1. விப⁴ங்க³வாரோ

ஹேதுபச்சயோ

68. த³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ ஹேதுபச்சயேன பச்சயோ – த³ஸ்ஸனேன பஹாதப்³ப³ஹேதுகா ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ. (மூலம் காதப்³ப³ம்.) த³ஸ்ஸனேன பஹாதப்³ப³ஹேதுகா ஹேதூ சித்தஸமுட்டா²னானம் ரூபானம் ஹேதுபச்சயேன பச்சயோ. (மூலம் காதப்³ப³ம்.) த³ஸ்ஸனேன பஹாதப்³ப³ஹேதுகா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ. (3)

69. நத³ஸ்ஸனேன பஹாதப்³ப³ஹேதுகோ த⁴ம்மோ நத³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ ஹேதுபச்சயேன பச்சயோ – நத³ஸ்ஸனேன பஹாதப்³ப³ஹேதுகா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ, விசிகிச்சா²ஸஹக³தோ மோஹோ சித்தஸமுட்டா²னானம் ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (மூலம் காதப்³ப³ம்.) விசிகிச்சா²ஸஹக³தோ மோஹோ ஸம்பயுத்தகானம் க²ந்தா⁴னம் ஹேதுபச்சயேன பச்சயோ. (மூலம் காதப்³ப³ம்.) விசிகிச்சா²ஸஹக³தோ மோஹோ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ. (3)

ஆரம்மணபச்சயோ

70. த³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ ஆரம்மணபச்சயேன பச்சயோ – த³ஸ்ஸனேன பஹாதப்³ப³ஹேதுகே க²ந்தே⁴ ஆரப்³ப⁴ த³ஸ்ஸனேன பஹாதப்³ப³ஹேதுகா க²ந்தா⁴ உப்பஜ்ஜந்தி. (மூலம் காதப்³ப³ம்.) த³ஸ்ஸனேன பஹாதப்³ப³ஹேதுகே க²ந்தே⁴ ஆரப்³ப⁴ நத³ஸ்ஸனேன பஹாதப்³ப³ஹேதுகா க²ந்தா⁴ ச மோஹோ ச உப்பஜ்ஜந்தி. (மூலம் காதப்³ப³ம்.) த³ஸ்ஸனேன பஹாதப்³ப³ஹேதுகே க²ந்தே⁴ ஆரப்³ப⁴ விசிகிச்சா²ஸஹக³தா க²ந்தா⁴ ச மோஹோ ச உப்பஜ்ஜந்தி. (3)

71. நத³ஸ்ஸனேன பஹாதப்³ப³ஹேதுகோ த⁴ம்மோ நத³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம்…பே… ஸீலம்…பே… உபோஸத²கம்மம் கத்வா தம் பச்சவேக்க²தி, அஸ்ஸாதே³தி அபி⁴னந்த³தி, தம் ஆரப்³ப⁴ நத³ஸ்ஸனேன பஹாதப்³ப³ஹேதுகோ ராகோ³ உப்பஜ்ஜதி, உத்³த⁴ச்சம் உப்பஜ்ஜதி, நத³ஸ்ஸனேன பஹாதப்³ப³ஹேதுகம் தோ³மனஸ்ஸம் உப்பஜ்ஜதி, புப்³பே³ ஸுசிண்ணானி …பே… ஜா²னா வுட்ட²ஹித்வா…பே… அரியா மக்³கா³ வுட்ட²ஹித்வா மக்³க³ம் பச்சவேக்க²ந்தி…பே… அரியா நத³ஸ்ஸனேன பஹாதப்³ப³ஹேதுகே பஹீனே கிலேஸே பச்சவேக்க²ந்தி, விக்க²ம்பி⁴தே கிலேஸே…பே… புப்³பே³ ஸமுதா³சிண்ணே கிலேஸே ஜானந்தி, சக்கு²ம்…பே… வத்து²ம் நத³ஸ்ஸனேன பஹாதப்³ப³ஹேதுகே க²ந்தே⁴ ச மோஹஞ்ச அனிச்சதோ…பே… விபஸ்ஸதி, அஸ்ஸாதே³தி அபி⁴னந்த³தி, தம் ஆரப்³ப⁴ நத³ஸ்ஸனேன பஹாதப்³ப³ஹேதுகோ ராகோ³ உப்பஜ்ஜதி, உத்³த⁴ச்சம் உப்பஜ்ஜதி, நத³ஸ்ஸனேன பஹாதப்³ப³ஹேதுகம் தோ³மனஸ்ஸம் உப்பஜ்ஜதி, தி³ப்³பே³ன சக்கு²னா ரூபம் பஸ்ஸதி…பே… அனாக³தம்ஸஞாணஸ்ஸ, ஆவஜ்ஜனாய, மோஹஸ்ஸ ச ஆரம்மணபச்சயேன பச்சயோ.

