1. விப⁴ங்க³வாரோ

ஹேதுபச்சயோ

42. ஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ ஹேதுபச்சயேன பச்சயோ – ஸேக்கா² ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ. (1)

ஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ ஹேதுபச்சயேன பச்சயோ – ஸேக்கா² ஹேதூ சித்தஸமுட்டா²னானம் ரூபானம் ஹேதுபச்சயேன பச்சயோ. (2)

ஸேக்கோ² த⁴ம்மோ ஸேக்க²ஸ்ஸ ச நேவஸேக்க²னாஸேக்க²ஸ்ஸ ச த⁴ம்மஸ்ஸ ஹேதுபச்சயேன பச்சயோ – ஸேக்கா² ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ. (3)

அஸேக்கோ² த⁴ம்மோ அஸேக்க²ஸ்ஸ த⁴ம்மஸ்ஸ (தீணி).

நேவஸேக்க²னாஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ ஹேதுபச்சயேன பச்சயோ – நேவஸேக்க²னாஸேக்கா² ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ. படிஸந்தி⁴க்க²ணே…பே…. (1)

ஆரம்மணபச்சயோ

43. ஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ ஆரம்மணபச்சயேன பச்சயோ – அரியா மக்³கா³ வுட்ட²ஹித்வா மக்³க³ம் பச்சவேக்க²ந்தி, ஸேக்க²ம் ப²லம் பச்சவேக்க²ந்தி, சேதோபரியஞாணேன ஸேக்க²சித்தஸமங்கி³ஸ்ஸ சித்தம் ஜானந்தி, ஸேக்கா² க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

அஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ ஆரம்மணபச்சயேன பச்சயோ – அரஹா அஸேக்க²ம் ப²லம் பச்சவேக்க²தி, சேதோபரியஞாணேன அஸேக்க²சித்தஸமங்கி³ஸ்ஸ சித்தம் ஜானாதி, அஸேக்கா² க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

44. நேவஸேக்க²னாஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம் த³த்வா ஸீலம் ஸமாதி³யித்வா உபோஸத²கம்மம் கத்வா தம் பச்சவேக்க²தி, புப்³பே³ ஸுசிண்ணானி…பே… ஜா²னா வுட்ட²ஹித்வா ஜா²னம் பச்சவேக்க²தி, அரியா நிப்³பா³னம் பச்சவேக்க²ந்தி. நிப்³பா³னம் கோ³த்ரபு⁴ஸ்ஸ, வோதா³னஸ்ஸ, ஆவஜ்ஜனாய ஆரம்மணபச்சயேன பச்சயோ. அரியா பஹீனே கிலேஸே பச்சவேக்க²ந்தி விக்க²ம்பி⁴தே கிலேஸே பச்சவேக்க²ந்தி, புப்³பே³ ஸமுதா³சிண்ணே கிலேஸே ஜானந்தி, சக்கு²ம் அனிச்சதோ து³க்க²தோ அனத்ததோ விபஸ்ஸந்தி, அஸ்ஸாதே³ந்தி அபி⁴னந்த³ந்தி, தம் ஆரப்³ப⁴ ராகோ³ உப்பஜ்ஜதி…பே… தோ³மனஸ்ஸம் உப்பஜ்ஜதி, ஸோதம்…பே… வத்து²ம் நேவஸேக்க²னாஸேக்கே² க²ந்தே⁴ அனிச்சதோ து³க்க²தோ அனத்ததோ விபஸ்ஸந்தி, அஸ்ஸாதே³ந்தி…பே… தோ³மனஸ்ஸம் உப்பஜ்ஜதி, தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, சேதோபரியஞாணேன நேவஸேக்க²னாஸேக்க²சித்தஸமங்கி³ஸ்ஸ சித்தம் ஜானாதி, ஆகாஸானஞ்சாயதனம் விஞ்ஞாணஞ்சாயதனஸ்ஸ…பே… ஆகிஞ்சஞ்ஞாயதனம் நேவஸஞ்ஞானாஸஞ்ஞாயதனஸ்ஸ ஆரம்மணபச்சயேன பச்சயோ. ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே… நேவஸேக்க²னாஸேக்கா² க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

