7. பஞ்ஹாவாரோ

பச்சயசதுக்கம்

ஹேதுபச்சயாதி³

205. உப்பன்னோ ஹேது த⁴ம்மோ உப்பன்னஸ்ஸ ஹேதுஸ்ஸ த⁴ம்மஸ்ஸ ஹேதுபச்சயேன பச்சயோ – உப்பன்னா ஹேதூ ஸம்பயுத்தகானம் ஹேதூனம் ஹேதுபச்சயேன பச்சயோ; படிஸந்தி⁴க்க²ணே…பே…. (1)

அனுப்பன்னோ ஹேது த⁴ம்மோ உப்பன்னஸ்ஸ ஹேதுஸ்ஸ த⁴ம்மஸ்ஸ ஆரம்மணபச்சயேன பச்சயோ – அனுப்பன்னா ஹேதூ சேதோபரியஞாணஸ்ஸ அனாக³தம்ஸஞாணஸ்ஸ ஆரம்மணபச்சயேன பச்சயோ. உப்பாதீ³ ஹேது த⁴ம்மோ உப்பன்னஸ்ஸ ஹேதுஸ்ஸ த⁴ம்மஸ்ஸ ஆரம்மணபச்சயேன பச்சயோ – உப்பாதீ³ ஹேதூ சேதோபரியஞாணஸ்ஸ அனாக³தம்ஸஞாணஸ்ஸ ஆரம்மணபச்சயேன பச்சயோ. (2)

உப்பன்னோ ஹேது த⁴ம்மோ உப்பன்னஸ்ஸ ஹேதுஸ்ஸ த⁴ம்மஸ்ஸ அதி⁴பதிபச்சயேன பச்சயோ… தீணி.

ஸஹஜாதபச்சயேன பச்சயோ… அஞ்ஞமஞ்ஞபச்சயேன பச்சயோ… நிஸ்ஸயபச்சயேன பச்சயோ… உபனிஸ்ஸயபச்சயேன பச்சயோ… விபாகபச்சயேன பச்சயோ… இந்த்³ரியபச்சயேன பச்சயோ… மக்³க³பச்சயேன பச்சயோ… ஸம்பயுத்தபச்சயேன பச்சயோ… அத்தி²பச்சயேன பச்சயோ…பே… அவிக³தபச்சயேன பச்சயோ.

206. ஹேதுயா ஏகம், ஆரம்மணே த்³வே, அதி⁴பதியா தீணி, ஸஹஜாதே ஏகம், அஞ்ஞமஞ்ஞே ஏகம், நிஸ்ஸயே ஏகம், உபனிஸ்ஸயே த்³வே…பே… அவிக³தே ஏகம் (ஸம்கி²த்தம்).

நஹேதுயா த்³வே, நஆரம்மணே த்³வே (ஸம்கி²த்தம்).

ஹேதுபச்சயா நஆரம்மணே ஏகம் (ஸம்கி²த்தம்).

நஹேதுபச்சயா ஆரம்மணே த்³வே (ஸம்கி²த்தம்).

(யதா² குஸலத்திகே பஞ்ஹாவாரம், ஏவம் வித்தா²ரேதப்³ப³ம்.)

நஹேதுபத³ம்

ஆரம்மணபச்சயாதி³

207. உப்பன்னோ நஹேது த⁴ம்மோ உப்பன்னஸ்ஸ நஹேதுஸ்ஸ த⁴ம்மஸ்ஸ ஆரம்மணபச்சயேன பச்சயோ. (1)

அனுப்பன்னோ நஹேது த⁴ம்மோ உப்பன்னஸ்ஸ நஹேதுஸ்ஸ த⁴ம்மஸ்ஸ ஆரம்மணபச்சயேன பச்சயோ. (1)

உப்பாதீ³ நஹேது த⁴ம்மோ உப்பன்னஸ்ஸ நஹேதுஸ்ஸ த⁴ம்மஸ்ஸ ஆரம்மணபச்சயேன பச்சயோ. (1)

208. உப்பன்னோ நஹேது த⁴ம்மோ உப்பன்னஸ்ஸ நஹேதுஸ்ஸ த⁴ம்மஸ்ஸ அதி⁴பதிபச்சயேன பச்சயோ. (1)

அனுப்பன்னோ நஹேது த⁴ம்மோ உப்பன்னஸ்ஸ நஹேதுஸ்ஸ த⁴ம்மஸ்ஸ அதி⁴பதிபச்சயேன பச்சயோ. (1)

உப்பாதீ³ நஹேது த⁴ம்மோ உப்பன்னஸ்ஸ நஹேதுஸ்ஸ த⁴ம்மஸ்ஸ அதி⁴பதிபச்சயேன பச்சயோ. (1)

உப்பன்னோ நஹேது த⁴ம்மோ உப்பன்னஸ்ஸ நஹேதுஸ்ஸ த⁴ம்மஸ்ஸ ஸஹஜாதபச்சயேன பச்சயோ… அஞ்ஞமஞ்ஞபச்சயேன பச்சயோ… நிஸ்ஸயபச்சயேன பச்சயோ… உபனிஸ்ஸயபச்சயேன பச்சயோ.

அனுப்பன்னோ நஹேது த⁴ம்மோ உப்பன்னஸ்ஸ நஹேதுஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ.

உப்பாதீ³ நஹேது த⁴ம்மோ உப்பன்னஸ்ஸ நஹேதுஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ (ஸம்கி²த்தம்).

209. ஆரம்மணே தீணி, அதி⁴பதியா தீணி, ஸஹஜாதே ஏகம், அஞ்ஞமஞ்ஞே ஏகம், நிஸ்ஸயே ஏகம், உபனிஸ்ஸயே தீணி…பே… அவிக³தே ஏகம் (ஸம்கி²த்தம்).

நஹேதுயா தீணி, நஆரம்மணே தீணி (ஸம்கி²த்தம்).

ஆரம்மணபச்சயா நஹேதுயா தீணி (ஸம்கி²த்தம்).

நஹேதுபச்சயா ஆரம்மணே தீணி (ஸம்கி²த்தம்).