(2) பச்சனீயுத்³தா⁴ரோ

527. குஸலோ த⁴ம்மோ குஸலஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ.

குஸலோ த⁴ம்மோ அகுஸலஸ்ஸ த⁴ம்மஸ்ஸ ஆரம்மணபச்சயேன பச்சயோ… உபனிஸ்ஸயபச்சயேன பச்சயோ.

குஸலோ த⁴ம்மோ அப்³யாகதஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ… பச்சா²ஜாதபச்சயேன பச்சயோ… கம்மபச்சயேன பச்சயோ.

குஸலோ த⁴ம்மோ குஸலஸ்ஸ ச அப்³யாகதஸ்ஸ ச த⁴ம்மஸ்ஸ ஸஹஜாதபச்சயேன பச்சயோ. (4)

528. அகுஸலோ த⁴ம்மோ அகுஸலஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ.

அகுஸலோ த⁴ம்மோ குஸலஸ்ஸ த⁴ம்மஸ்ஸ ஆரம்மணபச்சயேன பச்சயோ… உபனிஸ்ஸயபச்சயேன பச்சயோ.

அகுஸலோ த⁴ம்மோ அப்³யாகதஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ… பச்சா²ஜாதபச்சயேன பச்சயோ… கம்மபச்சயேன பச்சயோ.

அகுஸலோ த⁴ம்மோ அகுஸலஸ்ஸ ச அப்³யாகதஸ்ஸ ச த⁴ம்மஸ்ஸ ஸஹஜாதபச்சயேன பச்சயோ. (4)

529. அப்³யாகதோ த⁴ம்மோ அப்³யாகதஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ… புரேஜாதபச்சயேன பச்சயோ… பச்சா²ஜாதபச்சயேன பச்சயோ… ஆஹாரபச்சயேன பச்சயோ… இந்த்³ரியபச்சயேன பச்சயோ.

அப்³யாகதோ த⁴ம்மோ குஸலஸ்ஸ த⁴ம்மஸ்ஸ ஆரம்மணபச்சயேன பச்சயோ… உபனிஸ்ஸயபச்சயேன பச்சயோ… புரேஜாதபச்சயேன பச்சயோ.

அப்³யாகதோ த⁴ம்மோ அகுஸலஸ்ஸ த⁴ம்மஸ்ஸ ஆரம்மணபச்சயேன பச்சயோ… உபனிஸ்ஸயபச்சயேன பச்சயோ… புரேஜாதபச்சயேன பச்சயோ. (3)

530. குஸலோ ச அப்³யாகதோ ச த⁴ம்மா குஸலஸ்ஸ த⁴ம்மஸ்ஸ ஸஹஜாதம், புரேஜாதம்.

குஸலோ ச அப்³யாகதோ ச த⁴ம்மா அப்³யாகதஸ்ஸ த⁴ம்மஸ்ஸ ஸஹஜாதம், பச்சா²ஜாதம், ஆஹாரம், இந்த்³ரியம். (2)

531. அகுஸலோ ச அப்³யாகதோ ச த⁴ம்மா அகுஸலஸ்ஸ த⁴ம்மஸ்ஸ ஸஹஜாதம், புரேஜாதம்.

அகுஸலோ ச அப்³யாகதோ ச த⁴ம்மா அப்³யாகதஸ்ஸ த⁴ம்மஸ்ஸ ஸஹஜாதம், பச்சா²ஜாதம், ஆஹாரம், இந்த்³ரியம். (2)

பஞ்ஹாவாரஸ்ஸ பச்சனீயுத்³தா⁴ரோ.