1. விப⁴ங்க³வாரோ

ஹேதுபச்சயோ

13. த³ஸ்ஸனேன பஹாதப்³போ³ த⁴ம்மோ த³ஸ்ஸனேன பஹாதப்³ப³ஸ்ஸ த⁴ம்மஸ்ஸ ஹேதுபச்சயேன பச்சயோ… தீணி.

நத³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ ஹேதுபச்சயேன பச்சயோ – நத³ஸ்ஸனேன பஹாதப்³பா³ ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (1)

ஆரம்மணபச்சயோ

14. த³ஸ்ஸனேன பஹாதப்³போ³ த⁴ம்மோ த³ஸ்ஸனேன பஹாதப்³ப³ஸ்ஸ த⁴ம்மஸ்ஸ ஆரம்மணபச்சயேன பச்சயோ – த³ஸ்ஸனேன பஹாதப்³ப³ம் ராக³ம் அஸ்ஸாதே³தி அபி⁴னந்த³தி, தம் ஆரப்³ப⁴ த³ஸ்ஸனேன பஹாதப்³போ³ ராகோ³ உப்பஜ்ஜதி, தி³ட்டி²…பே… விசிகிச்சா² உப்பஜ்ஜதி, த³ஸ்ஸனேன பஹாதப்³ப³ம் தோ³மனஸ்ஸம் உப்பஜ்ஜதி; த³ஸ்ஸனேன பஹாதப்³ப³ம் தி³ட்டி²ம் அஸ்ஸாதே³தி அபி⁴னந்த³தி, தம் ஆரப்³ப⁴ த³ஸ்ஸனேன பஹாதப்³போ³ ராகோ³ உப்பஜ்ஜதி, தி³ட்டி²…பே… விசிகிச்சா²…பே… தோ³மனஸ்ஸம் உப்பஜ்ஜதி; விசிகிச்ச²ம் ஆரப்³ப⁴ விசிகிச்சா² உப்பஜ்ஜதி, தி³ட்டி²…பே… தோ³மனஸ்ஸம் உப்பஜ்ஜதி; த³ஸ்ஸனேன பஹாதப்³ப³ம் தோ³மனஸ்ஸம் ஆரப்³ப⁴ த³ஸ்ஸனேன பஹாதப்³ப³ம் தோ³மனஸ்ஸம் உப்பஜ்ஜதி, தி³ட்டி² உப்பஜ்ஜதி, விசிகிச்சா² உப்பஜ்ஜதி. (1)

த³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ ஆரம்மணபச்சயேன பச்சயோ – அரியா த³ஸ்ஸனேன பஹாதப்³பே³ பஹீனே கிலேஸே பச்சவேக்க²ந்தி, புப்³பே³ ஸமுதா³சிண்ணே…பே… த³ஸ்ஸனேன பஹாதப்³பே³ க²ந்தே⁴ அனிச்சதோ…பே… விபஸ்ஸதி, சேதோபரியஞாணேன த³ஸ்ஸனேன பஹாதப்³ப³சித்தஸமங்கி³ஸ்ஸ சித்தம் ஜானாதி, த³ஸ்ஸனேன பஹாதப்³பா³ க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (2)

15. நத³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம்…பே… ஸீலம்…பே… உபோஸத²கம்மம் கத்வா தம் பச்சவேக்க²தி அஸ்ஸாதே³தி அபி⁴னந்த³தி, தம் ஆரப்³ப⁴ நத³ஸ்ஸனேன பஹாதப்³போ³ ராகோ³ உப்பஜ்ஜதி; உத்³த⁴ச்சம்…பே… நத³ஸ்ஸனேன பஹாதப்³ப³ம் தோ³மனஸ்ஸம் உப்பஜ்ஜதி, புப்³பே³ ஸுசிண்ணானி…பே… ஜா²னா …பே… அரியா மக்³கா³ வுட்ட²ஹித்வா மக்³க³ம் பச்சவேக்க²ந்தி…பே… ப²லஸ்ஸ ஆவஜ்ஜனாய ஆரம்மணபச்சயேன பச்சயோ; அரியா நத³ஸ்ஸனேன பஹாதப்³பே³ பஹீனே கிலேஸே பச்சவேக்க²ந்தி, விக்க²ம்பி⁴தே கிலேஸே…பே… புப்³பே³…பே… சக்கு²ம்…பே… வத்து²ம் நத³ஸ்ஸனேன பஹாதப்³பே³ க²ந்தே⁴ அனிச்சதோ…பே… விபஸ்ஸதி அஸ்ஸாதே³தி அபி⁴னந்த³தி, தம் ஆரப்³ப⁴ நத³ஸ்ஸனேன பஹாதப்³போ³ ராகோ³ உப்பஜ்ஜதி, உத்³த⁴ச்சம்…பே… நத³ஸ்ஸனேன பஹாதப்³ப³ம் தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி…பே… அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

