2. காலஸம்ஸந்த³னா

283. அதீதம் அத்தீ²தி? ஆமந்தா. நனு அதீதம் நிருத்³த⁴ம் விக³தம் விபரிணதம் அத்த²ங்க³தம் அப்³ப⁴த்த²ங்க³தந்தி? ஆமந்தா. ஹஞ்சி அதீதம் நிருத்³த⁴ம் விக³தம் விபரிணதம் அத்த²ங்க³தம் அப்³ப⁴த்த²ங்க³தம், நோ ச வத ரே வத்தப்³பே³ – ‘‘அதீதம் அத்தீ²’’தி.

அனாக³தம் அத்தீ²தி? ஆமந்தா. நனு அனாக³தம் அஜாதம் அபூ⁴தம் அஸஞ்ஜாதம் அனிப்³ப³த்தம் அனபி⁴னிப்³ப³த்தம் அபாதுபூ⁴தந்தி? ஆமந்தா. ஹஞ்சி அனாக³தம் அஜாதம் அபூ⁴தம் அஸஞ்ஜாதம் அனிப்³ப³த்தம் அனபி⁴னிப்³ப³த்தம் அபாதுபூ⁴தம், நோ ச வத ரே வத்தப்³பே³ – ‘‘அனாக³தம் அத்தீ²’’தி.

பச்சுப்பன்னம் அத்தி² பச்சுப்பன்னம் அனிருத்³த⁴ம் அவிக³தம் அவிபரிணதம் ந அத்த²ங்க³தம் ந அப்³ப⁴த்த²ங்க³தந்தி? ஆமந்தா. அதீதம் அத்தி² அதீதம் அனிருத்³த⁴ம் அவிக³தம் அவிபரிணதம் ந அத்த²ங்க³தம் ந அப்³ப⁴த்த²ங்க³தந்தி? ந ஹேவம் வத்தப்³பே³…பே… பச்சுப்பன்னம் அத்தி² பச்சுப்பன்னம் ஜாதம் பூ⁴தம் ஸஞ்ஜாதம் நிப்³ப³த்தம் அபி⁴னிப்³ப³த்தம் பாதுபூ⁴தந்தி? ஆமந்தா. அனாக³தம் அத்தி² அனாக³தம் ஜாதம் பூ⁴தம் ஸஞ்ஜாதம் நிப்³ப³த்தம் அபி⁴னிப்³ப³த்தம் பாதுபூ⁴தந்தி? ந ஹேவம் வத்தப்³பே³…பே….

அதீதம் அத்தி² அதீதம் நிருத்³த⁴ம் விக³தம் விபரிணதம் அத்த²ங்க³தம் அப்³ப⁴த்த²ங்க³தந்தி? ஆமந்தா. பச்சுப்பன்னம் அத்தி² பச்சுப்பன்னம் நிருத்³த⁴ம் விக³தம் விபரிணதம் அத்த²ங்க³தம் அப்³ப⁴த்த²ங்க³தந்தி? ந ஹேவம் வத்தப்³பே³…பே… அனாக³தம் அத்தி² அனாக³தம் அஜாதம் அபூ⁴தம் அஸஞ்ஜாதம் அனிப்³ப³த்தம் அனபி⁴னிப்³ப³த்தம் அபாதுபூ⁴தந்தி? ஆமந்தா. பச்சுப்பன்னம் அத்தி² பச்சுப்பன்னம் அஜாதம் அபூ⁴தம் அஸஞ்ஜாதம் அனிப்³ப³த்தம் அனபி⁴னிப்³ப³த்தம் அபாதுபூ⁴தந்தி? ந ஹேவம் வத்தப்³பே³.

284. அதீதம் ரூபம் அத்தீ²தி? ஆமந்தா. நனு அதீதம் ரூபம் நிருத்³த⁴ம் விக³தம் விபரிணதம் அத்த²ங்க³தம் அப்³ப⁴த்த²ங்க³தந்தி? ஆமந்தா. ஹஞ்சி அதீதம் ரூபம் நிருத்³த⁴ம்…பே… அப்³ப⁴த்த²ங்க³தம், நோ ச வத ரே வத்தப்³பே³ – ‘‘அதீதம் ரூபம் அத்தீ²’’தி.

அனாக³தம் ரூபம் அத்தீ²தி? ஆமந்தா. நனு அனாக³தம் ரூபம் அஜாதம் அபூ⁴தம் அஸஞ்ஜாதம் அனிப்³ப³த்தம் அனபி⁴னிப்³ப³த்தம் அபாதுபூ⁴தந்தி? ஆமந்தா. ஹஞ்சி அனாக³தம் ரூபம் அஜாதம்…பே… அபாதுபூ⁴தம், நோ ச வத ரே வத்தப்³பே³ – ‘‘அனாக³தம் ரூபம் அத்தீ²’’தி.

பச்சுப்பன்னம் ரூபம் அத்தி² பச்சுப்பன்னம் ரூபம் அனிருத்³த⁴ம் அவிக³தம் அவிபரிணதம் ந அத்த²ங்க³தம் ந அப்³ப⁴த்த²ங்க³தந்தி? ஆமந்தா. அதீதம் ரூபம் அத்தி² அதீதம் ரூபம் அனிருத்³த⁴ம் அவிக³தம் அவிபரிணதம் ந அத்த²ங்க³தம் ந அப்³ப⁴த்த²ங்க³தந்தி? ந ஹேவம் வத்தப்³பே³.

பச்சுப்பன்னம் ரூபம் அத்தி² பச்சுப்பன்னம் ரூபம் ஜாதம் பூ⁴தம் ஸஞ்ஜாதம் நிப்³ப³த்தம் அபி⁴னிப்³ப³த்தம் பாதுபூ⁴தந்தி? ஆமந்தா. அனாக³தம் ரூபம் அத்தி² அனாக³தம் ரூபம் ஜாதம் பூ⁴தம் ஸஞ்ஜாதம் நிப்³ப³த்தம் அபி⁴னிப்³ப³த்தம் பாதுபூ⁴தந்தி? ந ஹேவம் வத்தப்³பே³.

அதீதம் ரூபம் அத்தி² அதீதம் ரூபம் நிருத்³த⁴ம் விக³தம் விபரிணதம் அத்த²ங்க³தம் அப்³ப⁴த்த²ங்க³தந்தி? ஆமந்தா. பச்சுப்பன்னம் ரூபம் அத்தி² பச்சுப்பன்னம் ரூபம் நிருத்³த⁴ம் விக³தம் விபரிணதம் அத்த²ங்க³தம் அப்³ப⁴த்த²ங்க³தந்தி? ந ஹேவம் வத்தப்³பே³.

