1. விப⁴ங்க³வாரோ

ஹேதுபச்சயோ

63. பராமாஸஸம்பயுத்தோ த⁴ம்மோ பராமாஸஸம்பயுத்தஸ்ஸ த⁴ம்மஸ்ஸ ஹேதுபச்சயேன பச்சயோ – பராமாஸஸம்பயுத்தா ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ. (மூலம் காதப்³ப³ம்) பராமாஸஸம்பயுத்தா ஹேதூ சித்தஸமுட்டா²னானம் ரூபானம் ஹேதுபச்சயேன பச்சயோ. (மூலம் காதப்³ப³ம்) பராமாஸஸம்பயுத்தா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ. (3)

பராமாஸவிப்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ ஹேதுபச்சயேன பச்சயோ – பராமாஸவிப்பயுத்தா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (1)

ஆரம்மணபச்சயோ

64. பராமாஸஸம்பயுத்தோ த⁴ம்மோ பராமாஸஸம்பயுத்தஸ்ஸ த⁴ம்மஸ்ஸ ஆரம்மணபச்சயேன பச்சயோ – ராக³ம் அஸ்ஸாதே³தி அபி⁴னந்த³தி, தம் ஆரப்³ப⁴ பராமாஸஸம்பயுத்தோ ராகோ³ உப்பஜ்ஜதி; பராமாஸஸம்பயுத்தே க²ந்தே⁴ அஸ்ஸாதே³தி அபி⁴னந்த³தி, தம் ஆரப்³ப⁴ பராமாஸஸம்பயுத்தோ ராகோ³ உப்பஜ்ஜதி. (1)

பராமாஸஸம்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ ஆரம்மணபச்சயேன பச்சயோ – அரியா பராமாஸஸம்பயுத்தே பஹீனே கிலேஸே பச்சவேக்க²ந்தி, புப்³பே³ ஸமுதா³சிண்ணே கிலேஸே ஜானந்தி, பராமாஸஸம்பயுத்தே க²ந்தே⁴ அனிச்சதோ…பே… விபஸ்ஸதி, அஸ்ஸாதே³தி அபி⁴னந்த³தி, தம் ஆரப்³ப⁴ பராமாஸவிப்பயுத்தோ ராகோ³…பே… விசிகிச்சா²…பே… உத்³த⁴ச்சம்…பே… தோ³மனஸ்ஸம் உப்பஜ்ஜதி; சேதோபரியஞாணேன பராமாஸஸம்பயுத்தசித்தஸமங்கி³ஸ்ஸ சித்தம் ஜானாதி, பராமாஸஸம்பயுத்தா க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (2)

65. பராமாஸவிப்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம்…பே… ஸீலம்…பே… உபோஸத²கம்மம் கத்வா தம் பச்சவேக்க²தி, அஸ்ஸாதே³தி அபி⁴னந்த³தி, தம் ஆரப்³ப⁴ பராமாஸவிப்பயுத்தோ ராகோ³…பே… விசிகிச்சா²…பே… உத்³த⁴ச்சம்…பே… தோ³மனஸ்ஸம் உப்பஜ்ஜதி; புப்³பே³ ஸுசிண்ணானி…பே… ஜா²னா…பே… அரியா மக்³கா³ வுட்ட²ஹித்வா மக்³க³ம் பச்சவேக்க²ந்தி, ப²லம்…பே… நிப்³பா³னம்…பே… நிப்³பா³னம் கோ³த்ரபு⁴ஸ்ஸ, வோதா³னஸ்ஸ, மக்³க³ஸ்ஸ, ப²லஸ்ஸ, ஆவஜ்ஜனாய ஆரம்மணபச்சயேன பச்சயோ; அரியா பராமாஸவிப்பயுத்தே பஹீனே கிலேஸே…பே… விக்க²ம்பி⁴தே கிலேஸே…பே… புப்³பே³…பே… சக்கு²ம்…பே… வத்து²ம் பராமாஸவிப்பயுத்தே க²ந்தே⁴ அனிச்சதோ…பே… விபஸ்ஸதி, அஸ்ஸாதே³தி அபி⁴னந்த³தி, தம் ஆரப்³ப⁴ பராமாஸவிப்பயுத்தோ ராகோ³…பே… விசிகிச்சா²…பே… உத்³த⁴ச்சம்…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. சேதோபரியஞாணேன பராமாஸவிப்பயுத்தசித்தஸமங்கி³ஸ்ஸ சித்தம் ஜானாதி, ஆகாஸானஞ்சாயதனம் விஞ்ஞாணஞ்சாயதனஸ்ஸ…பே… ஆகிஞ்சஞ்ஞாயதனம் நேவஸஞ்ஞானாஸஞ்ஞாயதனஸ்ஸ…பே… ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே… பராமாஸவிப்பயுத்தா க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

