1. விப⁴ங்க³வாரோ

ஹேதுபச்சயோ

98. உபாதா³னோ சேவ உபாதா³னியோ ச த⁴ம்மோ உபாதா³னஸ்ஸ சேவ உபாதா³னியஸ்ஸ ச த⁴ம்மஸ்ஸ ஹேதுபச்சயேன பச்சயோ – உபாதா³னா சேவ உபாதா³னியா ச ஹேதூ ஸம்பயுத்தகானம் உபாதா³னானம் ஹேதுபச்சயேன பச்சயோ. (1)

உபாதா³னோ சேவ உபாதா³னியோ ச த⁴ம்மோ உபாதா³னியஸ்ஸ சேவ நோ ச உபாதா³னஸ்ஸ த⁴ம்மஸ்ஸ ஹேதுபச்சயேன பச்சயோ – உபாதா³னா சேவ உபாதா³னியா ச ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ (உபாதா³னது³கஸதி³ஸா நின்னானா, நவ பஞ்ஹா).

ஆரம்மணபச்சயோ

99. உபாதா³னோ சேவ உபாதா³னியோ ச த⁴ம்மோ உபாதா³னஸ்ஸ சேவ உபாதா³னியஸ்ஸ ச த⁴ம்மஸ்ஸ ஆரம்மணபச்சயேன பச்சயோ – உபாதா³னே ஆரப்³ப⁴ உபாதா³னா உப்பஜ்ஜந்தி… தீணி.

உபாதா³னியோ சேவ நோ ச உபாதா³னோ த⁴ம்மோ உபாதா³னியஸ்ஸ சேவ நோ ச உபாதா³னஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம்…பே… ஜா²னா வுட்ட²ஹித்வா ஜா²னம் பச்சவேக்க²தி, அஸ்ஸாதே³தி அபி⁴னந்த³தி, தம் ஆரப்³ப⁴ ராகோ³ உப்பஜ்ஜதி, தி³ட்டி² உப்பஜ்ஜதி, விசிகிச்சா² உத்³த⁴ச்சம் தோ³மனஸ்ஸம் உப்பஜ்ஜதி; அரியா கோ³த்ரபு⁴ம் பச்சவேக்க²ந்தி, வோதா³னம் பச்சவேக்க²ந்தி, பஹீனே கிலேஸே…பே… விக்க²ம்பி⁴தே கிலேஸே…பே… புப்³பே³ ஸமுதா³சிண்ணே…பே… சக்கு²ம்…பே… வத்து²ம்…பே… (ஸம்கி²த்தம்) அனாக³தம்ஸஞாணஸ்ஸ ஆவஜ்ஜனாய ஆரம்மணபச்சயேன பச்சயோ. (1)

உபாதா³னியோ சேவ நோ ச உபாதா³னோ த⁴ம்மோ உபாதா³னஸ்ஸ சேவ உபாதா³னியஸ்ஸ ச த⁴ம்மஸ்ஸ ஆரம்மணபச்சயேன பச்சயோ (ஸம்கி²த்தம், இதரே த்³வே உபாதா³னது³கஸதி³ஸா). (3)

உபாதா³னோ சேவ உபாதா³னியோ ச உபாதா³னியோ சேவ நோ ச உபாதா³னோ ச த⁴ம்மா உபாதா³னஸ்ஸ சேவ உபாதா³னியஸ்ஸ ச த⁴ம்மஸ்ஸ ஆரம்மணபச்சயேன பச்சயோ… தீணி (ஹேட்டா² அதி⁴பதி தீணி, உபாதா³னது³கஸதி³ஸா).

அதி⁴பதிபச்சயோ

100. உபாதா³னியோ சேவ நோ ச உபாதா³னோ த⁴ம்மோ உபாதா³னியஸ்ஸ சேவ நோ ச உபாதா³னஸ்ஸ ச த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம்…பே… ஜா²னா வுட்ட²ஹித்வா ஜா²னம் க³ரும் கத்வா பச்சவேக்க²தி, அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி; ஸேக்கா² கோ³த்ரபு⁴ம் க³ரும் கத்வா…பே… வோதா³னம்…பே… சக்கு²ம்…பே… வத்து²ம் உபாதா³னியே சேவ நோ ச உபாதா³னே க²ந்தே⁴ க³ரும் கத்வா உபாதா³னியா சேவ நோ ச உபாதா³னா க²ந்தா⁴ உப்பஜ்ஜந்தி. ஸஹஜாதாதி⁴பதி – உபாதா³னியா சேவ நோ ச உபாதா³னாதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ (அவஸேஸா த்³வேபி ஆரம்மணாதி⁴பதி ஸஹஜாதாதி⁴பதிபி உபாதா³னது³கஸதி³ஸா). (3)

(க⁴டனா அதி⁴பதி தீணி, உபாதா³னது³கஸதி³ஸா. ஸப்³பே³ பச்சயா உபாதா³னது³கஸதி³ஸா. உபாதா³னியே லோகுத்தரம் நத்தி², பச்சனீயம்பி இதரே த்³வே க³ணனாபி உபாதா³னது³கஸதி³ஸம்.)

உபாதா³னஉபாதா³னியது³கம் நிட்டி²தம்.