1. விப⁴ங்க³வாரோ

ஹேதுபச்சயோ

66. நீவரணஸம்பயுத்தோ த⁴ம்மோ நீவரணஸம்பயுத்தஸ்ஸ த⁴ம்மஸ்ஸ ஹேதுபச்சயேன பச்சயோ – நீவரணஸம்பயுத்தா ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ. (மூலம் புச்சி²தப்³ப³ம்) நீவரணஸம்பயுத்தா ஹேதூ சித்தஸமுட்டா²னானம் ரூபானம் ஹேதுபச்சயேன பச்சயோ. (மூலம் புச்சி²தப்³ப³ம்) நீவரணஸம்பயுத்தா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ. (3)

நீவரணவிப்பயுத்தோ த⁴ம்மோ நீவரணவிப்பயுத்தஸ்ஸ த⁴ம்மஸ்ஸ ஹேதுபச்சயேன பச்சயோ – நீவரணவிப்பயுத்தா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (1)

ஆரம்மணபச்சயோ

67. நீவரணஸம்பயுத்தோ த⁴ம்மோ நீவரணஸம்பயுத்தஸ்ஸ த⁴ம்மஸ்ஸ ஆரம்மணபச்சயேன பச்சயோ – ராக³ம் அஸ்ஸாதே³தி அபி⁴னந்த³தி, தம் ஆரப்³ப⁴ ராகோ³ உப்பஜ்ஜதி, தி³ட்டி²…பே… விசிகிச்சா²…பே… உத்³த⁴ச்சம்…பே… தோ³மனஸ்ஸம் உப்பஜ்ஜதி; தி³ட்டி²ம் அஸ்ஸாதே³தி அபி⁴னந்த³தி, தம் ஆரப்³ப⁴ ராகோ³ உப்பஜ்ஜதி, தி³ட்டி²…பே… விசிகிச்சா²…பே… உத்³த⁴ச்சம்…பே… தோ³மனஸ்ஸம் உப்பஜ்ஜதி; விசிகிச்ச²ம் ஆரப்³ப⁴ விசிகிச்சா²…பே… தி³ட்டி²…பே… உத்³த⁴ச்சம்…பே… தோ³மனஸ்ஸம் உப்பஜ்ஜதி; உத்³த⁴ச்சம் ஆரப்³ப⁴ உத்³த⁴ச்சம் உப்பஜ்ஜதி, தி³ட்டி²…பே… விசிகிச்சா², தோ³மனஸ்ஸம் உப்பஜ்ஜதி; தோ³மனஸ்ஸம் ஆரப்³ப⁴ தோ³மனஸ்ஸம் உப்பஜ்ஜதி; தி³ட்டி² …பே… விசிகிச்சா²…பே… உத்³த⁴ச்சம் உப்பஜ்ஜதி. (1)

நீவரணஸம்பயுத்தோ த⁴ம்மோ நீவரணவிப்பயுத்தஸ்ஸ த⁴ம்மஸ்ஸ ஆரம்மணபச்சயேன பச்சயோ – அரியா நீவரணஸம்பயுத்தே பஹீனே கிலேஸே பச்சவேக்க²ந்தி, விக்க²ம்பி⁴தே கிலேஸே பச்சவேக்க²ந்தி, புப்³பே³ ஸமுதா³சிண்ணே கிலேஸே ஜானந்தி; நீவரணஸம்பயுத்தே க²ந்தே⁴ அனிச்சதோ து³க்க²தோ அனத்ததோ விபஸ்ஸதி, சேதோபரியஞாணேன நீவரணஸம்பயுத்தசித்தஸமங்கி³ஸ்ஸ சித்தம் ஜானாதி; நீவரணஸம்பயுத்தா க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (2)

