1. விப⁴ங்க³வாரோ

ஹேதுபச்சயோ

17. ஹேது த⁴ம்மோ ஹேதுஸ்ஸ த⁴ம்மஸ்ஸ ஹேதுபச்சயேன பச்சயோ – அலோபோ⁴ அதோ³ஸஸ்ஸ அமோஹஸ்ஸ ஹேதுபச்சயேன பச்சயோ (சக்கம்). லோபோ⁴ மோஹஸ்ஸ ஹேதுபச்சயேன பச்சயோ, தோ³ஸோ மோஹஸ்ஸ ஹேதுபச்சயேன பச்சயோ; படிஸந்தி⁴க்க²ணே…பே…. (1)

ஹேது த⁴ம்மோ நஹேதுஸ்ஸ த⁴ம்மஸ்ஸ ஹேதுபச்சயேன பச்சயோ – ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (2)

ஹேது த⁴ம்மோ ஹேதுஸ்ஸ ச நஹேதுஸ்ஸ ச த⁴ம்மஸ்ஸ ஹேதுபச்சயேன பச்சயோ – அலோபோ⁴ அதோ³ஸஸ்ஸ அமோஹஸ்ஸ ஸம்பயுத்தகானஞ்ச க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ (சக்கம்). லோபோ⁴ மோஹஸ்ஸ…பே… படிஸந்தி⁴க்க²ணே…பே…. (3)

ஆரம்மணபச்சயோ

18. ஹேது த⁴ம்மோ ஹேதுஸ்ஸ த⁴ம்மஸ்ஸ ஆரம்மணபச்சயேன பச்சயோ – ஹேதும் ஆரப்³ப⁴ ஹேதூ உப்பஜ்ஜந்தி. (1)

ஹேது த⁴ம்மோ நஹேதுஸ்ஸ த⁴ம்மஸ்ஸ ஆரம்மணபச்சயேன பச்சயோ – ஹேதும் ஆரப்³ப⁴ நஹேதூ க²ந்தா⁴ உப்பஜ்ஜந்தி. (2)

ஹேது த⁴ம்மோ ஹேதுஸ்ஸ ச நஹேதுஸ்ஸ ச த⁴ம்மஸ்ஸ ஆரம்மணபச்சயேன பச்சயோ – ஹேதும் ஆரப்³ப⁴ ஹேதூ ச ஸம்பயுத்தகா ச க²ந்தா⁴ உப்பஜ்ஜந்தி. (3)

19. நஹேது த⁴ம்மோ நஹேதுஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம் த³த்வா ஸீலம்…பே… உபோஸத²கம்மம் கத்வா தம் பச்சவேக்க²தி, புப்³பே³ ஸுசிண்ணானி பச்சவேக்க²தி. ஜா²னா வுட்ட²ஹித்வா…பே… அரியா மக்³கா³ வுட்ட²ஹித்வா மக்³க³ம் பச்சவேக்க²ந்தி, ப²லம்…பே… நிப்³பா³னம்…பே… நிப்³பா³னம் கோ³த்ரபு⁴ஸ்ஸ, வோதா³னஸ்ஸ, மக்³க³ஸ்ஸ, ப²லஸ்ஸ, ஆவஜ்ஜனாய ஆரம்மணபச்சயேன பச்சயோ. அரியா நஹேதூ பஹீனே கிலேஸே பச்சவேக்க²ந்தி, விக்க²ம்பி⁴தே கிலேஸே பச்சவேக்க²ந்தி, புப்³பே³ ஸமுதா³சிண்ணே கிலேஸே ஜானந்தி, சக்கு²ம்…பே… வத்து²ம், நஹேதூ க²ந்தே⁴ அனிச்சதோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, சேதோபரியஞாணேன நஹேதுசித்தஸமங்கி³ஸ்ஸ சித்தம் ஜானாதி. ஆகாஸானஞ்சாயதனம் [ஆகாஸானஞ்சாயதனகிரியம் (ஸ்யா.) ஏவமுபரிபி தீஸு டா²னேஸு] விஞ்ஞாணஞ்சாயதனஸ்ஸ…பே… ஆகிஞ்சஞ்ஞாயதனம் நேவஸஞ்ஞானாஸஞ்ஞாயதனஸ்ஸ…பே… ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ …பே… நஹேதூ க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

