1-7. படிச்சவாராதி³

பச்சயசதுக்கம்

ஹேதுபச்சயோ

186. மிச்ச²த்தனியதம் நஹேதும் த⁴ம்மம் படிச்ச மிச்ச²த்தனியதோ நஹேது த⁴ம்மோ உப்பஜ்ஜதி ஹேதுபச்சயா… தீணி.

ஸம்மத்தனியதம் நஹேதும் த⁴ம்மம் படிச்ச ஸம்மத்தனியதோ நஹேது த⁴ம்மோ உப்பஜ்ஜதி ஹேதுபச்சயா. ஸம்மத்தனியதம் நஹேதும் த⁴ம்மம் படிச்ச அனியதோ நஹேது த⁴ம்மோ உப்பஜ்ஜதி ஹேதுபச்சயா. ஸம்மத்தனியதம் நஹேதும் த⁴ம்மம் படிச்ச ஸம்மத்தனியதோ நஹேது ச அனியதோ நஹேது ச த⁴ம்மா உப்பஜ்ஜந்தி ஹேதுபச்சயா. (3)

அனியதம் நஹேதும் த⁴ம்மம் படிச்ச அனியதோ நஹேது த⁴ம்மோ உப்பஜ்ஜதி ஹேதுபச்சயா. (1)

மிச்ச²த்தனியதம் நஹேதுஞ்ச அனியதம் நஹேதுஞ்ச த⁴ம்மம் படிச்ச அனியதோ நஹேது த⁴ம்மோ உப்பஜ்ஜதி ஹேதுபச்சயா. (1)

ஸம்மத்தனியதம் நஹேதுஞ்ச அனியதம் நஹேதுஞ்ச த⁴ம்மம் படிச்ச அனியதோ நஹேது த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

187. ஹேதுயா நவ, ஆரம்மணே தீணி, அதி⁴பதியா நவ…பே… விபாகே ஏகம்…பே… அவிக³தே நவ (ஸம்கி²த்தம்).

பச்சனீயம்

நஹேதுபச்சயோ

188. அனியதம் நஹேதும் த⁴ம்மம் படிச்ச அனியதோ நஹேது த⁴ம்மோ உப்பஜ்ஜதி நஹேதுபச்சயா (ஸம்கி²த்தம்).

நஹேதுயா ஏகம், நஆரம்மணே பஞ்ச, நஅதி⁴பதியா தீணி…பே… நோவிக³தே பஞ்ச (ஸம்கி²த்தம்).

ஹேதுபச்சயா நஆரம்மணே பஞ்ச (ஸம்கி²த்தம்).

நஹேதுபச்சயா ஆரம்மணே ஏகம் (ஸம்கி²த்தம்).

(ஸஹஜாதவாரம்பி…பே… ஸம்பயுத்தவாரம்பி படிச்சவாரஸதி³ஸம் வித்தா²ரேதப்³ப³ம்.)

ஆரம்மண-அதி⁴பதி-அனந்தரபச்சயா

189. மிச்ச²த்தனியதோ நஹேது த⁴ம்மோ அனியதஸ்ஸ நஹேதுஸ்ஸ த⁴ம்மஸ்ஸ ஆரம்மணபச்சயேன பச்சயோ. (1)

ஸம்மத்தனியதோ நஹேது த⁴ம்மோ அனியதஸ்ஸ நஹேதுஸ்ஸ த⁴ம்மஸ்ஸ ஆரம்மணபச்சயேன பச்சயோ. (1)

அனியதோ நஹேது த⁴ம்மோ அனியதஸ்ஸ நஹேதுஸ்ஸ த⁴ம்மஸ்ஸ ஆரம்மணபச்சயேன பச்சயோ. அனியதோ நஹேது த⁴ம்மோ மிச்ச²த்தனியதஸ்ஸ நஹேதுஸ்ஸ த⁴ம்மஸ்ஸ ஆரம்மணபச்சயேன பச்சயோ. அனியதோ நஹேது த⁴ம்மோ ஸம்மத்தனியதஸ்ஸ நஹேதுஸ்ஸ த⁴ம்மஸ்ஸ ஆரம்மணபச்சயேன பச்சயோ. (3)

190. மிச்ச²த்தனியதோ நஹேது த⁴ம்மோ மிச்ச²த்தனியதஸ்ஸ நஹேதுஸ்ஸ த⁴ம்மஸ்ஸ அதி⁴பதிபச்சயேன பச்சயோ… தீணி.

ஸம்மத்தனியதோ நஹேது த⁴ம்மோ ஸம்மத்தனியதஸ்ஸ நஹேதுஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸம்மத்தனியதோ நஹேது த⁴ம்மோ அனியதஸ்ஸ நஹேதுஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸம்மத்தனியதோ நஹேது த⁴ம்மோ ஸம்மத்தனியதஸ்ஸ நஹேதுஸ்ஸ ச அனியதஸ்ஸ நஹேதுஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. (3)

அனியதோ நஹேது த⁴ம்மோ அனியதஸ்ஸ நஹேதுஸ்ஸ த⁴ம்மஸ்ஸ அதி⁴பதிபச்சயேன பச்சயோ. அனியதோ நஹேது த⁴ம்மோ ஸம்மத்தனியதஸ்ஸ நஹேதுஸ்ஸ த⁴ம்மஸ்ஸ அதி⁴பதிபச்சயேன பச்சயோ. (2)

மிச்ச²த்தனியதோ நஹேது த⁴ம்மோ அனியதஸ்ஸ நஹேதுஸ்ஸ த⁴ம்மஸ்ஸ அனந்தரபச்சயேன பச்சயோ. (1)

ஸம்மத்தனியதோ நஹேது த⁴ம்மோ அனியதஸ்ஸ நஹேதுஸ்ஸ த⁴ம்மஸ்ஸ அனந்தரபச்சயேன பச்சயோ. (1)

அனியதோ நஹேது த⁴ம்மோ அனியதஸ்ஸ நஹேதுஸ்ஸ த⁴ம்மஸ்ஸ அனந்தரபச்சயேன பச்சயோ. அனியதோ நஹேது த⁴ம்மோ மிச்ச²த்தனியதஸ்ஸ நஹேதுஸ்ஸ த⁴ம்மஸ்ஸ அனந்தரபச்சயேன பச்சயோ. அனியதோ நஹேது த⁴ம்மோ ஸம்மத்தனியதஸ்ஸ நஹேதுஸ்ஸ த⁴ம்மஸ்ஸ அனந்தரபச்சயேன பச்சயோ. (3) (ஸம்கி²த்தம்.)

191. ஆரம்மணே பஞ்ச, அதி⁴பதியா அட்ட², அனந்தரே பஞ்ச, ஸமனந்தரே பஞ்ச, ஸஹஜாதே நவ, அஞ்ஞமஞ்ஞே தீணி, நிஸ்ஸயே தேரஸ, உபனிஸ்ஸயே ஸத்த…பே… அவிக³தே தேரஸ (ஸம்கி²த்தம்).

நஹேதுயா தேரஸ, நஆரம்மணே தேரஸ, நஅதி⁴பதியா தேரஸ (ஸம்கி²த்தம்).

ஆரம்மணபச்சயா நஹேதுயா பஞ்ச (ஸம்கி²த்தம்).

நஹேதுபச்சயா ஆரம்மணே பஞ்ச (ஸம்கி²த்தம்).

(யதா² குஸலத்திகே பஞ்ஹாவாரம், ஏவம் வித்தா²ரேதப்³ப³ம்.)