1. விப⁴ங்க³வாரோ

ஹேதுபச்சயோ

102. உபாதா³னோ சேவ உபாதா³னஸம்பயுத்தோ ச த⁴ம்மோ உபாதா³னஸ்ஸ சேவ உபாதா³னஸம்பயுத்தஸ்ஸ ச த⁴ம்மஸ்ஸ ஹேதுபச்சயேன பச்சயோ – உபாதா³னா சேவ உபாதா³னஸம்பயுத்தா ச ஹேதூ ஸம்பயுத்தகானம் உபாதா³னானம் ஹேதுபச்சயேன பச்சயோ. (மூலம் புச்சி²தப்³ப³ம்) உபாதா³னா சேவ உபாதா³னஸம்பயுத்தா ச ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ. (மூலம் புச்சி²தப்³ப³ம்) உபாதா³னா சேவ உபாதா³னஸம்பயுத்தா ச ஹேதூ ஸம்பயுத்தகானம் க²ந்தா⁴னம் உபாதா³னானஞ்ச ஹேதுபச்சயேன பச்சயோ. (3)

103. உபாதா³னஸம்பயுத்தோ சேவ நோ ச உபாதா³னோ த⁴ம்மோ உபாதா³னஸம்பயுத்தஸ்ஸ சேவ நோ ச உபாதா³னஸ்ஸ த⁴ம்மஸ்ஸ ஹேதுபச்சயேன பச்சயோ – உபாதா³னஸம்பயுத்தா சேவ நோ ச உபாதா³னா ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ. (மூலம் புச்சி²தப்³ப³ம்) உபாதா³னஸம்பயுத்தா சேவ நோ ச உபாதா³னா ஹேதூ ஸம்பயுத்தகானம் உபாதா³னானம் ஹேதுபச்சயேன பச்சயோ. (மூலம் புச்சி²தப்³ப³ம்) உபாதா³னஸம்பயுத்தா சேவ நோ ச உபாதா³னா ஹேதூ ஸம்பயுத்தகானம் க²ந்தா⁴னம் உபாதா³னானஞ்ச ஹேதுபச்சயேன பச்சயோ. (3)

104. உபாதா³னோ சேவ உபாதா³னஸம்பயுத்தோ ச உபாதா³னஸம்பயுத்தோ சேவ நோ ச உபாதா³னோ ச த⁴ம்மா உபாதா³னஸ்ஸ சேவ உபாதா³னஸம்பயுத்தஸ்ஸ ச த⁴ம்மஸ்ஸ ஹேதுபச்சயேன பச்சயோ – உபாதா³னா சேவ உபாதா³னஸம்பயுத்தா ச உபாதா³னஸம்பயுத்தா சேவ நோ ச உபாதா³னா ச ஹேதூ ஸம்பயுத்தகானம் உபாதா³னானம் ஹேதுபச்சயேன பச்சயோ. (மூலம் புச்சி²தப்³ப³ம்) உபாதா³னா சேவ உபாதா³னஸம்பயுத்தா ச உபாதா³னஸம்பயுத்தா சேவ நோ ச உபாதா³னா ச ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ. (மூலம் புச்சி²தப்³ப³ம்) உபாதா³னா சேவ உபாதா³னஸம்பயுத்தா ச உபாதா³னஸம்பயுத்தா சேவ நோ ச உபாதா³னா ச ஹேதூ ஸம்பயுத்தகானம் க²ந்தா⁴னம் உபாதா³னானஞ்ச ஹேதுபச்சயேன பச்சயோ. (3)

ஆரம்மணபச்சயோ

105. உபாதா³னோ சேவ உபாதா³னஸம்பயுத்தோ ச த⁴ம்மோ உபாதா³னஸ்ஸ சேவ உபாதா³னஸம்பயுத்தஸ்ஸ ச த⁴ம்மஸ்ஸ ஆரம்மணபச்சயேன பச்சயோ – உபாதா³னே ஆரப்³ப⁴ உபாதா³னா உப்பஜ்ஜந்தி. (மூலம் புச்சி²தப்³ப³ம்) உபாதா³னே ஆரப்³ப⁴ உபாதா³னஸம்பயுத்தா சேவ நோ ச உபாதா³னா க²ந்தா⁴ உப்பஜ்ஜந்தி. (மூலம் புச்சி²தப்³ப³ம்) உபாதா³னே ஆரப்³ப⁴ உபாதா³னா ச ஸம்பயுத்தகா ச க²ந்தா⁴ உப்பஜ்ஜந்தி. (3)

உபாதா³னஸம்பயுத்தோ சேவ நோ ச உபாதா³னோ த⁴ம்மோ உபாதா³னஸம்பயுத்தஸ்ஸ சேவ நோ ச உபாதா³னஸ்ஸ த⁴ம்மஸ்ஸ ஆரம்மணபச்சயேன பச்சயோ – உபாதா³னஸம்பயுத்தே சேவ நோ ச உபாதா³னே க²ந்தே⁴ ஆரப்³ப⁴ உபாதா³னஸம்பயுத்தா சேவ நோ ச உபாதா³னா க²ந்தா⁴ உப்பஜ்ஜந்தி (தீணிபி காதப்³பா³, க⁴டனே தீணிபி காதப்³பா³).

