1-7. படிச்சவாராதி³

பச்சயசதுக்கம்

ஹேதுபச்சயோ

1. நோகிலேஸம் குஸலம் த⁴ம்மம் படிச்ச நோகிலேஸோ குஸலோ த⁴ம்மோ உப்பஜ்ஜதி ஹேதுபச்சயா (ஸம்கி²த்தம்).

ஹேதுயா ஏகம், ஆரம்மணே ஏகம்…பே… அவிக³தே ஏகம் (ஸம்கி²த்தம்).

(ஸஹஜாதவாரேபி…பே… பஞ்ஹாவாரேபி ஸப்³ப³த்த² ஏகம்.)

2. கிலேஸம் அகுஸலம் த⁴ம்மம் படிச்ச கிலேஸோ அகுஸலோ த⁴ம்மோ உப்பஜ்ஜதி ஹேதுபச்சயா… தீணி.

நோகிலேஸம் அகுஸலம் த⁴ம்மம் படிச்ச நோகிலேஸோ அகுஸலோ த⁴ம்மோ உப்பஜ்ஜதி ஹேதுபச்சயா… தீணி.

கிலேஸம் அகுஸலஞ்ச நோகிலேஸம் அகுஸலஞ்ச த⁴ம்மம் படிச்ச கிலேஸோ அகுஸலோ த⁴ம்மோ உப்பஜ்ஜதி ஹேதுபச்சயா… தீணி (ஸம்கி²த்தம்).

3. ஹேதுயா நவ, ஆரம்மணே நவ (ஸப்³ப³த்த² நவ), அவிக³தே நவ (ஸம்கி²த்தம்).

4. கிலேஸம் அகுஸலம் த⁴ம்மம் படிச்ச கிலேஸோ அகுஸலோ த⁴ம்மோ உப்பஜ்ஜதி நஹேதுபச்சயா – விசிகிச்ச²ம் படிச்ச விசிகிச்சா²ஸஹக³தோ மோஹோ, உத்³த⁴ச்சம் படிச்ச உத்³த⁴ச்சஸஹக³தோ மோஹோ (1).

நோகிலேஸம் அகுஸலம் த⁴ம்மம் படிச்ச கிலேஸோ அகுஸலோ த⁴ம்மோ உப்பஜ்ஜதி நஹேதுபச்சயா – விசிகிச்சா²ஸஹக³தே உத்³த⁴ச்சஸஹக³தே க²ந்தே⁴ படிச்ச விசிகிச்சா²ஸஹக³தோ உத்³த⁴ச்சஸஹக³தோ மோஹோ. (1)

கிலேஸம் அகுஸலஞ்ச நோகிலேஸம் அகுஸலஞ்ச த⁴ம்மம் படிச்ச கிலேஸோ அகுஸலோ த⁴ம்மோ உப்பஜ்ஜதி நஹேதுபச்சயா – விசிகிச்சா²ஸஹக³தே க²ந்தே⁴ ச விசிகிச்ச²ஞ்ச படிச்ச விசிகிச்சா²ஸஹக³தோ மோஹோ, உத்³த⁴ச்சஸஹக³தே க²ந்தே⁴ ச உத்³த⁴ச்சஞ்ச படிச்ச உத்³த⁴ச்சஸஹக³தோ மோஹோ. (1) (ஸம்கி²த்தம்.)

5. நஹேதுயா தீணி, நஅதி⁴பதியா நவ, நபுரேஜாதே நவ, நபச்சா²ஜாதே நவ, நஆஸேவனே நவ, நகம்மே தீணி, நவிபாகே நவ, நவிப்பயுத்தே நவ (ஸம்கி²த்தம், ஸஹஜாதவாராதி³ வித்தா²ரேதப்³போ³).

6. கிலேஸோ அகுஸலோ த⁴ம்மோ கிலேஸஸ்ஸ அகுஸலஸ்ஸ த⁴ம்மஸ்ஸ ஹேதுபச்சயேன பச்சயோ (ஸம்கி²த்தம்).

7. ஹேதுயா தீணி, ஆரம்மணே நவ, அதி⁴பதியா நவ (மஜ்ஜே² தீணி ஸஹஜாதாதி⁴பதி), அனந்தரே நவ, ஸமனந்தரே நவ…பே… உபனிஸ்ஸயே நவ, ஆஸேவனே நவ, கம்மே தீணி, ஆஹாரே தீணி, இந்த்³ரியே தீணி, ஜா²னே தீணி, மக்³கே³ நவ, ஸம்பயுத்தே நவ…பே… அவிக³தே நவ (ஸம்கி²த்தம்).

நோகிலேஸம் அப்³யாகதம் த⁴ம்மம் படிச்ச நோகிலேஸோ அப்³யாகதோ த⁴ம்மோ உப்பஜ்ஜதி ஹேதுபச்சயா (ஸம்கி²த்தம்).

8. ஹேதுயா ஏகம், ஆரம்மணே ஏகம்…பே… அவிக³தே ஏகம் (ஸம்கி²த்தம்).

(ஸஹஜாதவாரேபி…பே… பஞ்ஹாவாரேபி ஸப்³ப³த்த² ஏகம்.)