞாணஸ்ஸ ஆரம்மணபச்சயேன பச்சயோ. (2)

அதி⁴பதிபச்சயோ

248. ரூபாவசரோ த⁴ம்மோ ரூபாவசரஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – ரூபாவசராதி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. ரூபாவசரோ த⁴ம்மோ நரூபாவசரஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – பட²மம் ஜா²னம் க³ரும் கத்வா பச்சவேக்க²தி, அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி…பே… சதுத்த²ம் ஜா²னம்…பே… தி³ப்³ப³ம் சக்கு²ம்…பே… தி³ப்³ப³ம் ஸோததா⁴தும்…பே… இத்³தி⁴வித⁴ஞாணம்…பே… சேதோபரியஞாணம்…பே… புப்³பே³னிவாஸானுஸ்ஸதிஞாணம்…பே… யதா²கம்மூபக³ஞாணம்…பே… அனாக³தம்ஸஞாணம் க³ரும் கத்வா பச்சவேக்க²தி அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி, ரூபாவசரே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. ஸஹஜாதாதி⁴பதி – ரூபாவசராதி⁴பதி சித்தஸமுட்டா²னானம் ரூபானம் அதி⁴பதிபச்சயேன பச்சயோ. ரூபாவசரோ த⁴ம்மோ ரூபாவசரஸ்ஸ ச நரூபாவசரஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – ரூபாவசராதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)

249. நரூபாவசரோ த⁴ம்மோ நரூபாவசரஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம்…பே… ஸீலம்…பே… உபோஸத²கம்மம்…பே… புப்³பே³ ஸுசிண்ணானி க³ரும் கத்வா பச்சவேக்க²தி அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி; அரியா மக்³கா³ வுட்ட²ஹித்வா மக்³க³ம் க³ரும் கத்வா…பே… ப²லம்…பே… நிப்³பா³னம் க³ரும் கத்வா பச்சவேக்க²ந்தி, நிப்³பா³னம் கோ³த்ரபு⁴ஸ்ஸ, வோதா³னஸ்ஸ, மக்³க³ஸ்ஸ, ப²லஸ்ஸ அதி⁴பதிபச்சயேன பச்சயோ; சக்கு²ம்…பே… வத்து²ம் நரூபாவசரே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி; ஆகாஸானஞ்சாயதனம் க³ரும் கத்வா பச்சவேக்க²தி…பே… நேவஸஞ்ஞானாஸஞ்ஞாயதனம் க³ரும் கத்வா பச்சவேக்க²தி. ஸஹஜாதாதி⁴பதி – நரூபாவசராதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (1)

அனந்தரபச்சயாதி³

250. ரூபாவசரோ த⁴ம்மோ ரூபாவசரஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா ரூபாவசரா க²ந்தா⁴ பச்சி²மானம் பச்சி²மானம் ரூபாவசரானம் க²ந்தா⁴னம் அனந்தரபச்சயேன பச்சயோ. ரூபாவசரோ த⁴ம்மோ நரூபாவசரஸ்ஸ த⁴ம்மஸ்ஸ அனந்தரபச்சயேன பச்சயோ – ரூபாவசரம் சுதிசித்தம் நரூபாவசரஸ்ஸ உபபத்திசித்தஸ்ஸ அனந்தரபச்சயேன பச்சயோ; ரூபாவசரம் ப⁴வங்க³ம் ஆவஜ்ஜனாய… ரூபாவசரா க²ந்தா⁴ நரூபாவசரஸ்ஸ வுட்டா²னஸ்ஸ அனந்தரபச்சயேன பச்சயோ. (2)