நஹேது த⁴ம்மோ ஹேதுஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம் த³த்வா (பட²மக³மனம்யேவ, ஆவஜ்ஜனா நத்தி². ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸாதி இத³ம் நத்தி²). (2)

நஹேது த⁴ம்மோ ஹேதுஸ்ஸ ச நஹேதுஸ்ஸ ச த⁴ம்மஸ்ஸ ஆரம்மணபச்சயேன பச்சயோ – தா³னம் த³த்வா ஸீலம்…பே… உபோஸத²கம்மம் கத்வா தம் பச்சவேக்க²தி, தம் ஆரப்³ப⁴ ஹேதூ ச ஸம்பயுத்தகா ச க²ந்தா⁴ உப்பஜ்ஜந்தி (தத்த² தத்த² டி²தேன இமம் காதப்³ப³ம் து³தியக³மனஸதி³ஸம்). (3)

20. ஹேது ச நஹேது ச த⁴ம்மா ஹேதுஸ்ஸ த⁴ம்மஸ்ஸ ஆரம்மணபச்சயேன பச்சயோ – ஹேதுஞ்ச ஸம்பயுத்தகே ச க²ந்தே⁴ ஆரப்³ப⁴ ஹேதூ உப்பஜ்ஜந்தி. (1)

ஹேது ச நஹேது ச த⁴ம்மா நஹேதுஸ்ஸ த⁴ம்மஸ்ஸ ஆரம்மணபச்சயேன பச்சயோ – ஹேதுஞ்ச ஸம்பயுத்தகே ச க²ந்தே⁴ ஆரப்³ப⁴ நஹேதூ க²ந்தா⁴ உப்பஜ்ஜந்தி. (2)

ஹேது ச நஹேது ச த⁴ம்மா ஹேதுஸ்ஸ ச நஹேதுஸ்ஸ ச த⁴ம்மஸ்ஸ ஆரம்மணபச்சயேன பச்சயோ – ஹேதுஞ்ச ஸம்பயுத்தகே ச க²ந்தே⁴ ஆரப்³ப⁴ ஹேதூ ச ஸம்பயுத்தகா ச க²ந்தா⁴ உப்பஜ்ஜந்தி. (3)

அதி⁴பதிபச்சயோ

21. ஹேது த⁴ம்மோ ஹேதுஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – ஹேதும் க³ரும் கத்வா ஹேதூ உப்பஜ்ஜந்தி. ஸஹஜாதாதி⁴பதி – ஹேது அதி⁴பதி ஸம்பயுத்தகானம் ஹேதூனம் அதி⁴பதிபச்சயேன பச்சயோ. (1)

ஹேது த⁴ம்மோ நஹேதுஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – ஹேதும் க³ரும் கத்வா நஹேதூ க²ந்தா⁴ உப்பஜ்ஜந்தி. ஸஹஜாதாதி⁴பதி – ஹேது அதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (2)

ஹேது த⁴ம்மோ ஹேதுஸ்ஸ ச நஹேதுஸ்ஸ ச த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – ஹேதும் க³ரும் கத்வா ஹேதூ ச ஸம்பயுத்தகா ச க²ந்தா⁴ உப்பஜ்ஜந்தி. ஸஹஜாதாதி⁴பதி – ஹேது அதி⁴பதி ஸம்பயுத்தகானம் க²ந்தா⁴னம் ஹேதூனஞ்ச சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)

22. நஹேது த⁴ம்மோ நஹேதுஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம் த³த்வா (வித்தா²ரேதப்³ப³ம் யாவ. நஹேதூ க²ந்தா⁴). ஸஹஜாதாதி⁴பதி – நஹேது அதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (1)

நஹேது த⁴ம்மோ ஹேதுஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம் த³த்வா (ஸம்கி²த்தம். யாவ வத்து² நஹேதூ ச க²ந்தா⁴ தாவ காதப்³ப³ம்). ஸஹஜாதாதி⁴பதி நஹேது அதி⁴பதி ஸம்பயுத்தகானம் ஹேதூனம் அதி⁴பதிபச்சயேன பச்சயோ. (2)

