1. விப⁴ங்க³வாரோ

ஹேதுபச்சயோ

66. ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ ஹேதுபச்சயேன பச்சயோ – ஸஞ்ஞோஜனஸம்பயுத்தா ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ. (1)

ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ ஹேதுபச்சயேன பச்சயோ – ஸஞ்ஞோஜனஸம்பயுத்தா ஹேதூ சித்தஸமுட்டா²னானம் ரூபானம் ஹேதுபச்சயேன பச்சயோ. (2)

ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ ச ஸஞ்ஞோஜனவிப்பயுத்தஸ்ஸ ச த⁴ம்மஸ்ஸ ஹேதுபச்சயேன பச்சயோ – ஸஞ்ஞோஜனஸம்பயுத்தா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ. (3)

67. ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ ஹேதுபச்சயேன பச்சயோ – ஸஞ்ஞோஜனவிப்பயுத்தா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ, உத்³த⁴ச்சஸஹக³தோ மோஹோ சித்தஸமுட்டா²னானம் ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (1)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ ஹேதுபச்சயேன பச்சயோ – உத்³த⁴ச்சஸஹக³தோ மோஹோ ஸம்பயுத்தகானம் க²ந்தா⁴னம் ஹேதுபச்சயேன பச்சயோ. (2)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ ச ஸஞ்ஞோஜனவிப்பயுத்தஸ்ஸ ச த⁴ம்மஸ்ஸ ஹேதுபச்சயேன பச்சயோ – உத்³த⁴ச்சஸஹக³தோ மோஹோ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ. (3)

ஆரம்மணபச்சயோ

68. ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ ஆரம்மணபச்சயேன பச்சயோ – ஸஞ்ஞோஜனஸம்பயுத்தே க²ந்தே⁴ ஆரப்³ப⁴ ஸஞ்ஞோஜனஸம்பயுத்தகா க²ந்தா⁴ உப்பஜ்ஜந்தி. (மூலம் காதப்³ப³ம்) ஸஞ்ஞோஜனஸம்பயுத்தே க²ந்தே⁴ ஆரப்³ப⁴ ஸஞ்ஞோஜனவிப்பயுத்தா க²ந்தா⁴ ச மோஹோ ச உப்பஜ்ஜந்தி. (மூலம் காதப்³ப³ம்) ஸஞ்ஞோஜனஸம்பயுத்தே க²ந்தே⁴ ஆரப்³ப⁴ உத்³த⁴ச்சஸஹக³தா க²ந்தா⁴ ச மோஹோ ச உப்பஜ்ஜந்தி. (3)

69. ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம் த³த்வா ஸீலம்…பே… உபோஸத²கம்மம் கத்வா தம் பச்சவேக்க²தி, புப்³பே³ ஸுசிண்ணானி…பே… ஜா²னா…பே… அரியா மக்³கா³ வுட்ட²ஹித்வா மக்³க³ம் பச்சவேக்க²ந்தி, ப²லம் பச்சவேக்க²ந்தி, நிப்³பா³னம் பச்சவேக்க²ந்தி, நிப்³பா³னம் கோ³த்ரபு⁴ஸ்ஸ, வோதா³னஸ்ஸ, மக்³க³ஸ்ஸ, ப²லஸ்ஸ, ஆவஜ்ஜனாய ஆரம்மணபச்சயேன பச்சயோ; அரியா ஸஞ்ஞோஜனவிப்பயுத்தே பஹீனே கிலேஸே பச்சவேக்க²ந்தி, விக்க²ம்பி⁴தே கிலேஸே பச்சவேக்க²ந்தி, புப்³பே³ ஸமுதா³சிண்ணே கிலேஸே ஜானந்தி, சக்கு²ம்…பே… வத்து²ம் ஸஞ்ஞோஜனவிப்பயுத்தே க²ந்தே⁴ ச மோஹஞ்ச அனிச்சதோ…பே… விபஸ்ஸதி…பே… தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, சேதோபரியஞாணேன ஸஞ்ஞோஜனவிப்பயுத்தசித்தஸமங்கி³ஸ்ஸ சித்தம் ஜானாதி, ஆகாஸானஞ்சாயதனம் விஞ்ஞாணஞ்சாயதனஸ்ஸ…பே… ரூபாயதனம்…பே… போ²ட்ட²ப்³பா³யதனம்…பே… ஸஞ்ஞோஜனவிப்பயுத்தா க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய மோஹஸ்ஸ ச ஆரம்மணபச்சயேன பச்சயோ. (1)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம் த³த்வா ஸீலம்…பே… உபோஸத²கம்மம்…பே… புப்³பே³ ஸுசிண்ணானி…பே… ஜா²னா வுட்ட²ஹித்வா ஜா²னம்…பே… சக்கு²ம்…பே… வத்து²ம் ஸஞ்ஞோஜனவிப்பயுத்தே க²ந்தே⁴ ச மோஹஞ்ச அஸ்ஸாதே³தி அபி⁴னந்த³தி, தம் ஆரப்³ப⁴ ராகோ³ உப்பஜ்ஜதி…பே… தோ³மனஸ்ஸம் உப்பஜ்ஜதி. (2)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ ச ஸஞ்ஞோஜனவிப்பயுத்தஸ்ஸ ச த⁴ம்மஸ்ஸ ஆரம்மணபச்சயேன பச்சயோ – சக்கு²ம்…பே… வத்து²ம் ஸஞ்ஞோஜனவிப்பயுத்தே க²ந்தே⁴ ச மோஹஞ்ச ஆரப்³ப⁴ உத்³த⁴ச்சஸஹக³தா க²ந்தா⁴ ச மோஹோ ச உப்பஜ்ஜந்தி. (3)