251. நரூபாவசரோ த⁴ம்மோ நரூபாவசரஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா நரூபாவசரா க²ந்தா⁴ பச்சி²மானம் பச்சி²மானம் நரூபாவசரானம் க²ந்தா⁴னம் அனந்தரபச்சயேன பச்சயோ; அனுலோமம் கோ³த்ரபு⁴ஸ்ஸ…பே… நேவஸஞ்ஞானாஸஞ்ஞாயதனம் ப²லஸமாபத்தியா அனந்தரபச்சயேன பச்சயோ. நரூபாவசரோ த⁴ம்மோ ரூபாவசரஸ்ஸ த⁴ம்மஸ்ஸ அனந்தரபச்சயேன பச்சயோ – நரூபாவசரம் சுதிசித்தம் ரூபாவசரஸ்ஸ உபபத்திசித்தஸ்ஸ அனந்தரபச்சயேன பச்சயோ; நரூபாவசரா க²ந்தா⁴ ரூபாவசரஸ்ஸ வுட்டா²னஸ்ஸ அனந்தரபச்சயேன பச்சயோ; பட²மஸ்ஸ ஜா²னஸ்ஸ பரிகம்மம் பட²மஸ்ஸ ஜா²னஸ்ஸ அனந்தரபச்சயேன பச்சயோ…பே… சதுத்த²ஸ்ஸ ஜா²னஸ்ஸ…பே… தி³ப்³ப³ஸ்ஸ சக்கு²ஸ்ஸ…பே… தி³ப்³பா³ய ஸோததா⁴துயா…பே… இத்³தி⁴வித⁴ஞாணஸ்ஸ…பே… சேதோபரியஞாணஸ்ஸ…பே… புப்³பே³னிவாஸானுஸ்ஸதிஞாணஸ்ஸ…பே… யதா²கம்மூபக³ஞாணஸ்ஸ…பே… அனாக³தம்ஸஞாணஸ்ஸ, பரிகம்மம் அனாக³தம்ஸஞாணஸ்ஸ அனந்தரபச்சயேன பச்சயோ. (2)

ஸமனந்தரபச்சயேன பச்சயோ… ஸஹஜாதபச்சயேன பச்சயோ… ஸத்த… அஞ்ஞமஞ்ஞபச்சயேன பச்சயோ… ச²… நிஸ்ஸயபச்சயேன பச்சயோ… ஸத்த.

உபனிஸ்ஸயபச்சயோ

252. ரூபாவசரோ த⁴ம்மோ ரூபாவசரஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ரூபாவசரம் ஸத்³த⁴ம் உபனிஸ்ஸாய ரூபாவசரம் ஜா²னம் உப்பாதே³தி, அபி⁴ஞ்ஞம்…பே… ஸமாபத்திம் உப்பாதே³தி; ரூபாவசரம் ஸீலம்…பே… பஞ்ஞம் உபனிஸ்ஸாய ரூபாவசரம் ஜா²னம்…பே… அபி⁴ஞ்ஞம்…பே… ஸமாபத்திம் உப்பாதே³தி; ரூபாவசரா ஸத்³தா⁴…பே… பஞ்ஞா ரூபாவசராய ஸத்³தா⁴ய…பே… பஞ்ஞாய உபனிஸ்ஸயபச்சயேன பச்சயோ, பட²மம் ஜா²னம் து³தியஸ்ஸ ஜா²னஸ்ஸ உபனிஸ்ஸயபச்சயேன பச்சயோ, து³தியம் ஜா²னம் ததியஸ்ஸ ஜா²னஸ்ஸ…பே… ததியம் ஜா²னம் சதுத்த²ஸ்ஸ ஜா²னஸ்ஸ உபனிஸ்ஸயபச்சயேன பச்சயோ. (1)

ரூபாவசரோ த⁴ம்மோ நரூபாவசரஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ரூபாவசரம் ஸத்³த⁴ம் உபனிஸ்ஸாய தா³னம் தே³தி, ஸீலம்…பே… உபோஸத²கம்மம் கரோதி; ரூபாவசரம் ஜா²னம்…பே… விபஸ்ஸனம்…பே… மக்³க³ம்…பே… ஸமாபத்திம் உப்பாதே³தி, மானம் ஜப்பேதி, தி³ட்டி²ம் க³ண்ஹாதி; ரூபாவசரம் ஸீலம்…பே… பஞ்ஞம் உபனிஸ்ஸாய தா³னம் தே³தி…பே… மானம் ஜப்பேதி, தி³ட்டி²ம் க³ண்ஹாதி; ரூபாவசரா ஸத்³தா⁴…பே… பஞ்ஞா நரூபாவசராய ஸத்³தா⁴ய…பே… பஞ்ஞாய… ராக³ஸ்ஸ…பே… பத்த²னாய… காயிகஸ்ஸ ஸுக²ஸ்ஸ… காயிகஸ்ஸ து³க்க²ஸ்ஸ… மக்³க³ஸ்ஸ, ப²லஸமாபத்தியா உபனிஸ்ஸயபச்சயேன பச்சயோ. (2)

