1. விப⁴ங்க³வாரோ

ஹேதுபச்சயோ

111. அரூபீ த⁴ம்மோ அரூபிஸ்ஸ த⁴ம்மஸ்ஸ ஹேதுபச்சயேன பச்சயோ – அரூபீ ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ; படிஸந்தி⁴க்க²ணே…பே…. (1)

அரூபீ த⁴ம்மோ ரூபிஸ்ஸ த⁴ம்மஸ்ஸ ஹேதுபச்சயேன பச்சயோ – அரூபீ ஹேதூ சித்தஸமுட்டா²னானம் ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (2)

அரூபீ த⁴ம்மோ ரூபிஸ்ஸ ச அரூபிஸ்ஸ ச த⁴ம்மஸ்ஸ ஹேதுபச்சயேன பச்சயோ – அரூபீ ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (3)

ஆரம்மணபச்சயோ

112. ரூபீ த⁴ம்மோ அரூபிஸ்ஸ த⁴ம்மஸ்ஸ ஆரம்மணபச்சயேன பச்சயோ – சக்கு²ம்…பே… வத்து²ம்… இத்தி²ந்த்³ரியம்… புரிஸிந்த்³ரியம்… ஜீவிதிந்த்³ரியம்… ஆபோதா⁴தும்… கப³ளீகாரம் ஆஹாரம் அனிச்சதோ…பே… தோ³மனஸ்ஸம் உப்பஜ்ஜதி, தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. ரூபாயதனம் சக்கு²விஞ்ஞாணஸ்ஸ ஆரம்மணபச்சயேன பச்சயோ…பே… போ²ட்ட²ப்³பா³யதனம் காயவிஞ்ஞாணஸ்ஸ ஆரம்மணபச்சயேன பச்சயோ; ரூபினோ க²ந்தா⁴ இத்³தி⁴வித⁴ஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

113. அரூபீ த⁴ம்மோ அரூபிஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம்…பே… ஸீலம்…பே… உபோஸத²கம்மம் கத்வா தம் பச்சவேக்க²தி, புப்³பே³ ஸுசிண்ணானி பச்சவேக்க²தி, ஜா²னா…பே… அரியா மக்³கா³ வுட்ட²ஹித்வா மக்³க³ம் பச்சவேக்க²ந்தி, ப²லம் பச்சவேக்க²ந்தி, நிப்³பா³னம் பச்சவேக்க²ந்தி; நிப்³பா³னம் கோ³த்ரபு⁴ஸ்ஸ, வோதா³னஸ்ஸ, மக்³க³ஸ்ஸ, ப²லஸ்ஸ, ஆவஜ்ஜனாய ஆரம்மணபச்சயேன பச்சயோ; அரியா பஹீனே கிலேஸே…பே… விக்க²ம்பி⁴தே கிலேஸே…பே… புப்³பே³…பே… அரூபினோ க²ந்தே⁴ அனிச்சதோ…பே… தோ³மனஸ்ஸம் உப்பஜ்ஜதி, சேதோபரியஞாணேன அரூபிசித்தஸமங்கி³ஸ்ஸ சித்தம் ஜானாதி, ஆகாஸானஞ்சாயதனம்…பே… நேவஸஞ்ஞானாஸஞ்ஞாயதனஸ்ஸ…பே… அரூபினோ க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

அதி⁴பதிபச்சயோ

114. ரூபீ த⁴ம்மோ அரூபிஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – சக்கு²ம்…பே… கப³ளீகாரம் ஆஹாரம் க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. (1)

அரூபீ த⁴ம்மோ அரூபிஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம்…பே… (ஸம்கி²த்தம்) நிப்³பா³னம் மக்³க³ஸ்ஸ, ப²லஸ்ஸ அதி⁴பதிபச்சயேன பச்சயோ; அரூபினோ க²ந்தே⁴ க³ரும் கத்வா அஸ்ஸாதே³தி…பே… ராகோ³ உப்பஜ்ஜதி, தி³ட்டி² உப்பஜ்ஜதி. ஸஹஜாதாதி⁴பதி – அரூபீ அதி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. (1)

