1. விப⁴ங்க³வாரோ

நஹேதுபச்சயோ

17. அனித³ஸ்ஸனஸப்படிக⁴ம் த⁴ம்மம் படிச்ச அனித³ஸ்ஸனஸப்படிகோ⁴ த⁴ம்மோ உப்பஜ்ஜதி நஹேதுபச்சயா – அனித³ஸ்ஸனஸப்படிக⁴ம் ஏகம் மஹாபூ⁴தம் படிச்ச த்³வே மஹாபூ⁴தா, த்³வே மஹாபூ⁴தே படிச்ச ஏகம் மஹாபூ⁴தம். அனித³ஸ்ஸனஸப்படிகே⁴ மஹாபூ⁴தே படிச்ச அனித³ஸ்ஸனஸப்படிக⁴ம் சித்தஸமுட்டா²னம் ரூபம் கடத்தாரூபம் உபாதா³ரூபம். போ²ட்ட²ப்³பா³யதனம் படிச்ச சக்கா²யதனம்…பே… ரஸாயதனம். பா³ஹிரம்… ஆஹாரஸமுட்டா²னம்… உதுஸமுட்டா²னம்… அஸஞ்ஞஸத்தானம் அனித³ஸ்ஸனஸப்படிக⁴ம் ஏகம் மஹாபூ⁴தம் படிச்ச த்³வே மஹாபூ⁴தா, த்³வே மஹாபூ⁴தே படிச்ச ஏகம் மஹாபூ⁴தம், மஹாபூ⁴தே படிச்ச…பே….

(அனித³ஸ்ஸனஸப்படிக⁴மூலகே இமினா காரணேன ஸத்தபி பஞ்ஹா விப⁴ஜிதப்³பா³.)

18. அனித³ஸ்ஸனஅப்படிக⁴ம் த⁴ம்மம் படிச்ச அனித³ஸ்ஸனஅப்படிகோ⁴ த⁴ம்மோ உப்பஜ்ஜதி நஹேதுபச்சயா – அஹேதுகம் அனித³ஸ்ஸனஅப்படிக⁴ம் ஏகம் க²ந்த⁴ம் படிச்ச தயோ க²ந்தா⁴ அனித³ஸ்ஸனஅப்படிக⁴ஞ்ச சித்தஸமுட்டா²னஞ்ச ரூபம்…பே… த்³வே க²ந்தே⁴…பே… அஹேதுகபடிஸந்தி⁴க்க²ணே அனித³ஸ்ஸனஅப்படிக⁴ம் ஏகம் க²ந்த⁴ம் படிச்ச தயோ க²ந்தா⁴ அனித³ஸ்ஸனஅப்படிக⁴ஞ்ச கடத்தாரூபம்…பே… க²ந்தே⁴ படிச்ச வத்து², வத்து²ம் படிச்ச க²ந்தா⁴. ஆபோதா⁴தும் படிச்ச அனித³ஸ்ஸனஅப்படிக⁴ம் சித்தஸமுட்டா²னம் ரூபம் கடத்தாரூபம் உபாதா³ரூபம். ஆபோதா⁴தும் படிச்ச இத்தி²ந்த்³ரியம்…பே… கப³ளீகாரோ ஆஹாரோ. பா³ஹிரம்… ஆஹாரஸமுட்டா²னம்… உதுஸமுட்டா²னம்… அஸஞ்ஞஸத்தானம் ஆபோதா⁴தும் படிச்ச அனித³ஸ்ஸனஅப்படிக⁴ம் கடத்தாரூபம் உபாதா³ரூபம். விசிகிச்சா²ஸஹக³தே உத்³த⁴ச்சஸஹக³தே க²ந்தே⁴ படிச்ச விசிகிச்சா²ஸஹக³தோ உத்³த⁴ச்சஸஹக³தோ மோஹோ.

(அனித³ஸ்ஸனஅப்படிக⁴மூலகா இமினா காரணேன ஸத்த பஞ்ஹா விப⁴ஜிதப்³பா³.)

