1. விப⁴ங்க³வாரோ

ஹேதுபச்சயோ

45. ஆசயகா³மீ [ஆசயகா³மி (ஸீ. ஸ்யா.) ஏவமுபரிபி] த⁴ம்மோ ஆசயகா³மிஸ்ஸ த⁴ம்மஸ்ஸ ஹேதுபச்சயேன பச்சயோ – ஆசயகா³மீ ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ. (1)

ஆசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ ஹேதுபச்சயேன பச்சயோ – ஆசயகா³மீ ஹேதூ சித்தஸமுட்டா²னானம் ரூபானம் ஹேதுபச்சயேன பச்சயோ. (2)

ஆசயகா³மீ த⁴ம்மோ ஆசயகா³மிஸ்ஸ ச நேவாசயகா³மினாபசயகா³மிஸ்ஸ ச த⁴ம்மஸ்ஸ ஹேதுபச்சயேன பச்சயோ – ஆசயகா³மீ ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ. (3)

அபசயகா³மீ த⁴ம்மோ அபசயகா³மிஸ்ஸ த⁴ம்மஸ்ஸ ஹேதுபச்சயேன பச்சயோ… தீணி.

நேவாசயகா³மினாபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ ஹேதுபச்சயேன பச்சயோ – நேவாசயகா³மினாபசயகா³மீ ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ. படிஸந்தி⁴க்க²ணே நேவாசயகா³மினாபசயகா³மீ ஹேதூ ஸம்பயுத்தகானம் க²ந்தா⁴னம் கடத்தா ச ரூபானம் ஹேதுபச்சயேன பச்சயோ. (1)

ஆரம்மணபச்சயோ

46. ஆசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம் த³த்வா ஸீலம் ஸமாதி³யித்வா உபோஸத²கம்மம் கத்வா தம் பச்சவேக்க²தி, புப்³பே³ ஸுசிண்ணானி பச்சவேக்க²தி, ஜா²னா வுட்ட²ஹித்வா ஜா²னம் பச்சவேக்க²தி. ஸேக்கா² பஹீனே கிலேஸே பச்சவேக்க²ந்தி, விக்க²ம்பி⁴தே கிலேஸே பச்சவேக்க²ந்தி, புப்³பே³ ஸமுதா³சிண்ணே கிலேஸே ஜானந்தி. ஸேக்கா² வா புது²ஜ்ஜனா வா ஆசயகா³மீ க²ந்தே⁴ அனிச்சதோ து³க்க²தோ அனத்ததோ விபஸ்ஸந்தி, அஸ்ஸாதே³ந்தி அபி⁴னந்த³ந்தி, தம் ஆரப்³ப⁴ ராகோ³ உப்பஜ்ஜதி, தி³ட்டி²…பே… விசிகிச்சா²…பே… உத்³த⁴ச்சம்…பே… தோ³மனஸ்ஸம் உப்பஜ்ஜதி, சேதோபரியஞாணேன ஆசயகா³மிசித்தஸமங்கி³ஸ்ஸ சித்தம் ஜானந்தி, ஆகாஸானஞ்சாயதனகுஸலம் விஞ்ஞாணஞ்சாயதனகுஸலஸ்ஸ ஆரம்மணபச்சயேன பச்சயோ. ஆகிஞ்சஞ்ஞாயதனகுஸலம் நேவஸஞ்ஞானாஸஞ்ஞாயதனகுஸலஸ்ஸ…பே… ஆசயகா³மீ க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தம்ஸஞாணஸ்ஸ ஆரம்மணபச்சயேன பச்சயோ. (1)

ஆசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ ஆரம்மணபச்சயேன பச்சயோ – அரஹா பஹீனே கிலேஸே பச்சவேக்க²தி, புப்³பே³ ஸமுதா³சிண்ணே கிலேஸே ஜானாதி, ஆசயகா³மீ க²ந்தே⁴ அனிச்சதோ து³க்க²தோ அனத்ததோ விபஸ்ஸதி; சேதோபரியஞாணேன ஆசயகா³மிசித்தஸமங்கி³ஸ்ஸ சித்தம் ஜானாதி. ஸேக்கா² வா புது²ஜ்ஜனா வா ஆசயகா³மீ க²ந்தே⁴ அனிச்சதோ து³க்க²தோ அனத்ததோ விபஸ்ஸந்தி, குஸலே நிருத்³தே⁴ விபாகோ ததா³ரம்மணதா உப்பஜ்ஜதி, ஆசயகா³மீ க²ந்தே⁴ அஸ்ஸாதே³தி அபி⁴னந்த³தி, தம் ஆரப்³ப⁴ ராகோ³ உப்பஜ்ஜதி…பே… தோ³மனஸ்ஸம் உப்பஜ்ஜதி, அகுஸலே நிருத்³தே⁴ விபாகோ ததா³ரம்மணதா உப்பஜ்ஜதி, ஆகாஸானஞ்சாயதனகுஸலம் விஞ்ஞாணஞ்சாயதனவிபாகஸ்ஸ ச கிரியஸ்ஸ ச ஆரம்மணபச்சயேன பச்சயோ. ஆகிஞ்சஞ்ஞாயதனகுஸலம் நேவஸஞ்ஞானாஸஞ்ஞாயதனவிபாகஸ்ஸ ச கிரியஸ்ஸ ச ஆரம்மணபச்சயேன பச்சயோ. ஆசயகா³மீ க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (2)

47. அபசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ ஆரம்மணபச்சயேன பச்சயோ – ஸேக்கா² மக்³கா³ வுட்ட²ஹித்வா மக்³க³ம் பச்சவேக்க²ந்தி, சேதோபரியஞாணேன அபசயகா³மிசித்தஸமங்கி³ஸ்ஸ சித்தம் ஜானந்தி, அபசயகா³மீ க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, அனாக³தம்ஸஞாணஸ்ஸ, ஆரம்மணபச்சயேன பச்சயோ. (1)

அபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ ஆரம்மணபச்சயேன பச்சயோ – அரஹா மக்³கா³ வுட்ட²ஹித்வா மக்³க³ம் பச்சவேக்க²தி, சேதோபரியஞாணேன அபசயகா³மிசித்தஸமங்கி³ஸ்ஸ சித்தம் ஜானாதி, அபசயகா³மீ க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (2)

48. நேவாசயகா³மினாபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ ஆரம்மணபச்சயேன பச்சயோ – அரஹா ப²லம் பச்சவேக்க²தி, நிப்³பா³னம் பச்சவேக்க²தி, நிப்³பா³னம் ப²லஸ்ஸ ஆவஜ்ஜனாய ஆரம்மணபச்சயேன பச்சயோ. அரஹா சக்கு²ம் அனிச்சதோ து³க்க²தோ அனத்ததோ விபஸ்ஸதி, ஸோதம்…பே… வத்து²ம்… நேவாசயகா³மினாபசயகா³மீ க²ந்தே⁴ அனிச்சதோ து³க்க²தோ அனத்ததோ விபஸ்ஸதி, தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, சேதோபரியஞாணேன நேவாசயகா³மினாபசயகா³மிசித்தஸமங்கி³ஸ்ஸ சித்தம் ஜானாதி, ஆகாஸானஞ்சாயதனகிரியம் விஞ்ஞாணஞ்சாயதனகிரியஸ்ஸ ஆரம்மணபச்சயேன பச்சயோ. ஆகிஞ்சஞ்ஞாயதனகிரியம் நேவஸஞ்ஞானாஸஞ்ஞாயதனகிரியஸ்ஸ…பே… ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே… நேவாசயகா³மினாபசயகா³மீ க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, அனாக³தம்ஸஞாணஸ்ஸ ஆவஜ்ஜனாய ஆரம்மணபச்சயேன பச்சயோ. (1)

நேவாசயகா³மினாபசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ ஆரம்மணபச்சயேன பச்சயோ – ஸேக்கா² ப²லம் பச்சவேக்க²ந்தி, நிப்³பா³னம் பச்சவேக்க²ந்தி, நிப்³பா³னம் கோ³த்ரபு⁴ஸ்ஸ, வோதா³னஸ்ஸ ஆரம்மணபச்சயேன பச்சயோ. ஸேக்கா² வா புது²ஜ்ஜனா வா சக்கு²ம் அனிச்சதோ து³க்க²தோ அனத்ததோ விபஸ்ஸந்தி, அஸ்ஸாதே³ந்தி அபி⁴னந்த³ந்தி; தம் ஆரப்³ப⁴ ராகோ³ உப்பஜ்ஜதி…பே… தோ³மனஸ்ஸம் உப்பஜ்ஜதி. ஸோதம்…பே… வத்து²ம்… நேவாசயகா³மினாபசயகா³மீ க²ந்தே⁴ அனிச்சதோ து³க்க²தோ அனத்ததோ விபஸ்ஸந்தி, அஸ்ஸாதே³ந்தி அபி⁴னந்த³ந்தி; தம் ஆரப்³ப⁴ ராகோ³ உப்பஜ்ஜதி, தி³ட்டி² உப்பஜ்ஜதி, விசிகிச்சா²…பே… உத்³த⁴ச்சம்…பே… தோ³மனஸ்ஸம்…பே… தி³ப்³பே³ன சக்கு²னா ரூபம் பஸ்ஸந்தி, தி³ப்³பா³ய ஸோததா⁴துயா ஸத்³த³ம் ஸுணந்தி, சேதோபரியஞாணேன நேவாசயகா³மினாபசயகா³மிசித்தஸமங்கி³ஸ்ஸ சித்தம் ஜானந்தி, நேவாசயகா³மினாபசயகா³மீ க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, அனாக³தம்ஸஞாணஸ்ஸ ஆரம்மணபச்சயேன பச்சயோ. (2)

நேவாசயகா³மினாபசயகா³மீ த⁴ம்மோ அபசயகா³மிஸ்ஸ த⁴ம்மஸ்ஸ ஆரம்மணபச்சயேன பச்சயோ – நிப்³பா³னம் மக்³க³ஸ்ஸ ஆரம்மணபச்சயேன பச்சயோ. (3)