நேவஸேக்க²னாஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ ஆரம்மணபச்சயேன பச்சயோ – நிப்³பா³னம் மக்³க³ஸ்ஸ, ஸேக்க²ஸ்ஸ ப²லஸ்ஸ ஆரம்மணபச்சயேன பச்சயோ. (2)

நேவஸேக்க²னாஸேக்கோ² த⁴ம்மோ அஸேக்க²ஸ்ஸ த⁴ம்மஸ்ஸ ஆரம்மணபச்சயேன பச்சயோ – நிப்³பா³னம் அஸேக்க²ஸ்ஸ ப²லஸ்ஸ ஆரம்மணபச்சயேன பச்சயோ. (3)

அதி⁴பதிபச்சயோ

45. ஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – ஸேக்கா²தி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. (1)

ஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – அரியா மக்³கா³ வுட்ட²ஹித்வா மக்³க³ம் க³ரும் கத்வா பச்சவேக்க²ந்தி, ஸேக்க²ம் ப²லம் க³ரும் கத்வா பச்சவேக்க²ந்தி. ஸஹஜாதாதி⁴பதி – ஸேக்கா²தி⁴பதி சித்தஸமுட்டா²னானம் ரூபானம் அதி⁴பதிபச்சயேன பச்சயோ. (2)

ஸேக்கோ² த⁴ம்மோ ஸேக்க²ஸ்ஸ ச நேவஸேக்க²னாஸேக்க²ஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – ஸேக்கா²தி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)

46. அஸேக்கோ² த⁴ம்மோ அஸேக்க²ஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – அஸேக்கா²தி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. (1)

அஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – அரஹா அஸேக்க²ம் ப²லம் க³ரும் கத்வா பச்சவேக்க²தி. ஸஹஜாதாதி⁴பதி – அஸேக்கா²தி⁴பதி சித்தஸமுட்டா²னானம் ரூபானம் அதி⁴பதிபச்சயேன பச்சயோ. (2)

அஸேக்கோ² த⁴ம்மோ அஸேக்க²ஸ்ஸ ச நேவஸேக்க²னாஸேக்க²ஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – அஸேக்கா²தி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)

47. நேவஸேக்க²னாஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம் த³த்வா ஸீலம் ஸமாதி³யித்வா உபோஸத²கம்மம் கத்வா தம் க³ரும் கத்வா பச்சவேக்க²தி, புப்³பே³ ஸுசிண்ணானி க³ரும் கத்வா பச்சவேக்க²தி, ஜா²னா வுட்ட²ஹித்வா ஜா²னம் க³ரும் கத்வா பச்சவேக்க²தி, அரியா நிப்³பா³னம் க³ரும் கத்வா பச்சவேக்க²ந்தி, நிப்³பா³னம் கோ³த்ரபு⁴ஸ்ஸ, வோதா³னஸ்ஸ அதி⁴பதிபச்சயேன பச்சயோ. சக்கு²ம் க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. ஸோதம்…பே… வத்து²ம் நேவஸேக்க²னாஸேக்கே² க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. ஸஹஜாதாதி⁴பதி – நேவஸேக்க²னாஸேக்கா²தி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (1)

நேவஸேக்க²னாஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – நிப்³பா³னம் மக்³க³ஸ்ஸ, ஸேக்க²ஸ்ஸ ப²லஸ்ஸ அதி⁴பதிபச்சயேன பச்சயோ. (2)

நேவஸேக்க²னாஸேக்கோ² த⁴ம்மோ அஸேக்க²ஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – நிப்³பா³னம் அஸேக்க²ஸ்ஸ ப²லஸ்ஸ அதி⁴பதிபச்சயேன பச்சயோ. (3)