19. அனித³ஸ்ஸனஸப்படிக⁴ஞ்ச அனித³ஸ்ஸனஅப்படிக⁴ஞ்ச த⁴ம்மம் படிச்ச ஸனித³ஸ்ஸனஸப்படிகோ⁴ த⁴ம்மோ உப்பஜ்ஜதி நஹேதுபச்சயா – அஹேதுகே அனித³ஸ்ஸனஅப்படிகே⁴ க²ந்தே⁴ ச மஹாபூ⁴தே ச படிச்ச ஸனித³ஸ்ஸனஸப்படிக⁴ம் சித்தஸமுட்டா²னம் ரூபம். அஹேதுகபடிஸந்தி⁴க்க²ணே அனித³ஸ்ஸனஅப்படிகே⁴ க²ந்தே⁴ ச மஹாபூ⁴தே ச படிச்ச ஸனித³ஸ்ஸனஸப்படிக⁴ம் கடத்தாரூபம். அனித³ஸ்ஸனஸப்படிகே⁴ மஹாபூ⁴தே ச ஆபோதா⁴துஞ்ச படிச்ச ஸனித³ஸ்ஸனஸப்படிக⁴ம் சித்தஸமுட்டா²னம் ரூபம் கடத்தாரூபம் உபாதா³ரூபம். போ²ட்ட²ப்³பா³யதனஞ்ச ஆபோதா⁴துஞ்ச படிச்ச ரூபாயதனம். பா³ஹிரம்… ஆஹாரஸமுட்டா²னம்… உதுஸமுட்டா²னம்… அஸஞ்ஞஸத்தானம் அனித³ஸ்ஸனஸப்படிகே⁴ மஹாபூ⁴தே ச ஆபோதா⁴துஞ்ச படிச்ச ஸனித³ஸ்ஸனஸப்படிக⁴ம் கடத்தாரூபம் உபாதா³ரூபம்.

(இமினா காரணேன ஸத்த பஞ்ஹா வித்தா²ரேதப்³பா³ அஸம்மோஹந்தேன.)

நஆரம்மணபச்சயோ

20. அனித³ஸ்ஸனஸப்படிக⁴ம் த⁴ம்மம் படிச்ச அனித³ஸ்ஸனஸப்படிகோ⁴ த⁴ம்மோ உப்பஜ்ஜதி நஆரம்மணபச்சயா – அனித³ஸ்ஸனஸப்படிக⁴ம் ஏகம் மஹாபூ⁴தம் படிச்ச த்³வே மஹாபூ⁴தா, த்³வே மஹாபூ⁴தே படிச்ச ஏகம் மஹாபூ⁴தம். அனித³ஸ்ஸனஸப்படிகே⁴ மஹாபூ⁴தே படிச்ச அனித³ஸ்ஸனஸப்படிக⁴ம் சித்தஸமுட்டா²னம் ரூபம் கடத்தாரூபம் உபாதா³ரூபம். போ²ட்ட²ப்³பா³யதனம் படிச்ச சக்கா²யதனம்…பே… ரஸாயதனம். பா³ஹிரம்… ஆஹாரஸமுட்டா²னம்…, உதுஸமுட்டா²னம்… அஸஞ்ஞஸத்தானம் அனித³ஸ்ஸனஸப்படிக⁴ம் ஏகம் மஹாபூ⁴தம் படிச்ச த்³வே மஹாபூ⁴தா, த்³வே மஹாபூ⁴தே படிச்ச ஏகம் மஹாபூ⁴தம்…பே….

(அனித³ஸ்ஸனஸப்படிக⁴மூலகா இமினா காரணேன ஸத்தபி பஞ்ஹா வித்தா²ரேதப்³பா³.)

21. அனித³ஸ்ஸனஅப்படிக⁴ம் த⁴ம்மம் படிச்ச அனித³ஸ்ஸனஅப்படிகோ⁴ த⁴ம்மோ உப்பஜ்ஜதி நஆரம்மணபச்சயா – அனித³ஸ்ஸனஅப்படிகே⁴ க²ந்தே⁴ படிச்ச அனித³ஸ்ஸனஅப்படிக⁴ம் சித்தஸமுட்டா²னம் ரூபம். படிஸந்தி⁴க்க²ணே அனித³ஸ்ஸனஅப்படிகே⁴ க²ந்தே⁴ படிச்ச அனித³ஸ்ஸனஅப்படிக⁴ம் கடத்தாரூபம். க²ந்தே⁴ படிச்ச வத்து²…பே… ஆபோதா⁴தும் படிச்ச அனித³ஸ்ஸனஅப்படிக⁴ம் சித்தஸமுட்டா²னம் ரூபம் கடத்தாரூபம் உபாதா³ரூபம். ஆபோதா⁴தும் படிச்ச இத்தி²ந்த்³ரியம்…பே… கப³ளீகாரோ ஆஹாரோ. பா³ஹிரம்… ஆஹாரஸமுட்டா²னம்… உதுஸமுட்டா²னம்… அஸஞ்ஞஸத்தானம் ஆபோதா⁴தும் படிச்ச அனித³ஸ்ஸனஅப்படிக⁴ம் கடத்தாரூபம் உபாதா³ரூபம்.