அனாக³தம் ரூபம் அத்தி² அனாக³தம் ரூபம் அஜாதம் அபூ⁴தம் அஸஞ்ஜாதம் அனிப்³ப³த்தம் அனபி⁴னிப்³ப³த்தம் அபாதுபூ⁴தந்தி? ஆமந்தா. பச்சுப்பன்னம் ரூபம் அத்தி² பச்சுப்பன்னம் ரூபம் அஜாதம் அபூ⁴தம் அஸஞ்ஜாதம் அனிப்³ப³த்தம் அனபி⁴னிப்³ப³த்தம் அபாதுபூ⁴தந்தி? ந ஹேவம் வத்தப்³பே³.

அதீதா வேத³னா அத்தி²…பே… ஸஞ்ஞா அத்தி², ஸங்கா²ரா அத்தி², விஞ்ஞாணம் அத்தீ²தி? ஆமந்தா. நனு அதீதம் விஞ்ஞாணம் நிருத்³த⁴ம் விக³தம் விபரிணதம் அத்த²ங்க³தம் அப்³ப⁴த்த²ங்க³தந்தி? ஆமந்தா. ஹஞ்சி அதீதம் விஞ்ஞாணம் நிருத்³த⁴ம்…பே… அப்³ப⁴த்த²ங்க³தம், நோ ச வத ரே வத்தப்³பே³ – ‘‘அதீதம் விஞ்ஞாணம் அத்தீ²’’தி.

அனாக³தம் விஞ்ஞாணம் அத்தீ²தி? ஆமந்தா. நனு அனாக³தம் விஞ்ஞாணம் அஜாதம் அபூ⁴தம் அஸஞ்ஜாதம் அனிப்³ப³த்தம் அனபி⁴னிப்³ப³த்தம் அபாதுபூ⁴தந்தி? ஆமந்தா. ஹஞ்சி அனாக³தம் விஞ்ஞாணம் அஜாதம்…பே… அபாதுபூ⁴தம், நோ ச வத ரே வத்தப்³பே³ – ‘‘அனாக³தம் விஞ்ஞாணம் அத்தீ²’’தி.

பச்சுப்பன்னம் விஞ்ஞாணம் அத்தி² பச்சுப்பன்னம் விஞ்ஞாணம் அனிருத்³த⁴ம்…பே… ந அப்³ப⁴த்த²ங்க³தந்தி? ஆமந்தா. அதீதம் விஞ்ஞாணம் அத்தி² அதீதம் விஞ்ஞாணம் அனிருத்³த⁴ம்…பே… ந அப்³ப⁴த்த²ங்க³தந்தி? ந ஹேவம் வத்தப்³பே³.

பச்சுப்பன்னம் விஞ்ஞாணம் அத்தி² பச்சுப்பன்னம் விஞ்ஞாணம் ஜாதம்…பே… பாதுபூ⁴தந்தி? ஆமந்தா. அனாக³தம் விஞ்ஞாணம் அத்தி² அனாக³தம் விஞ்ஞாணம் ஜாதம்…பே… பாதுபூ⁴தந்தி? ந ஹேவம் வத்தப்³பே³.

அதீதம் விஞ்ஞாணம் அத்தி² அதீதம் விஞ்ஞாணம் நிருத்³த⁴ம்…பே… அப்³ப⁴த்த²ங்க³தந்தி? ஆமந்தா. பச்சுப்பன்னம் விஞ்ஞாணம் அத்தி² பச்சுப்பன்னம் விஞ்ஞாணம் நிருத்³த⁴ம்…பே… அப்³ப⁴த்த²ங்க³தந்தி? ந ஹேவம் வத்தப்³பே³. அனாக³தம் விஞ்ஞாணம் அத்தி² அனாக³தம் விஞ்ஞாணம் அஜாதம்…பே… அபாதுபூ⁴தந்தி? ஆமந்தா.

பச்சுப்பன்னம் விஞ்ஞாணம் அத்தி² பச்சுப்பன்னம் விஞ்ஞாணம் அஜாதம்…பே… அபாதுபூ⁴தந்தி? ந ஹேவம் வத்தப்³பே³.

285. ‘‘பச்சுப்பன்னந்தி வா ரூப’’ந்தி வா, ‘‘ரூபந்தி வா பச்சுப்பன்ன’’ந்தி வா பச்சுப்பன்னம் ரூபம் அப்பியம் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதேதி? ஆமந்தா. பச்சுப்பன்னம் ரூபம் நிருஜ்ஜ²மானம் பச்சுப்பன்னபா⁴வம் ஜஹதீதி? ஆமந்தா. ரூபபா⁴வம் ஜஹதீதி? ந ஹேவம் வத்தப்³பே³…பே….

‘‘பச்சுப்பன்னந்தி வா ரூப’’ந்தி வா, ‘‘ரூபந்தி வா பச்சுப்பன்ன’’ந்தி வா பச்சுப்பன்னம் ரூபம் அப்பியம் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதேதி? ஆமந்தா. பச்சுப்பன்னம் ரூபம் நிருஜ்ஜ²மானம் ரூபபா⁴வம் ந ஜஹதீதி? ஆமந்தா. பச்சுப்பன்னபா⁴வம் ந ஜஹதீதி? ந ஹேவம் வத்தப்³பே³…பே….

‘‘ஓதா³தந்தி வா வத்த²’’ந்தி வா, ‘‘வத்த²ந்தி வா ஓதா³த’’ந்தி வா ஓதா³தம் வத்த²ம் அப்பியம் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதேதி? ஆமந்தா. ஓதா³தம் வத்த²ம் ரஜ்ஜமானம் ஓதா³தபா⁴வம் ஜஹதீதி? ஆமந்தா. வத்த²பா⁴வம் ஜஹதீதி? ந ஹேவம் வத்தப்³பே³.

‘‘ஓதா³தந்தி வா வத்த²’’ந்தி வா, ‘‘வத்த²ந்தி வா ஓதா³த’’ந்தி வா ஓதா³தம் வத்த²ம் அப்பியம் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதேதி? ஆமந்தா. ஓதா³தம் வத்த²ம் ரஜ்ஜமானம் வத்த²பா⁴வம் ந ஜஹதீதி? ஆமந்தா. ஓதா³தபா⁴வம் ந ஜஹதீதி? ந ஹேவம் வத்தப்³பே³.…பே….

286. ரூபம் ரூபபா⁴வம் ந ஜஹதீதி? ஆமந்தா. ரூபம் நிச்சம் து⁴வம் ஸஸ்ஸதம் அவிபரிணாமத⁴ம்மந்தி? ந ஹேவம் வத்தப்³பே³. நனு ரூபம் ரூபபா⁴வம் ந ஜஹதீதி ரூபம் அனிச்சம் அது⁴வம் அஸஸ்ஸதம் விபரிணாமத⁴ம்மந்தி? ஆமந்தா. ஹஞ்சி ரூபம் அனிச்சம் அது⁴வம் அஸஸ்ஸதம் விபரிணாமத⁴ம்மம், நோ ச வத ரே வத்தப்³பே³ – ‘‘ரூபம் ரூபபா⁴வம் ந ஜஹதீ’’தி.