அனந்தரபச்சயோ

48. ஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா ஸேக்கா² க²ந்தா⁴ பச்சி²மானம் பச்சி²மானம் ஸேக்கா²னம் க²ந்தா⁴னம் அனந்தரபச்சயேன பச்சயோ. மக்³கோ³ ஸேக்க²ஸ்ஸ ப²லஸ்ஸ… ஸேக்க²ம் ப²லம் ஸேக்க²ஸ்ஸ ப²லஸ்ஸ அனந்தரபச்சயேன பச்சயோ. (1)

ஸேக்கோ² த⁴ம்மோ அஸேக்க²ஸ்ஸ த⁴ம்மஸ்ஸ அனந்தரபச்சயேன பச்சயோ – மக்³கோ³ அஸேக்க²ஸ்ஸ ப²லஸ்ஸ அனந்தரபச்சயேன பச்சயோ. (2)

ஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ அனந்தரபச்சயேன பச்சயோ – ஸேக்க²ம் ப²லம் வுட்டா²னஸ்ஸ அனந்தரபச்சயேன பச்சயோ. (3)

49. அஸேக்கோ² த⁴ம்மோ அஸேக்க²ஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா அஸேக்கா² க²ந்தா⁴ பச்சி²மானம் பச்சி²மானம் அஸேக்கா²னம் க²ந்தா⁴னம் அனந்தரபச்சயேன பச்சயோ. அஸேக்க²ம் ப²லம் அஸேக்க²ஸ்ஸ ப²லஸ்ஸ அனந்தரபச்சயேன பச்சயோ. (1)

அஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ அனந்தரபச்சயேன பச்சயோ – அஸேக்க²ம் ப²லம் வுட்டா²னஸ்ஸ அனந்தரபச்சயேன பச்சயோ. (2)

50. நேவஸேக்க²னாஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா நேவஸேக்க²னாஸேக்கா² க²ந்தா⁴ பச்சி²மானம் பச்சி²மானம் நேவஸேக்க²னாஸேக்கா²னம் க²ந்தா⁴னம்…பே… அனுலோமம் கோ³த்ரபு⁴ஸ்ஸ… அனுலோமம் வோதா³னஸ்ஸ… ஆவஜ்ஜனா நேவஸேக்க²னாஸேக்கா²னம் க²ந்தா⁴னம் அனந்தரபச்சயேன பச்சயோ. (1)

நேவஸேக்க²னாஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ அனந்தரபச்சயேன பச்சயோ – கோ³த்ரபு⁴ மக்³க³ஸ்ஸ… வோதா³னம் மக்³க³ஸ்ஸ… அனுலோமம் ஸேக்கா²ய ப²லஸமாபத்தியா… நிரோதா⁴ வுட்ட²ஹந்தஸ்ஸ நேவஸஞ்ஞானாஸஞ்ஞாயதனகுஸலம் ஸேக்கா²ய ப²லஸமாபத்தியா அனந்தரபச்சயேன பச்சயோ. (2)

நேவஸேக்க²னாஸேக்கோ² த⁴ம்மோ அஸேக்க²ஸ்ஸ த⁴ம்மஸ்ஸ அனந்தரபச்சயேன பச்சயோ – அனுலோமம் அஸேக்கா²ய ப²லஸமாபத்தியா… நிரோதா⁴ வுட்ட²ஹந்தஸ்ஸ நேவஸஞ்ஞானாஸஞ்ஞாயதனகிரியம் அஸேக்கா²ய ப²லஸமாபத்தியா அனந்தரபச்சயேன பச்சயோ. (3)

ஸமனந்தரபச்சயோ

51. ஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ ஸமனந்தரபச்சயேன பச்சயோ…பே… (அனந்தரஸதி³ஸம், அட்ட² பஞ்ஹா).

ஸஹஜாதபச்சயாதி³

52. ஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ ஸஹஜாதபச்சயேன பச்சயோ…பே… (படிச்சவாரே ஸஹஜாதஸதி³ஸம், நவ பஞ்ஹா) அஞ்ஞமஞ்ஞபச்சயேன பச்சயோ (படிச்சவாரே அஞ்ஞமஞ்ஞஸதி³ஸம், தீணி. நிஸ்ஸயபச்சயே குஸலத்திகே நிஸ்ஸயபச்சயஸதி³ஸம், தேரஸ பஞ்ஹா).