நஹேது த⁴ம்மோ ஹேதுஸ்ஸ ச நஹேதுஸ்ஸ ச த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம் த³த்வா ஸீலம்…பே… உபோஸத²கம்மம் கத்வா தம் க³ரும் கத்வா பச்சவேக்க²தி, தம் க³ரும் கத்வா நஹேதூ க²ந்தா⁴ ச ஹேதூ ச உப்பஜ்ஜந்தி, புப்³பே³ ஸுசிண்ணானி (யாவ வத்து² நஹேதூ க²ந்தா⁴, ச தாவ காதப்³ப³ம்). ஸஹஜாதாதி⁴பதி – நஹேது அதி⁴பதி ஸம்பயுத்தகானம் க²ந்தா⁴னம் ஹேதூனஞ்ச சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)

23. ஹேது ச நஹேது ச த⁴ம்மா ஹேதுஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – ஹேதுஞ்ச ஸம்பயுத்தகே ச க²ந்தே⁴ க³ரும் கத்வா ஹேதூ உப்பஜ்ஜந்தி. (1)

ஹேது ச நஹேது ச த⁴ம்மா நஹேதுஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – ஹேதுஞ்ச ஸம்பயுத்தகே ச க²ந்தே⁴ க³ரும் கத்வா நஹேதூ க²ந்தா⁴ உப்பஜ்ஜந்தி. (2)

ஹேது ச நஹேது ச த⁴ம்மா ஹேதுஸ்ஸ ச நஹேதுஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – ஹேதுஞ்ச ஸம்பயுத்தகே ச க²ந்தே⁴ க³ரும் கத்வா ஹேதூ ச ஸம்பயுத்தகா ச க²ந்தா⁴ உப்பஜ்ஜந்தி. (3)

அனந்தரபச்சயோ

24. ஹேது த⁴ம்மோ ஹேதுஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா ஹேதூ பச்சி²மானம் பச்சி²மானம் ஹேதூனம் அனந்தரபச்சயேன பச்சயோ. (1)

ஹேது த⁴ம்மோ நஹேதுஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா ஹேதூ பச்சி²மானம் பச்சி²மானம் நஹேதூனம் க²ந்தா⁴னம் அனந்தரபச்சயேன பச்சயோ. (2)

ஹேது த⁴ம்மோ ஹேதுஸ்ஸ ச நஹேதுஸ்ஸ ச த⁴ம்மஸ்ஸ அனந்தரபச்சயேன பச்சயோ – புரிமா புரிமா ஹேதூ பச்சி²மானம் பச்சி²மானம் ஹேதூனம் ஸம்பயுத்தகானஞ்ச க²ந்தா⁴னம் அனந்தரபச்சயேன பச்சயோ. (3)

25. நஹேது த⁴ம்மோ நஹேதுஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா நஹேதூ க²ந்தா⁴ பச்சி²மானம் பச்சி²மானம் நஹேதூனம் க²ந்தா⁴னம் அனந்தரபச்சயேன பச்சயோ; அனுலோமம் கோ³த்ரபு⁴ஸ்ஸ (ஸம்கி²த்தம்) நேவஸஞ்ஞானாஸஞ்ஞாயதனம் ப²லஸமாபத்தியா அனந்தரபச்சயேன பச்சயோ. (1)

நஹேது த⁴ம்மோ ஹேதுஸ்ஸ த⁴ம்மஸ்ஸ அனந்தரபச்சயேன பச்சயோ…பே…. (2)

நஹேது த⁴ம்மோ ஹேதுஸ்ஸ ச நஹேதுஸ்ஸ ச த⁴ம்மஸ்ஸ அனந்தரபச்சயேன பச்சயோ (நஹேதுமூலகம் தீணிபி ஏகஸதி³ஸம்). (3)

26. ஹேதூ ச நஹேதூ ச த⁴ம்மா ஹேதுஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா ஹேதூ ச ஸம்பயுத்தகா ச க²ந்தா⁴ பச்சி²மானம் பச்சி²மானம் ஹேதூனம் அனந்தரபச்சயேன பச்சயோ. (1)

ஹேதூ ச நஹேதூ ச த⁴ம்மா நஹேதுஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா ஹேதூ ச ஸம்பயுத்தகா ச க²ந்தா⁴ பச்சி²மானம் பச்சி²மானம் நஹேதூனம் க²ந்தா⁴னம் அனந்தரபச்சயேன பச்சயோ. (2)