நிப்³பா³னம் நிப்³பா³னபா⁴வம் ந ஜஹதீதி நிப்³பா³னம் நிச்சம் து⁴வம் ஸஸ்ஸதம் அவிபரிணாமத⁴ம்மந்தி? ஆமந்தா. ரூபம் ரூபபா⁴வம் ந ஜஹதீதி [ந ஜஹதி (ஸீ. க.)] ரூபம் நிச்சம் து⁴வம் ஸஸ்ஸதம் அவிபரிணாமத⁴ம்மந்தி? ந ஹேவம் வத்தப்³பே³…பே… ரூபம் ரூபபா⁴வம் ந ஜஹதி ரூபம் அனிச்சம் அது⁴வம் அஸஸ்ஸதம் விபரிணாமத⁴ம்மந்தி? ஆமந்தா. நிப்³பா³னம் நிப்³பா³னபா⁴வம் ந ஜஹதி நிப்³பா³னம் அனிச்சம் அது⁴வம் அஸஸ்ஸதம் விபரிணாமத⁴ம்மந்தி? ந ஹேவம் வத்தப்³பே³…பே….

அதீதம் அத்தி² அதீதம் அதீதபா⁴வம் ந ஜஹதீதி? ஆமந்தா. அனாக³தம் அத்தி² அனாக³தம் அனாக³தபா⁴வம் ந ஜஹதீதி? ந ஹேவம் வத்தப்³பே³. அதீதம் அத்தி² அதீதம் அதீதபா⁴வம் ந ஜஹதீதி? ஆமந்தா. பச்சுப்பன்னம் அத்தி² பச்சுப்பன்னம் பச்சுப்பன்னபா⁴வம் ந ஜஹதீதி? ந ஹேவம் வத்தப்³பே³…பே….

அனாக³தம் அத்தி² அனாக³தம் அனாக³தபா⁴வம் ஜஹதீதி [ந ஜஹதீதி (ப³ஹூஸு) அட்ட²கதா² ஓலோகேதப்³பா³]? ஆமந்தா. அதீதம் அத்தி² அதீதம் அதீதபா⁴வம் ஜஹதீதி [ந ஜஹதீதி (ப³ஹூஸு) அட்ட²கதா² ஓலோகேதப்³பா³]? ந ஹேவம் வத்தப்³பே³…பே….

பச்சுப்பன்னம் அத்தி² பச்சுப்பன்னம் பச்சுப்பன்னபா⁴வம் ஜஹதீதி [ந ஜஹதீதி (ப³ஹூஸு) அட்ட²கதா² ஓலோகேதப்³பா³]? ஆமந்தா. அதீதம் அத்தி² அதீதம் அதீதபா⁴வம் ஜஹதீதி [ந ஜஹதீதி (ப³ஹூஸு) அட்ட²கதா² ஓலோகேதப்³பா³]? ந ஹேவம் வத்தப்³பே³.

அதீதம் அத்தி² அதீதம் அதீதபா⁴வம் ந ஜஹதீதி? ஆமந்தா. அதீதம் நிச்சம் து⁴வம் ஸஸ்ஸதம் அவிபரிணாமத⁴ம்மந்தி? ந ஹேவம் வத்தப்³பே³…பே… நனு அதீதம் அனிச்சம் அது⁴வம் அஸஸ்ஸதம் விபரிணாமத⁴ம்மந்தி? ஆமந்தா. ஹஞ்சி அதீதம் அனிச்சம் அது⁴வம் அஸஸ்ஸதம் விபரிணாமத⁴ம்மம், நோ ச வத ரே வத்தப்³பே³ – ‘‘அதீதம் அத்தி² அதீதம் அதீதபா⁴வம் ந ஜஹதீ’’தி.

நிப்³பா³னம் அத்தி² நிப்³பா³னம் நிப்³பா³னபா⁴வம் ந ஜஹதீதி நிப்³பா³னம் நிச்சம் து⁴வம் ஸஸ்ஸதம் அவிபரிணாமத⁴ம்மந்தி? ஆமந்தா. அதீதம் அத்தி² அதீதம் அதீதபா⁴வம் ந ஜஹதீதி அதீதம் நிச்சம் து⁴வம் ஸஸ்ஸதம் அவிபரிணாமத⁴ம்மந்தி? ந ஹேவம் வத்தப்³பே³…பே….

அதீதம் அத்தி² அதீதம் அதீதபா⁴வம் ந ஜஹதி அதீதம் அனிச்சம் அது⁴வம் அஸஸ்ஸதம் விபரிணாமத⁴ம்மந்தி? ஆமந்தா. நிப்³பா³னம் அத்தி² நிப்³பா³னம் நிப்³பா³னபா⁴வம் ந ஜஹதி நிப்³பா³னம் அனிச்சம் அது⁴வம் அஸஸ்ஸதம் விபரிணாமத⁴ம்மந்தி? ந ஹேவம் வத்தப்³பே³…பே….

287. அதீதம் ரூபம் அத்தி² அதீதம் ரூபம் அதீதபா⁴வம் ந ஜஹதீதி? ஆமந்தா. அனாக³தம் ரூபம் அத்தி² அனாக³தம் ரூபம் அனாக³தபா⁴வம் ந ஜஹதீதி? ந ஹேவம் வத்தப்³பே³…பே… அதீதம் ரூபம் அத்தி² அதீதம் ரூபம் அதீதபா⁴வம் ந ஜஹதீதி? ஆமந்தா. பச்சுப்பன்னம் ரூபம் அத்தி² பச்சுப்பன்னம் ரூபம் பச்சுப்பன்னபா⁴வம் ந ஜஹதீதி? ந ஹேவம் வத்தப்³பே³…பே….

அனாக³தம் ரூபம் அத்தி² அனாக³தம் ரூபம் அனாக³தபா⁴வம் ஜஹதீதி [ந ஜஹதீதி (ப³ஹூஸு) அனுலோமபஞ்ஹோயேவ]? ஆமந்தா. அதீதம் ரூபம் அத்தி² அதீதம் ரூபம் அதீதபா⁴வம் ஜஹதீதி [ந ஜஹதீதி (ப³ஹூஸு) அனுலோமபஞ்ஹோயேவ]? ந ஹேவம் வத்தப்³பே³…பே….

