1-4. பச்சயானுலோமாதி³

ஹேதுபச்சயோ

202. காமாவசரம் த⁴ம்மம் பச்சயா காமாவசரோ த⁴ம்மோ உப்பஜ்ஜதி ஹேதுபச்சயா – காமாவசரம் ஏகம் க²ந்த⁴ம் பச்சயா தயோ க²ந்தா⁴ சித்தஸமுட்டா²னஞ்ச ரூபம் …பே… த்³வே க²ந்தே⁴…பே… படிஸந்தி⁴க்க²ணே…பே… (யாவ அஜ்ஜ²த்திகா மஹாபூ⁴தா) வத்து²ம் பச்சயா காமாவசரா க²ந்தா⁴. காமாவசரம் த⁴ம்மம் பச்சயா நகாமாவசரோ த⁴ம்மோ உப்பஜ்ஜதி ஹேதுபச்சயா – வத்து²ம் பச்சயா நகாமாவசரா க²ந்தா⁴; படிஸந்தி⁴க்க²ணே…பே…. காமாவசரம் த⁴ம்மம் பச்சயா காமாவசரோ ச நகாமாவசரோ ச த⁴ம்மா உப்பஜ்ஜந்தி ஹேதுபச்சயா – வத்து²ம் பச்சயா நகாமாவசரா க²ந்தா⁴, மஹாபூ⁴தே பச்சயா சித்தஸமுட்டா²னம் ரூபம்; படிஸந்தி⁴க்க²ணே…பே…. (3)

நகாமாவசரம் த⁴ம்மம் பச்சயா நகாமாவசரோ த⁴ம்மோ உப்பஜ்ஜதி ஹேதுபச்சயா… தீணி (படிச்சஸதி³ஸா).

காமாவசரஞ்ச நகாமாவசரஞ்ச த⁴ம்மம் பச்சயா காமாவசரோ த⁴ம்மோ உப்பஜ்ஜதி ஹேதுபச்சயா (படிச்சஸதி³ஸா). காமாவசரஞ்ச நகாமாவசரஞ்ச த⁴ம்மம் பச்சயா நகாமாவசரோ த⁴ம்மோ உப்பஜ்ஜதி ஹேதுபச்சயா – நகாமாவசரம் ஏகம் க²ந்த⁴ஞ்ச வத்து²ஞ்ச பச்சயா தயோ க²ந்தா⁴…பே… த்³வே க²ந்தே⁴ ச…பே… படிஸந்தி⁴க்க²ணே…பே…. காமாவசரஞ்ச நகாமாவசரஞ்ச த⁴ம்மம் பச்சயா காமாவசரோ ச நகாமாவசரோ ச த⁴ம்மா உப்பஜ்ஜந்தி ஹேதுபச்சயா – நகாமாவசரம் ஏகம் க²ந்த⁴ஞ்ச வத்து²ஞ்ச பச்சயா தயோ க²ந்தா⁴…பே… த்³வே க²ந்தே⁴ ச…பே… நகாமாவசரே க²ந்தே⁴ ச மஹாபூ⁴தே ச பச்சயா சித்தஸமுட்டா²னம் ரூபம்; படிஸந்தி⁴க்க²ணே…பே…. (3) (ஸம்கி²த்தம்.)

ஹேதுயா நவ, ஆரம்மணே சத்தாரி, அதி⁴பதியா நவ, அனந்தரே சத்தாரி, ஸமனந்தரே சத்தாரி, ஸஹஜாதே நவ, அஞ்ஞமஞ்ஞே ச², நிஸ்ஸயே நவ, உபனிஸ்ஸயே சத்தாரி, புரேஜாதே சத்தாரி, ஆஸேவனே சத்தாரி, கம்மே நவ…பே… அவிக³தே நவ.

அனுலோமம்.

நஹேதுபச்சயாதி³

203. காமாவசரம் த⁴ம்மம் பச்சயா காமாவசரோ த⁴ம்மோ உப்பஜ்ஜதி நஹேதுபச்சயா – அஹேதுகம் காமாவசரம் ஏகம் க²ந்த⁴ம் பச்சயா…பே… அஹேதுகபடிஸந்தி⁴க்க²ணே…பே… (யாவ அஸஞ்ஞஸத்தா) சக்கா²யதனம் பச்சயா சக்கு²விஞ்ஞாணம்…பே… காயாயதனம் பச்சயா காயவிஞ்ஞாணம், வத்து²ம் பச்சயா அஹேதுகா காமாவசரா க²ந்தா⁴, விசிகிச்சா²ஸஹக³தே உத்³த⁴ச்சஸஹக³தே க²ந்தே⁴ ச வத்து²ஞ்ச பச்சயா விசிகிச்சா²ஸஹக³தோ உத்³த⁴ச்சஸஹக³தோ மோஹோ. (1)

நஆரம்மணபச்சயா… தீணி.