நத³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம்…பே… ஜா²னம்…பே… சக்கு²ம்…பே… வத்து²ம் நத³ஸ்ஸனேன பஹாதப்³ப³ஹேதுகே க²ந்தே⁴ ச மோஹஞ்ச அஸ்ஸாதே³தி அபி⁴னந்த³தி, தம் ஆரப்³ப⁴ த³ஸ்ஸனேன பஹாதப்³ப³ஹேதுகோ ராகோ³ உப்பஜ்ஜதி, தி³ட்டி²…பே… விசிகிச்சா²…பே… த³ஸ்ஸனேன பஹாதப்³ப³ஹேதுகம் தோ³மனஸ்ஸம் உப்பஜ்ஜதி.

நத³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ ச நத³ஸ்ஸனேன பஹாதப்³ப³ஹேதுகஸ்ஸ ச த⁴ம்மஸ்ஸ ஆரம்மணபச்சயேன பச்சயோ – சக்கு²ம்…பே… வத்து²ம் நத³ஸ்ஸனேன பஹாதப்³ப³ஹேதுகே க²ந்தே⁴ ச மோஹஞ்ச ஆரப்³ப⁴ விசிகிச்சா²ஸஹக³தா க²ந்தா⁴ ச மோஹோ ச உப்பஜ்ஜந்தி. (3)

72. த³ஸ்ஸனேன பஹாதப்³ப³ஹேதுகோ ச நத³ஸ்ஸனேன பஹாதப்³ப³ஹேதுகோ ச த⁴ம்மா த³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ ஆரம்மணபச்சயேன பச்சயோ – விசிகிச்சா²ஸஹக³தே க²ந்தே⁴ ச மோஹஞ்ச ஆரப்³ப⁴ த³ஸ்ஸனேன பஹாதப்³ப³ஹேதுகா க²ந்தா⁴ உப்பஜ்ஜந்தி. (மூலம் காதப்³ப³ம்.) விசிகிச்சா²ஸஹக³தே க²ந்தே⁴ ச மோஹஞ்ச ஆரப்³ப⁴ நத³ஸ்ஸனேன பஹாதப்³ப³ஹேதுகா க²ந்தா⁴ ச மோஹோ ச உப்பஜ்ஜந்தி. (மூலம் காதப்³ப³ம்.) விசிகிச்சா²ஸஹக³தே க²ந்தே⁴ ச மோஹஞ்ச ஆரப்³ப⁴ விசிகிச்சா²ஸஹக³தா க²ந்தா⁴ ச மோஹோ ச உப்பஜ்ஜந்தி. (3)

அதி⁴பதிபச்சயோ

73. த³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – த³ஸ்ஸனேன பஹாதப்³ப³ஹேதுகே க²ந்தே⁴ க³ரும் கத்வா த³ஸ்ஸனேன பஹாதப்³ப³ஹேதுகா க²ந்தா⁴ உப்பஜ்ஜந்தி. ஸஹஜாதாதி⁴பதி – த³ஸ்ஸனேன பஹாதப்³ப³ஹேதுகாதி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. (1)

த³ஸ்ஸனேன பஹாதப்³ப³ஹேதுகோ த⁴ம்மோ நத³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – த³ஸ்ஸனேன பஹாதப்³ப³ஹேதுகாதி⁴பதி சித்தஸமுட்டா²னானம் ரூபானம் அதி⁴பதிபச்சயேன பச்சயோ. (2)

த³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ ச நத³ஸ்ஸனேன பஹாதப்³ப³ஹேதுகஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – த³ஸ்ஸனேன பஹாதப்³ப³ஹேதுகாதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)