ஹேதூ ச நஹேதூ ச த⁴ம்மா ஹேதுஸ்ஸ ச நஹேதுஸ்ஸ ச த⁴ம்மஸ்ஸ அனந்தரபச்சயேன பச்சயோ – புரிமா புரிமா ஹேதூ ச ஸம்பயுத்தகா ச க²ந்தா⁴ பச்சி²மானம் பச்சி²மானம் ஹேதூனம் ஸம்பயுத்தகானஞ்ச க²ந்தா⁴னம் அனந்தரபச்சயேன பச்சயோ. (3)

ஸமனந்தரபச்சயாதி³

27. ஹேது த⁴ம்மோ ஹேதுஸ்ஸ த⁴ம்மஸ்ஸ ஸமனந்தரபச்சயேன பச்சயோ (அனந்தரஸதி³ஸம்.)… ஸஹஜாதபச்சயேன பச்சயோ… அஞ்ஞமஞ்ஞபச்சயேன பச்சயோ (இமே த்³வேபி படிச்சஸதி³ஸா. நிஸ்ஸயபச்சயோ பச்சயவாரே நிஸ்ஸயபச்சயஸதி³ஸோ.)

உபனிஸ்ஸயபச்சயோ

28. ஹேது த⁴ம்மோ ஹேதுஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஹேதூ ஹேதூனம் உபனிஸ்ஸயபச்சயேன பச்சயோ. (1)

ஹேது த⁴ம்மோ நஹேதுஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஹேதூ நஹேதூனம் க²ந்தா⁴னம் உபனிஸ்ஸயபச்சயேன பச்சயோ. (2)

ஹேது த⁴ம்மோ ஹேதுஸ்ஸ ச நஹேதுஸ்ஸ ச த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஹேதூ ஹேதூனம் ஸம்பயுத்தகானஞ்ச க²ந்தா⁴னம் உபனிஸ்ஸயபச்சயேன பச்சயோ. (3)

29. நஹேது த⁴ம்மோ நஹேதுஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே… பகதூபனிஸ்ஸயோ – ஸத்³த⁴ம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி…பே… தி³ட்டி²ம் க³ண்ஹாதி; ஸீலம்…பே… ஸேனாஸனம் உபனிஸ்ஸாய தா³னம் தே³தி…பே… ஸங்க⁴ம் பி⁴ந்த³தி; ஸத்³தா⁴…பே… ஸேனாஸனம் ஸத்³தா⁴ய…பே… ப²லஸமாபத்தியா உபனிஸ்ஸயபச்சயேன பச்சயோ. (1)

நஹேது த⁴ம்மோ ஹேதுஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே… பகதூபனிஸ்ஸயோ – ஸத்³த⁴ம்…பே… ஸேனாஸனம் உபனிஸ்ஸாய தா³னம் தே³தி…பே… ஸங்க⁴ம் பி⁴ந்த³தி; ஸத்³தா⁴…பே… ஸேனாஸனம் ஸத்³தா⁴ய…பே… பத்த²னாய மக்³க³ஸ்ஸ ப²லஸமாபத்தியா உபனிஸ்ஸயபச்சயேன பச்சயோ. (2)

நஹேது த⁴ம்மோ ஹேதுஸ்ஸ ச நஹேதுஸ்ஸ ச த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே… பகதூபனிஸ்ஸயோ (து³தியஉபனிஸ்ஸயஸதி³ஸம்). (3)

30. ஹேதூ ச நஹேதூ ச த⁴ம்மா ஹேதுஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஹேதூ ச ஸம்பயுத்தகா ச க²ந்தா⁴ ஹேதூனம் உபனிஸ்ஸயபச்சயேன பச்சயோ. (1)

ஹேதூ ச நஹேதூ ச த⁴ம்மா நஹேதுஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஹேதூ ச ஸம்பயுத்தகா ச க²ந்தா⁴ நஹேதூனம் க²ந்தா⁴னம் உபனிஸ்ஸயபச்சயேன பச்சயோ. (2)