அரூபீ த⁴ம்மோ ரூபிஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – அரூபீ அதி⁴பதி சித்தஸமுட்டா²னானம் ரூபானம் அதி⁴பதிபச்சயேன பச்சயோ. (2)

அரூபீ த⁴ம்மோ ரூபிஸ்ஸ ச அரூபிஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – அரூபீ அதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)

அனந்தரபச்சயாதி³

115. அரூபீ த⁴ம்மோ அரூபிஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா அரூபினோ க²ந்தா⁴ பச்சி²மானம் பச்சி²மானம் அரூபீனம் க²ந்தா⁴னம்…பே… ப²லஸமாபத்தியா அனந்தரபச்சயேன பச்சயோ, ஸமனந்தரபச்சயேன பச்சயோ.

(ஸஹஜாதபச்சயே ஸத்த, இஹ க⁴டனா நத்தி². அஞ்ஞமஞ்ஞபச்சயே ச², நிஸ்ஸயபச்சயே ஸத்த பஞ்ஹா, இஹ க⁴டனா நத்தி²).

உபனிஸ்ஸயபச்சயோ

116. ரூபீ த⁴ம்மோ அரூபிஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – உதும்… போ⁴ஜனம்… ஸேனாஸனம் உபனிஸ்ஸாய தா³னம் தே³தி…பே… ஸங்க⁴ம் பி⁴ந்த³தி, உது… போ⁴ஜனம்… ஸேனாஸனம் ஸத்³தா⁴ய…பே… ப²லஸமாபத்தியா உபனிஸ்ஸயபச்சயேன பச்சயோ. (1)

அரூபீ த⁴ம்மோ அரூபிஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸத்³த⁴ம் உபனிஸ்ஸாய தா³னம் தே³தி, ஸீலம்…பே… காயிகம் து³க்க²ம் உபனிஸ்ஸாய தா³னம் தே³தி…பே… ஸங்க⁴ம் பி⁴ந்த³தி, ஸத்³தா⁴…பே… காயிகம் து³க்க²ம்… ஸத்³தா⁴ய…பே… ப²லஸமாபத்தியா உபனிஸ்ஸயபச்சயேன பச்சயோ. (1)

புரேஜாதபச்சயோ

117. ரூபீ த⁴ம்மோ அரூபிஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம்…பே… கப³ளீகாரம் ஆஹாரம் அனிச்சதோ …பே… தோ³மனஸ்ஸம் உப்பஜ்ஜதி. தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே…. வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ…பே… வத்து² அரூபீனம் க²ந்தா⁴னம் புரேஜாதபச்சயேன பச்சயோ. (1)

பச்சா²ஜாதபச்சயோ

118. அரூபீ த⁴ம்மோ ரூபிஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா அரூபினோ க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

ஆஸேவனபச்சயோ

119. அரூபீ த⁴ம்மோ அரூபிஸ்ஸ த⁴ம்மஸ்ஸ ஆஸேவனபச்சயேன பச்சயோ – புரிமா புரிமா அரூபினோ க²ந்தா⁴ பச்சி²மானம் பச்சி²மானம் அரூபீனம் க²ந்தா⁴னம் ஆஸேவனபச்சயேன பச்சயோ.

கம்மபச்சயோ

120. அரூபீ த⁴ம்மோ அரூபிஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – அரூபீ சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – அரூபீ சேதனா விபாகானம் க²ந்தா⁴னம் கம்மபச்சயேன பச்சயோ. (1)

அரூபீ த⁴ம்மோ ரூபிஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – அரூபீ சேதனா சித்தஸமுட்டா²னானம் ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – அரூபீ சேதனா கடத்தாரூபானம் கம்மபச்சயேன பச்சயோ. (2)

அரூபீ த⁴ம்மோ ரூபிஸ்ஸ ச அரூபிஸ்ஸ ச த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – அரூபீ சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – அரூபீ சேதனா விபாகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (3)

விபாகாஹாரபச்சயா

121. அரூபீ த⁴ம்மோ அரூபிஸ்ஸ த⁴ம்மஸ்ஸ விபாகபச்சயேன பச்சயோ… தீணி.