உபனிஸ்ஸயபச்சயோ

53. ஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – பட²மோ மக்³கோ³ து³தியஸ்ஸ மக்³க³ஸ்ஸ உபனிஸ்ஸயபச்சயேன பச்சயோ. து³தியோ மக்³கோ³ ததியஸ்ஸ மக்³க³ஸ்ஸ உபனிஸ்ஸயபச்சயேன பச்சயோ. ததியோ மக்³கோ³ சதுத்த²ஸ்ஸ மக்³க³ஸ்ஸ உபனிஸ்ஸயபச்சயேன பச்சயோ. மக்³கோ³ ஸேக்கா²ய ப²லஸமாபத்தியா உபனிஸ்ஸயபச்சயேன பச்சயோ. (1)

ஸேக்கோ² த⁴ம்மோ அஸேக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – மக்³கோ³ அஸேக்கா²ய ப²லஸமாபத்தியா உபனிஸ்ஸயபச்சயேன பச்சயோ. (2)

ஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சய – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – அரியா மக்³க³ம் உபனிஸ்ஸாய அனுப்பன்னம் குஸலஸமாபத்திம் உப்பாதே³ந்தி, உப்பன்னம் ஸமாபஜ்ஜந்தி, ஸங்கா²ரே அனிச்சதோ…பே… விபஸ்ஸந்தி, மக்³கோ³ அரியானம் அத்த²ப்படிஸம்பி⁴தா³ய…பே… படிபா⁴னப்படிஸம்பி⁴தா³ய… டா²னாடா²னகோஸல்லஸ்ஸ உபனிஸ்ஸயபச்சயேன பச்சயோ. ஸேக்கா² ப²லஸமாபத்தியா காயிகஸ்ஸ ஸுக²ஸ்ஸ உபனிஸ்ஸயபச்சயேன பச்சயோ. (3)

54. அஸேக்கோ² த⁴ம்மோ அஸேக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ. அனந்தரூபனிஸ்ஸயோ – புரிமா புரிமா அஸேக்கா² க²ந்தா⁴ பச்சி²மானம் பச்சி²மானம் அஸேக்கா²னம் க²ந்தா⁴னம்…பே… அஸேக்க²ம் ப²லம் அஸேக்க²ஸ்ஸ ப²லஸ்ஸ உபனிஸ்ஸயபச்சயேன பச்சயோ. (1)

அஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – அஸேக்கா² ப²லஸமாபத்தி காயிகஸ்ஸ ஸுக²ஸ்ஸ உபனிஸ்ஸயபச்சயேன பச்சயோ. (2)