253. நரூபாவசரோ த⁴ம்மோ நரூபாவசரஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – நரூபாவசரம் ஸத்³த⁴ம் உபனிஸ்ஸாய தா³னம்…பே… ஸீலம்…பே… உபோஸத²கம்மம் கரோதி; நரூபாவசரம் ஜா²னம்…பே… விபஸ்ஸனம்…பே… மக்³க³ம்…பே… ஸமாபத்திம் உப்பாதே³தி, மானம் ஜப்பேதி, தி³ட்டி²ம் க³ண்ஹாதி; நரூபாவசரம் ஸீலம்…பே… பஞ்ஞம், ராக³ம்…பே… போ⁴ஜனம், ஸேனாஸனம் உபனிஸ்ஸாய தா³னம் தே³தி…பே… பாணம் ஹனதி…பே… ஸங்க⁴ம் பி⁴ந்த³தி; நரூபாவசரா ஸத்³தா⁴…பே… பஞ்ஞா… ராகோ³…பே… ஸேனாஸனம் நரூபாவசராய ஸத்³தா⁴ய…பே… பஞ்ஞாய… ராக³ஸ்ஸ…பே… பத்த²னாய… காயிகஸ்ஸ ஸுக²ஸ்ஸ… காயிகஸ்ஸ து³க்க²ஸ்ஸ… மக்³க³ஸ்ஸ, ப²லஸமாபத்தியா உபனிஸ்ஸயபச்சயேன பச்சயோ. (1)

நரூபாவசரோ த⁴ம்மோ ரூபாவசரஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – நரூபாவசரம் ஸத்³த⁴ம் உபனிஸ்ஸாய ரூபாவசரம் ஜா²னம்…பே… அபி⁴ஞ்ஞம் …பே… ஸமாபத்திம் உப்பாதே³தி; நரூபாவசரம் ஸீலம்…பே… ஸேனாஸனம் உபனிஸ்ஸாய ரூபாவசரம் ஜா²னம்…பே… அபி⁴ஞ்ஞம்…பே… ஸமாபத்திம் உப்பாதே³தி; நரூபாவசரா ஸத்³தா⁴…பே… ஸேனாஸனம் ரூபாவசராய ஸத்³தா⁴ய…பே… பஞ்ஞாய உபனிஸ்ஸயபச்சயேன பச்சயோ, பட²மஸ்ஸ ஜா²னஸ்ஸ பரிகம்மம் பட²மஸ்ஸ ஜா²னஸ்ஸ உபனிஸ்ஸயபச்சயேன பச்சயோ…பே… சதுத்த²ஸ்ஸ ஜா²னஸ்ஸ…பே… தி³ப்³ப³ஸ்ஸ சக்கு²ஸ்ஸ பரிகம்மம்…பே… தி³ப்³பா³ய ஸோததா⁴துயா…பே… இத்³தி⁴வித⁴ஞாணஸ்ஸ…பே… சேதோபரியஞாணஸ்ஸ…பே… புப்³பே³னிவாஸானுஸ்ஸதிஞாணஸ்ஸ…பே… யதா²கம்மூபக³ஞாணஸ்ஸ…பே… அனாக³தம்ஸஞாணஸ்ஸ பரிகம்மம் அனாக³தம்ஸஞாணஸ்ஸ உபனிஸ்ஸயபச்சயேன பச்சயோ. (2)

புரேஜாதபச்சயாதி³

254. நரூபாவசரோ த⁴ம்மோ நரூபாவசரஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம் …பே… வத்து²ம் அனிச்சதோ…பே… தோ³மனஸ்ஸம் உப்பஜ்ஜதி, ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ புரேஜாதபச்சயேன பச்சயோ. வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ புரேஜாதபச்சயேன பச்சயோ; வத்து² நரூபாவசரானம் க²ந்தா⁴னம் புரேஜாதபச்சயேன பச்சயோ. நரூபாவசரோ த⁴ம்மோ ரூபாவசரஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. வத்து²புரேஜாதம் – வத்து² ரூபாவசரானம் க²ந்தா⁴னம் புரேஜாதபச்சயேன பச்சயோ. (2)

பச்சா²ஜாதபச்சயேன பச்சயோ… த்³வே… ஆஸேவனபச்சயேன பச்சயோ… தீணி.

