1. விப⁴ங்க³வாரோ

ஹேதுபச்சயாதி³

186. உபேக்கா²ஸஹக³தோ த⁴ம்மோ உபேக்கா²ஸஹக³தஸ்ஸ த⁴ம்மஸ்ஸ ஹேதுபச்சயேன பச்சயோ – உபேக்கா²ஸஹக³தா ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ; படிஸந்தி⁴க்க²ணே…பே…. (ஏவம் சத்தாரி பஞ்ஹா யதா² ஸவிதக்கது³கஸ்ஸ.)

உபேக்கா²ஸஹக³தோ த⁴ம்மோ உபேக்கா²ஸஹக³தஸ்ஸ த⁴ம்மஸ்ஸ ஆரம்மணபச்சயேன பச்சயோ… அதி⁴பதிபச்சயேன பச்சயோ. (யதா² ஸப்பீதிகது³கம் ஏவம் ஆரம்மணம்பி அதி⁴பதிபி வித்தா²ரேதப்³பா³, ‘‘உபேக்கா²’’தி நானம்.)

அனந்தரபச்சயாதி³

187. உபேக்கா²ஸஹக³தோ த⁴ம்மோ உபேக்கா²ஸஹக³தஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா உபேக்கா²ஸஹக³தா க²ந்தா⁴ பச்சி²மானம் பச்சி²மானம் உபேக்கா²ஸஹக³தானம் க²ந்தா⁴னம் அனந்தரபச்சயேன பச்சயோ. (1)

உபேக்கா²ஸஹக³தோ த⁴ம்மோ நஉபேக்கா²ஸஹக³தஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா உபேக்கா²ஸஹக³தா க²ந்தா⁴ பச்சி²மாய பச்சி²மாய உபேக்கா²ய அனந்தரபச்சயேன பச்சயோ; உபேக்கா²ஸஹக³தம் சுதிசித்தம் நஉபேக்கா²ஸஹக³தஸ்ஸ உபபத்திசித்தஸ்ஸ… ஆவஜ்ஜனா நஉபேக்கா²ஸஹக³தானம் க²ந்தா⁴னம்… விபாகமனோதா⁴து நஉபேக்கா²ஸஹக³தாய விபாகமனோவிஞ்ஞாணதா⁴துயா… உபேக்கா²ஸஹக³தம் ப⁴வங்க³ம் நஉபேக்கா²ஸஹக³தஸ்ஸ ப⁴வங்க³ஸ்ஸ… உபேக்கா²ஸஹக³தம் குஸலாகுஸலம் நஉபேக்கா²ஸஹக³தஸ்ஸ வுட்டா²னஸ்ஸ… கிரியம் வுட்டா²னஸ்ஸ… ப²லம் வுட்டா²னஸ்ஸ… நிரோதா⁴ வுட்ட²ஹந்தஸ்ஸ நேவஸஞ்ஞானாஸஞ்ஞாயதனம் நஉபேக்கா²ஸஹக³தாய ப²லஸமாபத்தியா அனந்தரபச்சயேன பச்சயோ. (2)

உபேக்கா²ஸஹக³தோ த⁴ம்மோ உபேக்கா²ஸஹக³தஸ்ஸ ச நஉபேக்கா²ஸஹக³தஸ்ஸ ச த⁴ம்மஸ்ஸ அனந்தரபச்சயேன பச்சயோ – புரிமா புரிமா உபேக்கா²ஸஹக³தா க²ந்தா⁴ பச்சி²மானம் பச்சி²மானம் உபேக்கா²ஸஹக³தானம் க²ந்தா⁴னம் உபேக்கா²ய ச அனந்தரபச்சயேன பச்சயோ. (3)