70. ஸஞ்ஞோஜனஸம்பயுத்தோ ச ஸஞ்ஞோஜனவிப்பயுத்தோ ச த⁴ம்மா ஸஞ்ஞோஜனஸம்பயுத்தஸ்ஸ த⁴ம்மஸ்ஸ ஆரம்மணபச்சயேன பச்சயோ – உத்³த⁴ச்சஸஹக³தே க²ந்தே⁴ ச மோஹஞ்ச ஆரப்³ப⁴ ஸஞ்ஞோஜனஸம்பயுத்தகா க²ந்தா⁴ உப்பஜ்ஜந்தி. (மூலம் காதப்³ப³ம்) உத்³த⁴ச்சஸஹக³தே க²ந்தே⁴ ச மோஹஞ்ச ஆரப்³ப⁴ ஸஞ்ஞோஜனவிப்பயுத்தா க²ந்தா⁴ ச மோஹோ ச உப்பஜ்ஜந்தி. (மூலம் காதப்³ப³ம்) உத்³த⁴ச்சஸஹக³தே க²ந்தே⁴ ச மோஹஞ்ச ஆரப்³ப⁴ உத்³த⁴ச்சஸஹக³தா க²ந்தா⁴ ச மோஹோ ச உப்பஜ்ஜந்தி. (3)

அதி⁴பதிபச்சயோ

71. ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – ராக³ம்…பே… தி³ட்டி²ம் க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. ஸஹஜாதாதி⁴பதி – ஸஞ்ஞோஜனஸம்பயுத்தாதி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. (1)

ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – ஸஞ்ஞோஜனஸம்பயுத்தாதி⁴பதி சித்தஸமுட்டா²னானம் ரூபானம் அதி⁴பதிபச்சயேன பச்சயோ. (2)

ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ ச ஸஞ்ஞோஜனவிப்பயுத்தஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – ஸஞ்ஞோஜனஸம்பயுத்தாதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)

72. ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம் த³த்வா ஸீலம்…பே… உபோஸத²கம்மம் கத்வா தம் க³ரும் கத்வா பச்சவேக்க²தி, புப்³பே³ ஸுசிண்ணானி…பே… ஜா²னா…பே… அரியா மக்³கா³…பே… ப²லம்…பே… நிப்³பா³னம்…பே… நிப்³பா³னம் கோ³த்ரபு⁴ஸ்ஸ, வோதா³னஸ்ஸ, மக்³க³ஸ்ஸ, ப²லஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – ஸஞ்ஞோஜனவிப்பயுத்தாதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (1)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – தா³னம் த³த்வா ஸீலம்…பே… உபோஸத²கம்மம் கத்வா தம் க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி, புப்³பே³ ஸுசிண்ணானி…பே… ஜா²னா…பே… சக்கு²ம்…பே… வத்து²ம் ஸஞ்ஞோஜனவிப்பயுத்தே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. (2)