74. நத³ஸ்ஸனேன பஹாதப்³ப³ஹேதுகோ த⁴ம்மோ நத³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம்…பே… ஸீலம்…பே… உபோஸத²கம்மம் கத்வா தம் க³ரும் கத்வா பச்சவேக்க²தி அஸ்ஸாதே³தி அபி⁴னந்த³தி, தம் க³ரும் கத்வா நத³ஸ்ஸனேன பஹாதப்³ப³ஹேதுகோ ராகோ³ உப்பஜ்ஜதி, புப்³பே³ ஸுசிண்ணானி…பே… ஜா²னா…பே… அரியா மக்³கா³ வுட்ட²ஹித்வா மக்³க³ம் க³ரும் கத்வா…பே… ப²லஸ்ஸ அதி⁴பதிபச்சயேன பச்சயோ; சக்கு²ம்…பே… வத்து²ம் நத³ஸ்ஸனேன பஹாதப்³ப³ஹேதுகே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா நத³ஸ்ஸனேன பஹாதப்³ப³ஹேதுகோ ராகோ³ உப்பஜ்ஜதி. ஸஹஜாதாதி⁴பதி – நத³ஸ்ஸனேன பஹாதப்³ப³ஹேதுகாதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (1)

நத³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – தா³னம்…பே… ஸீலம்…பே… உபோஸத²கம்மம் கத்வா…பே… ஜா²னா…பே… சக்கு²ம்…பே… வத்து²ம் நத³ஸ்ஸனேன பஹாதப்³ப³ஹேதுகே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா த³ஸ்ஸனேன பஹாதப்³ப³ஹேதுகோ ராகோ³ உப்பஜ்ஜதி, தி³ட்டி² உப்பஜ்ஜதி. (2)

அனந்தரபச்சயோ

75. த³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா த³ஸ்ஸனேன பஹாதப்³ப³ஹேதுகா க²ந்தா⁴ பச்சி²மானம் பச்சி²மானம் த³ஸ்ஸனேன பஹாதப்³ப³ஹேதுகானம் க²ந்தா⁴னம் அனந்தரபச்சயேன பச்சயோ. (மூலம் காதப்³ப³ம்.) புரிமா புரிமா விசிகிச்சா²ஸஹக³தா க²ந்தா⁴ பச்சி²மஸ்ஸ பச்சி²மஸ்ஸ விசிகிச்சா²ஸஹக³தஸ்ஸ மோஹஸ்ஸ அனந்தரபச்சயேன பச்சயோ; த³ஸ்ஸனேன பஹாதப்³ப³ஹேதுகா க²ந்தா⁴ வுட்டா²னஸ்ஸ அனந்தரபச்சயேன பச்சயோ. (மூலம் காதப்³ப³ம்.) புரிமா புரிமா விசிகிச்சா²ஸஹக³தா க²ந்தா⁴ பச்சி²மானம் பச்சி²மானம் விசிகிச்சா²ஸஹக³தானம் க²ந்தா⁴னம் மோஹஸ்ஸ ச அனந்தரபச்சயேன பச்சயோ. (3)

76. நத³ஸ்ஸனேன பஹாதப்³ப³ஹேதுகோ த⁴ம்மோ நத³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ அனந்தரபச்சயேன பச்சயோ – புரிமோ புரிமோ விசிகிச்சா²ஸஹக³தோ மோஹோ பச்சி²மஸ்ஸ பச்சி²மஸ்ஸ விசிகிச்சா²ஸஹக³தஸ்ஸ மோஹஸ்ஸ அனந்தரபச்சயேன பச்சயோ; புரிமா புரிமா நத³ஸ்ஸனேன பஹாதப்³ப³ஹேதுகா க²ந்தா⁴…பே… ப²லஸமாபத்தியா அனந்தரபச்சயேன பச்சயோ. (மூலம் காதப்³ப³ம்.) புரிமோ புரிமோ விசிகிச்சா²ஸஹக³தோ மோஹோ பச்சி²மானம் பச்சி²மானம் விசிகிச்சா²ஸஹக³தானம் க²ந்தா⁴னம் அனந்தரபச்சயேன பச்சயோ; ஆவஜ்ஜனா த³ஸ்ஸனேன பஹாதப்³ப³ஹேதுகானம் க²ந்தா⁴னம் அனந்தரபச்சயேன பச்சயோ. (மூலம் காதப்³ப³ம்.) புரிமோ புரிமோ விசிகிச்சா²ஸஹக³தோ மோஹோ பச்சி²மானம் பச்சி²மானம் விசிகிச்சா²ஸஹக³தானம் க²ந்தா⁴னம் மோஹஸ்ஸ ச அனந்தரபச்சயேன பச்சயோ; ஆவஜ்ஜனா விசிகிச்சா²ஸஹக³தானம் க²ந்தா⁴னம் மோஹஸ்ஸ ச அனந்தரபச்சயேன பச்சயோ. (3)