அதி⁴பதிபச்சயோ

49. ஆசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம் த³த்வா ஸீலம் ஸமாதி³யித்வா உபோஸத²கம்மம் கத்வா தம் க³ரும் கத்வா பச்சவேக்க²தி, புப்³பே³ ஸுசிண்ணானி க³ரும் கத்வா பச்சவேக்க²தி, ஜா²னா வுட்ட²ஹித்வா ஜா²னம் க³ரும் கத்வா பச்சவேக்க²தி, ஆசயகா³மீ க²ந்தே⁴ க³ரும் கத்வா அஸ்ஸாதே³தி அபி⁴னந்த³தி; தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. ஸஹஜாதாதி⁴பதி – ஆசயகா³மீ அதி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. (1)

ஆசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – ஆசயகா³மீ அதி⁴பதி சித்தஸமுட்டா²னானம் ரூபானம் அதி⁴பதிபச்சயேன பச்சயோ. (2)

ஆசயகா³மீ த⁴ம்மோ ஆசயகா³மிஸ்ஸ ச நேவாசயகா³மினாபசயகா³மிஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – ஆசயகா³மீ அதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)

50. அபசயகா³மீ த⁴ம்மோ அபசயகா³மிஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – அபசயகா³மீ அதி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. (1)

அபசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – ஸேக்கா² மக்³கா³ வுட்ட²ஹித்வா மக்³க³ம் க³ரும் கத்வா பச்சவேக்க²ந்தி. (2)

அபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – அரஹா மக்³கா³ வுட்ட²ஹித்வா மக்³க³ம் க³ரும் கத்வா பச்சவேக்க²தி. ஸஹஜாதாதி⁴பதி – அபசயகா³மீ அதி⁴பதி சித்தஸமுட்டா²னானம் ரூபானம் அதி⁴பதிபச்சயேன பச்சயோ. (3)

அபசயகா³மீ த⁴ம்மோ அபசயகா³மிஸ்ஸ ச நேவாசயகா³மினாபசயகா³மிஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – அபசயகா³மீ அதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (4)

51. நேவாசயகா³மினாபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – அரஹா ப²லம் க³ரும் கத்வா பச்சவேக்க²தி, நிப்³பா³னம் க³ரும் கத்வா பச்சவேக்க²தி, நிப்³பா³னம் ப²லஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – நேவாசயகா³மினாபசயகா³மீ அதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (1)

நேவாசயகா³மினாபசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – ஸேக்கா² ப²லம் க³ரும் கத்வா பச்சவேக்க²ந்தி, நிப்³பா³னம் க³ரும் கத்வா பச்சவேக்க²ந்தி, நிப்³பா³னம் கோ³த்ரபு⁴ஸ்ஸ, வோதா³னஸ்ஸ அதி⁴பதிபச்சயேன பச்சயோ. சக்கு²ம் க³ரும் கத்வா அஸ்ஸாதே³தி…பே… வத்து²ம்… நேவாசயகா³மினாபசயகா³மீ க²ந்தே⁴ க³ரும் கத்வா அஸ்ஸாதே³தி அபி⁴னந்த³தி; தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. (2)

நேவாசயகா³மினாபசயகா³மீ த⁴ம்மோ அபசயகா³மிஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – நிப்³பா³னம் மக்³க³ஸ்ஸ அதி⁴பதிபச்சயேன பச்சயோ. (3)

அனந்தரபச்சயோ

52. ஆசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா ஆசயகா³மீ க²ந்தா⁴ பச்சி²மானம் பச்சி²மானம் ஆசயகா³மீனம் க²ந்தா⁴னம் அனந்தரபச்சயேன பச்சயோ. அனுலோமம் கோ³த்ரபு⁴ஸ்ஸ… அனுலோமம் வோதா³னஸ்ஸ அனந்தரபச்சயேன பச்சயோ. (1)

ஆசயகா³மீ த⁴ம்மோ அபசயகா³மிஸ்ஸ த⁴ம்மஸ்ஸ அனந்தரபச்சயேன பச்சயோ – கோ³த்ரபு⁴ மக்³க³ஸ்ஸ… வோதா³னம் மக்³க³ஸ்ஸ அனந்தரபச்சயேன பச்சயோ. (2)

ஆசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ அனந்தரபச்சயேன பச்சயோ – ஆசயகா³மீ க²ந்தா⁴ வுட்டா²னஸ்ஸ அனந்தரபச்சயேன பச்சயோ. ஸேக்கா²னம் அனுலோமம் ப²லஸமாபத்தியா, நிரோதா⁴ வுட்ட²ஹந்தஸ்ஸ நேவஸஞ்ஞானாஸஞ்ஞாயதனகுஸலம் ப²லஸமாபத்தியா அனந்தரபச்சயேன பச்சயோ. (3)

அபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ அனந்தரபச்சயேன பச்சயோ – மக்³கோ³ ப²லஸ்ஸ அனந்தரபச்சயேன பச்சயோ. (1)