அனந்தரபச்சயோ

73. ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா ஸஞ்ஞோஜனஸம்பயுத்தா க²ந்தா⁴ பச்சி²மானம் பச்சி²மானம் ஸஞ்ஞோஜனஸம்பயுத்தகானம் க²ந்தா⁴னம் அனந்தரபச்சயேன பச்சயோ. (1)

ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா உத்³த⁴ச்சஸஹக³தா க²ந்தா⁴ பச்சி²மஸ்ஸ பச்சி²மஸ்ஸ உத்³த⁴ச்சஸஹக³தஸ்ஸ மோஹஸ்ஸ அனந்தரபச்சயேன பச்சயோ; ஸஞ்ஞோஜனஸம்பயுத்தா க²ந்தா⁴ வுட்டா²னஸ்ஸ அனந்தரபச்சயேன பச்சயோ. (2)

ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ ச ஸஞ்ஞோஜனவிப்பயுத்தஸ்ஸ ச த⁴ம்மஸ்ஸ அனந்தரபச்சயேன பச்சயோ – புரிமா புரிமா உத்³த⁴ச்சஸஹக³தா க²ந்தா⁴ பச்சி²மானம் பச்சி²மானம் உத்³த⁴ச்சஸஹக³தானம் க²ந்தா⁴னம் மோஹஸ்ஸ ச அனந்தரபச்சயேன பச்சயோ. (3)

74. ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ அனந்தரபச்சயேன பச்சயோ – புரிமோ புரிமோ உத்³த⁴ச்சஸஹக³தோ மோஹோ பச்சி²மஸ்ஸ பச்சி²மஸ்ஸ உத்³த⁴ச்சஸஹக³தஸ்ஸ மோஹஸ்ஸ அனந்தரபச்சயேன பச்சயோ; புரிமா புரிமா ஸஞ்ஞோஜனவிப்பயுத்தா க²ந்தா⁴ பச்சி²மானம்…பே… ப²லஸமாபத்தியா அனந்தரபச்சயேன பச்சயோ. (1)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ அனந்தரபச்சயேன பச்சயோ – புரிமோ புரிமோ உத்³த⁴ச்சஸஹக³தோ மோஹோ பச்சி²மானம் பச்சி²மானம் உத்³த⁴ச்சஸஹக³தானம் க²ந்தா⁴னம் அனந்தரபச்சயேன பச்சயோ; ஆவஜ்ஜனா ஸஞ்ஞோஜனஸம்பயுத்தகானம் க²ந்தா⁴னம் அனந்தரபச்சயேன பச்சயோ. (2)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ ச ஸஞ்ஞோஜனவிப்பயுத்தஸ்ஸ ச த⁴ம்மஸ்ஸ அனந்தரபச்சயேன பச்சயோ – புரிமோ புரிமோ உத்³த⁴ச்சஸஹக³தோ மோஹோ பச்சி²மானம் பச்சி²மானம் உத்³த⁴ச்சஸஹக³தானம் க²ந்தா⁴னம் மோஹஸ்ஸ ச அனந்தரபச்சயேன பச்சயோ; ஆவஜ்ஜனா உத்³த⁴ச்சஸஹக³தானம் க²ந்தா⁴னம் மோஹஸ்ஸ ச அனந்தரபச்சயேன பச்சயோ. (3)

75. ஸஞ்ஞோஜனஸம்பயுத்தோ ச ஸஞ்ஞோஜனவிப்பயுத்தோ ச த⁴ம்மா ஸஞ்ஞோஜனஸம்பயுத்தஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா உத்³த⁴ச்சஸஹக³தா க²ந்தா⁴ ச மோஹோ ச பச்சி²மானம் பச்சி²மானம் உத்³த⁴ச்சஸஹக³தானம் க²ந்தா⁴னம் அனந்தரபச்சயேன பச்சயோ. (1)

ஸஞ்ஞோஜனஸம்பயுத்தோ ச ஸஞ்ஞோஜனவிப்பயுத்தோ ச த⁴ம்மா ஸஞ்ஞோஜனவிப்பயுத்தஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா உத்³த⁴ச்சஸஹக³தா க²ந்தா⁴ ச மோஹோ ச பச்சி²மஸ்ஸ பச்சி²மஸ்ஸ உத்³த⁴ச்சஸஹக³தஸ்ஸ மோஹஸ்ஸ அனந்தரபச்சயேன பச்சயோ; உத்³த⁴ச்சஸஹக³தா க²ந்தா⁴ ச மோஹோ ச வுட்டா²னஸ்ஸ அனந்தரபச்சயேன பச்சயோ. (2)

