1-7. படிச்சவாராதி³

ஹேதுபச்சயோ

21. அகுஸலம் கிலேஸஞ்சேவ ஸம்கிலேஸிகஞ்ச த⁴ம்மம் படிச்ச அகுஸலோ கிலேஸோ சேவ ஸம்கிலேஸிகோ ச த⁴ம்மோ உப்பஜ்ஜதி ஹேதுபச்சயா (ஸம்கி²த்தம்).

ஹேதுயா ஏகம்…பே… அவிக³தே ஏகம் (ஸம்கி²த்தம்).

(ஸஹஜாதவாரேபி…பே… பஞ்ஹாவாரேபி ஸப்³ப³த்த² ஏகம்.)

22. குஸலம் ஸம்கிலேஸிகஞ்சேவ நோ ச கிலேஸம் த⁴ம்மம் படிச்ச குஸலோ ஸம்கிலேஸிகோ சேவ நோ ச கிலேஸோ த⁴ம்மோ உப்பஜ்ஜதி ஹேதுபச்சயா… தீணி.

அகுஸலம் ஸம்கிலேஸிகஞ்சேவ நோ ச கிலேஸம் த⁴ம்மம் படிச்ச அகுஸலோ ஸம்கிலேஸிகோ சேவ நோ ச கிலேஸோ த⁴ம்மோ உப்பஜ்ஜதி ஹேதுபச்சயா… தீணி.

அப்³யாகதம் ஸம்கிலேஸிகஞ்சேவ நோ ச கிலேஸம் த⁴ம்மம் படிச்ச அப்³யாகதோ ஸம்கிலேஸிகோ சேவ நோ ச கிலேஸோ த⁴ம்மோ உப்பஜ்ஜதி ஹேதுபச்சயா.

குஸலம் ஸம்கிலேஸிகஞ்சேவ நோ ச கிலேஸஞ்ச அப்³யாகதம் ஸம்கிலேஸிகஞ்சேவ நோ ச கிலேஸஞ்ச த⁴ம்மம் படிச்ச அப்³யாகதோ ஸம்கிலேஸிகோ சேவ நோ ச கிலேஸோ த⁴ம்மோ உப்பஜ்ஜதி ஹேதுபச்சயா. (1)

அகுஸலம் ஸம்கிலேஸிகஞ்சேவ நோ ச கிலேஸஞ்ச அப்³யாகதம் ஸம்கிலேஸிகஞ்சேவ நோ ச கிலேஸஞ்ச த⁴ம்மம் படிச்ச அப்³யாகதோ ஸம்கிலேஸிகோ சேவ நோ ச கிலேஸோ த⁴ம்மோ உப்பஜ்ஜதி ஹேதுபச்சயா (ஸம்கி²த்தம்).

23. ஹேதுயா நவ, ஆரம்மணே தீணி…பே… அவிக³தே நவ (ஸம்கி²த்தம். ஸஹஜாதவாரம்பி…பே… ஸம்பயுத்தவாரம்பி படிச்சவாரஸதி³ஸம்).

24. குஸலோ ஸம்கிலேஸிகோ சேவ நோ ச கிலேஸோ த⁴ம்மோ குஸலஸ்ஸ ஸம்கிலேஸிகஸ்ஸ சேவ நோ ச கிலேஸஸ்ஸ த⁴ம்மஸ்ஸ ஹேதுபச்சயேன பச்சயோ… தீணி.

அப்³யாகதோ ஸம்கிலேஸிகோ சேவ நோ ச கிலேஸோ த⁴ம்மோ அப்³யாகதஸ்ஸ ஸம்கிலேஸிகஸ்ஸ சேவ நோ ச கிலேஸஸ்ஸ த⁴ம்மஸ்ஸ ஹேதுபச்சயேன பச்சயோ. (1) (ஸம்கி²த்தம்.)

25. ஹேதுயா சத்தாரி, ஆரம்மணே நவ, அதி⁴பதியா நவ…பே… அவிக³தே தேரஸ (ஸம்கி²த்தம். யதா² குஸலத்திகே பஞ்ஹாவாரம், ஏவம் வித்தா²ரேதப்³ப³ம்).