55. நேவஸேக்க²னாஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – நேவஸேக்க²னாஸேக்க²ம் ஸத்³த⁴ம் உபனிஸ்ஸாய தா³னம் தே³தி. ஸீலம்…பே… உபோஸத²கம்மம்…பே… ஜா²னம்…பே… விபஸ்ஸனம்…பே… அபி⁴ஞ்ஞம்…பே… ஸமாபத்திம் உப்பாதே³தி, மானம் ஜப்பேதி, தி³ட்டி²ம் க³ண்ஹாதி. நேவஸேக்க²னாஸேக்க²ம் ஸீலம்…பே… பஞ்ஞம்… ராக³ம்…பே… பத்த²னம்… காயிகம் ஸுக²ம்…பே… உதும்… போ⁴ஜனம்… ஸேனாஸனம் உபனிஸ்ஸாய தா³னம் தே³தி, ஸீலம்…பே… ஸமாபத்திம் உப்பாதே³தி, பாணம் ஹனதி…பே… ஸங்க⁴ம் பி⁴ந்த³தி. நேவஸேக்க²னாஸேக்கா² ஸத்³தா⁴…பே… பஞ்ஞா, ராகோ³…பே… பத்த²னா, காயிகம் ஸுக²ம்…பே… ஸேனாஸனம் நேவஸேக்க²னாஸேக்கா²ய ஸத்³தா⁴ய…பே… பஞ்ஞாய, ராக³ஸ்ஸ…பே… பத்த²னாய, காயிகஸ்ஸ ஸுக²ஸ்ஸ, காயிகஸ்ஸ து³க்க²ஸ்ஸ உபனிஸ்ஸயபச்சயேன பச்சயோ. பட²மஸ்ஸ ஜா²னஸ்ஸ பரிகம்மம் பட²மஸ்ஸ ஜா²னஸ்ஸ உபனிஸ்ஸயபச்சயேன பச்சயோ…பே… நேவஸஞ்ஞானாஸஞ்ஞாயதனஸ்ஸ பரிகம்மம் நேவஸஞ்ஞானாஸஞ்ஞாயதனஸ்ஸ…பே… பட²மம் ஜா²னம் து³தியஸ்ஸ ஜா²னஸ்ஸ உபனிஸ்ஸயபச்சயேன பச்சயோ…பே… ஆகிஞ்சஞ்ஞாயதனம் நேவஸஞ்ஞானாஸஞ்ஞாயதனஸ்ஸ உபனிஸ்ஸயபச்சயேன பச்சயோ. (1)

நேவஸேக்க²னாஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – பட²மஸ்ஸ மக்³க³ஸ்ஸ பரிகம்மம் பட²மஸ்ஸ மக்³க³ஸ்ஸ உபனிஸ்ஸயபச்சயேன பச்சயோ…பே… சதுத்த²ஸ்ஸ மக்³க³ஸ்ஸ பரிகம்மம் சதுத்த²ஸ்ஸ மக்³க³ஸ்ஸ உபனிஸ்ஸயபச்சயேன பச்சயோ. (2)

நேவஸேக்க²னாஸேக்கோ² த⁴ம்மோ அஸேக்க²ஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – காயிகம் ஸுக²ம்… காயிகம் து³க்க²ம்… உதும்… போ⁴ஜனம்… ஸேனாஸனம் அஸேக்கா²ய ப²லஸமாபத்தியா உபனிஸ்ஸயபச்சயேன பச்சயோ. (3)

புரேஜாதபச்சயோ

56. நேவஸேக்க²னாஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம் அனிச்சதோ…பே… விபஸ்ஸதி, அஸ்ஸாதே³தி அபி⁴னந்த³தி; தம் ஆரப்³ப⁴ ராகோ³ உப்பஜ்ஜதி…பே… தோ³மனஸ்ஸம் உப்பஜ்ஜதி. ஸோதம்…பே… வத்து²ம் அனிச்சதோ து³க்க²தோ அனத்ததோ விபஸ்ஸதி…பே… தோ³மனஸ்ஸம் உப்பஜ்ஜதி, தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ புரேஜாதபச்சயேன பச்சயோ. வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ, வத்து² நேவஸேக்க²னாஸேக்கா²னம் க²ந்தா⁴னம் புரேஜாதபச்சயேன பச்சயோ. (1)

நேவஸேக்க²னாஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ புரேஜாதபச்சயேன பச்சயோ. வத்து²புரேஜாதம் – வத்து² ஸேக்கா²னம் க²ந்தா⁴னம் புரேஜாதபச்சயேன பச்சயோ. (2)

நேவஸேக்க²னாஸேக்கோ² த⁴ம்மோ அஸேக்க²ஸ்ஸ த⁴ம்மஸ்ஸ புரேஜாதபச்சயேன பச்சயோ. வத்து²புரேஜாதம் – வத்து² அஸேக்கா²னம் க²ந்தா⁴னம் புரேஜாதபச்சயேன பச்சயோ. (3)

பச்சா²ஜாதபச்சயோ

57. ஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா ஸேக்கா² க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

அஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா அஸேக்கா² க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

நேவஸேக்க²னாஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா நேவஸேக்க²னாஸேக்கா² க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