ரூபீ த⁴ம்மோ ரூபிஸ்ஸ த⁴ம்மஸ்ஸ ஆஹாரபச்சயேன பச்சயோ – கப³ளீகாரோ ஆஹாரோ இமஸ்ஸ காயஸ்ஸ ஆஹாரபச்சயேன பச்சயோ. (1)

அரூபீ த⁴ம்மோ அரூபிஸ்ஸ த⁴ம்மஸ்ஸ ஆஹாரபச்சயேன பச்சயோ… தீணி.

இந்த்³ரியபச்சயோ

122. ரூபீ த⁴ம்மோ ரூபிஸ்ஸ த⁴ம்மஸ்ஸ இந்த்³ரியபச்சயேன பச்சயோ – ரூபஜீவிதிந்த்³ரியம் கடத்தாரூபானம் இந்த்³ரியபச்சயேன பச்சயோ. (1)

ரூபீ த⁴ம்மோ அரூபிஸ்ஸ த⁴ம்மஸ்ஸ இந்த்³ரியபச்சயேன பச்சயோ – சக்கு²ந்த்³ரியம்…பே… காயிந்த்³ரியம் காயவிஞ்ஞாணஸ்ஸ இந்த்³ரியபச்சயேன பச்சயோ. (2)

அரூபீ த⁴ம்மோ அரூபிஸ்ஸ த⁴ம்மஸ்ஸ இந்த்³ரியபச்சயேன பச்சயோ… தீணி.

ரூபீ ச அரூபீ ச த⁴ம்மா அரூபிஸ்ஸ த⁴ம்மஸ்ஸ இந்த்³ரியபச்சயேன பச்சயோ – சக்கு²ந்த்³ரியஞ்ச சக்கு²விஞ்ஞாணஞ்ச சக்கு²விஞ்ஞாணஸஹக³தானம் க²ந்தா⁴னம் இந்த்³ரியபச்சயேன பச்சயோ…பே… காயிந்த்³ரியஞ்ச…பே….

ஜா²னபச்சயாதி³

123. அரூபீ த⁴ம்மோ அரூபிஸ்ஸ த⁴ம்மஸ்ஸ ஜா²னபச்சயேன பச்சயோ… தீணி… மக்³க³பச்சயேன பச்சயோ… தீணி… ஸம்பயுத்தபச்சயேன பச்சயோ… ஏகம்.

விப்பயுத்தபச்சயோ

124. ரூபீ த⁴ம்மோ அரூபிஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம். ஸஹஜாதம் – படிஸந்தி⁴க்க²ணே வத்து² அரூபீனம் க²ந்தா⁴னம் விப்பயுத்தபச்சயேன பச்சயோ. புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ…பே… வத்து² அரூபீனம் க²ந்தா⁴னம் விப்பயுத்தபச்சயேன பச்சயோ. (1)

அரூபீ த⁴ம்மோ ரூபிஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம். ஸஹஜாதா – அரூபினோ க²ந்தா⁴ சித்தஸமுட்டா²னானம் ரூபானம் விப்பயுத்தபச்சயேன பச்சயோ; படிஸந்தி⁴க்க²ணே அரூபினோ க²ந்தா⁴ கடத்தாரூபானம் விப்பயுத்தபச்சயேன பச்சயோ; அரூபினோ க²ந்தா⁴ வத்து²ஸ்ஸ விப்பயுத்தபச்சயேன பச்சயோ. பச்சா²ஜாதா – அரூபினோ க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ. (1)