77. த³ஸ்ஸனேன பஹாதப்³ப³ஹேதுகோ ச நத³ஸ்ஸனேன பஹாதப்³ப³ஹேதுகோ ச த⁴ம்மா த³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா விசிகிச்சா²ஸஹக³தா க²ந்தா⁴ ச மோஹோ ச பச்சி²மானம் பச்சி²மானம் விசிகிச்சா²ஸஹக³தானம் க²ந்தா⁴னம் அனந்தரபச்சயேன பச்சயோ. (மூலம் காதப்³ப³ம்.) புரிமா புரிமா விசிகிச்சா²ஸஹக³தா க²ந்தா⁴ ச மோஹோ ச பச்சி²மஸ்ஸ பச்சி²மஸ்ஸ விசிகிச்சா²ஸஹக³தஸ்ஸ மோஹஸ்ஸ அனந்தரபச்சயேன பச்சயோ; விசிகிச்சா²ஸஹக³தா க²ந்தா⁴ ச மோஹோ ச வுட்டா²னஸ்ஸ அனந்தரபச்சயேன பச்சயோ. (மூலம் காதப்³ப³ம்.) புரிமா புரிமா விசிகிச்சா²ஸஹக³தா க²ந்தா⁴ ச மோஹோ ச பச்சி²மானம் பச்சி²மானம் விசிகிச்சா²ஸஹக³தானம் க²ந்தா⁴னம் மோஹஸ்ஸ ச அனந்தரபச்சயேன பச்சயோ. (3)

ஸமனந்தரபச்சயேன பச்சயோ… நவ… ஸஹஜாதபச்சயேன பச்சயோ… நவ… அஞ்ஞமஞ்ஞபச்சயேன பச்சயோ… ச²… நிஸ்ஸயபச்சயேன பச்சயோ… நவ.

உபனிஸ்ஸயபச்சயோ

78. த³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – த³ஸ்ஸனேன பஹாதப்³ப³ஹேதுகா க²ந்தா⁴ த³ஸ்ஸனேன பஹாதப்³ப³ஹேதுகானம் க²ந்தா⁴னம் உபனிஸ்ஸயபச்சயேன பச்சயோ. (அவஸேஸேஸு த்³வீஸு அனந்தரூபனிஸ்ஸயோ, பகதூபனிஸ்ஸயோ.) (மூலம் காதப்³ப³ம்.) த³ஸ்ஸனேன பஹாதப்³ப³ஹேதுகா க²ந்தா⁴ நத³ஸ்ஸனேன பஹாதப்³ப³ஹேதுகானம் க²ந்தா⁴னம் மோஹஸ்ஸ ச உபனிஸ்ஸயபச்சயேன பச்சயோ. (மூலம் காதப்³ப³ம்.) த³ஸ்ஸனேன பஹாதப்³ப³ஹேதுகா க²ந்தா⁴ விசிகிச்சா²ஸஹக³தானம் க²ந்தா⁴னம் மோஹஸ்ஸ ச உபனிஸ்ஸயபச்சயேன பச்சயோ. (3)

79. நத³ஸ்ஸனேன பஹாதப்³ப³ஹேதுகோ த⁴ம்மோ நத³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸத்³த⁴ம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி மானம் ஜப்பேதி; ஸீலம் …பே… பஞ்ஞம்… நத³ஸ்ஸனேன பஹாதப்³ப³ஹேதுகம் ராக³ம்… தோ³ஸம்… மோஹம்… மானம்… பத்த²னம்… காயிகம் ஸுக²ம்… காயிகம் து³க்க²ம்… உதும்… போ⁴ஜனம்… ஸேனாஸனம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி; ஸத்³தா⁴…பே… ஸேனாஸனம் ஸத்³தா⁴ய…பே… பஞ்ஞாய நத³ஸ்ஸனேன பஹாதப்³ப³ஹேதுகஸ்ஸ ராக³ஸ்ஸ…பே… பத்த²னாய ப²லஸமாபத்தியா உபனிஸ்ஸயபச்சயேன பச்சயோ. (1)

நத³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸத்³த⁴ம் உபனிஸ்ஸாய தி³ட்டி²ம் க³ண்ஹாதி; ஸீலம்…பே… பஞ்ஞம்… நத³ஸ்ஸனேன பஹாதப்³ப³ஹேதுகம் ராக³ம்… தோ³ஸம்… மோஹம்… மானம்… பத்த²னம்… காயிகம் ஸுக²ம்… காயிகம் து³க்க²ம்… உதும்… போ⁴ஜனம்… ஸேனாஸனம் உபனிஸ்ஸாய பாணம் ஹனதி…பே… ஸங்க⁴ம் பி⁴ந்த³தி; ஸத்³தா⁴…பே… ஸேனாஸனம் த³ஸ்ஸனேன பஹாதப்³ப³ஹேதுகஸ்ஸ ராக³ஸ்ஸ… தோ³ஸஸ்ஸ… மோஹஸ்ஸ… தி³ட்டி²யா… பத்த²னாய உபனிஸ்ஸயபச்சயேன பச்சயோ. (2)