ஹேதூ ச நஹேதூ ச த⁴ம்மா ஹேதுஸ்ஸ ச நஹேதுஸ்ஸ ச த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ …பே…. பகதூபனிஸ்ஸயோ – ஹேதூ ச ஸம்பயுத்தகா ச க²ந்தா⁴ ஹேதூனஞ்ச ஸம்பயுத்தகானஞ்ச க²ந்தா⁴னம் உபனிஸ்ஸயபச்சயேன பச்சயோ. (3)

புரேஜாதபச்சயோ

31. நஹேது த⁴ம்மோ நஹேதுஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே…. வத்து²புரேஜாதம் – சக்கா²யதனம்…பே… காயாயதனம்…பே… வத்து² நஹேதூனம் க²ந்தா⁴னம் புரேஜாதபச்சயேன பச்சயோ. (1)

நஹேது த⁴ம்மோ ஹேதுஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. வத்து²புரேஜாதம் – வத்து² ஹேதூனம் புரேஜாதபச்சயேன பச்சயோ. (2)

நஹேது த⁴ம்மோ ஹேதுஸ்ஸ ச நஹேதுஸ்ஸ ச த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ…பே… தோ³மனஸ்ஸம் உப்பஜ்ஜதி. வத்து²புரேஜாதம் – வத்து² ஹேதூனம் ஸம்பயுத்தகானஞ்ச க²ந்தா⁴னம் புரேஜாதபச்சயேன பச்சயோ. (3)

பச்சா²ஜாதபச்சயாதி³

32. ஹேது த⁴ம்மோ நஹேதுஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா ஹேதூ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

நஹேது த⁴ம்மோ நஹேதுஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா நஹேதூ க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

ஹேதூ ச நஹேதூ ச த⁴ம்மா நஹேதுஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா ஹேதூ ச ஸம்பயுத்தகா ச க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

ஹேது த⁴ம்மோ ஹேதுஸ்ஸ த⁴ம்மஸ்ஸ ஆஸேவனபச்சயேன பச்சயோ (அனந்தரஸதி³ஸம்).

கம்மபச்சயோ

33. நஹேது த⁴ம்மோ நஹேதுஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – நஹேது சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – நஹேது சேதனா விபாகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (1)

நஹேது த⁴ம்மோ ஹேதுஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – நஹேது சேதனா ஸம்பயுத்தகானம் ஹேதூனம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – நஹேது சேதனா விபாகானம் ஹேதூனம் கம்மபச்சயேன பச்சயோ. (2)

நஹேது த⁴ம்மோ ஹேதுஸ்ஸ ச நஹேதுஸ்ஸ ச த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – நஹேது சேதனா ஸம்பயுத்தகானம் க²ந்தா⁴னம் ஹேதூனம் சித்தஸமுட்டா²னானஞ்ச ரூபானம் கம்மபச்சயேன பச்சயோ; படிஸந்தி⁴க்க²ணே…பே…. நானாக்க²ணிகா – நஹேது சேதனா விபாகானம் க²ந்தா⁴னம் ஹேதூனம் கடத்தா ச ரூபானம் கம்மபச்சயேன பச்சயோ. (3)

விபாகபச்சயோ

34. ஹேது த⁴ம்மோ ஹேதுஸ்ஸ த⁴ம்மஸ்ஸ விபாகபச்சயேன பச்சயோ – விபாகோ அலோபோ⁴ அதோ³ஸஸ்ஸ அமோஹஸ்ஸ விபாகபச்சயேன பச்சயோ (படிச்சவாரஸதி³ஸம். விபாகவிப⁴ங்கே³ நவ பஞ்ஹா).

ஆஹாரபச்சயோ

35. நஹேது த⁴ம்மோ நஹேதுஸ்ஸ த⁴ம்மஸ்ஸ ஆஹாரபச்சயேன பச்சயோ – நஹேதூ ஆஹாரா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஆஹாரபச்சயேன பச்சயோ; படிஸந்தி⁴க்க²ணே…பே… கப³ளீகாரோ ஆஹாரோ இமஸ்ஸ காயஸ்ஸ ஆஹாரபச்சயேன பச்சயோ. (1)

நஹேது த⁴ம்மோ ஹேதுஸ்ஸ த⁴ம்மஸ்ஸ ஆஹாரபச்சயேன பச்சயோ – நஹேதூ ஆஹாரா ஸம்பயுத்தகானம் ஹேதூனம் ஆஹாரபச்சயேன பச்சயோ; படிஸந்தி⁴க்க²ணே…பே…. (2)