அத்தி²பச்சயாதி³

125. ரூபீ த⁴ம்மோ ரூபிஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், ஆஹாரம், இந்த்³ரியம். ஸஹஜாதம் – ஏகம் மஹாபூ⁴தம்…பே… (யாவ அஸஞ்ஞஸத்தா), கப³ளீகாரோ ஆஹாரோ இமஸ்ஸ காயஸ்ஸ அத்தி²பச்சயேன பச்சயோ; ரூபஜீவிதிந்த்³ரியம் கடத்தாரூபானம் அத்தி²பச்சயேன பச்சயோ. (1)

ரூபீ த⁴ம்மோ அரூபிஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதம் – படிஸந்தி⁴க்க²ணே வத்து² அரூபீனம் க²ந்தா⁴னம் அத்தி²பச்சயேன பச்சயோ. புரேஜாதம் – சக்கு²ம்…பே… கப³ளீகாரம் ஆஹாரம் அனிச்சதோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே… சக்கா²யதனம் சக்கு²விஞ்ஞாணஸ்ஸ …பே… காயாயதனம் காயவிஞ்ஞாணஸ்ஸ…பே… வத்து² அரூபீனம் க²ந்தா⁴னம் அத்தி²பச்சயேன பச்சயோ. (2)

126. அரூபீ த⁴ம்மோ அரூபிஸ்ஸ த⁴ம்மஸ்ஸ அத்தி²பச்சயேன பச்சயோ – அரூபீ ஏகோ க²ந்தோ⁴ திண்ணன்னம் க²ந்தா⁴னம்…பே… த்³வே க²ந்தா⁴…பே… படிஸந்தி⁴க்க²ணே…பே…. (1)

அரூபீ த⁴ம்மோ ரூபிஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம். ஸஹஜாதா – அரூபினோ க²ந்தா⁴ சித்தஸமுட்டா²னானம் ரூபானம் அத்தி²பச்சயேன பச்சயோ; படிஸந்தி⁴க்க²ணே…பே… பச்சா²ஜாதா – அரூபினோ க²ந்தா⁴ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. (2)

அரூபீ த⁴ம்மோ ரூபிஸ்ஸ ச அரூபிஸ்ஸ ச த⁴ம்மஸ்ஸ அத்தி²பச்சயேன பச்சயோ – அரூபீ ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ…பே… த்³வே க²ந்தா⁴…பே… படிஸந்தி⁴க்க²ணே…பே…. (3)

127. ரூபீ ச அரூபீ ச த⁴ம்மா ரூபிஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம், ஆஹாரம், இந்த்³ரியம். ஸஹஜாதா – அரூபீ க²ந்தா⁴ ச மஹாபூ⁴தா ச சித்தஸமுட்டா²னானம் ரூபானம் அத்தி²பச்சயேன பச்சயோ; படிஸந்தி⁴க்க²ணே…பே…. பச்சா²ஜாதா – அரூபினோ க²ந்தா⁴ ச கப³ளீகாரோ ஆஹாரோ ச இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – அரூபினோ க²ந்தா⁴ ச ரூபஜீவிதிந்த்³ரியஞ்ச கடத்தாரூபானம் அத்தி²பச்சயேன பச்சயோ. (1)

ரூபீ ச அரூபீ ச த⁴ம்மா அரூபிஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – சக்கு²விஞ்ஞாணஸஹக³தோ ஏகோ க²ந்தோ⁴ ச சக்கா²யதனஞ்ச திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴ ச…பே… காயவிஞ்ஞாணஸஹக³தோ…பே… அரூபீ ஏகோ க²ந்தோ⁴ ச வத்து² ச திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴ ச…பே… படிஸந்தி⁴க்க²ணே அரூபீ ஏகோ க²ந்தோ⁴ ச வத்து² ச திண்ணன்னம் க²ந்தா⁴னம்…பே… த்³வே க²ந்தா⁴ ச…பே…. (2)

நத்தி²பச்சயேன பச்சயோ… விக³தபச்சயேன பச்சயோ… அவிக³தபச்சயேன பச்சயோ.