நத³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ ச நத³ஸ்ஸனேன பஹாதப்³ப³ஹேதுகஸ்ஸ ச த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸத்³தா⁴…பே… பஞ்ஞா, நத³ஸ்ஸனேன பஹாதப்³ப³ஹேதுகோ ராகோ³… தோ³ஸோ… மோஹோ… மானோ… பத்த²னா… காயிகம் ஸுக²ம்…பே… ஸேனாஸனம், விசிகிச்சா²ஸஹக³தானம் க²ந்தா⁴னம் மோஹஸ்ஸ ச உபனிஸ்ஸயபச்சயேன பச்சயோ. (3)

80. த³ஸ்ஸனேன பஹாதப்³ப³ஹேதுகோ ச நத³ஸ்ஸனேன பஹாதப்³ப³ஹேதுகோ ச த⁴ம்மா த³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – விசிகிச்சா²ஸஹக³தா க²ந்தா⁴ ச மோஹோ ச த³ஸ்ஸனேன பஹாதப்³ப³ஹேதுகானம் க²ந்தா⁴னம் உபனிஸ்ஸயபச்சயேன பச்சயோ. (மூலம் காதப்³ப³ம்.) விசிகிச்சா²ஸஹக³தா க²ந்தா⁴ ச மோஹோ ச நத³ஸ்ஸனேன பஹாதப்³ப³ஹேதுகானம் க²ந்தா⁴னம் மோஹஸ்ஸ ச உபனிஸ்ஸயபச்சயேன பச்சயோ. (மூலம் காதப்³ப³ம்.) விசிகிச்சா²ஸஹக³தா க²ந்தா⁴ ச மோஹோ ச விசிகிச்சா²ஸஹக³தானம் க²ந்தா⁴னம் மோஹஸ்ஸ ச உபனிஸ்ஸயபச்சயேன பச்சயோ. (3)

புரேஜாதபச்சயோ

81. நத³ஸ்ஸனேன பஹாதப்³ப³ஹேதுகோ த⁴ம்மோ நத³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ…பே… விபஸ்ஸதி, அஸ்ஸாதே³தி அபி⁴னந்த³தி, தம் ஆரப்³ப⁴ நத³ஸ்ஸனேன பஹாதப்³ப³ஹேதுகோ ராகோ³ உப்பஜ்ஜதி, உத்³த⁴ச்சம் உப்பஜ்ஜதி, நத³ஸ்ஸனேன பஹாதப்³ப³ஹேதுகம் தோ³மனஸ்ஸம் உப்பஜ்ஜதி; தி³ப்³பே³ன…பே…. (ஸம்கி²த்தம். வத்து²புரேஜாதம் ஸம்கி²த்தம்.) (1)

நத³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அஸ்ஸாதே³தி அபி⁴னந்த³தி, தம் ஆரப்³ப⁴ த³ஸ்ஸனேன பஹாதப்³ப³ஹேதுகோ ராகோ³ உப்பஜ்ஜதி, தி³ட்டி²…பே… விசிகிச்சா²…பே… த³ஸ்ஸனேன பஹாதப்³ப³ஹேதுகம் தோ³மனஸ்ஸம் உப்பஜ்ஜதி. (வத்து²புரேஜாதம் ஸம்கி²த்தம்.) (2)

நத³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ ச நத³ஸ்ஸனேன பஹாதப்³ப³ஹேதுகஸ்ஸ ச த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் ஆரப்³ப⁴ விசிகிச்சா²ஸஹக³தா க²ந்தா⁴ ச மோஹோ ச உப்பஜ்ஜந்தி. (வத்து²புரேஜாதம் ஸம்கி²த்தம்.) (3)

பச்சா²ஜாதாஸேவனபச்சயா

82. த³ஸ்ஸனேன பஹாதப்³ப³ஹேதுகோ த⁴ம்மோ நத³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ பச்சா²ஜாதபச்சயேன பச்சயோ (ஸம்கி²த்தம்). நத³ஸ்ஸனேன பஹாதப்³ப³ஹேதுகோ த⁴ம்மோ நத³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ பச்சா²ஜாதபச்சயேன பச்சயோ (ஸம்கி²த்தம்). த³ஸ்ஸனேன பஹாதப்³ப³ஹேதுகோ ச நத³ஸ்ஸனேன பஹாதப்³ப³ஹேதுகோ ச த⁴ம்மா நத³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ பச்சா²ஜாதபச்சயேன பச்சயோ (ஸம்கி²த்தம்)… ஆஸேவனபச்சயேன பச்சயோ.