(அனித³ஸ்ஸனஅப்படிக⁴மூலகே இமினா காரணேன ஸத்தபி பஞ்ஹா வித்தா²ரேதப்³பா³.)

22. அனித³ஸ்ஸனஸப்படிக⁴ஞ்ச அனித³ஸ்ஸனஅப்படிக⁴ஞ்ச த⁴ம்மம் படிச்ச ஸனித³ஸ்ஸனஸப்படிகோ⁴ த⁴ம்மோ உப்பஜ்ஜதி நஆரம்மணபச்சயா – அனித³ஸ்ஸனஅப்படிகே⁴ க²ந்தே⁴ ச மஹாபூ⁴தே ச படிச்ச ஸனித³ஸ்ஸனஸப்படிக⁴ம் சித்தஸமுட்டா²னம் ரூபம். படிஸந்தி⁴க்க²ணே அனித³ஸ்ஸனஅப்படிகே⁴ க²ந்தே⁴ ச மஹாபூ⁴தே ச படிச்ச ஸனித³ஸ்ஸனஸப்படிக⁴ம் கடத்தாரூபம். அனித³ஸ்ஸனஸப்படிகே⁴ மஹாபூ⁴தே ச ஆபோதா⁴துஞ்ச படிச்ச ஸனித³ஸ்ஸனஸப்படிக⁴ம் சித்தஸமுட்டா²னம் ரூபம் கடத்தாரூபம் உபாதா³ரூபம். போ²ட்ட²ப்³பா³யதனஞ்ச ஆபோதா⁴துஞ்ச படிச்ச ரூபாயதனம். பா³ஹிரம்… ஆஹாரஸமுட்டா²னம்… உதுஸமுட்டா²னம்… அஸஞ்ஞஸத்தானம் அனித³ஸ்ஸனஸப்படிகே⁴ மஹாபூ⁴தே ச ஆபோதா⁴துஞ்ச படிச்ச ஸனித³ஸ்ஸனஸப்படிக⁴ம் கடத்தாரூபம் உபாதா³ரூபம்.

(க⁴டனே இமினா காரணேன ஸத்தபி பஞ்ஹா விப⁴ஜிதப்³பா³.)

நஅதி⁴பதிபச்சயாதி³

23. அனித³ஸ்ஸனஸப்படிக⁴ம் த⁴ம்மம் படிச்ச அனித³ஸ்ஸனஸப்படிகோ⁴ த⁴ம்மோ உப்பஜ்ஜதி நஅதி⁴பதிபச்சயா (ஸஹஜாதஸதி³ஸம்)… நஅனந்தரபச்சயா… நஸமனந்தரபச்சயா… நஅஞ்ஞமஞ்ஞபச்சயா – அனித³ஸ்ஸனஸப்படிகே⁴ மஹாபூ⁴தே படிச்ச அனித³ஸ்ஸனஸப்படிக⁴ம் சித்தஸமுட்டா²னம் ரூபம் கடத்தாரூபம் உபாதா³ரூபம். போ²ட்ட²ப்³பா³யதனம் படிச்ச சக்கா²யதனம்…பே… ரஸாயதனம்… பா³ஹிரம்… ஆஹாரஸமுட்டா²னம்… உதுஸமுட்டா²னம்… அஸஞ்ஞஸத்தானம் மஹாபூ⁴தே படிச்ச அனித³ஸ்ஸனஸப்படிக⁴ம் கடத்தாரூபம் உபாதா³ரூபம்.

(இமினா காரணேன ஏகவீஸ பஞ்ஹா விப⁴ஜிதப்³பா³.)