நேவாசயகா³மினாபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா நேவாசயகா³மினாபசயகா³மீ க²ந்தா⁴ பச்சி²மானம் பச்சி²மானம் நேவாசயகா³மினாபசயகா³மீனம் க²ந்தா⁴னம் அனந்தரபச்சயேன பச்சயோ. ப⁴வங்க³ம் ஆவஜ்ஜனாய… கிரியம் வுட்டா²னஸ்ஸ… அரஹதோ அனுலோமம் ப²லஸமாபத்தியா… நிரோதா⁴ வுட்ட²ஹந்தஸ்ஸ நேவஸஞ்ஞானாஸஞ்ஞாயதனகிரியம் ப²லஸமாபத்தியா அனந்தரபச்சயேன பச்சயோ. (1)

நேவாசயகா³மினாபசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ அனந்தரபச்சயேன பச்சயோ – ஆவஜ்ஜனா ஆசயகா³மீனம் க²ந்தா⁴னம் அனந்தரபச்சயேன பச்சயோ. (2)

ஸமனந்தரபச்சயாதி³

53. ஆசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ ஸமனந்தரபச்சயேன பச்சயோ…பே… (அனந்தரஸதி³ஸம்). (ஸஹஜாதபச்சயே படிச்சவாரே ஸஹஜாதவாரஸதி³ஸா நவ பஞ்ஹா. அஞ்ஞமஞ்ஞபச்சயே படிச்சவாரே அஞ்ஞமஞ்ஞஸதி³ஸம் தீணி. நிஸ்ஸயபச்சயே பச்சயவாரே நிஸ்ஸயவாரஸதி³ஸம். சத்தாரிபி ஹி விஸும் க⁴டனா நத்தி². தேரஸ பஞ்ஹா.)

உபனிஸ்ஸயபச்சயோ

54. ஆசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஆசயகா³மிம் ஸத்³த⁴ம் உபனிஸ்ஸாய தா³னம் தே³தி, ஸீலம்…பே… உபோஸத²கம்மம்…பே… ஜா²னம்…பே… விபஸ்ஸனம்…பே… அபி⁴ஞ்ஞம்…பே… ஸமாபத்திம் உப்பாதே³தி, மானம் ஜப்பேதி, தி³ட்டி²ம் க³ண்ஹாதி, ஆசயகா³மிம் ஸீலம்… ஸுதம்… சாக³ம்… பஞ்ஞம்… ராக³ம்… தோ³ஸம்… மோஹம்… மானம்… தி³ட்டி²ம்… பத்த²னம் உபனிஸ்ஸாய தா³னம் தே³தி. ஸீலம்…பே… உபோஸத²கம்மம்…பே… ஜா²னம்…பே… விபஸ்ஸனம்…பே… அபி⁴ஞ்ஞம்…பே… ஸமாபத்திம்…பே… பாணம் ஹனதி…பே… ஸங்க⁴ம் பி⁴ந்த³தி. ஆசயகா³மீ ஸத்³தா⁴…பே… பஞ்ஞா, ராகோ³…பே… பத்த²னா ஆசயகா³மியா ஸத்³தா⁴ய…பே… பஞ்ஞாய, ராக³ஸ்ஸ…பே… பத்த²னாய உபனிஸ்ஸயபச்சயேன பச்சயோ. பட²மஸ்ஸ ஜா²னஸ்ஸ பரிகம்மம் பட²மஸ்ஸ ஜா²னஸ்ஸ உபனிஸ்ஸயபச்சயேன பச்சயோ…பே…. நேவஸஞ்ஞானாஸஞ்ஞாயதனஸ்ஸ பரிகம்மம் நேவஸஞ்ஞானாஸஞ்ஞாயதனஸ்ஸ உபனிஸ்ஸயபச்சயேன பச்சயோ. பட²மம் ஜா²னம் து³தியஸ்ஸ ஜா²னஸ்ஸ…பே… ஆகிஞ்சஞ்ஞாயதனம் நேவஸஞ்ஞானாஸஞ்ஞாயதனஸ்ஸ உபனிஸ்ஸயபச்சயேன பச்சயோ. (1)

ஆசயகா³மீ த⁴ம்மோ அபசயகா³மிஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – பட²மஸ்ஸ மக்³க³ஸ்ஸ பரிகம்மம் பட²மஸ்ஸ மக்³க³ஸ்ஸ…பே… சதுத்த²ஸ்ஸ மக்³க³ஸ்ஸ பரிகம்மம் சதுத்த²ஸ்ஸ மக்³க³ஸ்ஸ உபனிஸ்ஸயபச்சயேன பச்சயோ. (2)

ஆசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஆசயகா³மிம் ஸத்³த⁴ம் உபனிஸ்ஸாய அத்தானம் ஆதாபேதி பரிதாபேதி பரியிட்டி²மூலகம் து³க்க²ம் பச்சனுபோ⁴தி. ஆசயகா³மிம் ஸீலம்…பே… பஞ்ஞம். ராக³ம்…பே… பத்த²னம் உபனிஸ்ஸாய அத்தானம் ஆதாபேதி பரிதாபேதி பரியிட்டி²மூலகம் து³க்க²ம் பச்சனுபோ⁴தி. ஆசயகா³மீ ஸத்³தா⁴…பே… பஞ்ஞா. ராகோ³…பே… பத்த²னா, காயிகஸ்ஸ ஸுக²ஸ்ஸ, காயிகஸ்ஸ து³க்க²ஸ்ஸ ப²லஸமாபத்தியா உபனிஸ்ஸயபச்சயேன பச்சயோ. குஸலாகுஸலம் கம்மம் விபாகஸ்ஸ உபனிஸ்ஸயபச்சயேன பச்சயோ. (3)

55. அபசயகா³மீ த⁴ம்மோ அபசயகா³மிஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ. பகதூபனிஸ்ஸயோ – பட²மோ மக்³கோ³ து³தியஸ்ஸ மக்³க³ஸ்ஸ…பே… ததியோ மக்³கோ³ சதுத்த²ஸ்ஸ மக்³க³ஸ்ஸ உபனிஸ்ஸயபச்சயேன பச்சயோ. (1)

அபசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஸேக்கா² மக்³க³ம் உபனிஸ்ஸாய அனுப்பன்னம் குஸலஸமாபத்திம் உப்பாதே³ந்தி, உப்பன்னம் ஸமாபஜ்ஜந்தி, ஸங்கா²ரே அனிச்சதோ து³க்க²தோ அனத்ததோ விபஸ்ஸந்தி, மக்³கோ³ ஸேக்கா²னம் அத்த²ப்படிஸம்பி⁴தா³ய…பே… படிபா⁴னபடிஸம்பி⁴தா³ய டா²னாடா²னகோஸல்லஸ்ஸ உபனிஸ்ஸயபச்சயேன பச்சயோ. (2)

அபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – அரஹா மக்³க³ம் உபனிஸ்ஸாய அனுப்பன்னம் கிரியஸமாபத்திம் உப்பாதே³தி, உப்பன்னம் ஸமாபஜ்ஜதி…பே… டா²னாடா²னகோஸல்லஸ்ஸ உபனிஸ்ஸயபச்சயேன பச்சயோ. மக்³கோ³ ப²லஸமாபத்தியா உபனிஸ்ஸயபச்சயேன பச்சயோ. (3)

56. நேவாசயகா³மினாபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – காயிகம் ஸுக²ம் உபனிஸ்ஸாய அத்தானம் ஆதாபேதி பரிதாபேதி பரியிட்டி²மூலகம் து³க்க²ம் பச்சனுபோ⁴தி. காயிகம் து³க்க²ம்… உதும்… போ⁴ஜனம்… ஸேனாஸனம் உபனிஸ்ஸாய அத்தானம் ஆதாபேதி பரிதாபேதி…பே… காயிகம் ஸுக²ம்… காயிகம் து³க்க²ம்… உது… போ⁴ஜனம்… ஸேனாஸனம் காயிகஸ்ஸ ஸுக²ஸ்ஸ, காயிகஸ்ஸ து³க்க²ஸ்ஸ ப²லஸமாபத்தியா உபனிஸ்ஸயபச்சயேன பச்சயோ. அரஹா காயிகம் ஸுக²ம் உபனிஸ்ஸாய அனுப்பன்னம் கிரியஸமாபத்திம் உப்பாதே³தி…பே… விபஸ்ஸதி. காயிகம் து³க்க²ம்… உதும்… போ⁴ஜனம்… ஸேனாஸனம் உபனிஸ்ஸாய…பே… விபஸ்ஸதி. (1)

நேவாசயகா³மீனாபசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – காயிகம் ஸுக²ம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி, பாணம் ஹனதி…பே… ஸங்க⁴ம் பி⁴ந்த³தி. காயிகம் து³க்க²ம்… உதும்… போ⁴ஜனம்… ஸேனாஸனம் உபனிஸ்ஸாய தா³னம் தே³தி…பே… ஸங்க⁴ம் பி⁴ந்த³தி, காயிகம் ஸுக²ம்…பே… ஸேனாஸனம் ஆசயகா³மியா ஸத்³தா⁴ய…பே… பஞ்ஞாய, ராக³ஸ்ஸ…பே… பத்த²னாய உபனிஸ்ஸயபச்சயேன பச்சயோ. (2)

நேவாசயகா³மினாபசயகா³மீ த⁴ம்மோ அபசயகா³மிஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – காயிகம் ஸுக²ம் உபனிஸ்ஸாய மக்³க³ம் உப்பாதே³தி. காயிகம் து³க்க²ம் …பே… ஸேனாஸனம் உபனிஸ்ஸாய மக்³க³ம் உப்பாதே³தி, காயிகம் ஸுக²ம், காயிகம் து³க்க²ம்…பே… ஸேனாஸனம் மக்³க³ஸ்ஸ உபனிஸ்ஸயபச்சயேன பச்சயோ. (3)