நத³ஸ்ஸனேன பஹாதப்³போ³ த⁴ம்மோ த³ஸ்ஸனேன பஹாதப்³ப³ஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம்…பே… ஸீலம்…பே… உபோஸத²கம்மம்…பே… புப்³பே³…பே… ஜா²னா…பே… சக்கு²ம் …பே… வத்து²ம் நத³ஸ்ஸனேன பஹாதப்³பே³ க²ந்தே⁴ அஸ்ஸாதே³தி அபி⁴னந்த³தி, தம் ஆரப்³ப⁴ த³ஸ்ஸனேன பஹாதப்³போ³ ராகோ³ உப்பஜ்ஜதி, தி³ட்டி²…பே… விசிகிச்சா²…பே… த³ஸ்ஸனேன பஹாதப்³ப³ம் தோ³மனஸ்ஸம் உப்பஜ்ஜதி. (2)

அதி⁴பதிபச்சயோ

16. த³ஸ்ஸனேன பஹாதப்³போ³ த⁴ம்மோ த³ஸ்ஸனேன பஹாதப்³ப³ஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – த³ஸ்ஸனேன பஹாதப்³ப³ம் ராக³ம் க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா த³ஸ்ஸனேன பஹாதப்³போ³ ராகோ³ உப்பஜ்ஜதி, தி³ட்டி² உப்பஜ்ஜதி, தி³ட்டி²ம் க³ரும் கத்வா…பே…. ஸஹஜாதாதி⁴பதி – த³ஸ்ஸனேன பஹாதப்³பா³தி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. (1)

த³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – த³ஸ்ஸனேன பஹாதப்³பா³தி⁴பதி சித்தஸமுட்டா²னானம் ரூபானம் அதி⁴பதிபச்சயேன பச்சயோ. (2)

த³ஸ்ஸனேன பஹாதப்³போ³ த⁴ம்மோ த³ஸ்ஸனேன பஹாதப்³ப³ஸ்ஸ ச நத³ஸ்ஸனேன பஹாதப்³ப³ஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – த³ஸ்ஸனேன பஹாதப்³பா³தி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)

17. நத³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம்…பே… ஸீலம்…பே… உபோஸத²கம்மம்…பே… புப்³பே³…பே… ஜா²னா வுட்ட²ஹித்வா ஜா²னம் க³ரும் கத்வா பச்சவேக்க²தி, அஸ்ஸாதே³தி அபி⁴னந்த³தி, தம் க³ரும் கத்வா நத³ஸ்ஸனேன பஹாதப்³போ³ ராகோ³ உப்பஜ்ஜதி, அரியா மக்³கா³ வுட்ட²ஹித்வா மக்³க³ம் க³ரும் கத்வா…பே… ப²லஸ்ஸ அதி⁴பதிபச்சயேன பச்சயோ; சக்கு²ம்…பே… வத்து²ம் நத³ஸ்ஸனேன பஹாதப்³பே³ க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா நத³ஸ்ஸனேன பஹாதப்³போ³ ராகோ³ உப்பஜ்ஜதி. ஸஹஜாதாதி⁴பதி – நத³ஸ்ஸனேன பஹாதப்³பா³தி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (1)

நத³ஸ்ஸனேன பஹாதப்³போ³ த⁴ம்மோ த³ஸ்ஸனேன பஹாதப்³ப³ஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – தா³னம் த³த்வா…பே… ஜா²னம்…பே… சக்கு²ம்…பே… வத்து²ம் நத³ஸ்ஸனேன பஹாதப்³பே³ க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா த³ஸ்ஸனேன பஹாதப்³போ³ ராகோ³ உப்பஜ்ஜதி, தி³ட்டி² உப்பஜ்ஜதி. (2)