நஹேது த⁴ம்மோ ஹேதுஸ்ஸ ச நஹேதுஸ்ஸ ச த⁴ம்மஸ்ஸ ஆஹாரபச்சயேன பச்சயோ – நஹேதூ ஆஹாரா ஸம்பயுத்தகானம் க²ந்தா⁴னம் ஹேதூனம் சித்தஸமுட்டா²னானஞ்ச ரூபானம் ஆஹாரபச்சயேன பச்சயோ; படிஸந்தி⁴க்க²ணே…பே…. (3)

இந்த்³ரியபச்சயோ

36. ஹேது த⁴ம்மோ ஹேதுஸ்ஸ த⁴ம்மஸ்ஸ இந்த்³ரியபச்சயேன பச்சயோ…பே… (ஹேதுமூலகே தீணி).

நஹேது த⁴ம்மோ நஹேதுஸ்ஸ த⁴ம்மஸ்ஸ இந்த்³ரியபச்சயேன பச்சயோ – நஹேதூ இந்த்³ரியா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் இந்த்³ரியபச்சயேன பச்சயோ; படிஸந்தி⁴க்க²ணே…பே… சக்கு²ந்த்³ரியம் சக்கு²விஞ்ஞாணஸ்ஸ…பே… காயிந்த்³ரியம் காயவிஞ்ஞாணஸ்ஸ…பே… ரூபஜீவிதிந்த்³ரியம் கடத்தாரூபானம் இந்த்³ரியபச்சயேன பச்சயோ (ஏவம் இந்த்³ரியபச்சயா வித்தா²ரேதப்³பா³. நவ).

ஜா²னபச்சயாதி³

37. நஹேது த⁴ம்மோ நஹேதுஸ்ஸ த⁴ம்மஸ்ஸ ஜா²னபச்சயேன பச்சயோ… தீணி.

ஹேது த⁴ம்மோ ஹேதுஸ்ஸ த⁴ம்மஸ்ஸ மக்³க³பச்சயேன பச்சயோ… ஸம்பயுத்தபச்சயேன பச்சயோ. (இமேஸு த்³வீஸு நவ.)

விப்பயுத்தபச்சயோ

38. ஹேது த⁴ம்மோ நஹேதுஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம். ஸஹஜாதா – ஹேதூ சித்தஸமுட்டா²னானம் ரூபானம் விப்பயுத்தபச்சயேன பச்சயோ; படிஸந்தி⁴க்க²ணே ஹேதூ கடத்தாரூபானம் விப்பயுத்தபச்சயேன பச்சயோ. ஹேதூ வத்து²ஸ்ஸ விப்பயுத்தபச்சயேன பச்சயோ. பச்சா²ஜாதா – ஹேதூ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ. (1)

நஹேது த⁴ம்மோ நஹேதுஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம், பச்சா²ஜாதம். ஸஹஜாதா – நஹேதூ க²ந்தா⁴ சித்தஸமுட்டா²னானம் ரூபானம் விப்பயுத்தபச்சயேன பச்சயோ; படிஸந்தி⁴க்க²ணே நஹேதூ க²ந்தா⁴ கடத்தாரூபானம் விப்பயுத்தபச்சயேன பச்சயோ. க²ந்தா⁴ வத்து²ஸ்ஸ…பே… வத்து² க²ந்தா⁴னம் விப்பயுத்தபச்சயேன பச்சயோ. புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ, வத்து² நஹேதூனம் க²ந்தா⁴னம் விப்பயுத்தபச்சயேன பச்சயோ. பச்சா²ஜாதா – நஹேதூ க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ. (1)

நஹேது த⁴ம்மோ ஹேதுஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம். ஸஹஜாதம் – படிஸந்தி⁴க்க²ணே வத்து² ஹேதூனம் விப்பயுத்தபச்சயேன பச்சயோ. புரேஜாதம் – வத்து² ஹேதூனம் விப்பயுத்தபச்சயேன பச்சயோ. (2)