புரேஜாதபச்சயோ

57. நேவாசயகா³மினாபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – அரஹா சக்கு²ம்…பே… வத்து²ம் அனிச்சதோ து³க்க²தோ அனத்ததோ விபஸ்ஸதி, தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ புரேஜாதபச்சயேன பச்சயோ. வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ…பே… வத்து² நேவாசயகா³மினாபசயகா³மீனம் க²ந்தா⁴னம் புரேஜாதபச்சயேன பச்சயோ. (1)

நேவாசயகா³மினாபசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – ஸேக்கா² வா புது²ஜ்ஜனா வா சக்கு²ம்…பே… வத்து²ம் அனிச்சதோ து³க்க²தோ அனத்ததோ விபஸ்ஸந்தி, அஸ்ஸாதே³ந்தி அபி⁴னந்த³ந்தி; தம் ஆரப்³ப⁴ ராகோ³ உப்பஜ்ஜதி…பே… தோ³மனஸ்ஸம் உப்பஜ்ஜதி, தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி. வத்து²புரேஜாதம் – வத்து² ஆசயகா³மீனம் க²ந்தா⁴னம் புரேஜாதபச்சயேன பச்சயோ. (2)

நேவாசயகா³மினாபசயகா³மீ த⁴ம்மோ அபசயகா³மிஸ்ஸ த⁴ம்மஸ்ஸ புரேஜாதபச்சயேன பச்சயோ. வத்து²புரேஜாதம் – வத்து² அபசயகா³மீனம் க²ந்தா⁴னம் புரேஜாதபச்சயேன பச்சயோ. (3)

பச்சா²ஜாதபச்சயோ

58. ஆசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா ஆசயகா³மீ க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

அபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா அபசயகா³மீ க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ. (1)

நேவாசயகா³மினாபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ பச்சா²ஜாதபச்சயேன பச்சயோ – பச்சா²ஜாதா நேவாசயகா³மினாபசயகா³மீ க²ந்தா⁴ புரேஜாதஸ்ஸ இமஸ்ஸ காயஸ்ஸ பச்சா²ஜாதபச்சயேன பச்சயோ.

ஆஸேவனபச்சயோ

59. ஆசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ ஆஸேவனபச்சயேன பச்சயோ – புரிமா புரிமா ஆசயகா³மீ க²ந்தா⁴ பச்சி²மானம் பச்சி²மானம் ஆசயகா³மீனம் க²ந்தா⁴னம் ஆஸேவனபச்சயேன பச்சயோ. அனுலோமம் கோ³த்ரபு⁴ஸ்ஸ… அனுலோமம் வோதா³னஸ்ஸ ஆஸேவனபச்சயேன பச்சயோ. (1)

ஆசயகா³மீ த⁴ம்மோ அபசயகா³மிஸ்ஸ த⁴ம்மஸ்ஸ ஆஸேவனபச்சயேன பச்சயோ – கோ³த்ரபு⁴ மக்³க³ஸ்ஸ… வோதா³னம் மக்³க³ஸ்ஸ ஆஸேவனபச்சயேன பச்சயோ. (2)

நேவாசயகா³மினாபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ ஆஸேவனபச்சயேன பச்சயோ – புரிமா புரிமா நேவாசயகா³மினாபசயகா³மீ க²ந்தா⁴ பச்சி²மானம் பச்சி²மானம் நேவாசயகா³மினாபசயகா³மீனம் க²ந்தா⁴னம் ஆஸேவனபச்சயேன பச்சயோ. (1)

கம்மபச்சயோ

60. ஆசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ கம்மபச்சயேன பச்சயோ – ஆசயகா³மீ சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ. (1)

ஆசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – ஆசயகா³மீ சேதனா சித்தஸமுட்டா²னானம் ரூபானம் கம்மபச்சயேன பச்சயோ. நானாக்க²ணிகா – ஆசயகா³மீ சேதனா விபாகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (2)

ஆசயகா³மீ த⁴ம்மோ ஆசயகா³மிஸ்ஸ ச நேவாசயகா³மினாபசயகா³மிஸ்ஸ ச த⁴ம்மஸ்ஸ கம்மபச்சயேன பச்சயோ – ஆசயகா³மீ சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ. (3)

61. அபசயகா³மீ த⁴ம்மோ அபசயகா³மிஸ்ஸ த⁴ம்மஸ்ஸ கம்மபச்சயேன பச்சயோ – அபசயகா³மீ சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ. (1)

அபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – அபசயகா³மீ சேதனா சித்தஸமுட்டா²னானம் ரூபானம் கம்மபச்சயேன பச்சயோ. நானாக்க²ணிகா – அபசயகா³மீ சேதனா விபாகானம் க²ந்தா⁴னம் கம்மபச்சயேன பச்சயோ. (2)

அபசயகா³மீ த⁴ம்மோ அபசயகா³மிஸ்ஸ ச நேவாசயகா³மினாபசயகா³மிஸ்ஸ ச த⁴ம்மஸ்ஸ கம்மபச்சயேன பச்சயோ – அபசயகா³மீ சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ. (3)