188. நஉபேக்கா²ஸஹக³தோ த⁴ம்மோ நஉபேக்கா²ஸஹக³தஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா உபேக்கா² பச்சி²மாய பச்சி²மாய உபேக்கா²ய அனந்தரபச்சயேன பச்சயோ; புரிமா புரிமா நஉபேக்கா²ஸஹக³தா க²ந்தா⁴ பச்சி²மானம் பச்சி²மானம் நஉபேக்கா²ஸஹக³தானம் க²ந்தா⁴னம் அனந்தரபச்சயேன பச்சயோ; அனுலோமம் கோ³த்ரபு⁴ஸ்ஸ…பே… அனுலோமம் ப²லஸமாபத்தியா அனந்தரபச்சயேன பச்சயோ. (மூலம் காதப்³ப³ம்.) புரிமா புரிமா உபேக்கா² பச்சி²மானம் பச்சி²மானம் உபேக்கா²ஸஹக³தானம் க²ந்தா⁴னம் அனந்தரபச்சயேன பச்சயோ; நஉபேக்கா²ஸஹக³தம் சுதிசித்தம் உபேக்கா²ஸஹக³தஸ்ஸ உபபத்திசித்தஸ்ஸ… நஉபேக்கா²ஸஹக³தம் ப⁴வங்க³ம் ஆவஜ்ஜனாய… காயவிஞ்ஞாணதா⁴து விபாகமனோதா⁴துயா… நஉபேக்கா²ஸஹக³தா விபாகமனோவிஞ்ஞாணதா⁴து கிரியமனோவிஞ்ஞாணதா⁴துயா… நஉபேக்கா²ஸஹக³தம் ப⁴வங்க³ம் உபேக்கா²ஸஹக³தஸ்ஸ ப⁴வங்க³ஸ்ஸ… நஉபேக்கா²ஸஹக³தம் குஸலாகுஸலம் உபேக்கா²ஸஹக³தஸ்ஸ வுட்டா²னஸ்ஸ… கிரியம் வுட்டா²னஸ்ஸ… ப²லம் வுட்டா²னஸ்ஸ அனந்தரபச்சயேன பச்சயோ. (2)

நஉபேக்கா²ஸஹக³தோ த⁴ம்மோ உபேக்கா²ஸஹக³தஸ்ஸ ச நஉபேக்கா²ஸஹக³தஸ்ஸ ச த⁴ம்மஸ்ஸ அனந்தரபச்சயேன பச்சயோ – புரிமா புரிமா உபேக்கா² பச்சி²மானம் பச்சி²மானம் உபேக்கா²ஸஹக³தானம் க²ந்தா⁴னம் உபேக்கா²ய ச அனந்தரபச்சயேன பச்சயோ. (3)

189. உபேக்கா²ஸஹக³தோ ச நஉபேக்கா²ஸஹக³தோ ச த⁴ம்மா உபேக்கா²ஸஹக³தஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா உபேக்கா²ஸஹக³தா க²ந்தா⁴ ச உபேக்கா² ச பச்சி²மானம் பச்சி²மானம் உபேக்கா²ஸஹக³தானம் க²ந்தா⁴னம் அனந்தரபச்சயேன பச்சயோ. (மூலம் காதப்³ப³ம்.) புரிமா புரிமா உபேக்கா²ஸஹக³தா க²ந்தா⁴ ச உபேக்கா² ச பச்சி²மாய பச்சி²மாய உபேக்கா²ய அனந்தரபச்சயேன பச்சயோ; உபேக்கா²ஸஹக³தம் சுதிசித்தஞ்ச உபேக்கா² ச நஉபேக்கா²ஸஹக³தஸ்ஸ உபபத்திசித்தஸ்ஸ… ஆவஜ்ஜனா ச உபேக்கா² ச நஉபேக்கா²ஸஹக³தானம் க²ந்தா⁴னம்… விபாகமனோதா⁴து ச உபேக்கா² ச நஉபேக்கா²ஸஹக³தாய விபாகமனோவிஞ்ஞாணதா⁴துயா… உபேக்கா²ஸஹக³தம் ப⁴வங்க³ஞ்ச உபேக்கா² ச நஉபேக்கா²ஸஹக³தஸ்ஸ ப⁴வங்க³ஸ்ஸ… உபேக்கா²ஸஹக³தம் குஸலாகுஸலஞ்ச உபேக்கா² ச நஉபேக்கா²ஸஹக³தஸ்ஸ வுட்டா²னஸ்ஸ… கிரியஞ்ச உபேக்கா² ச வுட்டா²னஸ்ஸ… ப²லஞ்ச உபேக்கா² ச வுட்டா²னஸ்ஸ… நிரோதா⁴ வுட்ட²ஹந்தஸ்ஸ நேவஸஞ்ஞானாஸஞ்ஞாயதனஞ்ச உபேக்கா² ச நஉபேக்கா²ஸஹக³தாய ப²லஸமாபத்தியா அனந்தரபச்சயேன பச்சயோ. (மூலம் காதப்³ப³ம்.) புரிமா புரிமா உபேக்கா²ஸஹக³தா க²ந்தா⁴ ச உபேக்கா² ச பச்சி²மானம் பச்சி²மானம் உபேக்கா²ஸஹக³தானம் க²ந்தா⁴னம் உபேக்கா²ய ச அனந்தரபச்சயேன பச்சயோ. (3)