அனந்தரபச்சயோ

18. த³ஸ்ஸனேன பஹாதப்³போ³ த⁴ம்மோ த³ஸ்ஸனேன பஹாதப்³ப³ஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா த³ஸ்ஸனேன பஹாதப்³பா³ க²ந்தா⁴ பச்சி²மானம் பச்சி²மானம் த³ஸ்ஸனேன பஹாதப்³பா³னம் க²ந்தா⁴னம் அனந்தரபச்சயேன பச்சயோ. (1)

த³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ அனந்தரபச்சயேன பச்சயோ – த³ஸ்ஸனேன பஹாதப்³பா³ க²ந்தா⁴ வுட்டா²னஸ்ஸ அனந்தரபச்சயேன பச்சயோ. (மூலம் காதப்³ப³ம்.) புரிமா புரிமா நத³ஸ்ஸனேன பஹாதப்³பா³ க²ந்தா⁴…பே… ப²லஸமாபத்தியா அனந்தரபச்சயேன பச்சயோ. (மூலம் காதப்³ப³ம்.) ஆவஜ்ஜனா த³ஸ்ஸனேன பஹாதப்³பா³னம் க²ந்தா⁴னம் அனந்தரபச்சயேன பச்சயோ. (2)

ஸமனந்தரபச்சயேன பச்சயோ… ஸஹஜாதபச்சயேன பச்சயோ… பஞ்ச… அஞ்ஞமஞ்ஞபச்சயேன பச்சயோ… த்³வே… நிஸ்ஸயபச்சயேன பச்சயோ… ஸத்த.

உபனிஸ்ஸயபச்சயோ

19. த³ஸ்ஸனேன பஹாதப்³போ³ த⁴ம்மோ த³ஸ்ஸனேன பஹாதப்³ப³ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – த³ஸ்ஸனேன பஹாதப்³ப³ம் ராக³ம் உபனிஸ்ஸாய பாணம் ஹனதி…பே… ஸங்க⁴ம் பி⁴ந்த³தி; த³ஸ்ஸனேன பஹாதப்³ப³ம் தோ³ஸம்… மோஹம்… தி³ட்டி²ம்… பத்த²னம் உபனிஸ்ஸாய பாணம் ஹனதி…பே… ஸங்க⁴ம் பி⁴ந்த³தி; த³ஸ்ஸனேன பஹாதப்³போ³ ராகோ³…பே… பத்த²னா த³ஸ்ஸனேன பஹாதப்³ப³ஸ்ஸ ராக³ஸ்ஸ…பே… பத்த²னாய உபனிஸ்ஸயபச்சயேன பச்சயோ. (2)

த³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – த³ஸ்ஸனேன பஹாதப்³ப³ம் ராக³ம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி த³ஸ்ஸனேன பஹாதப்³ப³ம் தோ³ஸம்… மோஹம்… தி³ட்டி²ம்… பத்த²னம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி; த³ஸ்ஸனேன பஹாதப்³போ³ ராகோ³…பே… பத்த²னா ஸத்³தா⁴ய…பே… பஞ்ஞாய நத³ஸ்ஸனேன பஹாதப்³ப³ஸ்ஸ ராக³ஸ்ஸ… தோ³ஸஸ்ஸ… மோஹஸ்ஸ… மானஸ்ஸ … பத்த²னாய… காயிகஸ்ஸ ஸுக²ஸ்ஸ…பே… ப²லஸமாபத்தியா உபனிஸ்ஸயபச்சயேன பச்சயோ. (2)

20. நத³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸத்³த⁴ம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி, மானம் ஜப்பேதி; ஸீலம்…பே… பஞ்ஞம், நத³ஸ்ஸனேன பஹாதப்³ப³ம் ராக³ம்… தோ³ஸம்… மோஹம்… மானம்… பத்த²னம்… காயிகம் ஸுக²ம்…பே… ஸேனாஸனம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி, மானம் ஜப்பேதி; ஸத்³தா⁴…பே… பஞ்ஞா, நத³ஸ்ஸனேன பஹாதப்³போ³ ராகோ³…பே… பத்த²னா… காயிகம் ஸுக²ம்…பே… ஸேனாஸனம் ஸத்³தா⁴ய…பே… பஞ்ஞாய நத³ஸ்ஸனேன பஹாதப்³ப³ஸ்ஸ ராக³ஸ்ஸ…பே… பத்த²னாய… காயிகஸ்ஸ ஸுக²ஸ்ஸ… காயிகஸ்ஸ து³க்க²ஸ்ஸ… மக்³க³ஸ்ஸ, ப²லஸமாபத்தியா உபனிஸ்ஸயபச்சயேன பச்சயோ. (2)