நேவாசயகா³மினாபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ கம்மபச்சயேன பச்சயோ – நேவாசயகா³மினாபசயகா³மீ சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ. படிஸந்தி⁴க்க²ணே நேவாசயகா³மினாபசயகா³மீ சேதனா ஸம்பயுத்தகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (1)

விபாகபச்சயோ

62. நேவாசயகா³மினாபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ விபாகபச்சயேன பச்சயோ – விபாகோ நேவாசயகா³மினாபசயகா³மீ ஏகோ க²ந்தோ⁴ திண்ணன்னம் க²ந்தா⁴னம்…பே… படிஸந்தி⁴க்க²ணே…பே… க²ந்தா⁴ வத்து²ஸ்ஸ விபாகபச்சயேன பச்சயோ. (1)

ஆஹாரபச்சயாதி³

63. ஆசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ ஆஹாரபச்சயேன பச்சயோ… இந்த்³ரியபச்சயேன பச்சயோ… ஜா²னபச்சயேன பச்சயோ… மக்³க³பச்சயேன பச்சயோ… ஸம்பயுத்தபச்சயேன பச்சயோ.

விப்பயுத்தபச்சயோ

64. ஆசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம். ஸஹஜாதா – ஆசயகா³மீ க²ந்தா⁴ சித்தஸமுட்டா²னானம் ரூபானம் விப்பயுத்தபச்சயேன பச்சயோ. பச்சா²ஜாதா – ஆசயகா³மீ க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ. (1)

அபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம். ஸஹஜாதா – அபசயகா³மீ க²ந்தா⁴ சித்தஸமுட்டா²னானம் ரூபானம் விப்பயுத்தபச்சயேன பச்சயோ. பச்சா²ஜாதா – அபசயகா³மீ க²ந்தா⁴ புரேஜாதஸ்ஸ இமஸ்ஸ காயஸ்ஸ விப்பயுத்தபச்சயேன பச்சயோ. (1)

நேவாசயகா³மினாபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம், பச்சா²ஜாதம். ஸஹஜாதா – நேவாசயகா³மினாபசயகா³மீ க²ந்தா⁴ சித்தஸமுட்டா²னானம் ரூபானம் விப்பயுத்தபச்சயேன பச்சயோ. படிஸந்தி⁴க்க²ணே நேவாசயகா³மினாபசயகா³மீ க²ந்தா⁴ கடத்தாரூபானம் விப்பயுத்தபச்சயேன பச்சயோ. க²ந்தா⁴ வத்து²ஸ்ஸ விப்பயுத்தபச்சயேன பச்சயோ. வத்து² க²ந்தா⁴னம் விப்பயுத்தபச்சயேன பச்சயோ. புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ…பே… வத்து² நேவாசயகா³மினாபசயகா³மீனம் க²ந்தா⁴னம் விப்பயுத்தபச்சயேன பச்சயோ. பச்சா²ஜாதா – நேவாசயகா³மினாபசயகா³மீ க²ந்தா⁴ புரேஜாதஸ்ஸ இமஸ்ஸ காயஸ்ஸ…பே…. (1)

நேவாசயகா³மினாபசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ விப்பயுத்தபச்சயேன பச்சயோ. புரேஜாதம் – வத்து² ஆசயகா³மீனம் க²ந்தா⁴னம் விப்பயுத்தபச்சயேன பச்சயோ. (2)

நேவாசயகா³மினாபசயகா³மீ த⁴ம்மோ அபசயகா³மிஸ்ஸ த⁴ம்மஸ்ஸ விப்பயுத்தபச்சயேன பச்சயோ. புரேஜாதம் – வத்து² அபசயகா³மீனம் க²ந்தா⁴னம் விப்பயுத்தபச்சயேன பச்சயோ. (3)

அத்தி²பச்சயாதி³

65. ஆசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ அத்தி²பச்சயேன பச்சயோ – ஆசயகா³மீ ஏகோ க²ந்தோ⁴ திண்ணன்னம் க²ந்தா⁴னம்…பே…. (1)

ஆசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம். ஸஹஜாதா – ஆசயகா³மீ க²ந்தா⁴ சித்தஸமுட்டா²னானம் ரூபானம் அத்தி²பச்சயேன பச்சயோ. பச்சா²ஜாதா – ஆசயகா³மீ க²ந்தா⁴ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. (2)

ஆசயகா³மீ த⁴ம்மோ ஆசயகா³மிஸ்ஸ ச நேவாசயகா³மினாபசயகா³மிஸ்ஸ ச த⁴ம்மஸ்ஸ அத்தி²பச்சயேன பச்சயோ – ஆசயகா³மீ ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ…பே… த்³வே க²ந்தா⁴…பே…. (3)

அபசயகா³மீ த⁴ம்மோ… தீணி (ஆசயகா³மினயேன காதப்³ப³ம்).

