1. விப⁴ங்க³வாரோ

ஹேதுபச்சயோ

148. லோகியோ த⁴ம்மோ லோகியஸ்ஸ த⁴ம்மஸ்ஸ ஹேதுபச்சயேன பச்சயோ – லோகியா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (1)

லோகுத்தரோ த⁴ம்மோ லோகுத்தரஸ்ஸ த⁴ம்மஸ்ஸ ஹேதுபச்சயேன பச்சயோ… தீணி.

ஆரம்மணபச்சயோ

149. லோகியோ த⁴ம்மோ லோகியஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம்…பே… ஸீலம்…பே… உபோஸத²கம்மம் கத்வா தம் பச்சவேக்க²தி, புப்³பே³ ஸுசிண்ணானி பச்சவேக்க²தி, ஜா²னா…பே… அரியா கோ³த்ரபு⁴ம் பச்சவேக்க²ந்தி, வோதா³னம் பச்சவேக்க²ந்தி, பஹீனே கிலேஸே பச்சவேக்க²ந்தி, விக்க²ம்பி⁴தே கிலேஸே…பே… புப்³பே³ ஸமுதா³சிண்ணே கிலேஸே ஜானந்தி; சக்கு²ம்…பே… வத்து²ம் லோகியே க²ந்தே⁴ அனிச்சதோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. சேதோபரியஞாணேன லோகியசித்தஸமங்கி³ஸ்ஸ சித்தம் ஜானாதி, ஆகாஸானஞ்சாயதனம் விஞ்ஞாணஞ்சாயதனஸ்ஸ…பே… ஆகிஞ்சஞ்ஞாயதனம் நேவஸஞ்ஞானாஸஞ்ஞாயதனஸ்ஸ…பே… ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ, லோகியா க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

150. லோகுத்தரோ த⁴ம்மோ லோகுத்தரஸ்ஸ த⁴ம்மஸ்ஸ ஆரம்மணபச்சயேன பச்சயோ – நிப்³பா³னம் மக்³க³ஸ்ஸ, ப²லஸ்ஸ ஆரம்மணபச்சயேன பச்சயோ. (1)

லோகுத்தரோ த⁴ம்மோ லோகியஸ்ஸ த⁴ம்மஸ்ஸ ஆரம்மணபச்சயேன பச்சயோ – அரியா மக்³கா³ வுட்ட²ஹித்வா மக்³க³ம் பச்சவேக்க²ந்தி, ப²லம் பச்சவேக்க²ந்தி, நிப்³பா³னம் பச்சவேக்க²ந்தி; நிப்³பா³னம் கோ³த்ரபு⁴ஸ்ஸ, வோதா³னஸ்ஸ, ஆவஜ்ஜனாய ஆரம்மணபச்சயேன பச்சயோ; அரியா சேதோபரியஞாணேன லோகுத்தரசித்தஸமங்கி³ஸ்ஸ சித்தம் ஜானந்தி, லோகுத்தரா க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (2)

அதி⁴பதிபச்சயோ

151. லோகியோ த⁴ம்மோ லோகியஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம் த³த்வா ஸீலம்…பே… உபோஸத²கம்மம் …பே… புப்³பே³…பே… ஜா²னா…பே… ஸேக்கா² கோ³த்ரபு⁴ம் க³ரும் கத்வா பச்சவேக்க²ந்தி, வோதா³னம் க³ரும் கத்வா பச்சவேக்க²ந்தி; சக்கு²ம்…பே… வத்து²ம் லோகியே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. ஸஹஜாதாதி⁴பதி – லோகியாதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (1)

152. லோகுத்தரோ த⁴ம்மோ லோகுத்தரஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – நிப்³பா³னம் மக்³க³ஸ்ஸ, ப²லஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – லோகுத்தராதி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. (1)