பச்சுப்பன்னம் ரூபம் அத்தி² பச்சுப்பன்னம் ரூபம் பச்சுப்பன்னபா⁴வம் ஜஹதீதி [ந ஜஹதீதி (ப³ஹூஸு) அனுலோமபஞ்ஹோயேவ]? ஆமந்தா. அதீதம் ரூபம் அத்தி² அதீதம் ரூபம் அதீதபா⁴வம் ஜஹதீதி [ந ஜஹதீதி (ப³ஹூஸு) அனுலோமபஞ்ஹோயேவ]? ந ஹேவம் வத்தப்³பே³…பே….

அதீதம் ரூபம் அத்தி² அதீதம் ரூபம் அதீதபா⁴வம் ந ஜஹதீதி? ஆமந்தா. அதீதம் ரூபம் நிச்சம் து⁴வம் ஸஸ்ஸதம் அவிபரிணாமத⁴ம்மந்தி? ந ஹேவம் வத்தப்³பே³…பே… நனு அதீதம் ரூபம் அனிச்சம் அது⁴வம் அஸஸ்ஸதம் விபரிணாமத⁴ம்மந்தி? ஆமந்தா. ஹஞ்சி அதீதம் ரூபம் அனிச்சம்…பே… விபரிணாமத⁴ம்மம், நோ ச வத ரே வத்தப்³பே³ – ‘‘அதீதம் ரூபம் அத்தி² அதீதம் ரூபம் அதீதபா⁴வம் ந ஜஹதீ’’தி.

நிப்³பா³னம் அத்தி² நிப்³பா³னம் நிப்³பா³னபா⁴வம் ந ஜஹதி [ந ஜஹதீதி (?) புரிமபஞ்ஹேஹி ஸம்ஸந்தே³தப்³ப³ம்] நிப்³பா³னம் நிச்சம் து⁴வம் ஸஸ்ஸதம் அவிபரிணாமத⁴ம்மந்தி? ஆமந்தா. அதீதம் ரூபம் அத்தி² அதீதம் ரூபம் அதீதபா⁴வம் ந ஜஹதி [ந ஜஹதீதி (?) புரிமஞ்ஹேஹி ஸம்ஸந்தே³தப்³ப³ம்] அதீதம் ரூபம் நிச்சம் து⁴வம் ஸஸ்ஸதம் அவிபரிணாமத⁴ம்மந்தி? ந ஹேவம் வத்தப்³பே³…பே….

அதீதம் ரூபம் அத்தி² அதீதம் ரூபம் அதீதபா⁴வம் ந ஜஹதி அதீதம் ரூபம் அனிச்சம் அது⁴வம் அஸஸ்ஸதம் விபரிணாமத⁴ம்மந்தி? ஆமந்தா. நிப்³பா³னம் அத்தி² நிப்³பா³னம் நிப்³பா³னபா⁴வம் ந ஜஹதி நிப்³பா³னம் அனிச்சம் அது⁴வம் அஸஸ்ஸதம் விபரிணாமத⁴ம்மந்தி? ந ஹேவம் வத்தப்³பே³…பே….

அதீதா வேத³னா அத்தி²… அதீதா ஸஞ்ஞா அத்தி²… அதீதா ஸங்கா²ரா அத்தி²… அதீதம் விஞ்ஞாணம் அத்தி² அதீதம் விஞ்ஞாணம் அதீதபா⁴வம் ந ஜஹதீதி? ஆமந்தா. அனாக³தம் விஞ்ஞாணம் அத்தி² அனாக³தம் விஞ்ஞாணம் அனாக³தபா⁴வம் ந ஜஹதீதி? ந ஹேவம் வத்தப்³பே³…பே… அதீதம் விஞ்ஞாணம் அத்தி² அதீதம் விஞ்ஞாணம் அதீதபா⁴வம் ந ஜஹதீதி? ஆமந்தா. பச்சுப்பன்னம் விஞ்ஞாணம் அத்தி² பச்சுப்பன்னம் விஞ்ஞாணம் பச்சுப்பன்னபா⁴வம் ந ஜஹதீதி? ந ஹேவம் வத்தப்³பே³…பே….

அனாக³தம் விஞ்ஞாணம் அத்தி² அனாக³தம் விஞ்ஞாணம் அனாக³தபா⁴வம் ஜஹதீதி? ஆமந்தா. அதீதம் விஞ்ஞாணம் அத்தி² அதீதம் விஞ்ஞாணம் அதீதபா⁴வம் ஜஹதீதி? ந ஹேவம் வத்தப்³பே³…பே….

பச்சுப்பன்னம் விஞ்ஞாணம் அத்தி² பச்சுப்பன்னம் விஞ்ஞாணம் பச்சுப்பன்னபா⁴வம் ஜஹதீதி [ந ஜஹதீதி (ப³ஹூஸு) அனுலோமபஞ்ஹோயேவ]? ஆமந்தா. அதீதம் விஞ்ஞாணம் அத்தி² அதீதம் விஞ்ஞாணம் அதீதபா⁴வம் ஜஹதீதி [ந ஜஹதீதி (ப³ஹூஸு) அனுலோமபஞ்ஹோயேவ]? ந ஹேவம் வத்தப்³பே³…பே….

அதீதம் விஞ்ஞாணம் அத்தி² அதீதம் விஞ்ஞாணம் அதீதபா⁴வம் ந ஜஹதீதி? ஆமந்தா. அதீதம் விஞ்ஞாணம் நிச்சம் து⁴வம் ஸஸ்ஸதம் அவிபரிணாமத⁴ம்மந்தி? ந ஹேவம் வத்தப்³பே³…பே… நனு அதீதம் விஞ்ஞாணம் அனிச்சம் அது⁴வம் அஸஸ்ஸதம் விபரிணாமத⁴ம்மந்தி? ஆமந்தா. ஹஞ்சி அதீதம் விஞ்ஞாணம் அனிச்சம் அது⁴வம் அஸஸ்ஸதம் விபரிணாமத⁴ம்மம், நோ ச வத ரே வத்தப்³பே³ – ‘‘அதீதம் விஞ்ஞாணம் அத்தி² அதீதம் விஞ்ஞாணம் அதீதபா⁴வம் ந ஜஹதீ’’தி.

நிப்³பா³னம் அத்தி² நிப்³பா³னம் நிப்³பா³னபா⁴வம் ந ஜஹதி [ந ஜஹதீதி (?) புரிமபஞ்ஹேஹி ஸம்ஸந்தே³தப்³ப³ம்] நிப்³பா³னம் நிச்சம் து⁴வம் ஸஸ்ஸதம் அவிபரிணாமத⁴ம்மந்தி? ஆமந்தா. அதீதம் விஞ்ஞாணம் அத்தி² அதீதம் விஞ்ஞாணம் அதீதபா⁴வம் ந ஜஹதி [ந ஜஹதீதி (?) புரிமபஞ்ஹேஹி ஸம்ஸந்தே³தப்³ப³ம்] அதீதம் விஞ்ஞாணம் நிச்சம் து⁴வம் ஸஸ்ஸதம் அவிபரிணாமத⁴ம்மந்தி? ந ஹேவம் வத்தப்³பே³…பே….