பராமாஸவிப்பயுத்தோ த⁴ம்மோ பராமாஸஸம்பயுத்தஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம்…பே… ஸீலம்…பே… உபோஸத²கம்மம்…பே… புப்³பே³…பே… ஜா²னா…பே… சக்கு²ம்…பே… வத்து²ம் பராமாஸவிப்பயுத்தே க²ந்தே⁴ அஸ்ஸாதே³தி அபி⁴னந்த³தி. தம் ஆரப்³ப⁴ பராமாஸஸம்பயுத்தோ ராகோ³ உப்பஜ்ஜதி. (2)

அதி⁴பதிபச்சயோ

66. பராமாஸஸம்பயுத்தோ த⁴ம்மோ பராமாஸஸம்பயுத்தஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – ராக³ம் க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா பராமாஸஸம்பயுத்தோ ராகோ³ உப்பஜ்ஜதி, பராமாஸஸம்பயுத்தே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா பராமாஸஸம்பயுத்தோ ராகோ³ உப்பஜ்ஜதி. ஸஹஜாதாதி⁴பதி – பராமாஸஸம்பயுத்தாதி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. (1)

பராமாஸஸம்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – பராமாஸஸம்பயுத்தே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா பராமாஸவிப்பயுத்தோ ராகோ³ உப்பஜ்ஜதி. ஸஹஜாதாதி⁴பதி – பராமாஸஸம்பயுத்தாதி⁴பதி சித்தஸமுட்டா²னானம் ரூபானம் அதி⁴பதிபச்சயேன பச்சயோ. (2)

பராமாஸஸம்பயுத்தோ த⁴ம்மோ பராமாஸஸம்பயுத்தஸ்ஸ ச பராமாஸவிப்பயுத்தஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – பராமாஸஸம்பயுத்தாதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)

67. பராமாஸவிப்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம்…பே… ஸீலம்…பே… உபோஸத²கம்மம் கத்வா தம் க³ரும் கத்வா பச்சவேக்க²தி, அஸ்ஸாதே³தி அபி⁴னந்த³தி, தம் க³ரும் கத்வா பராமாஸவிப்பயுத்தோ ராகோ³ உப்பஜ்ஜதி, புப்³பே³…பே… ஜா²னா…பே… அரியா மக்³கா³ வுட்ட²ஹித்வா மக்³க³ம் க³ரும் கத்வா…பே… ப²லம்…பே… நிப்³பா³னம்…பே… நிப்³பா³னம் கோ³த்ரபு⁴ஸ்ஸ, வோதா³னஸ்ஸ, மக்³க³ஸ்ஸ, ப²லஸ்ஸ அதி⁴பதிபச்சயேன பச்சயோ; சக்கு²ம்…பே… வத்து²ம் பராமாஸவிப்பயுத்தே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா பராமாஸவிப்பயுத்தோ ராகோ³ உப்பஜ்ஜதி. ஸஹஜாதாதி⁴பதி – பராமாஸவிப்பயுத்தாதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (1)

பராமாஸவிப்பயுத்தோ த⁴ம்மோ பராமாஸஸம்பயுத்தஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – தா³னம்…பே… ஸீலம்…பே… உபோஸத²கம்மம் கத்வா தம் க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா பராமாஸஸம்பயுத்தோ ராகோ³ உப்பஜ்ஜதி, புப்³பே³…பே… ஜா²னா…பே… சக்கு²ம்…பே… வத்து²ம் பராமாஸவிப்பயுத்தே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா பராமாஸஸம்பயுத்தோ ராகோ³ உப்பஜ்ஜதி. (2)