ஆஸேவனபச்சயோ

58. நேவஸேக்க²னாஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ ஆஸேவனபச்சயேன பச்சயோ – புரிமா புரிமா நேவஸேக்க²னாஸேக்கா² க²ந்தா⁴ பச்சி²மானம் பச்சி²மானம் நேவஸேக்க²னாஸேக்கா²னம் க²ந்தா⁴னம் ஆஸேவனபச்சயேன பச்சயோ. அனுலோமம் கோ³த்ரபு⁴ஸ்ஸ… அனுலோமம் வோதா³னஸ்ஸ ஆஸேவனபச்சயேன பச்சயோ. (1)

நேவஸேக்க²னாஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ ஆஸேவனபச்சயேன பச்சயோ – கோ³த்ரபு⁴ மக்³க³ஸ்ஸ… வோதா³னம் மக்³க³ஸ்ஸ ஆஸேவனபச்சயேன பச்சயோ. (2)

கம்மபச்சயோ

59. ஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – ஸேக்கா² சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ. நானாக்க²ணிகா – ஸேக்கா² சேதனா விபாகானம் ஸேக்கா²னம் க²ந்தா⁴னம் கம்மபச்சயேன பச்சயோ. (1)

ஸேக்கோ² த⁴ம்மோ அஸேக்க²ஸ்ஸ த⁴ம்மஸ்ஸ கம்மபச்சயேன பச்சயோ. நானாக்க²ணிகா – ஸேக்கா² சேதனா அஸேக்கா²னம் க²ந்தா⁴னம் கம்மபச்சயேன பச்சயோ. (2)

ஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ கம்மபச்சயேன பச்சயோ. ஸஹஜாதா – ஸேக்கா² சேதனா சித்தஸமுட்டா²னானம் ரூபானம் கம்மபச்சயேன பச்சயோ. (3)

ஸேக்கோ² த⁴ம்மோ ஸேக்க²ஸ்ஸ ச நேவஸேக்க²னாஸேக்க²ஸ்ஸ ச த⁴ம்மஸ்ஸ கம்மபச்சயேன பச்சயோ – ஸேக்கா² சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ. (4)

60. அஸேக்கோ² த⁴ம்மோ அஸேக்க²ஸ்ஸ த⁴ம்மஸ்ஸ கம்மபச்சயேன பச்சயோ – அஸேக்கா² சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ. (1)

அஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ கம்மபச்சயேன பச்சயோ – அஸேக்கா² சேதனா சித்தஸமுட்டா²னானம் ரூபானம் கம்மபச்சயேன பச்சயோ. (2)

அஸேக்கோ² த⁴ம்மோ அஸேக்க²ஸ்ஸ ச நேவஸேக்க²னாஸேக்க²ஸ்ஸ ச த⁴ம்மஸ்ஸ கம்மபச்சயேன பச்சயோ – அஸேக்கா² சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ. (3)

61. நேவஸேக்க²னாஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – நேவஸேக்க²னாஸேக்கா² சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ. படிஸந்தி⁴க்க²ணே…பே…. நானாக்க²ணிகா – நேவஸேக்க²னாஸேக்கா² சேதனா விபாகானம் நேவஸேக்க²னாஸேக்கா²னம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (1)

விபாகபச்சயோ

62. ஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ விபாகபச்சயேன பச்சயோ – விபாகோ ஸேக்கோ² ஏகோ க²ந்தோ⁴ திண்ணன்னம் க²ந்தா⁴னம்…பே… (ஸேக்க²மூலகே தீணி ).

அஸேக்கோ² த⁴ம்மோ அஸேக்க²ஸ்ஸ த⁴ம்மஸ்ஸ விபாகபச்சயேன பச்சயோ – அஸேக்கோ² ஏகோ க²ந்தோ⁴ திண்ணன்னம் க²ந்தா⁴னம்…பே… (அஸேக்க²மூலகே தீணி).