நஅதி⁴பதிபச்சயாதி³

204. காமாவசரம் த⁴ம்மம் பச்சயா காமாவசரோ த⁴ம்மோ உப்பஜ்ஜதி நஅதி⁴பதிபச்சயா… ஏகம் (யாவ அஸஞ்ஞஸத்தா). காமாவசரம் த⁴ம்மம் பச்சயா நகாமாவசரோ த⁴ம்மோ உப்பஜ்ஜதி நஅதி⁴பதிபச்சயா – வத்து²ம் பச்சயா நகாமாவசராதி⁴பதி, வத்து²ம் பச்சயா விபாகா நகாமாவசரா க²ந்தா⁴; படிஸந்தி⁴க்க²ணே…பே…. காமாவசரம் த⁴ம்மம் பச்சயா காமாவசரோ ச நகாமாவசரோ ச த⁴ம்மா உப்பஜ்ஜந்தி நஅதி⁴பதிபச்சயா – வத்து²ம் பச்சயா விபாகா நகாமாவசரா க²ந்தா⁴, மஹாபூ⁴தே பச்சயா சித்தஸமுட்டா²னம் ரூபம்; படிஸந்தி⁴க்க²ணே…பே…. (3)

நகாமாவசரம் த⁴ம்மம் பச்சயா நகாமாவசரோ த⁴ம்மோ உப்பஜ்ஜதி நஅதி⁴பதிபச்சயா… தீணி (படிச்சஸதி³ஸா).

காமாவசரஞ்ச நகாமாவசரஞ்ச த⁴ம்மம் பச்சயா காமாவசரோ த⁴ம்மோ உப்பஜ்ஜதி நஅதி⁴பதிபச்சயா (படிச்சஸதி³ஸா. மூலம் காதப்³ப³ம்.) நகாமாவசரே க²ந்தே⁴ ச வத்து²ஞ்ச பச்சயா நகாமாவசராதி⁴பதி, விபாகம் நகாமாவசரம் ஏகம் க²ந்த⁴ஞ்ச வத்து²ஞ்ச பச்சயா தயோ க²ந்தா⁴…பே… த்³வே க²ந்தே⁴ ச…பே… படிஸந்தி⁴க்க²ணே…பே…. (மூலம் காதப்³ப³ம்.) விபாகம் நகாமாவசரம் ஏகம் க²ந்த⁴ஞ்ச வத்து²ஞ்ச பச்சயா தயோ க²ந்தா⁴…பே… த்³வே க²ந்தே⁴ ச…பே… விபாகே நகாமாவசரே க²ந்தே⁴ ச மஹாபூ⁴தே ச பச்சயா சித்தஸமுட்டா²னம் ரூபம்; படிஸந்தி⁴க்க²ணே…பே…. (3)

நஉபனிஸ்ஸயபச்சயா… தீணி… நஆஸேவனபச்சயா (ஸுத்³த⁴கே அரூபமிஸ்ஸகே ச ‘‘விபாக’’ந்தி நியாமேதப்³ப³ம், ரூபமிஸ்ஸகே நத்தி². ஸம்கி²த்தம்).

ஸுத்³த⁴ம்

நஹேதுயா ஏகம், நஆரம்மணே தீணி, நஅதி⁴பதியா நவ, நஅனந்தரே தீணி, நஸமனந்தரே தீணி, நஉபனிஸ்ஸயே தீணி, நபுரேஜாதே நவ, நபச்சா²ஜாதே நவ, நஆஸேவனே நவ, நகம்மே சத்தாரி, நவிபாகே நவ, நஆஹாரே ஏகம், நஇந்த்³ரியே ஏகம், நஜா²னே ஏகம், நமக்³கே³ ஏகம், நஸம்பயுத்தே தீணி, நவிப்பயுத்தே த்³வே, நோனத்தி²யா தீணி, நோவிக³தே தீணி.

பச்சனீயம்.