ஸஞ்ஞோஜனஸம்பயுத்தோ ச ஸஞ்ஞோஜனவிப்பயுத்தோ ச த⁴ம்மா ஸஞ்ஞோஜனஸம்பயுத்தஸ்ஸ ச ஸஞ்ஞோஜனவிப்பயுத்தஸ்ஸ ச த⁴ம்மஸ்ஸ அனந்தரபச்சயேன பச்சயோ – புரிமா புரிமா உத்³த⁴ச்சஸஹக³தா க²ந்தா⁴ ச மோஹோ ச பச்சி²மானம் பச்சி²மானம் உத்³த⁴ச்சஸஹக³தானம் க²ந்தா⁴னம் மோஹஸ்ஸ ச அனந்தரபச்சயேன பச்சயோ. (3)

ஸமனந்தரபச்சயாதி³

76. ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ ஸமனந்தரபச்சயேன பச்சயோ … நவ… ஸஹஜாதபச்சயேன பச்சயோ… நவ… அஞ்ஞமஞ்ஞபச்சயேன பச்சயோ… ச²… நிஸ்ஸயபச்சயேன பச்சயோ… நவ.

உபனிஸ்ஸயபச்சயோ

77. ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸஞ்ஞோஜனஸம்பயுத்தா க²ந்தா⁴ ஸஞ்ஞோஜனஸம்பயுத்தகானம் க²ந்தா⁴னம் உபனிஸ்ஸயபச்சயேன பச்சயோ. (1)

ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸஞ்ஞோஜனஸம்பயுத்தா க²ந்தா⁴ ஸஞ்ஞோஜனவிப்பயுத்தானம் க²ந்தா⁴னம் மோஹஸ்ஸ ச உபனிஸ்ஸயபச்சயேன பச்சயோ. (2)

ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ ச ஸஞ்ஞோஜனவிப்பயுத்தஸ்ஸ ச த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸஞ்ஞோஜனஸம்பயுத்தா க²ந்தா⁴ உத்³த⁴ச்சஸஹக³தானம் க²ந்தா⁴னம் மோஹஸ்ஸ ச உபனிஸ்ஸயபச்சயேன பச்சயோ. (3)

78. ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸத்³த⁴ம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி; ஸீலம்…பே… பஞ்ஞம்… காயிகம் ஸுக²ம்… காயிகம் து³க்க²ம்… உதும்… போ⁴ஜனம்… ஸேனாஸனம் மோஹம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி; ஸத்³தா⁴…பே… ஸேனாஸனம் மோஹோ ச ஸத்³தா⁴ய…பே… ப²லஸமாபத்தியா மோஹஸ்ஸ ச உபனிஸ்ஸயபச்சயேன பச்சயோ. (1)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸத்³த⁴ம் உபனிஸ்ஸாய மானம் ஜப்பேதி, தி³ட்டி²ம் க³ண்ஹாதி; ஸீலம்…பே… பஞ்ஞம்… காயிகம் ஸுக²ம்… காயிகம் து³க்க²ம்… உதும்… போ⁴ஜனம்… ஸேனாஸனம் மோஹம் உபனிஸ்ஸாய பாணம் ஹனதி…பே… ஸங்க⁴ம் பி⁴ந்த³தி; ஸத்³தா⁴…பே… ஸேனாஸனம் மோஹோ ராக³ஸ்ஸ…பே… பத்த²னாய உபனிஸ்ஸயபச்சயேன பச்சயோ. (2)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ ச ஸஞ்ஞோஜனவிப்பயுத்தஸ்ஸ ச த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸத்³தா⁴…பே… பஞ்ஞா… காயிகம் ஸுக²ம்…பே… ஸேனாஸனம் மோஹோ ச உத்³த⁴ச்சஸஹக³தானம் க²ந்தா⁴னம் மோஹஸ்ஸ ச உபனிஸ்ஸயபச்சயேன பச்சயோ. (3)