அதி⁴பதிபச்சயோ

106. உபாதா³னோ சேவ உபாதா³னஸம்பயுத்தோ ச த⁴ம்மோ உபாதா³னஸ்ஸ சேவ உபாதா³னஸம்பயுத்தஸ்ஸ ச த⁴ம்மஸ்ஸ அதி⁴பதிபச்சயேன பச்சயோ… தீணி. (3)

உபாதா³னஸம்பயுத்தோ சேவ நோ ச உபாதா³னோ த⁴ம்மோ உபாதா³னஸம்பயுத்தஸ்ஸ சேவ நோ ச உபாதா³னஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி (தீணிபி, தீஸுபி த்³வேபி அதி⁴பதி காதப்³பா³, க⁴டனாதி⁴பதிபி தீணி).

அனந்தரபச்சயோ

107. உபாதா³னோ சேவ உபாதா³னஸம்பயுத்தோ ச த⁴ம்மோ உபாதா³னஸ்ஸ சேவ உபாதா³னஸம்பயுத்தஸ்ஸ ச த⁴ம்மஸ்ஸ அனந்தரபச்சயேன பச்சயோ – புரிமா புரிமா உபாதா³னா சேவ உபாதா³னஸம்பயுத்தா ச க²ந்தா⁴ பச்சி²மானம் பச்சி²மானம் உபாதா³னானம் அனந்தரபச்சயேன பச்சயோ (ஏவம் நவபி பஞ்ஹா காதப்³பா³, ஆவஜ்ஜனாபி வுட்டா²னம்பி நத்தி²).

ஸமனந்தரபச்சயாதி³

108. உபாதா³னோ சேவ உபாதா³னஸம்பயுத்தோ ச த⁴ம்மோ உபாதா³னஸ்ஸ சேவ உபாதா³னஸம்பயுத்தஸ்ஸ ச த⁴ம்மஸ்ஸ ஸமனந்தரபச்சயேன பச்சயோ… நவ… ஸஹஜாதபச்சயேன பச்சயோ… நவ… அஞ்ஞமஞ்ஞபச்சயேன பச்சயோ… நவ… நிஸ்ஸயபச்சயேன பச்சயோ… நவ.

உபனிஸ்ஸயபச்சயோ

109. உபாதா³னோ சேவ உபாதா³னஸம்பயுத்தோ ச த⁴ம்மோ உபாதா³னஸ்ஸ சேவ உபாதா³னஸம்பயுத்தஸ்ஸ ச த⁴ம்மஸ்ஸ உபனிஸ்ஸயபச்சயேன பச்சயோ…பே… தீணி.

உபாதா³னஸம்பயுத்தோ சேவ நோ ச உபாதா³னோ த⁴ம்மோ உபாதா³னஸம்பயுத்தஸ்ஸ சேவ நோ ச உபாதா³னஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – உபாதா³னஸம்பயுத்தா சேவ நோ ச உபாதா³னா க²ந்தா⁴ உபாதா³னஸம்பயுத்தகானஞ்சேவ நோ ச உபாதா³னானம் க²ந்தா⁴னம் உபனிஸ்ஸயபச்சயேன பச்சயோ (தீணி க⁴டனுபனிஸ்ஸயேபி தீணி)… ஆஸேவனபச்சயேன பச்சயோ… நவ.

கம்மபச்சயாதி³

110. உபாதா³னஸம்பயுத்தோ சேவ நோ ச உபாதா³னோ த⁴ம்மோ உபாதா³னஸம்பயுத்தஸ்ஸ சேவ நோ ச உபாதா³னஸ்ஸ த⁴ம்மஸ்ஸ கம்மபச்சயேன பச்சயோ… தீணி… ஆஹாரபச்சயேன பச்சயோ… தீணி… இந்த்³ரியபச்சயேன பச்சயோ… தீணி… ஜா²னபச்சயேன பச்சயோ… தீணி… மக்³க³பச்சயேன பச்சயோ… நவ… ஸம்பயுத்தபச்சயேன பச்சயோ… நவ… அத்தி²பச்சயேன பச்சயோ… நவ… நத்தி²பச்சயேன பச்சயோ… நவ… விக³தபச்சயேன பச்சயோ… நவ… அவிக³தபச்சயேன பச்சயோ… நவ.