ஸமனந்தரபச்சயேன பச்சயோ… ஸஹஜாதபச்சயேன பச்சயோ… நவ… அஞ்ஞமஞ்ஞபச்சயேன பச்சயோ… நவ… நிஸ்ஸயபச்சயேன பச்சயோ… நவ.

உபனிஸ்ஸயபச்சயோ

190. உபேக்கா²ஸஹக³தோ த⁴ம்மோ உபேக்கா²ஸஹக³தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ… தீணி.

நஉபேக்கா²ஸஹக³தோ த⁴ம்மோ நஉபேக்கா²ஸஹக³தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – நஉபேக்கா²ஸஹக³தம் ஸத்³த⁴ம் உபனிஸ்ஸாய நஉபேக்கா²ஸஹக³தேன சித்தேன தா³னம் தே³தி, ஸீலம்…பே… உபோஸத²கம்மம்…பே… நஉபேக்கா²ஸஹக³தம் ஜா²னம்…பே… விபஸ்ஸனம்…பே… மக்³க³ம்…பே… ஸமாபத்திம் உப்பாதே³தி, மானம் ஜப்பேதி, தி³ட்டி²ம் க³ண்ஹாதி; நஉபேக்கா²ஸஹக³தம் ஸீலம்…பே… பஞ்ஞம்… ராக³ம்… தோ³ஸம்… மோஹம்… மானம்… தி³ட்டி²ம்… பத்த²னம்… காயிகம் ஸுக²ம்… காயிகம் து³க்க²ம்… உதும்… போ⁴ஜனம்… ஸேனாஸனம் உபேக்க²ம் உபனிஸ்ஸாய நஉபேக்கா²ஸஹக³தேன சித்தேன தா³னம் தே³தி…பே… ஸமாபத்திம் உப்பாதே³தி, பாணம் ஹனதி…பே… ஸங்க⁴ம் பி⁴ந்த³தி; நஉபேக்கா²ஸஹக³தா ஸத்³தா⁴…பே… ஸேனாஸனம் உபேக்கா² ச நஉபேக்கா²ஸஹக³தாய ஸத்³தா⁴ய…பே… பஞ்ஞாய… ராக³ஸ்ஸ…பே… பத்த²னாய… காயிகஸ்ஸ ஸுக²ஸ்ஸ… காயிகஸ்ஸ து³க்க²ஸ்ஸ … மக்³க³ஸ்ஸ, ப²லஸமாபத்தியா உபேக்கா²ய ச உபனிஸ்ஸயபச்சயேன பச்சயோ. (1)