79. ஸஞ்ஞோஜனஸம்பயுத்தோ ச ஸஞ்ஞோஜனவிப்பயுத்தோ ச த⁴ம்மா ஸஞ்ஞோஜனஸம்பயுத்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – உத்³த⁴ச்சஸஹக³தா க²ந்தா⁴ ச மோஹோ ச ஸஞ்ஞோஜனஸம்பயுத்தகானம் க²ந்தா⁴னம் உபனிஸ்ஸயபச்சயேன பச்சயோ. (1)

ஸஞ்ஞோஜனஸம்பயுத்தோ ச ஸஞ்ஞோஜனவிப்பயுத்தோ ச த⁴ம்மா ஸஞ்ஞோஜனவிப்பயுத்தஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – உத்³த⁴ச்சஸஹக³தா க²ந்தா⁴ ச மோஹோ ச ஸஞ்ஞோஜனவிப்பயுத்தானம் க²ந்தா⁴னம் மோஹஸ்ஸ ச உபனிஸ்ஸயபச்சயேன பச்சயோ. (2)

ஸஞ்ஞோஜனஸம்பயுத்தோ ச ஸஞ்ஞோஜனவிப்பயுத்தோ ச த⁴ம்மா ஸஞ்ஞோஜனஸம்பயுத்தஸ்ஸ ச ஸஞ்ஞோஜனவிப்பயுத்தஸ்ஸ ச த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – உத்³த⁴ச்சஸஹக³தா க²ந்தா⁴ ச மோஹோ ச உத்³த⁴ச்சஸஹக³தானம் க²ந்தா⁴னம் மோஹஸ்ஸ ச உபனிஸ்ஸயபச்சயேன பச்சயோ. (3)

புரேஜாதபச்சயோ

80. ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ …பே… விபஸ்ஸதி, தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே…. வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ…பே… வத்து² ஸஞ்ஞோஜனவிப்பயுத்தானம் க²ந்தா⁴னம் மோஹஸ்ஸ ச புரேஜாதபச்சயேன பச்சயோ. (1)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அஸ்ஸாதே³தி அபி⁴னந்த³தி, தம் ஆரப்³ப⁴ ராகோ³ உப்பஜ்ஜதி…பே… தோ³மனஸ்ஸம் உப்பஜ்ஜதி. வத்து²புரேஜாதம் – வத்து² ஸஞ்ஞோஜனஸம்பயுத்தகானம் க²ந்தா⁴னம் புரேஜாதபச்சயேன பச்சயோ. (2)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ ச ஸஞ்ஞோஜனவிப்பயுத்தஸ்ஸ ச த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் ஆரப்³ப⁴ உத்³த⁴ச்சஸஹக³தா க²ந்தா⁴ ச மோஹோ ச உப்பஜ்ஜந்தி. வத்து²புரேஜாதம் – வத்து² உத்³த⁴ச்சஸஹக³தானம் க²ந்தா⁴னம் மோஹஸ்ஸ ச புரேஜாதபச்சயேன பச்சயோ. (3)

பச்சா²ஜாதபச்சயோ

81. ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா ஸஞ்ஞோஜனஸம்பயுத்தா க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா ஸஞ்ஞோஜனவிப்பயுத்தா க²ந்தா⁴ ச மோஹோ ச புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

ஸஞ்ஞோஜனஸம்பயுத்தோ ச ஸஞ்ஞோஜனவிப்பயுத்தோ ச த⁴ம்மா ஸஞ்ஞோஜனவிப்பயுத்தஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா உத்³த⁴ச்சஸஹக³தா க²ந்தா⁴ ச மோஹோ ச புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

ஆஸேவனபச்சயோ

82. ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ ஆஸேவனபச்சயேன பச்சயோ… நவ (ஆவஜ்ஜனாபி வுட்டா²னம்பி நத்தி² ).

கம்மபச்சயோ

83. ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ கம்மபச்சயேன பச்சயோ – ஸஞ்ஞோஜனஸம்பயுத்தா சேதனா ஸஞ்ஞோஜனஸம்பயுத்தகானம் க²ந்தா⁴னம் கம்மபச்சயேன பச்சயோ. (1)

ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – ஸஞ்ஞோஜனஸம்பயுத்தா சேதனா சித்தஸமுட்டா²னானம் ரூபானம் கம்மபச்சயேன பச்சயோ; உத்³த⁴ச்சஸஹக³தா சேதனா மோஹஸ்ஸ சித்தஸமுட்டா²னானஞ்ச ரூபானம் கம்மபச்சயேன பச்சயோ. நானாக்க²ணிகா – ஸஞ்ஞோஜனஸம்பயுத்தகா சேதனா விபாகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (2)

ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ ச ஸஞ்ஞோஜனவிப்பயுத்தஸ்ஸ ச த⁴ம்மஸ்ஸ கம்மபச்சயேன பச்சயோ – ஸஞ்ஞோஜனஸம்பயுத்தா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ; உத்³த⁴ச்சஸஹக³தா சேதனா ஸம்பயுத்தகானம் க²ந்தா⁴னம் மோஹஸ்ஸ ச சித்தஸமுட்டா²னானஞ்ச ரூபானம் கம்மபச்சயேன பச்சயோ. (3)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – ஸஞ்ஞோஜனவிப்பயுத்தா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – ஸஞ்ஞோஜனவிப்பயுத்தா சேதனா விபாகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ.

விபாகபச்சயோ

84. ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ விபாகபச்சயேன பச்சயோ… ஏகம்.

ஆஹாரபச்சயாதி³

85. ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ ஆஹாரபச்சயேன பச்சயோ… சத்தாரி… இந்த்³ரியபச்சயேன பச்சயோ… சத்தாரி… ஜா²னபச்சயேன பச்சயோ… சத்தாரி… மக்³க³பச்சயேன பச்சயோ… சத்தாரி… ஸம்பயுத்தபச்சயேன பச்சயோ… ச².

விப்பயுத்தபச்சயோ

86. ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம் (ஸம்கி²த்தம்). (1)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம், பச்சா²ஜாதம் (ஸம்கி²த்தம்). (1)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ விப்பயுத்தபச்சயேன பச்சயோ. புரேஜாதம் – வத்து² ஸஞ்ஞோஜனஸம்பயுத்தகானம் க²ந்தா⁴னம் விப்பயுத்தபச்சயேன பச்சயோ. (2)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ ச ஸஞ்ஞோஜனவிப்பயுத்தஸ்ஸ ச த⁴ம்மஸ்ஸ விப்பயுத்தபச்சயேன பச்சயோ. புரேஜாதம் – வத்து² உத்³த⁴ச்சஸஹக³தானம் க²ந்தா⁴னம் மோஹஸ்ஸ ச விப்பயுத்தபச்சயேன பச்சயோ. (3)

ஸஞ்ஞோஜனஸம்பயுத்தோ ச ஸஞ்ஞோஜனவிப்பயுத்தோ ச த⁴ம்மா ஸஞ்ஞோஜனவிப்பயுத்தஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம் (ஸம்கி²த்தம்). (1)

அத்தி²பச்சயாதி³

87. ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ… ஏகம் (படிச்சவாரஸதி³ஸம்). (1)

ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம். ஸஹஜாதா – ஸஞ்ஞோஜனஸம்பயுத்தா க²ந்தா⁴ சித்தஸமுட்டா²னானம் ரூபானம் அத்தி²பச்சயேன பச்சயோ; உத்³த⁴ச்சஸஹக³தா க²ந்தா⁴ மோஹஸ்ஸ சித்தஸமுட்டா²னானஞ்ச ரூபானம் அத்தி²பச்சயேன பச்சயோ. பச்சா²ஜாதா – ஸஞ்ஞோஜனஸம்பயுத்தா க²ந்தா⁴ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. (2)

ஸஞ்ஞோஜனஸம்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ ச ஸஞ்ஞோஜனவிப்பயுத்தஸ்ஸ ச த⁴ம்மஸ்ஸ அத்தி²பச்சயேன பச்சயோ – ஸஞ்ஞோஜனஸம்பயுத்தோ ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ…பே… த்³வே க²ந்தா⁴…பே… உத்³த⁴ச்சஸஹக³தோ ஏகோ க²ந்தோ⁴ திண்ணன்னம் க²ந்தா⁴னம் மோஹஸ்ஸ ச சித்தஸமுட்டா²னானஞ்ச ரூபானம் அத்தி²பச்சயேன பச்சயோ…பே…. (3)

88. ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனவிப்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம் (ஸம்கி²த்தம். வித்தா²ரேதப்³ப³ம்). (1)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – உத்³த⁴ச்சஸஹக³தோ மோஹோ ஸம்பயுத்தகானம் க²ந்தா⁴னம் அத்தி²பச்சயேன பச்சயோ. புரேஜாதம் – சக்கு²ம்…பே… வத்து²ம் அஸ்ஸாதே³தி அபி⁴னந்த³தி, தம் ஆரப்³ப⁴ ராகோ³ உப்பஜ்ஜதி…பே… தோ³மனஸ்ஸம் உப்பஜ்ஜதி, வத்து² ஸஞ்ஞோஜனஸம்பயுத்தகானம் க²ந்தா⁴னம் அத்தி²பச்சயேன பச்சயோ. (2)

ஸஞ்ஞோஜனவிப்பயுத்தோ த⁴ம்மோ ஸஞ்ஞோஜனஸம்பயுத்தஸ்ஸ ச ஸஞ்ஞோஜனவிப்பயுத்தஸ்ஸ ச த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – உத்³த⁴ச்சஸஹக³தோ மோஹோ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ. புரேஜாதம் – சக்கு²ம் …பே… வத்து²ம் ஆரப்³ப⁴ உத்³த⁴ச்சஸஹக³தா க²ந்தா⁴ ச மோஹோ ச உப்பஜ்ஜந்தி, வத்து² உத்³த⁴ச்சஸஹக³தானம் க²ந்தா⁴னம் மோஹஸ்ஸ ச அத்தி²பச்சயேன பச்சயோ. (3)

89. ஸஞ்ஞோஜனஸம்பயுத்தோ ச ஸஞ்ஞோஜனவிப்பயுத்தோ ச த⁴ம்மா ஸஞ்ஞோஜனஸம்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – ஸஞ்ஞோஜனஸம்பயுத்தோ ஏகோ க²ந்தோ⁴ ச வத்து² ச திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴ ச…பே… உத்³த⁴ச்சஸஹக³தோ ஏகோ க²ந்தோ⁴ ச மோஹோ ச திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴ ச…பே…. (1)

ஸஞ்ஞோஜனஸம்பயுத்தோ ச ஸஞ்ஞோஜனவிப்பயுத்தோ ச த⁴ம்மா ஸஞ்ஞோஜனவிப்பயுத்தஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம். ஸஹஜாதா – ஸஞ்ஞோஜனஸம்பயுத்தா க²ந்தா⁴ ச மோஹோ ச மஹாபூ⁴தா ச சித்தஸமுட்டா²னானம் ரூபானம் அத்தி²பச்சயேன பச்சயோ; உத்³த⁴ச்சஸஹக³தா க²ந்தா⁴ ச மோஹோ ச சித்தஸமுட்டா²னானம் ரூபானம் அத்தி²பச்சயேன பச்சயோ; உத்³த⁴ச்சஸஹக³தா க²ந்தா⁴ ச வத்து² ச மோஹஸ்ஸ அத்தி²பச்சயேன பச்சயோ. பச்சா²ஜாதா – உத்³த⁴ச்சஸஹக³தா க²ந்தா⁴ ச மோஹோ ச புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – ஸஞ்ஞோஜனஸம்பயுத்தா க²ந்தா⁴ ச கப³ளீகாரோ ஆஹாரோ ச இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – ஸஞ்ஞோஜனஸம்பயுத்தா க²ந்தா⁴ ச ரூபஜீவிதிந்த்³ரியஞ்ச கடத்தாரூபானம் அத்தி²பச்சயேன பச்சயோ. (2)

ஸஞ்ஞோஜனஸம்பயுத்தோ ச ஸஞ்ஞோஜனவிப்பயுத்தோ ச த⁴ம்மா ஸஞ்ஞோஜனஸம்பயுத்தஸ்ஸ ச ஸஞ்ஞோஜனவிப்பயுத்தஸ்ஸ ச த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – உத்³த⁴ச்சஸஹக³தோ ஏகோ க²ந்தோ⁴ ச மோஹோ ச திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ…பே… த்³வே க²ந்தா⁴ ச…பே…. ஸஹஜாதோ – உத்³த⁴ச்சஸஹக³தோ ஏகோ க²ந்தோ⁴ ச வத்து² ச திண்ணன்னம் க²ந்தா⁴னம் மோஹஸ்ஸ ச அத்தி²பச்சயேன பச்சயோ…பே… த்³வே க²ந்தா⁴…பே…. (3)

நத்தி²பச்சயேன பச்சயோ… விக³தபச்சயேன பச்சயோ… அவிக³தபச்சயேன பச்சயோ.