லோகுத்தரோ த⁴ம்மோ லோகியஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – அரியா மக்³கா³ வுட்ட²ஹித்வா மக்³க³ம் க³ரும் கத்வா பச்சவேக்க²ந்தி, ப²லம் க³ரும் கத்வா பச்சவேக்க²ந்தி, நிப்³பா³னம் க³ரும் கத்வா பச்சவேக்க²ந்தி; நிப்³பா³னம் கோ³த்ரபு⁴ஸ்ஸ, வோதா³னஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – லோகுத்தராதி⁴பதி சித்தஸமுட்டா²னானம் ரூபானம் அதி⁴பதிபச்சயேன பச்சயோ. (2)

லோகுத்தரோ த⁴ம்மோ லோகியஸ்ஸ ச லோகுத்தரஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – லோகுத்தராதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)

அனந்தரபச்சயோ

153. லோகியோ த⁴ம்மோ லோகியஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா லோகியா க²ந்தா⁴ பச்சி²மானம் பச்சி²மானம் லோகியானம் க²ந்தா⁴னம்…பே… அனுலோமம் கோ³த்ரபு⁴ஸ்ஸ… அனுலோமம் வோதா³னஸ்ஸ அனந்தரபச்சயேன பச்சயோ. (1)

லோகியோ த⁴ம்மோ லோகுத்தரஸ்ஸ த⁴ம்மஸ்ஸ அனந்தரபச்சயேன பச்சயோ – கோ³த்ரபு⁴ மக்³க³ஸ்ஸ… வோதா³னம் மக்³க³ஸ்ஸ… அனுலோமம் ப²லஸமாபத்தியா… நிரோதா⁴ வுட்ட²ஹந்தஸ்ஸ நேவஸஞ்ஞானாஸஞ்ஞாயதனம் ப²லஸமாபத்தியா அனந்தரபச்சயேன பச்சயோ. (2)

154. லோகுத்தரோ த⁴ம்மோ லோகுத்தரஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா லோகுத்தரா க²ந்தா⁴ பச்சி²மானம் பச்சி²மானம் லோகுத்தரானம் க²ந்தா⁴னம் அனந்தரபச்சயேன பச்சயோ; மக்³கோ³ ப²லஸ்ஸ, ப²லம் ப²லஸ்ஸ அனந்தரபச்சயேன பச்சயோ. (1)

லோகுத்தரோ த⁴ம்மோ லோகியஸ்ஸ த⁴ம்மஸ்ஸ அனந்தரபச்சயேன பச்சயோ – ப²லம் வுட்டா²னஸ்ஸ அனந்தரபச்சயேன பச்சயோ. (2)

ஸமனந்தரபச்சயாதி³

155. லோகியோ த⁴ம்மோ லோகியஸ்ஸ த⁴ம்மஸ்ஸ ஸமனந்தரபச்சயேன பச்சயோ… ஸஹஜாதபச்சயேன பச்சயோ (பஞ்ச பஞ்ஹா, க⁴டனா நத்தி²) அஞ்ஞமஞ்ஞபச்சயேன பச்சயோ… த்³வே… நிஸ்ஸயபச்சயேன பச்சயோ.

உபனிஸ்ஸயபச்சயோ

156. லோகியோ த⁴ம்மோ லோகியஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – லோகியம் ஸத்³த⁴ம் உபனிஸ்ஸாய தா³னம் தே³தி…பே… விபஸ்ஸனம் உப்பாதே³தி, அபி⁴ஞ்ஞம் உப்பாதே³தி, ஸமாபத்திம் உப்பாதே³தி, மானம் ஜப்பேதி, தி³ட்டி²ம் க³ண்ஹாதி; லோகியம் ஸீலம்…பே… ஸேனாஸனம் உபனிஸ்ஸாய தா³னம் தே³தி…பே… ஸங்க⁴ம் பி⁴ந்த³தி; லோகியா ஸத்³தா⁴…பே… ஸேனாஸனம் லோகியாய ஸத்³தா⁴ய…பே… காயிகஸ்ஸ து³க்க²ஸ்ஸ உபனிஸ்ஸயபச்சயேன பச்சயோ; குஸலாகுஸலம் கம்மம் விபாகஸ்ஸ உபனிஸ்ஸயபச்சயேன பச்சயோ. (1)