நஉபனிஸ்ஸயபச்சயா… நபுரேஜாதபச்சயா… நபச்சா²ஜாதபச்சயா… நஆஸேவனபச்சயா… நகம்மபச்சயா – பா³ஹிரம்… ஆஹாரஸமுட்டா²னம்… உதுஸமுட்டா²னம்… அனித³ஸ்ஸனஸப்படிக⁴ம் ஏகம் மஹாபூ⁴தம் படிச்ச த்³வே மஹாபூ⁴தா, த்³வே மஹாபூ⁴தே படிச்ச ஏகம் மஹாபூ⁴தம். அனித³ஸ்ஸனஸப்படிகே⁴ மஹாபூ⁴தே படிச்ச அனித³ஸ்ஸனஸப்படிக⁴ம் உபாதா³ரூபம் (கம்மம் விப⁴ஜித்வா நகம்மேனேவ ஏகவீஸ பஞ்ஹா காதப்³பா³), நவிபாகபச்சயா (படிஸந்தி⁴பி கடத்தாபி நத்தி², பஞ்சவோகாரேயேவ காதப்³பா³), நஆஹாரபச்சயா – பா³ஹிரம்… உதுஸமுட்டா²னம்… அஸஞ்ஞஸத்தானம்…பே… (இமினா காரணேன விப⁴ஜிதப்³பா³ ஏகவீஸாபி).

நஇந்த்³ரியபச்சயாதி³

24. அனித³ஸ்ஸனஸப்படிக⁴ம் த⁴ம்மம் படிச்ச அனித³ஸ்ஸனஸப்படிகோ⁴ த⁴ம்மோ உப்பஜ்ஜதி நஇந்த்³ரியபச்சயா – பா³ஹிரம்… ஆஹாரஸமுட்டா²னம்… உதுஸமுட்டா²னம்… அனித³ஸ்ஸனஸப்படிக⁴ம் ஏகம் மஹாபூ⁴தம்…பே… அஸஞ்ஞஸத்தானம் மஹாபூ⁴தே படிச்ச ரூபஜீவிதிந்த்³ரியம் (ஸம்கி²த்தம், ஸப்³பே³ பஞ்ஹா விப⁴ஜிதப்³பா³)… நஜா²னபச்சயா – பா³ஹிரம்… ஆஹாரஸமுட்டா²னம்… உதுஸமுட்டா²னம்… அஸஞ்ஞஸத்தானம் ஏகம் மஹாபூ⁴தம் (ஸம்கி²த்தம், ஸத்தபி பஞ்ஹா விப⁴ஜிதப்³பா³).

அனித³ஸ்ஸனஅப்படிக⁴ம் த⁴ம்மம் படிச்ச அனித³ஸ்ஸனஅப்படிகோ⁴ த⁴ம்மோ உப்பஜ்ஜதி நஜா²னபச்சயா – பஞ்சவிஞ்ஞாணஸஹக³தம் ஏகம் க²ந்த⁴ம் படிச்ச தயோ க²ந்தா⁴…பே… த்³வே க²ந்தே⁴…பே… பா³ஹிரம்… ஆஹாரஸமுட்டா²னம்… உதுஸமுட்டா²னம்… அஸஞ்ஞஸத்தானம் ஆபோதா⁴தும் படிச்ச அனித³ஸ்ஸனஅப்படிக⁴ம் கடத்தாரூபம் உபாதா³ரூபம்.

(ஏவம் ஸத்தபி பஞ்ஹா விப⁴ஜிதப்³பா³.)

25. அனித³ஸ்ஸனஸப்படிக⁴ஞ்ச அனித³ஸ்ஸனஅப்படிக⁴ஞ்ச த⁴ம்மம் படிச்ச ஸனித³ஸ்ஸனஸப்படிகோ⁴ த⁴ம்மோ உப்பஜ்ஜதி நஜா²னபச்சயா – பா³ஹிரம்… ஆஹாரஸமுட்டா²னம்… உதுஸமுட்டா²னம்…, அஸஞ்ஞஸத்தானம்…பே… அனித³ஸ்ஸனஸப்படிகே⁴ மஹாபூ⁴தே ச ஆபோதா⁴துஞ்ச படிச்ச ஸனித³ஸ்ஸனஸப்படிக⁴ம் கடத்தாரூபம் உபாதா³ரூபம்.

(ஏவம் ஸத்தபி பஞ்ஹா விப⁴ஜிதப்³பா³), நமக்³க³பச்சயா… (நஹேதுஸதி³ஸம் காதப்³ப³ம். பரிபுண்ணம். மோஹோ நத்தி²). நஸம்பயுத்தபச்சயா… நவிப்பயுத்தபச்சயா (பரிபுண்ணம்)… நோனத்தி²பச்சயா… நோவிக³தபச்சயா.