1-7. படிச்சவாராதி³

பச்சயசதுக்கம்

ஹேதுபச்சயோ

65. சித்தஸம்ஸட்ட²ஸமுட்டா²னம் குஸலம் த⁴ம்மம் படிச்ச சித்தஸம்ஸட்ட²ஸமுட்டா²னோ குஸலோ த⁴ம்மோ உப்பஜ்ஜதி ஹேதுபச்சயா. சித்தஸம்ஸட்ட²ஸமுட்டா²னம் குஸலம் த⁴ம்மம் படிச்ச நோசித்தஸம்ஸட்ட²ஸமுட்டா²னோ குஸலோ த⁴ம்மோ உப்பஜ்ஜதி ஹேதுபச்சயா. சித்தஸம்ஸட்ட²ஸமுட்டா²னம் குஸலம் த⁴ம்மம் படிச்ச சித்தஸம்ஸட்ட²ஸமுட்டா²னோ குஸலோ ச நோசித்தஸம்ஸட்ட²ஸமுட்டா²னோ குஸலோ ச த⁴ம்மா உப்பஜ்ஜந்தி ஹேதுபச்சயா. (3)

நோசித்தஸம்ஸட்ட²ஸமுட்டா²னம் குஸலம் த⁴ம்மம் படிச்ச சித்தஸம்ஸட்ட²ஸமுட்டா²னோ குஸலோ த⁴ம்மோ உப்பஜ்ஜதி ஹேதுபச்சயா. (1)

சித்தஸம்ஸட்ட²ஸமுட்டா²னம் குஸலஞ்ச நோசித்தஸம்ஸட்ட²ஸமுட்டா²னம் குஸலஞ்ச த⁴ம்மம் படிச்ச சித்தஸம்ஸட்ட²ஸமுட்டா²னோ குஸலோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

66. ஹேதுயா பஞ்ச, ஆரம்மணே பஞ்ச…பே… அவிக³தே பஞ்ச. (ஸம்கி²த்தம். யதா² மஹந்தரது³கே சேதஸிகது³ககுஸலஸதி³ஸம், தத்தகா ஏவ பஞ்ஹா. ஸஹஜாதவாரம்பி…பே… பஞ்ஹாவாரம்பி வித்தா²ரேதப்³ப³ம்.)

67. சித்தஸம்ஸட்ட²ஸமுட்டா²னம் அகுஸலம் த⁴ம்மம் படிச்ச சித்தஸம்ஸட்ட²ஸமுட்டா²னோ அகுஸலோ த⁴ம்மோ உப்பஜ்ஜதி ஹேதுபச்சயா… தீணி.

நோசித்தஸம்ஸட்ட²ஸமுட்டா²னம் அகுஸலம் த⁴ம்மம் படிச்ச சித்தஸம்ஸட்ட²ஸமுட்டா²னோ அகுஸலோ த⁴ம்மோ உப்பஜ்ஜதி ஹேதுபச்சயா. (1)

சித்தஸம்ஸட்ட²ஸமுட்டா²னம் அகுஸலஞ்ச நோசித்தஸம்ஸட்ட²ஸமுட்டா²னம் அகுஸலஞ்ச த⁴ம்மம் படிச்ச சித்தஸம்ஸட்ட²ஸமுட்டா²னோ அகுஸலோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

68. ஹேதுயா பஞ்ச, ஆரம்மணே பஞ்ச…பே… அவிக³தே பஞ்ச (ஸம்கி²த்தம். சேதஸிகது³கஅகுஸலஸதி³ஸம். ஸஹஜாதவாரம்பி…பே… பஞ்ஹாவாரம்பி வித்தா²ரேதப்³ப³ம்.)

69. சித்தஸம்ஸட்ட²ஸமுட்டா²னம் அப்³யாகதம் த⁴ம்மம் படிச்ச சித்தஸம்ஸட்ட²ஸமுட்டா²னோ அப்³யாகதோ த⁴ம்மோ உப்பஜ்ஜதி ஹேதுபச்சயா… தீணி.

நோசித்தஸம்ஸட்ட²ஸமுட்டா²னம் அப்³யாகதம் த⁴ம்மம் படிச்ச நோசித்தஸம்ஸட்ட²ஸமுட்டா²னோ அப்³யாகதோ த⁴ம்மோ உப்பஜ்ஜதி ஹேதுபச்சயா… தீணி.

சித்தஸம்ஸட்ட²ஸமுட்டா²னம் அப்³யாகதஞ்ச நோசித்தஸம்ஸட்ட²ஸமுட்டா²னம் அப்³யாகதஞ்ச த⁴ம்மம் படிச்ச சித்தஸம்ஸட்ட²ஸமுட்டா²னோ அப்³யாகதோ த⁴ம்மோ உப்பஜ்ஜதி ஹேதுபச்சயா… தீணி (ஸம்கி²த்தம்).

70. ஹேதுயா நவ, ஆரம்மணே நவ, அதி⁴பதியா நவ…பே… புரேஜாதே பஞ்ச, ஆஸேவனே பஞ்ச, கம்மே நவ…பே… அவிக³தே நவ (ஸம்கி²த்தம்).

நஹேதுயா நவ, நஆரம்மணே தீணி…பே… நகம்மே சத்தாரி, நவிபாகே நவ, நஆஹாரே ஏகம், நஇந்த்³ரியே ஏகம், நஜா²னே ச², நமக்³கே³ நவ, நஸம்பயுத்தே தீணி, நவிப்பயுத்தே ச², நோனத்தி²யா தீணி, நோவிக³தே தீணி (ஸம்கி²த்தம். ஸஹஜாதவாரம்பி…பே… ஸம்பயுத்தவாரம்பி வித்தா²ரேதப்³ப³ம்).

71. சித்தஸம்ஸட்ட²ஸமுட்டா²னோ அப்³யாகதோ த⁴ம்மோ சித்தஸம்ஸட்ட²ஸமுட்டா²னஸ்ஸ அப்³யாகதஸ்ஸ த⁴ம்மஸ்ஸ ஹேதுபச்சயேன பச்சயோ (ஸம்கி²த்தம்).

72. ஹேதுயா தீணி, ஆரம்மணே நவ, அதி⁴பதியா நவ (ஏத்த² ச²ஸு ஸஹஜாதாதி⁴பதி), அனந்தரே நவ (ஸப்³ப³த்த² நவ), புரேஜாதே தீணி, பச்சா²ஜாதே தீணி, ஆஸேவனே நவ, கம்மே தீணி, விபாகே நவ, ஆஹாரே நவ, இந்த்³ரியே நவ, ஜா²னே தீணி, மக்³கே³ தீணி, ஸம்பயுத்தே பஞ்ச, விப்பயுத்தே பஞ்ச, அத்தி²யா நவ…பே… அவிக³தே நவ (ஸம்கி²த்தம்).

நஹேதுயா நவ, நஆரம்மணே நவ (ஸம்கி²த்தம்).

ஹேதுபச்சயா நஆரம்மணே தீணி (ஸம்கி²த்தம்).

நஹேதுபச்சயா ஆரம்மணே நவ (ஸம்கி²த்தம்).

(யதா² குஸலத்திகே பஞ்ஹாவாரஸ்ஸ அனுலோமம்பி பச்சனீயம்பி அனுலோமபச்சனீயம்பி பச்சனீயானுலோமம்பி க³ணிதம், ஏவம் க³ணேதப்³ப³ம்.)