அதீதம் விஞ்ஞாணம் அத்தி² அதீதம் விஞ்ஞாணம் அதீதபா⁴வம் ந ஜஹதி அதீதம் விஞ்ஞாணம் அனிச்சம் அது⁴வம் அஸஸ்ஸதம் விபரிணாமத⁴ம்மந்தி? ஆமந்தா. நிப்³பா³னம் அத்தி² நிப்³பா³னம் நிப்³பா³னபா⁴வம் ந ஜஹதி நிப்³பா³னம் அனிச்சம் அது⁴வம் அஸஸ்ஸதம் விபரிணாமத⁴ம்மந்தி? ந ஹேவம் வத்தப்³பே³…பே….

வசனஸோத⁴னா

288. அதீதம் ந்வத்தீ²தி? ஆமந்தா. ஹஞ்சி அதீதம் ந்வத்தி², அதீதம் அத்தீ²தி மிச்சா². ஹஞ்சி வா பன அத்தி² ந்வாதீதம், அத்தி² அதீதந்தி மிச்சா². அனாக³தம் ந்வத்தீ²தி? ஆமந்தா. ஹஞ்சி அனாக³தம் ந்வத்தி², அனாக³தம் அத்தீ²தி மிச்சா². ஹஞ்சி வா பன அத்தி² ந்வானாக³தம், அத்தி² அனாக³தந்தி மிச்சா².

அனாக³தம் ஹுத்வா பச்சுப்பன்னம் ஹோதீதி? ஆமந்தா. தஞ்ஞேவ அனாக³தம் தம் பச்சுப்பன்னந்தி? ந ஹேவம் வத்தப்³பே³…பே… தஞ்ஞேவ அனாக³தம் தம் பச்சுப்பன்னந்தி? ஆமந்தா. ஹுத்வா ஹோதி ஹுத்வா ஹோதீதி? ந ஹேவம் வத்தப்³பே³…பே… ஹுத்வா ஹோதி ஹுத்வா ஹோதீதி? ஆமந்தா. ந ஹுத்வா ந ஹோதி ந ஹுத்வா ந ஹோதீதி? ந ஹேவம் வத்தப்³பே³…பே….

பச்சுப்பன்னம் ஹுத்வா அதீதம் ஹோதீதி? ஆமந்தா. தஞ்ஞேவ பச்சுப்பன்னம் தம் அதீதந்தி? ந ஹேவம் வத்தப்³பே³…பே… தஞ்ஞேவ பச்சுப்பன்னம் தம் அதீதந்தி? ஆமந்தா. ஹுத்வா ஹோதி ஹுத்வா ஹோதீதி? ந ஹேவம் வத்தப்³பே³…பே… ஹுத்வா ஹோதி ஹுத்வா ஹோதீதி? ஆமந்தா. ந ஹுத்வா ந ஹோதி ந ஹுத்வா ந ஹோதீதி? ந ஹேவம் வத்தப்³பே³…பே….

அனாக³தம் ஹுத்வா பச்சுப்பன்னம் ஹோதி, பச்சுப்பன்னம் ஹுத்வா அதீதம் ஹோதீதி? ஆமந்தா. தஞ்ஞேவ அனாக³தம் தம் பச்சுப்பன்னம் தம் அதீதந்தி? ந ஹேவம் வத்தப்³பே³…பே… தஞ்ஞேவ அனாக³தம் தம் பச்சுப்பன்னம் தம் அதீதந்தி? ஆமந்தா. ஹுத்வா ஹோதி ஹுத்வா ஹோதீதி? ந ஹேவம் வத்தப்³பே³…பே… ஹுத்வா ஹோதி ஹுத்வா ஹோதீதி? ஆமந்தா. ந ஹுத்வா ந ஹோதி ந ஹுத்வா ந ஹோதீதி? ந ஹேவம் வத்தப்³பே³.

அதீதசக்கு²ரூபாதி³கதா²

289. அதீதம் சக்கு²ம் அத்தி² ரூபா அத்தி² சக்கு²விஞ்ஞாணம் அத்தி² ஆலோகோ அத்தி² மனஸிகாரோ அத்தீ²தி? ஆமந்தா. அதீதேன சக்கு²னா அதீதம் ரூபம் பஸ்ஸதீதி? ந ஹேவம் வத்தப்³பே³…பே… அதீதம் ஸோதம் அத்தி² ஸத்³தா³ அத்தி² ஸோதவிஞ்ஞாணம் அத்தி² ஆகாஸோ அத்தி² மனஸிகாரோ அத்தீ²தி? ஆமந்தா. அதீதேன ஸோதேன அதீதம் ஸத்³த³ம் ஸுணாதீதி? ந ஹேவம் வத்தப்³பே³…பே… அதீதம் கா⁴னம் அத்தி² க³ந்தா⁴ அத்தி² கா⁴னவிஞ்ஞாணம் அத்தி² வாயோ அத்தி² மனஸிகாரோ அத்தீ²தி? ஆமந்தா. அதீதேன கா⁴னேன அதீதம் க³ந்த⁴ம் கா⁴யதீதி? ந ஹேவம் வத்தப்³பே³…பே… அதீதா ஜிவ்ஹா அத்தி² ரஸா அத்தி² ஜிவ்ஹாவிஞ்ஞாணம் அத்தி² ஆபோ அத்தி² மனஸிகாரோ அத்தீ²தி? ஆமந்தா. அதீதாய ஜிவ்ஹாய அதீதம் ரஸம் ஸாயதீதி? ந ஹேவம் வத்தப்³பே³…பே… அதீதோ காயோ அத்தி² போ²ட்ட²ப்³பா³ அத்தி² காயவிஞ்ஞாணம் அத்தி² பத²வீ அத்தி² மனஸிகாரோ அத்தீ²தி? ஆமந்தா. அதீதேன காயேன அதீதம் போ²ட்ட²ப்³ப³ம் பு²ஸதீதி? ந ஹேவம் வத்தப்³பே³…பே… அதீதோ மனோ அத்தி² த⁴ம்மா அத்தி² மனோவிஞ்ஞாணம் அத்தி² வத்து²ம் அத்தி² மனஸிகாரோ அத்தீ²தி? ஆமந்தா. அதீதேன மனேன அதீதம் த⁴ம்மம் விஜானாதீதி? ந ஹேவம் வத்தப்³பே³…பே….