நத³ஸ்ஸனேன பஹாதப்³போ³ த⁴ம்மோ த³ஸ்ஸனேன பஹாதப்³ப³ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸத்³த⁴ம் உபனிஸ்ஸாய தி³ட்டி²ம் க³ண்ஹாதி; ஸீலம்…பே… பஞ்ஞம் உபனிஸ்ஸாய தி³ட்டி²ம் க³ண்ஹாதி, நத³ஸ்ஸனேன பஹாதப்³ப³ம் ராக³ம்… தோ³ஸம்… மோஹம்… மானம்… பத்த²னம்… காயிகம் ஸுக²ம்…பே… ஸேனாஸனம் உபனிஸ்ஸாய பாணம் ஹனதி…பே… ஸங்க⁴ம் பி⁴ந்த³தி; ஸத்³தா⁴…பே… ஸேனாஸனம் த³ஸ்ஸனேன பஹாதப்³ப³ஸ்ஸ ராக³ஸ்ஸ… தோ³ஸஸ்ஸ… மோஹஸ்ஸ… தி³ட்டி²யா… பத்த²னாய உபனிஸ்ஸயபச்சயேன பச்சயோ. (2)

புரேஜாதபச்சயோ

21. நத³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ…பே… விபஸ்ஸதி அஸ்ஸாதே³தி அபி⁴னந்த³தி, தம் ஆரப்³ப⁴ நத³ஸ்ஸனேன பஹாதப்³போ³ ராகோ³ …பே… உத்³த⁴ச்சம்…பே… நத³ஸ்ஸனேன பஹாதப்³ப³ம் தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே…. வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ …பே… காயாயதனம் காயவிஞ்ஞாணஸ்ஸ…பே… வத்து² நத³ஸ்ஸனேன பஹாதப்³பா³னம் க²ந்தா⁴னம் புரேஜாதபச்சயேன பச்சயோ. (1)

நத³ஸ்ஸனேன பஹாதப்³போ³ த⁴ம்மோ த³ஸ்ஸனேன பஹாதப்³ப³ஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அஸ்ஸாதே³தி அபி⁴னந்த³தி, தம் ஆரப்³ப⁴ த³ஸ்ஸனேன பஹாதப்³போ³ ராகோ³…பே… தி³ட்டி²…பே… விசிகிச்சா²…பே… த³ஸ்ஸனேன பஹாதப்³ப³ம் தோ³மனஸ்ஸம் உப்பஜ்ஜதி. வத்து²புரேஜாதம் – வத்து² த³ஸ்ஸனேன பஹாதப்³பா³னம் க²ந்தா⁴னம் புரேஜாதபச்சயேன பச்சயோ. (2)

பச்சா²ஜாதாஸேவனபச்சயா

22. த³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ பச்சா²ஜாதபச்சயேன பச்சயோ (ஸம்கி²த்தம்). (1)

நத³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ பச்சா²ஜாதபச்சயேன பச்சயோ (ஸம்கி²த்தம்)… ஆஸேவனபச்சயேன பச்சயோ… த்³வே.

கம்மபச்சயோ

23. த³ஸ்ஸனேன பஹாதப்³போ³ த⁴ம்மோ த³ஸ்ஸனேன பஹாதப்³ப³ஸ்ஸ த⁴ம்மஸ்ஸ கம்மபச்சயேன பச்சயோ – த³ஸ்ஸனேன பஹாதப்³பா³ சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ. (1)

த³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – த³ஸ்ஸனேன பஹாதப்³பா³ சேதனா சித்தஸமுட்டா²னானம் ரூபானம் கம்மபச்சயேன பச்சயோ. நானாக்க²ணிகா – த³ஸ்ஸனேன பஹாதப்³பா³ சேதனா விபாகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (2)

த³ஸ்ஸனேன பஹாதப்³போ³ த⁴ம்மோ த³ஸ்ஸனேன பஹாதப்³ப³ஸ்ஸ ச நத³ஸ்ஸனேன பஹாதப்³ப³ஸ்ஸ ச த⁴ம்மஸ்ஸ கம்மபச்சயேன பச்சயோ – த³ஸ்ஸனேன பஹாதப்³பா³ சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ. (3)

24. நத³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – நத³ஸ்ஸனேன பஹாதப்³பா³ சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – நத³ஸ்ஸனேன பஹாதப்³பா³ சேதனா விபாகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ.