அனந்தர-ஸமனந்தரபச்சயா

68. பராமாஸஸம்பயுத்தோ த⁴ம்மோ பராமாஸஸம்பயுத்தஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா பராமாஸஸம்பயுத்தா க²ந்தா⁴ பச்சி²மானம் பச்சி²மானம் பராமாஸஸம்பயுத்தகானம் க²ந்தா⁴னம் அனந்தரபச்சயேன பச்சயோ. (1)

பராமாஸஸம்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ அனந்தரபச்சயேன பச்சயோ – பராமாஸஸம்பயுத்தா க²ந்தா⁴ வுட்டா²னஸ்ஸ அனந்தரபச்சயேன பச்சயோ. (2)

69. பராமாஸவிப்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா பராமாஸவிப்பயுத்தா க²ந்தா⁴ பச்சி²மானம் பச்சி²மானம் பராமாஸவிப்பயுத்தானம் க²ந்தா⁴னம் அனந்தரபச்சயேன பச்சயோ; அனுலோமம்…பே… ப²லஸமாபத்தியா அனந்தரபச்சயேன பச்சயோ. (1)

பராமாஸவிப்பயுத்தோ த⁴ம்மோ பராமாஸஸம்பயுத்தஸ்ஸ த⁴ம்மஸ்ஸ அனந்தரபச்சயேன பச்சயோ – ஆவஜ்ஜனா பராமாஸஸம்பயுத்தகானம் க²ந்தா⁴னம் அனந்தரபச்சயேன பச்சயோ… ஸமனந்தரபச்சயேன பச்சயோ. (2)

ஸஹஜாதபச்சயாதி³

70. பராமாஸஸம்பயுத்தோ த⁴ம்மோ பராமாஸஸம்பயுத்தஸ்ஸ த⁴ம்மஸ்ஸ ஸஹஜாதபச்சயேன பச்சயோ… பஞ்ச… அஞ்ஞமஞ்ஞபச்சயேன பச்சயோ… த்³வே… நிஸ்ஸயபச்சயேன பச்சயோ… ஸத்த.

உபனிஸ்ஸயபச்சயோ

71. பராமாஸஸம்பயுத்தோ த⁴ம்மோ பராமாஸஸம்பயுத்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – பராமாஸஸம்பயுத்தோ ராகோ³… மோஹோ… பத்த²னா பராமாஸஸம்பயுத்தஸ்ஸ ராக³ஸ்ஸ… மோஹஸ்ஸ… பத்த²னாய உபனிஸ்ஸயபச்சயேன பச்சயோ. (1)

பராமாஸஸம்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – பராமாஸஸம்பயுத்தம் ராக³ம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி, மானம் ஜப்பேதி; பராமாஸஸம்பயுத்தம் மோஹம்… பத்த²னம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி, மானம் ஜப்பேதி, பாணம் ஹனதி…பே… ஸங்க⁴ம் பி⁴ந்த³தி; பராமாஸஸம்பயுத்தோ ராகோ³… மோஹோ… பத்த²னா ஸத்³தா⁴ய …பே… பஞ்ஞாய, ராக³ஸ்ஸ… தோ³ஸஸ்ஸ… மோஹஸ்ஸ… மானஸ்ஸ… பத்த²னாய… காயிகஸ்ஸ ஸுக²ஸ்ஸ…பே… ப²லஸமாபத்தியா உபனிஸ்ஸயபச்சயேன பச்சயோ. (2)