68. நீவரணவிப்பயுத்தோ த⁴ம்மோ நீவரணவிப்பயுத்தஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம்…பே… ஸீலம்…பே… உபோஸத²கம்மம் கத்வா தம் பச்சவேக்க²தி, புப்³பே³ ஸுசிண்ணானி…பே… ஜா²னா வுட்ட²ஹித்வா ஜா²னம்…பே… அரியா மக்³கா³ வுட்ட²ஹித்வா மக்³க³ம்…பே… ப²லம்…பே… நிப்³பா³னம்…பே… நிப்³பா³னம் கோ³த்ரபு⁴ஸ்ஸ, வோதா³னஸ்ஸ, மக்³க³ஸ்ஸ, ப²லஸ்ஸ, ஆவஜ்ஜனாய ஆரம்மணபச்சயேன பச்சயோ; சக்கு²ம்…பே… வத்து²ம் நீவரணவிப்பயுத்தே க²ந்தே⁴ அனிச்சதோ து³க்க²தோ அனத்ததோ விபஸ்ஸதி, தி³ப்³பே³ன சக்கு²னா ரூபம் பஸ்ஸதி (யாவ ஆவஜ்ஜனாய). (1)

நீவரணவிப்பயுத்தோ த⁴ம்மோ நீவரணஸம்பயுத்தஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம்…பே… ஸீலம்…பே… உபோஸத²கம்மம்…பே… புப்³பே³…பே… ஜா²னா…பே… சக்கு²ம்…பே… வத்து²ம் நீவரணவிப்பயுத்தே க²ந்தே⁴ அஸ்ஸாதே³தி அபி⁴னந்த³தி, தம் ஆரப்³ப⁴ ராகோ³ உப்பஜ்ஜதி, தி³ட்டி²…பே… விசிகிச்சா²…பே… உத்³த⁴ச்சம்…பே… தோ³மனஸ்ஸம் உப்பஜ்ஜதி. (2)

அதி⁴பதிபச்சயோ

69. நீவரணஸம்பயுத்தோ த⁴ம்மோ நீவரணஸம்பயுத்தஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – ராக³ம் க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி; தி³ட்டி²ம் க³ரும் கத்வா அஸ்ஸாதே³தி…பே…. ஸஹஜாதாதி⁴பதி – நீவரணஸம்பயுத்தாதி⁴பதி நீவரணஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. (1)

நீவரணஸம்பயுத்தோ த⁴ம்மோ நீவரணவிப்பயுத்தஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – நீவரணஸம்பயுத்தாதி⁴பதி சித்தஸமுட்டா²னானம் ரூபானம் அதி⁴பதிபச்சயேன பச்சயோ. (மூலம் புச்சி²தப்³ப³ம்) நீவரணஸம்பயுத்தாதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)

70. நீவரணவிப்பயுத்தோ த⁴ம்மோ நீவரணவிப்பயுத்தஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம்…பே… ஸீலம்…பே… உபோஸத²கம்மம் கத்வா தம் க³ரும் கத்வா பச்சவேக்க²தி, புப்³பே³ ஸுசிண்ணானி…பே… ஜா²னா வுட்ட²ஹித்வா ஜா²னம்…பே… அரியா மக்³கா³ வுட்ட²ஹித்வா மக்³க³ம் க³ரும் கத்வா…பே… ப²லம்…பே… நிப்³பா³னம்…பே… நிப்³பா³னம் கோ³த்ரபு⁴ஸ்ஸ, வோதா³னஸ்ஸ, மக்³க³ஸ்ஸ, ப²லஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – நீவரணவிப்பயுத்தாதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (1)

நீவரணவிப்பயுத்தோ த⁴ம்மோ நீவரணஸம்பயுத்தஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – தா³னம்…பே… ஸீலம்…பே… புப்³பே³…பே… ஜா²னம்…பே… சக்கு²ம்…பே… வத்து²ம் நீவரணவிப்பயுத்தே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. (2)