நேவஸேக்க²னாஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ விபாகபச்சயேன பச்சயோ – விபாகோ நேவஸேக்க²னாஸேக்கோ² ஏகோ க²ந்தோ⁴ திண்ணன்னம் க²ந்தா⁴னம்…பே… படிஸந்தி⁴க்க²ணே…பே… க²ந்தா⁴ வத்து²ஸ்ஸ விபாகபச்சயேன பச்சயோ. (1)

ஆஹாரபச்சயாதி³

63. ஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ ஆஹாரபச்சயேன பச்சயோ… இந்த்³ரியபச்சயேன பச்சயோ… ஜா²னபச்சயேன பச்சயோ… மக்³க³பச்சயேன பச்சயோ… ஸம்பயுத்தபச்சயேன பச்சயோ…பே….

விப்பயுத்தபச்சயோ

64. ஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம். ஸஹஜாதா – ஸேக்கா² க²ந்தா⁴ சித்தஸமுட்டா²னானம் ரூபானம் விப்பயுத்தபச்சயேன பச்சயோ. பச்சா²ஜாதா – ஸேக்கா² க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ (1).

அஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம் (ஸேக்க²ஸதி³ஸம்).

நேவஸேக்க²னாஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம், பச்சா²ஜாதம். ஸஹஜாதா – நேவஸேக்க²னாஸேக்கா² க²ந்தா⁴ சித்தஸமுட்டா²னானம் ரூபானம் விப்பயுத்தபச்சயேன பச்சயோ. படிஸந்தி⁴க்க²ணே நேவஸேக்க²னாஸேக்கா² க²ந்தா⁴ கடத்தாரூபானம் விப்பயுத்தபச்சயேன பச்சயோ. க²ந்தா⁴ வத்து²ஸ்ஸ விப்பயுத்தபச்சயேன பச்சயோ. வத்து² க²ந்தா⁴னம் விப்பயுத்தபச்சயேன பச்சயோ. புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ, வத்து² நேவஸேக்க²னாஸேக்கா²னம் க²ந்தா⁴னம் விப்பயுத்தபச்சயேன பச்சயோ. பச்சா²ஜாதா – நேவஸேக்க²னாஸேக்கா² க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ. (1)

நேவஸேக்க²னாஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ விப்பயுத்தபச்சயேன பச்சயோ. புரேஜாதம் – வத்து² ஸேக்கா²னம் க²ந்தா⁴னம் விப்பயுத்தபச்சயேன பச்சயோ. (2)

நேவஸேக்க²னாஸேக்கோ² த⁴ம்மோ அஸேக்க²ஸ்ஸ த⁴ம்மஸ்ஸ விப்பயுத்தபச்சயேன பச்சயோ. புரேஜாதம் – வத்து² அஸேக்கா²னம் க²ந்தா⁴னம் விப்பயுத்தபச்சயேன பச்சயோ. (3)

அத்தி²பச்சயோ

65. ஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ அத்தி²பச்சயேன பச்சயோ – ஸேக்கோ² ஏகோ க²ந்தோ⁴ திண்ணன்னம் க²ந்தா⁴னம்…பே…. (1)

ஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம். ஸஹஜாதா – ஸேக்கா² க²ந்தா⁴ சித்தஸமுட்டா²னானம் ரூபானம் அத்தி²பச்சயேன பச்சயோ. பச்சா²ஜாதா – ஸேக்கா² க²ந்தா⁴ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. (2)

ஸேக்கோ² த⁴ம்மோ ஸேக்க²ஸ்ஸ ச நேவஸேக்க²னாஸேக்க²ஸ்ஸ ச த⁴ம்மஸ்ஸ அத்தி²பச்சயேன பச்சயோ – ஸேக்கோ² ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ…பே… த்³வே க²ந்தா⁴…பே…. (3)

அஸேக்கோ² த⁴ம்மோ அஸேக்க²ஸ்ஸ த⁴ம்மஸ்ஸ அத்தி²பச்சயேன பச்சயோ…பே… தீணி (ஸேக்க²ஸதி³ஸம்).