லோகியோ த⁴ம்மோ லோகுத்தரஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – பட²மஸ்ஸ மக்³க³ஸ்ஸ பரிகம்மம் பட²மஸ்ஸ மக்³க³ஸ்ஸ உபனிஸ்ஸயபச்சயேன பச்சயோ…பே… சதுத்த²ஸ்ஸ மக்³க³ஸ்ஸ பரிகம்மம் சதுத்த²ஸ்ஸ மக்³க³ஸ்ஸ உபனிஸ்ஸயபச்சயேன பச்சயோ. (2)

157. லோகுத்தரோ த⁴ம்மோ லோகுத்தரஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – பட²மோ மக்³கோ³ து³தியஸ்ஸ மக்³க³ஸ்ஸ உபனிஸ்ஸயபச்சயேன பச்சயோ…பே… ததியோ மக்³கோ³ சதுத்த²ஸ்ஸ மக்³க³ஸ்ஸ உபனிஸ்ஸயபச்சயேன பச்சயோ. (1)

லோகுத்தரோ த⁴ம்மோ லோகியஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – அரியா மக்³க³ம் உபனிஸ்ஸாய அனுப்பன்னம் ஸமாபத்திம் உப்பாதே³ந்தி, உப்பன்னம் ஸமாபஜ்ஜந்தி, ஸங்கா²ரே அனிச்சதோ து³க்க²தோ அனத்ததோ விபஸ்ஸந்தி, அரியானம் மக்³கோ³…பே… டா²னாடா²னகோஸல்லஸ்ஸ உபனிஸ்ஸயபச்சயேன பச்சயோ; ப²லஸமாபத்தி காயிகஸ்ஸ ஸுக²ஸ்ஸ உபனிஸ்ஸயபச்சயேன பச்சயோ. (2)

புரேஜாதபச்சயோ

158. லோகியோ த⁴ம்மோ லோகியஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ து³க்க²தோ அனத்ததோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ புரேஜாதபச்சயேன பச்சயோ. வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ…பே… வத்து² லோகியானம் க²ந்தா⁴னம் புரேஜாதபச்சயேன பச்சயோ. (1)

லோகியோ த⁴ம்மோ லோகுத்தரஸ்ஸ த⁴ம்மஸ்ஸ புரேஜாதபச்சயேன பச்சயோ. வத்து²புரேஜாதம் – வத்து² லோகுத்தரானம் க²ந்தா⁴னம் புரேஜாதபச்சயேன பச்சயோ. (2)

பச்சா²ஜாதபச்சயோ

159. லோகியோ த⁴ம்மோ லோகியஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா லோகியா க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

லோகுத்தரோ த⁴ம்மோ லோகியஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா லோகுத்தரா க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

ஆஸேவனபச்சயோ

160. லோகியோ த⁴ம்மோ லோகியஸ்ஸ த⁴ம்மஸ்ஸ ஆஸேவனபச்சயேன பச்சயோ – புரிமா புரிமா லோகியா க²ந்தா⁴ பச்சி²மானம் பச்சி²மானம் லோகியானம் க²ந்தா⁴னம் ஆஸேவனபச்சயேன பச்சயோ; அனுலோமம் கோ³த்ரபு⁴ஸ்ஸ… அனுலோமம் வோதா³னஸ்ஸ ஆஸேவனபச்சயேன பச்சயோ. (1)

லோகியோ த⁴ம்மோ லோகுத்தரஸ்ஸ த⁴ம்மஸ்ஸ ஆஸேவனபச்சயேன பச்சயோ – கோ³த்ரபு⁴ மக்³க³ஸ்ஸ… வோதா³னம் மக்³க³ஸ்ஸ ஆஸேவனபச்சயேன பச்சயோ. (2)

கம்மபச்சயோ

161. லோகியோ த⁴ம்மோ லோகியஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – லோகியா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – லோகியா சேதனா விபாகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (1)

லோகுத்தரோ த⁴ம்மோ லோகுத்தரஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – லோகுத்தரா சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ. நானாக்க²ணிகா – லோகுத்தரா சேதனா விபாகானம் க²ந்தா⁴னம் கம்மபச்சயேன பச்சயோ. (1)