அனந்தரபச்சயோ

71. நீவரணஸம்பயுத்தோ த⁴ம்மோ நீவரணஸம்பயுத்தஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா நீவரணஸம்பயுத்தா க²ந்தா⁴ பச்சி²மானம் பச்சி²மானம் நீவரணஸம்பயுத்தகானம் க²ந்தா⁴னம் அனந்தரபச்சயேன பச்சயோ. (மூலம் புச்சி²தப்³ப³ம்) நீவரணஸம்பயுத்தா க²ந்தா⁴ வுட்டா²னஸ்ஸ அனந்தரபச்சயேன பச்சயோ (இத⁴ புரிமா புரிமாதி நத்தி²). (2)

(மூலம் புச்சி²தப்³ப³ம்) புரிமா புரிமா நீவரணவிப்பயுத்தா க²ந்தா⁴ பச்சி²மானம் பச்சி²மானம் நீவரணவிப்பயுத்தானம் க²ந்தா⁴னம் அனந்தரபச்சயேன பச்சயோ; அனுலோமம் கோ³த்ரபு⁴ஸ்ஸ…பே… ப²லஸமாபத்தியா அனந்தரபச்சயேன பச்சயோ. (1)

நீவரணவிப்பயுத்தோ த⁴ம்மோ நீவரணஸம்பயுத்தஸ்ஸ த⁴ம்மஸ்ஸ அனந்தரபச்சயேன பச்சயோ – ஆவஜ்ஜனா நீவரணஸம்பயுத்தகானம் க²ந்தா⁴னம் அனந்தரபச்சயேன பச்சயோ. (2)

ஸமனந்தரபச்சயாதி³

72. நீவரணஸம்பயுத்தோ த⁴ம்மோ நீவரணஸம்பயுத்தஸ்ஸ த⁴ம்மஸ்ஸ ஸமனந்தரபச்சயேன பச்சயோ… ஸஹஜாதபச்சயேன பச்சயோ… அஞ்ஞமஞ்ஞபச்சயேன பச்சயோ… நிஸ்ஸயபச்சயேன பச்சயோ.

உபனிஸ்ஸயபச்சயோ

73. நீவரணஸம்பயுத்தோ த⁴ம்மோ நீவரணஸம்பயுத்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ராக³ம் உபனிஸ்ஸாய பாணம் ஹனதி…பே… ஸங்க⁴ம் பி⁴ந்த³தி; தோ³ஸம்… மோஹம்… மானம்… தி³ட்டி²ம்… பத்த²னம் உபனிஸ்ஸாய பாணம் ஹனதி…பே… ஸங்க⁴ம் பி⁴ந்த³தி; ராகோ³…பே… பத்த²னா ராக³ஸ்ஸ…பே… பத்த²னாய உபனிஸ்ஸயபச்சயேன பச்சயோ. (1)

நீவரணஸம்பயுத்தோ த⁴ம்மோ நீவரணவிப்பயுத்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ராக³ம் உபனிஸ்ஸாய தா³னம் தே³தி…பே… ஸீலம்…பே… உபோஸத²கம்மம்…பே… ஜா²னம்…பே… விபஸ்ஸனம்… மக்³க³ம்… அபி⁴ஞ்ஞம்… ஸமாபத்திம் உப்பாதே³தி; தோ³ஸம்…பே… பத்த²னம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி; ராகோ³…பே… பத்த²னா ஸத்³தா⁴ய …பே… பஞ்ஞாய… காயிகஸ்ஸ ஸுக²ஸ்ஸ, காயிகஸ்ஸ து³க்க²ஸ்ஸ, மக்³க³ஸ்ஸ, ப²லஸமாபத்தியா உபனிஸ்ஸயபச்சயேன பச்சயோ. (2)

74. நீவரணவிப்பயுத்தோ த⁴ம்மோ நீவரணவிப்பயுத்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸத்³த⁴ம் உபனிஸ்ஸாய தா³னம் தே³தி, ஸீலம்…பே… மக்³க³ம்…பே… அபி⁴ஞ்ஞம்…பே… ஸமாபத்திம் உப்பாதே³தி, ஸீலம்…பே… பஞ்ஞம்…பே… ஸேனாஸனம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி; ஸத்³தா⁴…பே… ஸேனாஸனம் ஸத்³தா⁴ய…பே… பஞ்ஞாய…பே… மக்³க³ஸ்ஸ ப²லஸமாபத்தியா உபனிஸ்ஸயபச்சயேன பச்சயோ. (1)