66. நேவாசயகா³மினாபசயகா³மீ த⁴ம்மோ நேவாசயகா³மினாபசயகா³மிஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம். ஸஹஜாதோ – நேவாசயகா³மினாபசயகா³மீ ஏகோ க²ந்தோ⁴ திண்ணன்னம் க²ந்தா⁴னம் சித்தஸமுட்டா²னானஞ்ச ரூபானம் அத்தி²பச்சயேன பச்சயோ…பே… த்³வே க²ந்தா⁴…பே… படிஸந்தி⁴க்க²ணே…பே… க²ந்தா⁴ வத்து²ஸ்ஸ அத்தி²பச்சயேன பச்சயோ. வத்து² க²ந்தா⁴னம் அத்தி²பச்சயேன பச்சயோ. ஏகம் மஹாபூ⁴தம்…பே… பா³ஹிரம்… ஆஹாரஸமுட்டா²னம்… உதுஸமுட்டா²னம்… அஸஞ்ஞஸத்தானம்…பே…. புரேஜாதம் – அரஹா சக்கு²ம்…பே… வத்து²ம் அனிச்சதோ து³க்க²தோ அனத்ததோ விபஸ்ஸதி, தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே… சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ…பே… வத்து² நேவாசயகா³மினாபசயகா³மீனம் க²ந்தா⁴னம் அத்தி²பச்சயேன பச்சயோ. பச்சா²ஜாதா – நேவாசயகா³மினாபசயகா³மீ க²ந்தா⁴ புரேஜாதஸ்ஸ இமஸ்ஸ காயஸ்ஸ அத்தி²பச்சயேன பச்சயோ. கப³ளீகாரோ ஆஹாரோ இமஸ்ஸ காயஸ்ஸ…பே… ரூபஜீவிதிந்த்³ரியம் கடத்தாரூபானம்…பே…. (1)

நேவாசயகா³மினாபசயகா³மீ த⁴ம்மோ ஆசயகா³மிஸ்ஸ த⁴ம்மஸ்ஸ அத்தி²பச்சயேன பச்சயோ. புரேஜாதம் – ஸேக்கா² வா புது²ஜ்ஜனா வா சக்கு²ம் அனிச்சதோ து³க்க²தோ அனத்ததோ விபஸ்ஸந்தி, அஸ்ஸாதே³ந்தி அபி⁴னந்த³ந்தி; தம் ஆரப்³ப⁴ ராகோ³…பே… தோ³மனஸ்ஸம் உப்பஜ்ஜதி, ஸோதம்…பே… வத்து²ம் அனிச்சதோ…பே… விபஸ்ஸந்தி, அஸ்ஸாதே³ந்தி அபி⁴னந்த³ந்தி; தம் ஆரப்³ப⁴ ராகோ³…பே… தோ³மனஸ்ஸம் உப்பஜ்ஜதி, தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, வத்து² ஆசயகா³மீனம் க²ந்தா⁴னம் அத்தி²பச்சயேன பச்சயோ. (2)

நேவாசயகா³மினாபசயகா³மீ த⁴ம்மோ அபசயகா³மிஸ்ஸ த⁴ம்மஸ்ஸ அத்தி²பச்சயேன பச்சயோ. புரேஜாதம் – வத்து² அபசயகா³மீனம் க²ந்தா⁴னம் அத்தி²பச்சயேன பச்சயோ. (3)

67. ஆசயகா³மீ ச நேவாசயகா³மினாபசயகா³மீ ச த⁴ம்மா ஆசயகா³மிஸ்ஸ த⁴ம்மஸ்ஸ அத்தி²பச்சயேன பச்சயோ ஸஹஜாதம், புரேஜாதம். ஸஹஜாதோ – ஆசயகா³மீ ஏகோ க²ந்தோ⁴ ச வத்து² ச திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴…பே…. (1)

ஆசயகா³மீ ச நேவாசயகா³மினாபசயகா³மீ ச த⁴ம்மா நேவாசயகா³மினாபசயகா³மிஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம், ஆஹாரம், இந்த்³ரியம். ஸஹஜாதா – ஆசயகா³மீ க²ந்தா⁴ ச மஹாபூ⁴தா ச சித்தஸமுட்டா²னானம் ரூபானம் அத்தி²பச்சயேன பச்சயோ. பச்சா²ஜாதா – ஆசயகா³மீ க²ந்தா⁴ ச கப³ளீகாரோ ஆஹாரோ ச இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – ஆசயகா³மீ க²ந்தா⁴ ச ரூபஜீவிதிந்த்³ரியஞ்ச கடத்தாரூபானம் அத்தி²பச்சயேன பச்சயோ. (2)

அபசயகா³மீ ச நேவாசயகா³மினாபசயகா³மீ ச த⁴ம்மா அபசயகா³மிஸ்ஸ த⁴ம்மஸ்ஸ அத்தி²பச்சயேன பச்சயோ (த்³வே காதப்³பா³ த³ஸ்ஸிதனயேன), நத்தி²பச்சயேன பச்சயோ, விக³தபச்சயேன பச்சயோ, அவிக³தபச்சயேன பச்சயோ.