அனாக³தம் சக்கு²ம் அத்தி² ரூபா அத்தி² சக்கு²விஞ்ஞாணம் அத்தி² ஆலோகோ அத்தி² மனஸிகாரோ அத்தீ²தி? ஆமந்தா. அனாக³தேன சக்கு²னா அனாக³தம் ரூபம் பஸ்ஸதீதி? ந ஹேவம் வத்தப்³பே³…பே… அனாக³தம் ஸோதம் அத்தி²… கா⁴னம் அத்தி²… ஜிவ்ஹா அத்தி²… காயோ அத்தி² … மனோ அத்தி² த⁴ம்மா அத்தி² மனோவிஞ்ஞாணம் அத்தி² வத்து²ம் அத்தி² மனஸிகாரோ அத்தீ²தி? ஆமந்தா. அனாக³தேன மனேன அனாக³தம் த⁴ம்மம் விஜானாதீதி? ந ஹேவம் வத்தப்³பே³…பே….

பச்சுப்பன்னம் சக்கு²ம் அத்தி² ரூபா அத்தி² சக்கு²விஞ்ஞாணம் அத்தி² ஆலோகோ அத்தி² மனஸிகாரோ அத்தி², பச்சுப்பன்னேன சக்கு²னா பச்சுப்பன்னம் ரூபம் பஸ்ஸதீதி? ஆமந்தா. அதீதம் சக்கு²ம் அத்தி² ரூபா அத்தி² சக்கு²விஞ்ஞாணம் அத்தி² ஆலோகோ அத்தி² மனஸிகாரோ அத்தி², அதீதேன சக்கு²னா அதீதம் ரூபம் பஸ்ஸதீதி? ந ஹேவம் வத்தப்³பே³…பே…. பச்சுப்பன்னம் ஸோதம் அத்தி²… கா⁴னம் அத்தி²… ஜிவ்ஹா அத்தி²… காயோ அத்தி²… மனோ அத்தி² த⁴ம்மா அத்தி² மனோவிஞ்ஞாணம் அத்தி² வத்து²ம் அத்தி² மனஸிகாரோ அத்தி², பச்சுப்பன்னேன மனேன பச்சுப்பன்னம் த⁴ம்மம் விஜானாதீதி? ஆமந்தா. அதீதோ மனோ அத்தி² த⁴ம்மா அத்தி² மனோவிஞ்ஞாணம் அத்தி² வத்து²ம் அத்தி² மனஸிகாரோ அத்தி², அதீதேன மனேன அதீதம் த⁴ம்மம் விஜானாதீதி? ந ஹேவம் வத்தப்³பே³…பே….

பச்சுப்பன்னம் சக்கு²ம் அத்தி² ரூபா அத்தி² சக்கு²விஞ்ஞாணம் அத்தி² ஆலோகோ அத்தி² மனஸிகாரோ அத்தி², பச்சுப்பன்னேன சக்கு²னா பச்சுப்பன்னம் ரூபம் பஸ்ஸதீதி? ஆமந்தா. அனாக³தம் சக்கு²ம் அத்தி² ரூபா அத்தி² சக்கு²விஞ்ஞாணம் அத்தி² ஆலோகோ அத்தி² மனஸிகாரோ அத்தி², அனாக³தேன சக்கு²னா அனாக³தம் ரூபம் பஸ்ஸதீதி? ந ஹேவம் வத்தப்³பே³…பே… பச்சுப்பன்னம் ஸோதம் அத்தி²… கா⁴னம் அத்தி²… ஜிவ்ஹா அத்தி²… காயோ அத்தி²… மனோ அத்தி² த⁴ம்மா அத்தி² மனோவிஞ்ஞாணம் அத்தி² வத்து²ம் அத்தி² மனஸிகாரோ அத்தி², பச்சுப்பன்னேன மனேன பச்சுப்பன்னம் த⁴ம்மம் விஜானாதீதி? ஆமந்தா. அனாக³தோ மனோ அத்தி² த⁴ம்மா அத்தி² மனோவிஞ்ஞாணம் அத்தி² வத்து²ம் அத்தி² மனஸிகாரோ அத்தி², அனாக³தேன மனேன அனாக³தம் த⁴ம்மம் விஜானாதீதி? ந ஹேவம் வத்தப்³பே³…பே….

அதீதம் சக்கு²ம் அத்தி² ரூபா அத்தி² சக்கு²விஞ்ஞாணம் அத்தி² ஆலோகோ அத்தி² மனஸிகாரோ அத்தி², ந ச அதீதேன சக்கு²னா அதீதம் ரூபம் பஸ்ஸதீதி? ஆமந்தா. பச்சுப்பன்னம் சக்கு²ம் அத்தி² ரூபா அத்தி² சக்கு²விஞ்ஞாணம் அத்தி² ஆலோகோ அத்தி² மனஸிகாரோ அத்தி², ந ச பச்சுப்பன்னேன சக்கு²னா பச்சுப்பன்னம் ரூபம் பஸ்ஸதீதி? ந ஹேவம் வத்தப்³பே³…பே… அதீதம் ஸோதம் அத்தி²… கா⁴னம் அத்தி²… ஜிவ்ஹா அத்தி²… காயோ அத்தி²… மனோ அத்தி² த⁴ம்மா அத்தி² மனோவிஞ்ஞாணம் அத்தி² வத்து²ம் அத்தி² மனஸிகாரோ அத்தி², ந ச அதீதேன மனேன அதீதம் த⁴ம்மம் விஜானாதீதி? ஆமந்தா. பச்சுப்பன்னோ மனோ அத்தி² த⁴ம்மா அத்தி² மனோவிஞ்ஞாணம் அத்தி² வத்து²ம் அத்தி² மனஸிகாரோ அத்தி², ந ச பச்சுப்பன்னேன மனேன பச்சுப்பன்னம் த⁴ம்மம் விஜானாதீதி? ந ஹேவம் வத்தப்³பே³…பே….

அனாக³தம் சக்கு²ம் அத்தி² ரூபா அத்தி² சக்கு²விஞ்ஞாணம் அத்தி² ஆலோகோ அத்தி² மனஸிகாரோ அத்தி², ந ச அனாக³தேன சக்கு²னா அனாக³தம் ரூபம் பஸ்ஸதீதி? ஆமந்தா. பச்சுப்பன்னம் சக்கு²ம் அத்தி² ரூபா அத்தி² சக்கு²விஞ்ஞாணம் அத்தி² ஆலோகோ அத்தி² மனஸிகாரோ அத்தி², ந ச பச்சுப்பன்னேன சக்கு²னா பச்சுப்பன்னம் ரூபம் பஸ்ஸதீதி? ந ஹேவம் வத்தப்³பே³…பே… அனாக³தம் ஸோதம் அத்தி²… கா⁴னம் அத்தி²… ஜிவ்ஹா அத்தி²… காயோ அத்தி²… மனோ அத்தி² த⁴ம்மா அத்தி² மனோவிஞ்ஞாணம் அத்தி² வத்து²ம் அத்தி² மனஸிகாரோ அத்தி², ந ச அனாக³தேன மனேன அனாக³தம் த⁴ம்மம் விஜானாதீதி? ஆமந்தா. பச்சுப்பன்னோ மனோ அத்தி² த⁴ம்மா அத்தி² மனோவிஞ்ஞாணம் அத்தி² வத்து²ம் அத்தி² மனஸிகாரோ அத்தி², ந ச பச்சுப்பன்னேன மனேன பச்சுப்பன்னம் த⁴ம்மம் விஜானாதீதி? ந ஹேவம் வத்தப்³பே³…பே….