கம்மபச்சயாதி³

255. ரூபாவசரோ த⁴ம்மோ ரூபாவசரஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – ரூபாவசரா சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – ரூபாவசரா சேதனா விபாகானம் ரூபாவசரானம் க²ந்தா⁴னம் கம்மபச்சயேன பச்சயோ. ரூபாவசரோ த⁴ம்மோ நரூபாவசரஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – ரூபாவசரா சேதனா சித்தஸமுட்டா²னானம் ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – ரூபாவசரா சேதனா கடத்தாரூபானம் கம்மபச்சயேன பச்சயோ. ரூபாவசரோ த⁴ம்மோ ரூபாவசரஸ்ஸ ச நரூபாவசரஸ்ஸ ச த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – ரூபாவசரா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – ரூபாவசரா சேதனா விபாகானம் ரூபாவசரானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (3)

நரூபாவசரோ த⁴ம்மோ நரூபாவசரஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – நரூபாவசரா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – நரூபாவசரா சேதனா விபாகானம் நரூபாவசரானம் க²ந்தா⁴னம் கடத்தா ச ரூபானம் கம்மபச்சயேன பச்சயோ…. (1)

விபாகபச்சயேன பச்சயோ… சத்தாரி… ஆஹாரபச்சயேன பச்சயோ… சத்தாரி… இந்த்³ரியபச்சயேன பச்சயோ… சத்தாரி… ஜா²னபச்சயேன பச்சயோ… சத்தாரி… மக்³க³பச்சயேன பச்சயோ… சத்தாரி… ஸம்பயுத்தபச்சயேன பச்சயோ… த்³வே.

விப்பயுத்தபச்சயோ

256. ரூபாவசரோ த⁴ம்மோ நரூபாவசரஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம் (ஸம்கி²த்தம்). (1)

நரூபாவசரோ த⁴ம்மோ நரூபாவசரஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம், பச்சா²ஜாதம் (ஸம்கி²த்தம்). நரூபாவசரோ த⁴ம்மோ ரூபாவசரஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம். ஸஹஜாதம் – படிஸந்தி⁴க்க²ணே வத்து² ரூபாவசரானம் க²ந்தா⁴னம் விப்பயுத்தபச்சயேன பச்சயோ. புரேஜாதம் – வத்து² ரூபாவசரானம் க²ந்தா⁴னம் விப்பயுத்தபச்சயேன பச்சயோ. (2)

அத்தி²பச்சயாதி³

257. ரூபாவசரோ த⁴ம்மோ ரூபாவசரஸ்ஸ த⁴ம்மஸ்ஸ அத்தி²பச்சயேன பச்சயோ (படிச்சஸதி³ஸம்). ரூபாவசரோ த⁴ம்மோ நரூபாவசரஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம். ரூபாவசரோ த⁴ம்மோ ரூபாவசரஸ்ஸ ச நரூபாவசரஸ்ஸ ச த⁴ம்மஸ்ஸ அத்தி²பச்சயேன பச்சயோ (படிச்சஸதி³ஸம்). (3)

நரூபாவசரோ த⁴ம்மோ நரூபாவசரஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம் (ஸம்கி²த்தம்). நரூபாவசரோ த⁴ம்மோ ரூபாவசரஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதம் – படிஸந்தி⁴க்க²ணே வத்து² ரூபாவசரானம் க²ந்தா⁴னம் அத்தி²பச்சயேன பச்சயோ. புரேஜாதம் – தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, வத்து² ரூபாவசரானம் க²ந்தா⁴னம் அத்தி²பச்சயேன பச்சயோ. (2)

258. ரூபாவசரோ ச நரூபாவசரோ ச த⁴ம்மா ரூபாவசரஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – ரூபாவசரோ ஏகோ க²ந்தோ⁴ ச வத்து² ச திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴ ச…பே… படிஸந்தி⁴க்க²ணே…பே…. ரூபாவசரோ ச நரூபாவசரோ ச த⁴ம்மா நரூபாவசரஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம், ஆஹாரம், இந்த்³ரியம். ஸஹஜாதா – ரூபாவசரா க²ந்தா⁴ ச மஹாபூ⁴தா ச சித்தஸமுட்டா²னானம் ரூபானம் அத்தி²பச்சயேன பச்சயோ; படிஸந்தி⁴க்க²ணே…பே…. பச்சா²ஜாதா – ரூபாவசரா க²ந்தா⁴ ச கப³ளீகாரோ ஆஹாரோ ச புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – ரூபாவசரா க²ந்தா⁴ ச ரூபஜீவிதிந்த்³ரியஞ்ச கடத்தாரூபானம் அத்தி²பச்சயேன பச்சயோ. (2)

நத்தி²பச்சயேன பச்சயோ… விக³தபச்சயேன பச்சயோ… அவிக³தபச்சயேன பச்சயோ.