நஹேது த⁴ம்மோ ஹேதுஸ்ஸ ச நஹேதுஸ்ஸ ச த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம். ஸஹஜாதம் – படிஸந்தி⁴க்க²ணே வத்து² ஹேதூனம் ஸம்பயுத்தகானஞ்ச க²ந்தா⁴னம் விப்பயுத்தபச்சயேன பச்சயோ. புரேஜாதம் – வத்து² ஹேதூனம் ஸம்பயுத்தகானஞ்ச க²ந்தா⁴னம் விப்பயுத்தபச்சயேன பச்சயோ. (3)

ஹேதூ ச நஹேதூ ச த⁴ம்மா நஹேதுஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம். ஸஹஜாதா – ஹேதூ ச ஸம்பயுத்தகா ச க²ந்தா⁴ சித்தஸமுட்டா²னானம் ரூபானம் விப்பயுத்தபச்சயேன பச்சயோ; படிஸந்தி⁴க்க²ணே ஹேதூ ச ஸம்பயுத்தகா ச க²ந்தா⁴ கடத்தாரூபானம் விப்பயுத்தபச்சயேன பச்சயோ. பச்சா²ஜாதா – ஹேதூ ச ஸம்பயுத்தகா ச க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ. (1)

அத்தி²பச்சயாதி³

39. ஹேது த⁴ம்மோ ஹேதுஸ்ஸ த⁴ம்மஸ்ஸ அத்தி²பச்சயேன பச்சயோ – அலோபோ⁴ அதோ³ஸஸ்ஸ அமோஹஸ்ஸ அத்தி²பச்சயேன பச்சயோ (சக்கம்). லோபோ⁴ மோஹஸ்ஸ அத்தி²பச்சயேன பச்சயோ (சக்கம்); படிஸந்தி⁴க்க²ணே…பே…. (1)

ஹேது த⁴ம்மோ நஹேதுஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம். ஸஹஜாதா – ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ; படிஸந்தி⁴க்க²ணே…பே…. பச்சா²ஜாதா – ஹேதூ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. (2)

ஹேது த⁴ம்மோ ஹேதுஸ்ஸ ச நஹேதுஸ்ஸ ச த⁴ம்மஸ்ஸ அத்தி²பச்சயேன பச்சயோ – அலோபோ⁴ அதோ³ஸஸ்ஸ அமோஹஸ்ஸ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ (சக்கம்). லோபோ⁴ மோஹஸ்ஸ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ (சக்கம்); படிஸந்தி⁴க்க²ணே…பே…. (3)

40. நஹேது த⁴ம்மோ நஹேதுஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம். ஸஹஜாதோ – நஹேது ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ…பே… த்³வே க²ந்தா⁴…பே… படிஸந்தி⁴க்க²ணே நஹேது ஏகோ க²ந்தோ⁴ திண்ணன்னம் க²ந்தா⁴னம் கடத்தா ச ரூபானம்…பே… க²ந்தா⁴ வத்து²ஸ்ஸ அத்தி²பச்சயேன பச்சயோ; வத்து² க²ந்தா⁴னம் அத்தி²பச்சயேன பச்சயோ; ஏகம் மஹாபூ⁴தம்…பே… பா³ஹிரம்… ஆஹாரஸமுட்டா²னம்… உதுஸமுட்டா²னம்… அஸஞ்ஞஸத்தானம்…பே…. புரேஜாதம் – சக்கு²ம்…பே… வத்து²ம்…பே… தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ, சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ, வத்து² நஹேதூனம் க²ந்தா⁴னம் அத்தி²பச்சயேன பச்சயோ. பச்சா²ஜாதா – நஹேதூ க²ந்தா⁴ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. கப³ளீகாரோ ஆஹாரோ இமஸ்ஸ காயஸ்ஸ அத்தி²பச்சயேன பச்சயோ. ரூபஜீவிதிந்த்³ரியம் கடத்தாரூபானம் அத்தி²பச்சயேன பச்சயோ. (1)

நஹேது த⁴ம்மோ ஹேதுஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதா – நஹேதூ க²ந்தா⁴ ஸம்பயுத்தகானம் ஹேதூனம் அத்தி²பச்சயேன பச்சயோ. படிஸந்தி⁴க்க²ணே…பே… வத்து² ஹேதூனம் அத்தி²பச்சயேன பச்சயோ. புரேஜாதம் – சக்கு²ம்…பே… வத்து²ம் அனிச்சதோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி; வத்து² ஹேதூனம் அத்தி²பச்சயேன பச்சயோ. (2)