லோகுத்தரோ த⁴ம்மோ லோகியஸ்ஸ த⁴ம்மஸ்ஸ கம்மபச்சயேன பச்சயோ – லோகுத்தரா சேதனா சித்தஸமுட்டா²னானம் ரூபானம் கம்மபச்சயேன பச்சயோ. (2)

லோகுத்தரோ த⁴ம்மோ லோகியஸ்ஸ ச லோகுத்தரஸ்ஸ ச த⁴ம்மஸ்ஸ கம்மபச்சயேன பச்சயோ – லோகுத்தரா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ. (3)

விபாகபச்சயோ

162. லோகியோ த⁴ம்மோ லோகியஸ்ஸ த⁴ம்மஸ்ஸ விபாகபச்சயேன பச்சயோ – விபாகோ லோகியோ ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் விபாகபச்சயேன பச்சயோ…பே… த்³வே க²ந்தா⁴…பே… படிஸந்தி⁴க்க²ணே…பே…. (1)

லோகுத்தரோ த⁴ம்மோ லோகுத்தரஸ்ஸ த⁴ம்மஸ்ஸ விபாகபச்சயேன பச்சயோ… தீணி.

ஆஹாரபச்சயோ

163. லோகியோ த⁴ம்மோ லோகியஸ்ஸ த⁴ம்மஸ்ஸ ஆஹாரபச்சயேன பச்சயோ – லோகியா ஆஹாரா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஆஹாரபச்சயேன பச்சயோ; படிஸந்தி⁴க்க²ணே…பே… கப³ளீகாரோ ஆஹாரோ இமஸ்ஸ காயஸ்ஸ ஆஹாரபச்சயேன பச்சயோ. (1)

லோகுத்தரோ த⁴ம்மோ லோகுத்தரஸ்ஸ த⁴ம்மஸ்ஸ ஆஹாரபச்சயேன பச்சயோ… தீணி.

இந்த்³ரியபச்சயோ

164. லோகியோ த⁴ம்மோ லோகியஸ்ஸ த⁴ம்மஸ்ஸ இந்த்³ரியபச்சயேன பச்சயோ (படிஸந்தி⁴ காதப்³பா³); சக்கு²ந்த்³ரியம் சக்கு²விஞ்ஞாணஸ்ஸ…பே… காயிந்த்³ரியம் காயவிஞ்ஞாணஸ்ஸ இந்த்³ரியபச்சயேன பச்சயோ; ரூபஜீவிதிந்த்³ரியம் கடத்தாரூபானம் இந்த்³ரியபச்சயேன பச்சயோ. (1)

லோகுத்தரோ த⁴ம்மோ லோகுத்தரஸ்ஸ த⁴ம்மஸ்ஸ இந்த்³ரியபச்சயேன பச்சயோ… தீணி.

ஜா²னபச்சயாதி³

165. லோகியோ த⁴ம்மோ லோகியஸ்ஸ த⁴ம்மஸ்ஸ ஜா²னபச்சயேன பச்சயோ… ஏகம், லோகுத்தரோ த⁴ம்மோ…பே… தீணி… மக்³க³பச்சயேன பச்சயோ, லோகியே ஏகம், லோகுத்தரே தீணி.

லோகியோ த⁴ம்மோ லோகியஸ்ஸ த⁴ம்மஸ்ஸ ஸம்பயுத்தபச்சயேன பச்சயோ… ஏகம், லோகுத்தரோ த⁴ம்மோ…பே… ஏகம்.

விப்பயுத்தபச்சயோ

166. லோகியோ த⁴ம்மோ லோகியஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம், பச்சா²ஜாதம். ஸஹஜாதா – லோகியா க²ந்தா⁴ சித்தஸமுட்டா²னானம் ரூபானம் விப்பயுத்தபச்சயேன பச்சயோ; படிஸந்தி⁴க்க²ணே…பே… க²ந்தா⁴ வத்து²ஸ்ஸ விப்பயுத்தபச்சயேன பச்சயோ; வத்து² க²ந்தா⁴னம் விப்பயுத்தபச்சயேன பச்சயோ. புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ…பே… வத்து² லோகியானம் க²ந்தா⁴னம் விப்பயுத்தபச்சயேன பச்சயோ. பச்சா²ஜாதா – லோகியா க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ. (1)