நீவரணவிப்பயுத்தோ த⁴ம்மோ நீவரணஸம்பயுத்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸத்³த⁴ம் உபனிஸ்ஸாய மானம் ஜப்பேதி, தி³ட்டி²ம் க³ண்ஹாதி; ஸீலம்…பே… பஞ்ஞம், காயிகம் ஸுக²ம்…பே… ஸேனாஸனம் உபனிஸ்ஸாய பாணம் ஹனதி…பே… ஸங்க⁴ம் பி⁴ந்த³தி; ஸத்³தா⁴…பே… ஸேனாஸனம் ராக³ஸ்ஸ… தோ³ஸஸ்ஸ… மோஹஸ்ஸ… மானஸ்ஸ… தி³ட்டி²யா… பத்த²னாய உபனிஸ்ஸயபச்சயேன பச்சயோ. (2)

புரேஜாதபச்சயோ

75. நீவரணவிப்பயுத்தோ த⁴ம்மோ நீவரணவிப்பயுத்தஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ து³க்க²தோ அனத்ததோ விபஸ்ஸதி. தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே…. வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ…பே… வத்து² நீவரணவிப்பயுத்தானம் க²ந்தா⁴னம் புரேஜாதபச்சயேன பச்சயோ. (1)

நீவரணவிப்பயுத்தோ த⁴ம்மோ நீவரணஸம்பயுத்தஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அஸ்ஸாதே³தி அபி⁴னந்த³தி, தம் ஆரப்³ப⁴ ராகோ³… தோ³ஸோ… மோஹோ…. வத்து²புரேஜாதம் – வத்து² நீவரணஸம்பயுத்தானம் க²ந்தா⁴னம் புரேஜாதபச்சயேன பச்சயோ. (2)

பச்சா²ஜாதாஸேவனபச்சயா

76. நீவரணஸம்பயுத்தோ த⁴ம்மோ நீவரணவிப்பயுத்தஸ்ஸ த⁴ம்மஸ்ஸ பச்சா²ஜாதபச்சயேன பச்சயோ… த்³வே, ஆஸேவனபச்சயேன பச்சயோ… த்³வே.

கம்மபச்சயாதி³

77. நீவரணஸம்பயுத்தோ த⁴ம்மோ நீவரணஸம்பயுத்தஸ்ஸ த⁴ம்மஸ்ஸ கம்மபச்சயேன பச்சயோ – நீவரணஸம்பயுத்தா சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ. (மூலம் காதப்³ப³ம்) ஸஹஜாதா, நானாக்க²ணிகா. ஸஹஜாதா – நீவரணஸம்பயுத்தா சேதனா சித்தஸமுட்டா²னானம் ரூபானம் கம்மபச்சயேன பச்சயோ. நானாக்க²ணிகா – நீவரணஸம்பயுத்தா சேதனா விபாகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (மூலம் காதப்³ப³ம்) நீவரணஸம்பயுத்தா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ. (3)

நீவரணவிப்பயுத்தோ த⁴ம்மோ நீவரணவிப்பயுத்தஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா (ஸம்கி²த்தம்). விபாகபச்சயா… ஏகம்.

ஆஹாரபச்சயாதி³

78. நீவரணஸம்பயுத்தோ த⁴ம்மோ நீவரணஸம்பயுத்தஸ்ஸ த⁴ம்மஸ்ஸ ஆஹாரபச்சயேன பச்சயோ… இந்த்³ரியபச்சயேன பச்சயோ… ஜா²னபச்சயேன பச்சயோ… மக்³க³பச்சயேன பச்சயோ… ஸம்பயுத்தபச்சயேன பச்சயோ… த்³வே.

