1. விப⁴ங்க³வாரோ

நஹேதுபச்சயாதி³

198. காமாவசரம் த⁴ம்மம் படிச்ச காமாவசரோ த⁴ம்மோ உப்பஜ்ஜதி நஹேதுபச்சயா – அஹேதுகம் காமாவசரம் ஏகம் க²ந்த⁴ம் படிச்ச தயோ க²ந்தா⁴ சித்தஸமுட்டா²னஞ்ச ரூபம்…பே… த்³வே க²ந்தே⁴…பே… அஹேதுகபடிஸந்தி⁴க்க²ணே…பே… (யாவ அஸஞ்ஞஸத்தா) விசிகிச்சா²ஸஹக³தே உத்³த⁴ச்சஸஹக³தே க²ந்தே⁴ படிச்ச விசிகிச்சா²ஸஹக³தோ உத்³த⁴ச்சஸஹக³தோ மோஹோ. (1)

நஆரம்மணபச்சயா… தீணி.

நஅதி⁴பதிபச்சயாதி³

199. காமாவசரம் த⁴ம்மம் படிச்ச காமாவசரோ த⁴ம்மோ உப்பஜ்ஜதி நஅதி⁴பதிபச்சயா… தீணி.

நகாமாவசரம் த⁴ம்மம் படிச்ச நகாமாவசரோ த⁴ம்மோ உப்பஜ்ஜதி நஅதி⁴பதிபச்சயா – நகாமாவசரே க²ந்தே⁴ படிச்ச நகாமாவசராதி⁴பதி, விபாகம் நகாமாவசரம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தே⁴…பே… படிஸந்தி⁴க்க²ணே…பே…. நகாமாவசரம் த⁴ம்மம் படிச்ச காமாவசரோ த⁴ம்மோ உப்பஜ்ஜதி நஅதி⁴பதிபச்சயா – விபாகே நகாமாவசரே க²ந்தே⁴ படிச்ச சித்தஸமுட்டா²னம் ரூபம்; படிஸந்தி⁴க்க²ணே…பே…. நகாமாவசரம் த⁴ம்மம் படிச்ச காமாவசரோ ச நகாமாவசரோ ச த⁴ம்மா உப்பஜ்ஜந்தி நஅதி⁴பதிபச்சயா – விபாகம் நகாமாவசரம் ஏகம் க²ந்த⁴ம் படிச்ச தயோ க²ந்தா⁴ சித்தஸமுட்டா²னஞ்ச ரூபம்…பே… த்³வே க²ந்தே⁴…பே… படிஸந்தி⁴க்க²ணே…பே…. (3)

காமாவசரஞ்ச நகாமாவசரஞ்ச த⁴ம்மம் படிச்ச காமாவசரோ த⁴ம்மோ உப்பஜ்ஜதி நஅதி⁴பதிபச்சயா – விபாகே நகாமாவசரே க²ந்தே⁴ ச மஹாபூ⁴தே ச படிச்ச சித்தஸமுட்டா²னம் ரூபம்; படிஸந்தி⁴க்க²ணே…பே… (இதரே த்³வே பாகதிகா) நஅனந்தரபச்சயா…பே… நபுரேஜாதபச்சயா… நபச்சா²ஜாதபச்சயா.

நஆஸேவனபச்சயோ

200. காமாவசரம் த⁴ம்மம் படிச்ச காமாவசரோ த⁴ம்மோ உப்பஜ்ஜதி நஆஸேவனபச்சயா… தீணி.

நகாமாவசரம் த⁴ம்மம் படிச்ச நகாமாவசரோ த⁴ம்மோ உப்பஜ்ஜதி நஆஸேவனபச்சயா – விபாகம் நகாமாவசரம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தே⁴…பே… படிஸந்தி⁴க்க²ணே…பே…. நகாமாவசரம் த⁴ம்மம் படிச்ச காமாவசரோ த⁴ம்மோ உப்பஜ்ஜதி நஆஸேவனபச்சயா – நகாமாவசரே க²ந்தே⁴ படிச்ச சித்தஸமுட்டா²னம் ரூபம்; படிஸந்தி⁴க்க²ணே…பே… (மூலம் காதப்³ப³ம்) விபாகம் நகாமாவசரம் ஏகம் க²ந்த⁴ம் படிச்ச தயோ க²ந்தா⁴ சித்தஸமுட்டா²னஞ்ச ரூபம்…பே… த்³வே க²ந்தே⁴…பே… படிஸந்தி⁴க்க²ணே…பே…. (3)

(அவஸேஸா தீணி பாகதிகா. ஸம்கி²த்தம்.)