72. பராமாஸவிப்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸத்³த⁴ம் உபனிஸ்ஸாய தா³னம் தே³தி …பே… ஸமாபத்திம் உப்பாதே³தி, மானம் ஜப்பேதி; ஸீலம்…பே… பஞ்ஞம், ராக³ம்…பே… மானம்…பே… பத்த²னம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி, பாணம் ஹனதி…பே… ஸங்க⁴ம் பி⁴ந்த³தி; காயிகம் ஸுக²ம்…பே… ஸேனாஸனம் உபனிஸ்ஸாய தா³னம் தே³தி…பே… ஸங்க⁴ம் பி⁴ந்த³தி; ஸத்³தா⁴…பே… பஞ்ஞா, ராகோ³…பே… மானோ… பத்த²னா… காயிகம் ஸுக²ம்…பே… ஸேனாஸனம் ஸத்³தா⁴ய…பே… பஞ்ஞாய, ராக³ஸ்ஸ…பே… மானஸ்ஸ… பத்த²னாய… காயிகஸ்ஸ ஸுக²ஸ்ஸ…பே… ப²லஸமாபத்தியா உபனிஸ்ஸயபச்சயேன பச்சயோ. (1)

பராமாஸவிப்பயுத்தோ த⁴ம்மோ பராமாஸஸம்பயுத்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸத்³த⁴ம் உபனிஸ்ஸாய பராமாஸஸம்பயுத்தோ ராகோ³ உப்பஜ்ஜதி; ஸீலம்…பே… ஸேனாஸனம் உபனிஸ்ஸாய பராமாஸஸம்பயுத்தோ ராகோ³ உப்பஜ்ஜதி; ஸத்³தா⁴…பே… ஸேனாஸனம் பராமாஸஸம்பயுத்தஸ்ஸ ராக³ஸ்ஸ…பே… பத்த²னாய உபனிஸ்ஸயபச்சயேன பச்சயோ. (2)

புரேஜாதபச்சயோ

73. பராமாஸவிப்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ…பே… விபஸ்ஸதி, அஸ்ஸாதே³தி அபி⁴னந்த³தி, தம் ஆரப்³ப⁴ பராமாஸவிப்பயுத்தோ ராகோ³…பே… விசிகிச்சா²…பே… உத்³த⁴ச்சம்…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ புரேஜாதபச்சயேன பச்சயோ. வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ …பே… காயாயதனம் காயவிஞ்ஞாணஸ்ஸ…பே… வத்து² பராமாஸவிப்பயுத்தானம் க²ந்தா⁴னம் புரேஜாதபச்சயேன பச்சயோ. (1)

பராமாஸவிப்பயுத்தோ த⁴ம்மோ பராமாஸஸம்பயுத்தஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அஸ்ஸாதே³தி அபி⁴னந்த³தி, தம் ஆரப்³ப⁴ பராமாஸஸம்பயுத்தோ ராகோ³ உப்பஜ்ஜதி. வத்து²புரேஜாதம் – வத்து² பராமாஸஸம்பயுத்தகானம் க²ந்தா⁴னம் புரேஜாதபச்சயேன பச்சயோ. (2)

பச்சா²ஜாதாஸேவனபச்சயா

74. பராமாஸஸம்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ பச்சா²ஜாதபச்சயேன பச்சயோ (ஸம்கி²த்தம்). (1)

பராமாஸவிப்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ பச்சா²ஜாதபச்சயேன பச்சயோ (ஸம்கி²த்தம்). (1)

பராமாஸஸம்பயுத்தோ த⁴ம்மோ பராமாஸஸம்பயுத்தஸ்ஸ த⁴ம்மஸ்ஸ ஆஸேவனபச்சயேன பச்சயோ… த்³வே.

கம்மபச்சயாதி³

75. பராமாஸஸம்பயுத்தோ த⁴ம்மோ பராமாஸஸம்பயுத்தஸ்ஸ த⁴ம்மஸ்ஸ கம்மபச்சயேன பச்சயோ – பராமாஸஸம்பயுத்தா சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ. (1)

பராமாஸஸம்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – பராமாஸஸம்பயுத்தா சேதனா சித்தஸமுட்டா²னானம் ரூபானம் கம்மபச்சயேன பச்சயோ. நானாக்க²ணிகா – பராமாஸஸம்பயுத்தா சேதனா விபாகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (மூலம் காதப்³ப³ம்) பராமாஸஸம்பயுத்தா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ. (3)

பராமாஸவிப்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – பராமாஸவிப்பயுத்தா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – பராமாஸவிப்பயுத்தா சேதனா விபாகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (1)

விபாகபச்சயேன பச்சயோ… ஏகம், ஆஹாரபச்சயேன பச்சயோ… சத்தாரி, இந்த்³ரியபச்சயேன பச்சயோ… சத்தாரி, ஜா²னபச்சயேன பச்சயோ… சத்தாரி, மக்³க³பச்சயேன பச்சயோ… சத்தாரி, ஸம்பயுத்தபச்சயேன பச்சயோ… த்³வே.