லோகியோ த⁴ம்மோ லோகுத்தரஸ்ஸ த⁴ம்மஸ்ஸ விப்பயுத்தபச்சயேன பச்சயோ. புரேஜாதம் – வத்து² லோகுத்தரானம் க²ந்தா⁴னம் விப்பயுத்தபச்சயேன பச்சயோ. (2)

லோகுத்தரோ த⁴ம்மோ லோகியஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம். ஸஹஜாதா – லோகுத்தரா க²ந்தா⁴ சித்தஸமுட்டா²னானம் ரூபானம் விப்பயுத்தபச்சயேன பச்சயோ. பச்சா²ஜாதா – லோகுத்தரா க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ. (1)

அத்தி²பச்சயாதி³

167. லோகியோ த⁴ம்மோ லோகியஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம். ஸஹஜாதோ – லோகியோ ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம்…பே… (யாவ அஸஞ்ஞஸத்தா). புரேஜாதம் – சக்கு²ம்…பே… வத்து²ம் …பே… (புரேஜாதஸதி³ஸம்). வத்து² லோகியானம் க²ந்தா⁴னம் அத்தி²பச்சயேன பச்சயோ. பச்சா²ஜாதா – லோகியா க²ந்தா⁴ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ; கப³ளீகாரோ ஆஹாரோ இமஸ்ஸ காயஸ்ஸ அத்தி²பச்சயேன பச்சயோ; ரூபஜீவிதிந்த்³ரியம் கடத்தாரூபானம் அத்தி²பச்சயேன பச்சயோ. (1)

லோகியோ த⁴ம்மோ லோகுத்தரஸ்ஸ த⁴ம்மஸ்ஸ அத்தி²பச்சயேன பச்சயோ. புரேஜாதம் – வத்து² லோகுத்தரானம் க²ந்தா⁴னம் அத்தி²பச்சயேன பச்சயோ. (2)

168. லோகுத்தரோ த⁴ம்மோ லோகுத்தரஸ்ஸ த⁴ம்மஸ்ஸ அத்தி²பச்சயேன பச்சயோ – லோகுத்தரோ ஏகோ க²ந்தோ⁴ திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴…பே…. (1)

லோகுத்தரோ த⁴ம்மோ லோகியஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம். ஸஹஜாதா – லோகுத்தரா க²ந்தா⁴ சித்தஸமுட்டா²னானம் ரூபானம் அத்தி²பச்சயேன பச்சயோ. பச்சா²ஜாதா – லோகுத்தரா க²ந்தா⁴ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. (2)

லோகுத்தரோ த⁴ம்மோ லோகியஸ்ஸ ச லோகுத்தரஸ்ஸ ச த⁴ம்மஸ்ஸ அத்தி²பச்சயேன பச்சயோ – லோகுத்தரோ ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ…பே… த்³வே க²ந்தா⁴…பே…. (3)

169. லோகியோ ச லோகுத்தரோ ச த⁴ம்மா லோகியஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம், ஆஹாரம், இந்த்³ரியம். ஸஹஜாதா – லோகுத்தரா க²ந்தா⁴ ச மஹாபூ⁴தா ச சித்தஸமுட்டா²னானம் ரூபானம் அத்தி²பச்சயேன பச்சயோ. பச்சா²ஜாதா – லோகுத்தரா க²ந்தா⁴ ச கப³ளீகாரோ ஆஹாரோ ச இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – லோகுத்தரா க²ந்தா⁴ ச ரூபஜீவிதிந்த்³ரியஞ்ச கடத்தாரூபானம் அத்தி²பச்சயேன பச்சயோ. (1)

லோகியோ ச லோகுத்தரோ ச த⁴ம்மா லோகுத்தரஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – லோகுத்தரோ ஏகோ க²ந்தோ⁴ ச வத்து² ச திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴ ச…பே…. (2)

நத்தி²பச்சயேன பச்சயோ… விக³தபச்சயேன பச்சயோ… அவிக³தபச்சயேன பச்சயோ. (2)