1-7. படிச்சவாராதி³

பச்சயசதுக்கம்

ஹேதுபச்சயோ

28. உபாதா³னவிப்பயுத்தம் உபாதா³னியம் குஸலம் த⁴ம்மம் படிச்ச உபாதா³னவிப்பயுத்தோ உபாதா³னியோ குஸலோ த⁴ம்மோ உப்பஜ்ஜதி ஹேதுபச்சயா. (1)

உபாதா³னவிப்பயுத்தம் அனுபாதா³னியம் குஸலம் த⁴ம்மம் படிச்ச உபாதா³னவிப்பயுத்தோ அனுபாதா³னியோ குஸலோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

29. ஹேதுயா த்³வே, ஆரம்மணே த்³வே…பே… அவிக³தே த்³வே (ஸம்கி²த்தம். லோகியது³ககுஸலஸதி³ஸம். ஸஹஜாதவாரம்பி…பே… பஞ்ஹாவாரம்பி வித்தா²ரேதப்³ப³ம்).

30. உபாதா³னவிப்பயுத்தம் உபாதா³னியம் அகுஸலம் த⁴ம்மம் படிச்ச உபாதா³னவிப்பயுத்தோ உபாதா³னியோ அகுஸலோ த⁴ம்மோ உப்பஜ்ஜதி ஹேதுபச்சயா (ஸப்³ப³த்த² ஏகம்).

உபாதா³னவிப்பயுத்தம் உபாதா³னியம் அப்³யாகதம் த⁴ம்மம் படிச்ச உபாதா³னவிப்பயுத்தோ உபாதா³னியோ அப்³யாகதோ த⁴ம்மோ உப்பஜ்ஜதி ஹேதுபச்சயா. (1)

உபாதா³னவிப்பயுத்தம் அனுபாதா³னியம் அப்³யாகதம் த⁴ம்மம் படிச்ச உபாதா³னவிப்பயுத்தோ அனுபாதா³னியோ அப்³யாகதோ த⁴ம்மோ உப்பஜ்ஜதி ஹேதுபச்சயா… தீணி.

உபாதா³னவிப்பயுத்தம் உபாதா³னியம் அப்³யாகதஞ்ச உபாதா³னவிப்பயுத்தம் அனுபாதா³னியம் அப்³யாகதஞ்ச த⁴ம்மம் படிச்ச உபாதா³னவிப்பயுத்தோ உபாதா³னியோ அப்³யாகதோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

31. ஹேதுயா பஞ்ச, ஆரம்மணே த்³வே…பே… அவிக³தே பஞ்ச (ஸம்கி²த்தம். லோகியது³கஅப்³யாகதஸதி³ஸம். ஸஹஜாதவாரம்பி…பே… பஞ்ஹாவாரம்பி ஸப்³ப³த்த² வித்தா²ரேதப்³ப³ம்).

உபாதா³னகோ³ச்ச²ககுஸலத்திகம் நிட்டி²தம்.