விப்பயுத்தபச்சயோ

76. பராமாஸஸம்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம் (ஸம்கி²த்தம்). (1)

பராமாஸவிப்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம், பச்சா²ஜாதம் (ஸம்கி²த்தம்). (1)

பராமாஸவிப்பயுத்தோ த⁴ம்மோ பராமாஸஸம்பயுத்தஸ்ஸ த⁴ம்மஸ்ஸ விப்பயுத்தபச்சயேன பச்சயோ. புரேஜாதம் – வத்து² பராமாஸம்பயுத்தகானம் க²ந்தா⁴னம் விப்பயுத்தபச்சயேன பச்சயோ. (1)

அத்தி²பச்சயோ

77. பராமாஸஸம்பயுத்தோ த⁴ம்மோ பராமாஸஸம்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ – பராமாஸஸம்பயுத்தோ ஏகோ க²ந்தோ⁴ திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴…பே…. (1)

பராமாஸஸம்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ – பராமாஸஸம்பயுத்தா க²ந்தா⁴ சித்தஸமுட்டா²னானம் ரூபானம் அத்தி²பச்சயேன பச்சயோ. (மூலம் காதப்³ப³ம்.) (2)

பராமாஸஸம்பயுத்தோ த⁴ம்மோ பராமாஸஸம்பயுத்தஸ்ஸ ச பராமாஸவிப்பயுத்தஸ்ஸ ச த⁴ம்மஸ்ஸ அத்தி²பச்சயேன பச்சயோ – பராமாஸஸம்பயுத்தோ ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ…பே… த்³வே க²ந்தா⁴…பே…. (3)

78. பராமாஸவிப்பயுத்தோ த⁴ம்மோ பராமாஸவிப்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம் (ஸம்கி²த்தம்). (1)

பராமாஸவிப்பயுத்தோ த⁴ம்மோ பராமாஸஸம்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ. புரேஜாதம் – சக்கு²ம்…பே… வத்து²ம் அஸ்ஸாதே³தி அபி⁴னந்த³தி, தம் ஆரப்³ப⁴ பராமாஸஸம்பயுத்தோ ராகோ³ உப்பஜ்ஜதி, வத்து² பராமாஸஸம்பயுத்தகானம் க²ந்தா⁴னம் அத்தி²பச்சயேன பச்சயோ. (2)

79. பராமாஸஸம்பயுத்தோ ச பராமாஸவிப்பயுத்தோ ச த⁴ம்மா பராமாஸஸம்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – பராமாஸஸம்பயுத்தோ ஏகோ க²ந்தோ⁴ ச வத்து² ச திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴ ச…பே…. (1)

பராமாஸஸம்பயுத்தோ ச பராமாஸவிப்பயுத்தோ ச த⁴ம்மா பராமாஸவிப்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம், ஆஹாரம், இந்த்³ரியம். ஸஹஜாதா – பராமாஸஸம்பயுத்தா க²ந்தா⁴ ச மஹாபூ⁴தா ச சித்தஸமுட்டா²னானம் ரூபானம் அத்தி²பச்சயேன பச்சயோ. பச்சா²ஜாதா – பராமாஸஸம்பயுத்தா க²ந்தா⁴ ச கப³ளீகாரோ ஆஹாரோ ச இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – பராமாஸஸம்பயுத்தா க²ந்தா⁴ ச ரூபஜீவிதிந்த்³ரியஞ்ச கடத்தாரூபானம் அத்தி²பச்சயேன பச்சயோ. (2)