நஹேது த⁴ம்மோ ஹேதுஸ்ஸ ச நஹேதுஸ்ஸ ச த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – நஹேது ஏகோ க²ந்தோ⁴ திண்ணன்னம் க²ந்தா⁴னம் ஹேதூனம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ; படிஸந்தி⁴க்க²ணே…பே… வத்து² ஹேதூனம் ஸம்பயுத்தகானஞ்ச க²ந்தா⁴னம் அத்தி²பச்சயேன பச்சயோ. புரேஜாதம் – சக்கு²ம்…பே… வத்து²ம் அனிச்சதோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி; வத்து² ஹேதூனம் ஸம்பயுத்தகானஞ்ச க²ந்தா⁴னம் அத்தி²பச்சயேன பச்சயோ. (3)

41. ஹேது ச நஹேது ச த⁴ம்மா ஹேதுஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – அலோபோ⁴ ச ஸம்பயுத்தகா ச க²ந்தா⁴ அதோ³ஸஸ்ஸ அமோஹஸ்ஸ அத்தி²பச்சயேன பச்சயோ (சக்கம்). லோபோ⁴ ச ஸம்பயுத்தகா ச க²ந்தா⁴ மோஹஸ்ஸ அத்தி²பச்சயேன பச்சயோ (சக்கம்); படிஸந்தி⁴க்க²ணே…பே… அலோபோ⁴ ச வத்து² ச அதோ³ஸஸ்ஸ அமோஹஸ்ஸ அத்தி²பச்சயேன பச்சயோ (சக்கம்). (1)

ஹேது ச நஹேது ச த⁴ம்மா நஹேதுஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம், ஆஹாரம், இந்த்³ரியம். ஸஹஜாதோ – நஹேது ஏகோ க²ந்தோ⁴ ச ஹேதூ ச திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ…பே… த்³வே க²ந்தா⁴…பே… படிஸந்தி⁴க்க²ணே…பே… படிஸந்தி⁴க்க²ணே ஹேதூ ச வத்து² ச நஹேதூனம் க²ந்தா⁴னம் அத்தி²பச்சயேன பச்சயோ. ஸஹஜாதா – ஹேதூ ச மஹாபூ⁴தா ச சித்தஸமுட்டா²னானம் ரூபானம் அத்தி²பச்சயேன பச்சயோ. பச்சா²ஜாதா – ஹேதூ ச கப³ளீகாரோ ஆஹாரோ ச இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – ஹேதூ ச ரூபஜீவிதிந்த்³ரியஞ்ச கடத்தாரூபானம் அத்தி²பச்சயேன பச்சயோ. (2)

ஹேது ச நஹேது ச த⁴ம்மா ஹேதுஸ்ஸ ச நஹேதுஸ்ஸ ச த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – நஹேது ஏகோ க²ந்தோ⁴ ச அலோபோ⁴ ச திண்ணன்னம் க²ந்தா⁴னம் அதோ³ஸஸ்ஸ அமோஹஸ்ஸ சித்தஸமுட்டா²னானஞ்ச ரூபானம் அத்தி²பச்சயேன பச்சயோ (சக்கம்). நஹேது ஏகோ க²ந்தோ⁴ ச லோபோ⁴ ச திண்ணன்னம் க²ந்தா⁴னம் மோஹஸ்ஸ சித்தஸமுட்டா²னானஞ்ச ரூபானம் அத்தி²பச்சயேன பச்சயோ (சக்கம்); படிஸந்தி⁴க்க²ணே நஹேது ஏகோ க²ந்தோ⁴ ச அலோபோ⁴ ச (சக்கம்). படிஸந்தி⁴க்க²ணே…பே… அலோபோ⁴ ச வத்து² ச அதோ³ஸஸ்ஸ அமோஹஸ்ஸ ஸம்பயுத்தகானஞ்ச க²ந்தா⁴னம் அத்தி²பச்சயேன பச்சயோ, லோபோ⁴ ச வத்து² ச மோஹஸ்ஸ ஸம்பயுத்தகானஞ்ச க²ந்தா⁴னம் அத்தி²பச்சயேன பச்சயோ….

நத்தி²பச்சயேன பச்சயோ… விக³தபச்சயேன பச்சயோ… அவிக³தபச்சயேன பச்சயோ. (3)