கம்மபச்சயாதி³

83. த³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ கம்மபச்சயேன பச்சயோ – த³ஸ்ஸனேன பஹாதப்³ப³ஹேதுகா சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ. (மூலம் காதப்³ப³ம்.) ஸஹஜாதா, நானாக்க²ணிகா. ஸஹஜாதா – த³ஸ்ஸனேன பஹாதப்³ப³ஹேதுகா சேதனா சித்தஸமுட்டா²னானம் ரூபானம் கம்மபச்சயேன பச்சயோ. நானாக்க²ணிகா – த³ஸ்ஸனேன பஹாதப்³ப³ஹேதுகா சேதனா விபாகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. த³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ ச நத³ஸ்ஸனேன பஹாதப்³ப³ஹேதுகஸ்ஸ ச த⁴ம்மஸ்ஸ கம்மபச்சயேன பச்சயோ – த³ஸ்ஸனேன பஹாதப்³ப³ஹேதுகா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ. (3)

நத³ஸ்ஸனேன பஹாதப்³ப³ஹேதுகோ த⁴ம்மோ நத³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – நத³ஸ்ஸனேன பஹாதப்³ப³ஹேதுகா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – நத³ஸ்ஸனேன பஹாதப்³ப³ஹேதுகா சேதனா விபாகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (1)

விபாகபச்சயேன பச்சயோ… ஆஹாரபச்சயேன பச்சயோ… இந்த்³ரியபச்சயேன பச்சயோ… ஜா²னபச்சயேன பச்சயோ… மக்³க³பச்சயேன பச்சயோ… ஸம்பயுத்தபச்சயேன பச்சயோ… ச²… விப்பயுத்தபச்சயேன பச்சயோ… பஞ்ச.

அத்தி²பச்சயாதி³

84. த³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ அத்தி²பச்சயேன பச்சயோ… தீணி.

நத³ஸ்ஸனேன பஹாதப்³ப³ஹேதுகோ த⁴ம்மோ நத³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம் (ஸம்கி²த்தம்). நத³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம் (ஸம்கி²த்தம்). நத³ஸ்ஸனேன பஹாதப்³ப³ஹேதுகோ த⁴ம்மோ த³ஸ்ஸனேன பஹாதப்³ப³ஹேதுகஸ்ஸ ச நத³ஸ்ஸனேன பஹாதப்³ப³ஹேதுகஸ்ஸ ச த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம் (ஸம்கி²த்தம்). (3)

85. த³ஸ்ஸனேன பஹாதப்³ப³ஹேதுகோ ச நத³ஸ்ஸனேன பஹாதப்³ப³ஹேதுகோ ச த⁴ம்மா த³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – த³ஸ்ஸனேன பஹாதப்³ப³ஹேதுகோ ஏகோ க²ந்தோ⁴ ச வத்து² ச திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴ ச…பே… விசிகிச்சா²ஸஹக³தோ ஏகோ க²ந்தோ⁴ ச மோஹோ ச திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴ ச…பே…. த³ஸ்ஸனேன பஹாதப்³ப³ஹேதுகோ ச நத³ஸ்ஸனேன பஹாதப்³ப³ஹேதுகோ ச த⁴ம்மா நத³ஸ்ஸனேன பஹாதப்³ப³ஹேதுகஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம் (ஸம்கி²த்தம்). த³ஸ்ஸனேன பஹாதப்³ப³ஹேதுகோ ச நத³ஸ்ஸனேன பஹாதப்³ப³ஹேதுகோ ச த⁴ம்மா த³ஸ்ஸனேன பஹாதப்³ப³ஹேதுகஸ்ஸ ச நத³ஸ்ஸனேன பஹாதப்³ப³ஹேதுகஸ்ஸ ச த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம் (ஸம்கி²த்தம்). (3)

நத்தி²பச்சயேன பச்சயோ… விக³தபச்சயேன பச்சயோ… அவிக³தபச்சயேன பச்சயோ.