விபாகபச்சயாதி³

25. நத³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ விபாகபச்சயேன பச்சயோ… ஏகம்… ஆஹாரபச்சயேன பச்சயோ… சத்தாரி… இந்த்³ரியபச்சயேன பச்சயோ… சத்தாரி… ஜா²னபச்சயேன பச்சயோ… சத்தாரி… மக்³க³பச்சயேன பச்சயோ… சத்தாரி… ஸம்பயுத்தபச்சயேன பச்சயோ… த்³வே.

விப்பயுத்தபச்சயோ

26. த³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம் (ஸம்கி²த்தம்). (1)

நத³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம், பச்சா²ஜாதம் (ஸம்கி²த்தம்).

நத³ஸ்ஸனேன பஹாதப்³போ³ த⁴ம்மோ த³ஸ்ஸனேன பஹாதப்³ப³ஸ்ஸ த⁴ம்மஸ்ஸ விப்பயுத்தபச்சயேன பச்சயோ. புரேஜாதம் – வத்து² த³ஸ்ஸனேன பஹாதப்³பா³னம் க²ந்தா⁴னம் விப்பயுத்தபச்சயேன பச்சயோ. (2)

அத்தி²பச்சயாதி³

27. த³ஸ்ஸனேன பஹாதப்³போ³ த⁴ம்மோ த³ஸ்ஸனேன பஹாதப்³ப³ஸ்ஸ த⁴ம்மஸ்ஸ அத்தி²பச்சயேன பச்சயோ (படிச்சஸதி³ஸம்). த³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம் (ஸம்கி²த்தம்). த³ஸ்ஸனேன பஹாதப்³போ³ த⁴ம்மோ த³ஸ்ஸனேன பஹாதப்³ப³ஸ்ஸ ச நத³ஸ்ஸனேன பஹாதப்³ப³ஸ்ஸ ச த⁴ம்மஸ்ஸ அத்தி²பச்சயேன பச்சயோ (படிச்சவாரஸதி³ஸா). (3)

நத³ஸ்ஸனேன பஹாதப்³போ³ த⁴ம்மோ நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம் (ஸம்கி²த்தம்). நத³ஸ்ஸனேன பஹாதப்³போ³ த⁴ம்மோ த³ஸ்ஸனேன பஹாதப்³ப³ஸ்ஸ த⁴ம்மஸ்ஸ அத்தி²பச்சயேன பச்சயோ. புரேஜாதம் – சக்கு²ம்…பே… (ஸம்கி²த்தம், புரேஜாதஸதி³ஸம்). (2)

28. த³ஸ்ஸனேன பஹாதப்³போ³ ச நத³ஸ்ஸனேன பஹாதப்³போ³ ச த⁴ம்மா த³ஸ்ஸனேன பஹாதப்³ப³ஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – த³ஸ்ஸனேன பஹாதப்³போ³ ஏகோ க²ந்தோ⁴ ச வத்து² ச திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴ ச…பே…. (1)

த³ஸ்ஸனேன பஹாதப்³போ³ ச நத³ஸ்ஸனேன பஹாதப்³போ³ ச த⁴ம்மா நத³ஸ்ஸனேன பஹாதப்³ப³ஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம், ஆஹாரம், இந்த்³ரியம். ஸஹஜாதா – த³ஸ்ஸனேன பஹாதப்³பா³ க²ந்தா⁴ ச மஹாபூ⁴தா ச சித்தஸமுட்டா²னானம் ரூபானம் அத்தி²பச்சயேன பச்சயோ. பச்சா²ஜாதா – த³ஸ்ஸனேன பஹாதப்³பா³ க²ந்தா⁴ ச கப³ளீகாரோ ஆஹாரோ ச இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – த³ஸ்ஸனேன பஹாதப்³பா³ க²ந்தா⁴ ச ரூபஜீவிதிந்த்³ரியஞ்ச கடத்தாரூபானம் அத்தி²பச்சயேன பச்சயோ. (2)

நத்தி²பச்சயேன பச்சயோ, விக³தபச்சயேன பச்சயோ, அவிக³தபச்சயேன பச்சயோ.