நஉபேக்கா²ஸஹக³தோ த⁴ம்மோ உபேக்கா²ஸஹக³தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ (தீணிபி உபனிஸ்ஸயா). நஉபேக்கா²ஸஹக³தம் ஸத்³த⁴ம் உபனிஸ்ஸாய உபேக்கா²ஸஹக³தேன சித்தேன தா³னம் தே³தி…பே… ஸமாபத்திம் உப்பாதே³தி, மானம் ஜப்பேதி, தி³ட்டி²ம் க³ண்ஹாதி; நஉபேக்கா²ஸஹக³தம் ஸீலம்…பே… ஸேனாஸனம் உபேக்க²ம் உபனிஸ்ஸாய உபேக்கா²ஸஹக³தேன சித்தேன தா³னம் தே³தி…பே… ஸமாபத்திம் உப்பாதே³தி, உபேக்கா²ஸஹக³தேன சித்தேன அதி³ன்னம் ஆதி³யதி, முஸா ப⁴ணதி, பிஸுணம்…பே… ஸம்ப²ம்…பே… ஸந்தி⁴ம்…பே… நில்லோபம்…பே… ஏகாகா³ரிகம்…பே… பரிபந்தே²…பே… பரதா³ரம்…பே… கா³மகா⁴தம்…பே… நிக³மகா⁴தம் கரோதி; நஉபேக்கா²ஸஹக³தா ஸத்³தா⁴…பே… ஸேனாஸனம் உபேக்கா² ச உபேக்கா²ஸஹக³தாய ஸத்³தா⁴ய…பே… பத்த²னாய… மக்³க³ஸ்ஸ, ப²லஸமாபத்தியா உபனிஸ்ஸயபச்சயேன பச்சயோ.

நஉபேக்கா²ஸஹக³தோ த⁴ம்மோ உபேக்கா²ஸஹக³தஸ்ஸ ச நஉபேக்கா²ஸஹக³தஸ்ஸ ச த⁴ம்மஸ்ஸ உபனிஸ்ஸயபச்சயேன பச்சயோ (தீணி உபனிஸ்ஸயா து³தியக³மனஸதி³ஸா). (3)

உபேக்கா²ஸஹக³தோ ச நஉபேக்கா²ஸஹக³தோ ச த⁴ம்மா உபேக்கா²ஸஹக³தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ… தீணி.

புரேஜாதபச்சயோ

191. நஉபேக்கா²ஸஹக³தோ த⁴ம்மோ நஉபேக்கா²ஸஹக³தஸ்ஸ த⁴ம்மஸ்ஸ புரேஜாதபச்சயேன பச்சயோ… தீணி (ஸப்பீதிகது³கஸதி³ஸா).

பச்சா²ஜாதபச்சயாதி³

192. உபேக்கா²ஸஹக³தோ த⁴ம்மோ நஉபேக்கா²ஸஹக³தஸ்ஸ த⁴ம்மஸ்ஸ பச்சா²ஜாதபச்சயேன பச்சயோ… தீணி… ஆஸேவனபச்சயேன பச்சயோ… நவ… கம்மபச்சயேன பச்சயோ… ச². (சத்தாரி ஸஹஜாதா நானாக்க²ணிகா காதப்³பா³, த்³வே நானாக்க²ணிகா ச.)… விபாகபச்சயேன பச்சயோ… நவ… ஆஹாரபச்சயேன பச்சயோ… சத்தாரி… இந்த்³ரியபச்சயேன பச்சயோ… நவ… ஜா²னபச்சயேன பச்சயோ… நவ… மக்³க³பச்சயேன பச்சயோ… சத்தாரி… ஸம்பயுத்தபச்சயேன பச்சயோ… ச²… விப்பயுத்தபச்சயேன பச்சயோ… பஞ்ச… அத்தி²பச்சயேன பச்சயோ… நவ… நத்தி²பச்சயேன பச்சயோ… விக³தபச்சயேன பச்சயோ… அவிக³தபச்சயேன பச்சயோ. (இமானி பச்சயானி ஸப்பீதிககரணேன விப⁴ஜிதப்³பா³னி.)