விப்பயுத்தபச்சயோ

79. நீவரணஸம்பயுத்தோ த⁴ம்மோ நீவரணவிப்பயுத்தஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம் (ஸம்கி²த்தம்). (1)

நீவரணவிப்பயுத்தோ த⁴ம்மோ நீவரணவிப்பயுத்தஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம், பச்சா²ஜாதம் (ஸம்கி²த்தம்). (1)

நீவரணவிப்பயுத்தோ த⁴ம்மோ நீவரணஸம்பயுத்தஸ்ஸ த⁴ம்மஸ்ஸ விப்பயுத்தபச்சயேன பச்சயோ. புரேஜாதம் – வத்து² நீவரணஸம்பயுத்தகானம் க²ந்தா⁴னம் விப்பயுத்தபச்சயேன பச்சயோ. (2)

அத்தி²பச்சயோ

80. நீவரணஸம்பயுத்தோ த⁴ம்மோ நீவரணஸம்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ – நீவரணஸம்பயுத்தோ ஏகோ க²ந்தோ⁴ திண்ணன்னம் க²ந்தா⁴னம் அத்தி²பச்சயேன பச்சயோ…பே…. (1)

நீவரணஸம்பயுத்தோ த⁴ம்மோ நீவரணவிப்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம். ஸஹஜாதா – நீவரணஸம்பயுத்தா க²ந்தா⁴ சித்தஸமுட்டா²னானஞ்ச ரூபானம் அத்தி²பச்சயேன பச்சயோ. பச்சா²ஜாதா – நீவரணஸம்பயுத்தா க²ந்தா⁴ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. (2)

நீவரணஸம்பயுத்தோ த⁴ம்மோ நீவரணஸம்பயுத்தஸ்ஸ ச நீவரணவிப்பயுத்தஸ்ஸ ச த⁴ம்மஸ்ஸ அத்தி²பச்சயேன பச்சயோ – நீவரணஸம்பயுத்தோ ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ…பே… த்³வே க²ந்தா⁴ த்³வின்னம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ. (3)

81. நீவரணவிப்பயுத்தோ த⁴ம்மோ நீவரணவிப்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம் (ஸம்கி²த்தம்). (1)

நீவரணவிப்பயுத்தோ த⁴ம்மோ நீவரணஸம்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ. புரேஜாதம் – சக்கு²ம்…பே… வத்து²ம் அஸ்ஸாதே³தி அபி⁴னந்த³தி, தம் ஆரப்³ப⁴ ராகோ³…பே… தி³ட்டி²…பே… விசிகிச்சா²…பே… உத்³த⁴ச்சம்…பே… தோ³மனஸ்ஸம் உப்பஜ்ஜதி; வத்து² நீவரணஸம்பயுத்தகானம் க²ந்தா⁴னம் அத்தி²பச்சயேன பச்சயோ. (2)

82. நீவரணஸம்பயுத்தோ ச நீவரணவிப்பயுத்தோ ச த⁴ம்மா நீவரணஸம்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – நீவரணஸம்பயுத்தோ ஏகோ க²ந்தோ⁴ ச வத்து² ச திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴ ச வத்து² ச த்³வின்னம் க²ந்தா⁴னம் அத்தி²பச்சயேன பச்சயோ. (1)

நீவரணஸம்பயுத்தோ ச நீவரணவிப்பயுத்தோ ச த⁴ம்மா நீவரணவிப்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம், ஆஹாரம், இந்த்³ரியம். ஸஹஜாதா – நீவரணஸம்பயுத்தா க²ந்தா⁴ ச மஹாபூ⁴தா ச சித்தஸமுட்டா²னானம் ரூபானம் அத்தி²பச்சயேன பச்சயோ. பச்சா²ஜாதா – நீவரணஸம்பயுத்தா க²ந்தா⁴ ச கப³ளீகாரோ ஆஹாரோ ச இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – நீவரணஸம்பயுத்தா க²ந்தா⁴ ச ரூபஜீவிதிந்த்³ரியஞ்ச கடத்தாரூபானம் அத்தி²பச்சயேன பச்சயோ. (2)