அதீதஞாணாதி³கதா²

290. அதீதம் ஞாணம் அத்தீ²தி? ஆமந்தா. தேன ஞாணேன ஞாணகரணீயம் கரோதீதி? ந ஹேவம் வத்தப்³பே³…பே… தேன ஞாணேன ஞாணகரணீயம் கரோதீதி? ஆமந்தா. தேன ஞாணேன து³க்க²ம் பரிஜானாதி, ஸமுத³யம் பஜஹதி, நிரோத⁴ம் ஸச்சி²கரோதி, மக்³க³ம் பா⁴வேதீதி? ந ஹேவம் வத்தப்³பே³…பே….

அனாக³தம் ஞாணம் அத்தீ²தி? ஆமந்தா. தேன ஞாணேன ஞாணகரணீயம் கரோதீதி? ந ஹேவம் வத்தப்³பே³…பே… தேன ஞாணேன ஞாணகரணீயம் கரோதீதி? ஆமந்தா. தேன ஞாணேன து³க்க²ம் பரிஜானாதி, ஸமுத³யம் பஜஹதி, நிரோத⁴ம் ஸச்சி²கரோதி, மக்³க³ம் பா⁴வேதீதி? ந ஹேவம் வத்தப்³பே³…பே….

பச்சுப்பன்னம் ஞாணம் அத்தி², தேன ஞாணேன ஞாணகரணீயம் கரோதீதி? ஆமந்தா. அதீதம் ஞாணம் அத்தி², தேன ஞாணேன ஞாணகரணீயம் கரோதீதி? ந ஹேவம் வத்தப்³பே³…பே… பச்சுப்பன்னம் ஞாணம் அத்தி², தேன ஞாணேன து³க்க²ம் பரிஜானாதி, ஸமுத³யம் பஜஹதி, நிரோத⁴ம் ஸச்சி²கரோதி, மக்³க³ம் பா⁴வேதீதி? ஆமந்தா. அதீதம் ஞாணம் அத்தி², தேன ஞாணேன து³க்க²ம் பரிஜானாதி, ஸமுத³யம் பஜஹதி, நிரோத⁴ம் ஸச்சி²கரோதி, மக்³க³ம் பா⁴வேதீதி? ந ஹேவம் வத்தப்³பே³…பே… பச்சுப்பன்னம் ஞாணம் அத்தி², தேன ஞாணேன ஞாணகரணீயம் கரோதீதி? ஆமந்தா. அனாக³தம் ஞாணம் அத்தி², தேன ஞாணேன ஞாணகரணீயம் கரோதீதி? ந ஹேவம் வத்தப்³பே³…பே… பச்சுப்பன்னம் ஞாணம் அத்தி², தேன ஞாணேன து³க்க²ம் பரிஜானாதி, ஸமுத³யம் பஜஹதி, நிரோத⁴ம் ஸச்சி²கரோதி, மக்³க³ம் பா⁴வேதீதி? ஆமந்தா. அனாக³தம் ஞாணம் அத்தி², தேன ஞாணேன து³க்க²ம் பரிஜானாதி, ஸமுத³யம் பஜஹதி, நிரோத⁴ம் ஸச்சி²கரோதி, மக்³க³ம் பா⁴வேதீதி? ந ஹேவம் வத்தப்³பே³…பே….

அதீதம் ஞாணம் அத்தி², ந ச தேன ஞாணேன ஞாணகரணீயம் கரோதீதி? ஆமந்தா. பச்சுப்பன்னம் ஞாணம் அத்தி², ந ச தேன ஞாணேன ஞாணகரணீயம் கரோதீதி? ந ஹேவம் வத்தப்³பே³…பே… அதீதம் ஞாணம் அத்தி², ந ச தேன ஞாணேன து³க்க²ம் பரிஜானாதி, ஸமுத³யம் பஜஹதி, நிரோத⁴ம் ஸச்சி²கரோதி, மக்³க³ம் பா⁴வேதீதி? ஆமந்தா. பச்சுப்பன்னம் ஞாணம் அத்தி², ந ச தேன ஞாணேன து³க்க²ம் பரிஜானாதி, ஸமுத³யம் பஜஹதி, நிரோத⁴ம் ஸச்சி²கரோதி, மக்³க³ம் பா⁴வேதீதி? ந ஹேவம் வத்தப்³பே³…பே….

அனாக³தம் ஞாணம் அத்தி², ந ச தேன ஞாணேன ஞாணகரணீயம் கரோதீதி? ஆமந்தா. பச்சுப்பன்னம் ஞாணம் அத்தி², ந ச தேன ஞாணேன ஞாணகரணீயம் கரோதீதி? ந ஹேவம் வத்தப்³பே³…பே…. அனாக³தம் ஞாணம் அத்தி², ந ச தேன ஞாணேன து³க்க²ம் பரிஜானாதி, ஸமுத³யம் பஜஹதி, நிரோத⁴ம் ஸச்சி²கரோதி, மக்³க³ம் பா⁴வேதீதி? ஆமந்தா. பச்சுப்பன்னம் ஞாணம் அத்தி², ந ச தேன ஞாணேன து³க்க²ம் பரிஜானாதி, ஸமுத³யம் பஜஹதி, நிரோத⁴ம் ஸச்சி²கரோதி, மக்³க³ம் பா⁴வேதீதி? ந ஹேவம் வத்தப்³பே³…பே….

