1-7. படிச்சவாராதி³

பச்சயசதுக்கம்

37. ஸவிசாரம் குஸலம் த⁴ம்மம் படிச்ச ஸவிசாரோ குஸலோ த⁴ம்மோ உப்பஜ்ஜதி ஹேதுபச்சயா… தீணி.

அவிசாரம் குஸலம் த⁴ம்மம் படிச்ச அவிசாரோ குஸலோ த⁴ம்மோ உப்பஜ்ஜதி ஹேதுபச்சயா… த்³வே.

ஸவிசாரம் குஸலஞ்ச அவிசாரம் குஸலஞ்ச த⁴ம்மம் படிச்ச ஸவிசாரோ குஸலோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

38. ஹேதுயா ச², ஆரம்மணே ச²…பே… அவிக³தே ச² (ஸம்கி²த்தம். ஸவிதக்கது³ககுஸலஸதி³ஸம். ஸஹஜாதவாரம்பி…பே… பஞ்ஹாவாரம்பி வித்தா²ரேதப்³ப³ம்).

39. ஸவிசாரம் அகுஸலம் த⁴ம்மம் படிச்ச ஸவிசாரோ அகுஸலோ த⁴ம்மோ உப்பஜ்ஜதி ஹேதுபச்சயா… தீணி.

அவிசாரம் அகுஸலம் த⁴ம்மம் படிச்ச ஸவிசாரோ அகுஸலோ த⁴ம்மோ உப்பஜ்ஜதி ஹேதுபச்சயா. (1)

ஸவிசாரம் அகுஸலஞ்ச அவிசாரம் அகுஸலஞ்ச த⁴ம்மம் படிச்ச ஸவிசாரோ அகுஸலோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

40. ஹேதுயா பஞ்ச, ஆரம்மணே பஞ்ச…பே… அவிக³தே பஞ்ச (ஸம்கி²த்தம். ஸவிதக்கது³கஅகுஸலஸதி³ஸம். ஸஹஜாதவாரம்பி…பே… பஞ்ஹாவாரம்பி வித்தா²ரேதப்³ப³ம்).

41. ஸவிசாரம் அப்³யாகதம் த⁴ம்மம் படிச்ச ஸவிசாரோ அப்³யாகதோ த⁴ம்மோ உப்பஜ்ஜதி ஹேதுபச்சயா… தீணி.

அவிசாரம் அப்³யாகதம் த⁴ம்மம் படிச்ச அவிசாரோ அப்³யாகதோ த⁴ம்மோ உப்பஜ்ஜதி ஹேதுபச்சயா… தீணி.

ஸவிசாரம் அப்³யாகதஞ்ச அவிசாரம் அப்³யாகதஞ்ச த⁴ம்மம் படிச்ச ஸவிசாரோ அப்³யாகதோ த⁴ம்மோ உப்பஜ்ஜதி ஹேதுபச்சயா… தீணி (ஸம்கி²த்தம்).

42. ஹேதுயா நவ, ஆரம்மணே நவ…பே… விபாகே நவ…பே… அவிக³தே நவ (ஸம்கி²த்தம். ஸவிதக்கது³கஅப்³யாகதஸதி³ஸம். ஸஹஜாதவாரோபி…பே… ஸம்பயுத்தவாரோபி வித்தா²ரேதப்³பா³).

43. ஸவிசாரோ அப்³யாகதோ த⁴ம்மோ ஸவிசாரஸ்ஸ அப்³யாகதஸ்ஸ த⁴ம்மஸ்ஸ ஹேதுபச்சயேன பச்சயோ (ஸம்கி²த்தம்).

44. ஹேதுயா சத்தாரி, ஆரம்மணே நவ…பே… மக்³கே³ சத்தாரி …பே… அவிக³தே நவ (ஸம்கி²த்தம்).

நஹேதுயா நவ, நஆரம்மணே நவ (ஸம்கி²த்தம்).

ஹேதுபச்சயா நஆரம்மணே சத்தாரி (ஸம்கி²த்தம்).

நஹேதுபச்சயா ஆரம்மணே நவ (ஸம்கி²த்தம்).

(யதா² குஸலத்திகே பஞ்ஹாவாரம், ஏவம் வித்தா²ரேதப்³ப³ம்.)