66. நேவஸேக்க²னாஸேக்கோ² த⁴ம்மோ நேவஸேக்க²னாஸேக்க²ஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம். ஸஹஜாதோ – நேவஸேக்க²னாஸேக்கோ² ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ…பே… த்³வே க²ந்தா⁴…பே… படிஸந்தி⁴க்க²ணே…பே… க²ந்தா⁴ வத்து²ஸ்ஸ அத்தி²பச்சயேன பச்சயோ. வத்து² க²ந்தா⁴னம் அத்தி²பச்சயேன பச்சயோ, ஏகம் மஹாபூ⁴தம்…பே… பா³ஹிரம்…பே… அஸஞ்ஞஸத்தானம்…பே…. புரேஜாதம் – சக்கு²ம் அனிச்சதோ து³க்க²தோ அனத்ததோ விபஸ்ஸதி; அஸ்ஸாதே³தி அபி⁴னந்த³தி; தம் ஆரப்³ப⁴ ராகோ³ உப்பஜ்ஜதி…பே… தோ³மனஸ்ஸம் உப்பஜ்ஜதி. ஸோதம்…பே… வத்து²ம் அனிச்சதோ…பே… விபஸ்ஸதி, தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே… சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ… வத்து² நேவஸேக்க²னாஸேக்கா²னம் க²ந்தா⁴னம் அத்தி²பச்சயேன பச்சயோ. பச்சா²ஜாதா – நேவஸேக்க²னாஸேக்கா² க²ந்தா⁴ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. கப³ளீகாரோ ஆஹாரோ இமஸ்ஸ காயஸ்ஸ அத்தி²பச்சயேன பச்சயோ. ரூபஜீவிதிந்த்³ரியம் கடத்தாரூபானம் அத்தி²பச்சயேன பச்சயோ. (1)

நேவஸேக்க²னாஸேக்கோ² த⁴ம்மோ ஸேக்க²ஸ்ஸ த⁴ம்மஸ்ஸ அத்தி²பச்சயேன பச்சயோ. புரேஜாதம் – வத்து² ஸேக்கா²னம் க²ந்தா⁴னம் அத்தி²பச்சயேன பச்சயோ. (2)

நேவஸேக்க²னாஸேக்கோ² த⁴ம்மோ அஸேக்க²ஸ்ஸ த⁴ம்மஸ்ஸ அத்தி²பச்சயேன பச்சயோ. புரேஜாதம் – வத்து² அஸேக்கா²னம் க²ந்தா⁴னம் அத்தி²பச்சயேன பச்சயோ. (3)

67. ஸேக்கோ² ச நேவஸேக்க²னாஸேக்கோ² ச த⁴ம்மா ஸேக்க²ஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – ஸேக்கோ² ஏகோ க²ந்தோ⁴ ச வத்து² ச திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴…பே…. (1)

ஸேக்கோ² ச நேவஸேக்க²னாஸேக்கோ² ச த⁴ம்மா நேவஸேக்க²னாஸேக்க²ஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம், ஆஹாரம், இந்த்³ரியம். ஸஹஜாதா – ஸேக்கா² க²ந்தா⁴ ச மஹாபூ⁴தா ச சித்தஸமுட்டா²னானம் ரூபானம் அத்தி²பச்சயேன பச்சயோ. பச்சா²ஜாதா – ஸேக்கா² க²ந்தா⁴ ச கப³ளீகாரோ ஆஹாரோ ச இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – ஸேக்கா² க²ந்தா⁴ ச ரூபஜீவிதிந்த்³ரியஞ்ச கடத்தாரூபானம் அத்தி²பச்சயேன பச்சயோ. (2)

அஸேக்கோ² ச நேவஸேக்க²னாஸேக்கோ² ச த⁴ம்மா அஸேக்க²ஸ்ஸ த⁴ம்மஸ்ஸ அத்தி²பச்சயேன பச்சயோ…பே… (த்³வே பஞ்ஹா காதப்³பா³, ஸேக்க²ஸதி³ஸா).