அரஹந்தாதி³கதா²

291. அரஹதோ அதீதோ ராகோ³ அத்தீ²தி? ஆமந்தா. அரஹா தேன ராகே³ன ஸராகோ³தி? ந ஹேவம் வத்தப்³பே³…பே… அரஹதோ அதீதோ தோ³ஸோ அத்தீ²தி? ஆமந்தா. அரஹா தேன தோ³ஸேன ஸதோ³ஸோதி? ந ஹேவம் வத்தப்³பே³…பே… அரஹதோ அதீதோ மோஹோ அத்தீ²தி? ஆமந்தா. அரஹா தேன மோஹேன ஸமோஹோதி? ந ஹேவம் வத்தப்³பே³…பே… அரஹதோ அதீதோ மானோ அத்தீ²தி? ஆமந்தா. அரஹா தேன மானேன ஸமானோதி? ந ஹேவம் வத்தப்³பே³…பே… அரஹதோ அதீதா தி³ட்டி² அத்தீ²தி? ஆமந்தா. அரஹா தாய தி³ட்டி²யா ஸதி³ட்டி²கோதி? ந ஹேவம் வத்தப்³பே³…பே… அரஹதோ அதீதா விசிகிச்சா² அத்தீ²தி? ஆமந்தா. அரஹா தாய விசிகிச்சா²ய ஸவிசிகிச்சோ²தி? ந ஹேவம் வத்தப்³பே³…பே… அரஹதோ அதீதம் தி²னம் அத்தீ²தி? ஆமந்தா. அரஹா தேன தி²னேன ஸதி²னோதி? ந ஹேவம் வத்தப்³பே³…பே… அரஹதோ அதீதம் உத்³த⁴ச்சம் அத்தீ²தி? ஆமந்தா. அரஹா தேன உத்³த⁴ச்சேன ஸஉத்³த⁴ச்சோதி? ந ஹேவம் வத்தப்³பே³…பே… அரஹதோ அதீதம் அஹிரிகம் அத்தீ²தி? ஆமந்தா. அரஹா தேன அஹிரிகேன ஸஅஹிரிகோதி? ந ஹேவம் வத்தப்³பே³…பே… அரஹதோ அதீதம் அனோத்தப்பம் அத்தீ²தி? ஆமந்தா. அரஹா தேன அனோத்தப்பேன ஸஅனோத்தப்பீதி? ந ஹேவம் வத்தப்³பே³…பே….

அனாகா³மிஸ்ஸ அதீதா ஸக்காயதி³ட்டி² அத்தீ²தி? ஆமந்தா. அனாகா³மீ தாய தி³ட்டி²யா ஸதி³ட்டி²கோதி? ந ஹேவம் வத்தப்³பே³…பே… அனாகா³மிஸ்ஸ அதீதா விசிகிச்சா² அத்தி²… அதீதோ ஸீலப்³ப³தபராமாஸோ அத்தி²… அதீதோ அணுஸஹக³தோ காமராகோ³ அத்தி²… அதீதோ அணுஸஹக³தோ ப்³யாபாதோ³ அத்தீ²தி? ஆமந்தா. அனாகா³மீ தேன ப்³யாபாதே³ன ப்³யாபன்னசித்தோதி? ந ஹேவம் வத்தப்³பே³…பே….

ஸகதா³கா³மிஸ்ஸ அதீதா ஸக்காயதி³ட்டி² அத்தீ²தி? ஆமந்தா. ஸகதா³கா³மீ தாய தி³ட்டி²யா ஸதி³ட்டி²கோதி? ந ஹேவம் வத்தப்³பே³…பே… ஸகதா³கா³மிஸ்ஸ அதீதா விசிகிச்சா² அத்தி²… அதீதோ ஸீலப்³ப³தபராமாஸோ அத்தி²… அதீதோ ஓளாரிகோ காமராகோ³ அத்தி²… அதீதோ ஓளாரிகோ ப்³யாபாதோ³ அத்தீ²தி? ஆமந்தா. ஸகதா³கா³மீ தேன ப்³யாபாதே³ன ப்³யாபன்னசித்தோதி? ந ஹேவம் வத்தப்³பே³…பே….

ஸோதாபன்னஸ்ஸ அதீதா ஸக்காயதி³ட்டி² அத்தீ²தி? ஆமந்தா. ஸோதாபன்னோ தாய தி³ட்டி²யா ஸதி³ட்டி²கோதி? ந ஹேவம் வத்தப்³பே³…பே… ஸோதாபன்னஸ்ஸ அதீதா விசிகிச்சா² அத்தி²… அதீதோ ஸீலப்³ப³தபராமாஸோ அத்தி²… அதீதோ அபாயக³மனீயோ ராகோ³ அத்தி²… அதீதோ அபாயக³மனீயோ தோ³ஸோ அத்தி²… அதீதோ அபாயக³மனீயோ மோஹோ அத்தீ²தி? ஆமந்தா. ஸோதாபன்னோ தேன மோஹேன ஸமோஹோதி? ந ஹேவம் வத்தப்³பே³…பே….

292. புது²ஜ்ஜனஸ்ஸ அதீதோ ராகோ³ அத்தி², புது²ஜ்ஜனோ தேன ராகே³ன ஸராகோ³தி? ஆமந்தா. அரஹதோ அதீதோ ராகோ³ அத்தி², அரஹா தேன ராகே³ன ஸராகோ³தி? ந ஹேவம் வத்தப்³பே³…பே… புது²ஜ்ஜனஸ்ஸ அதீதோ தோ³ஸோ அத்தி²…பே… அதீதம் அனோத்தப்பம் அத்தி² புது²ஜ்ஜனோ தேன அனோத்தப்பேன அனோத்தப்பீதி? ஆமந்தா. அரஹதோ அதீதம் அனோத்தப்பம் அத்தி², அரஹா தேன அனோத்தப்பேன அனோத்தப்பீதி? ந ஹேவம் வத்தப்³பே³…பே….

புது²ஜ்ஜனஸ்ஸ அதீதா ஸக்காயதி³ட்டி² அத்தி², புது²ஜ்ஜனோ தாய தி³ட்டி²யா ஸதி³ட்டி²கோதி? ஆமந்தா. அனாகா³மிஸ்ஸ அதீதா ஸக்காயதி³ட்டி² அத்தி², அனாகா³மீ தாய தி³ட்டி²யா ஸதி³ட்டி²கோதி? ந ஹேவம் வத்தப்³பே³…பே… புது²ஜ்ஜனஸ்ஸ அதீதா விசிகிச்சா² அத்தி²…பே… அதீதோ அணுஸஹக³தோ ப்³யாபாதோ³ அத்தி², புது²ஜ்ஜனோ தேன ப்³யாபாதே³ன ப்³யாபன்னசித்தோதி? ஆமந்தா. அனாகா³மிஸ்ஸ அதீதோ அணுஸஹக³தோ ப்³யாபாதோ³ அத்தி², அனாகா³மீ தேன ப்³யாபாதே³ன ப்³யாபன்னசித்தோதி? ந ஹேவம் வத்தப்³பே³…பே….

புது²ஜ்ஜனஸ்ஸ அதீதா ஸக்காயதி³ட்டி² அத்தி², புது²ஜ்ஜனோ தாய தி³ட்டி²யா ஸதி³ட்டி²கோதி? ஆமந்தா. ஸகதா³கா³மிஸ்ஸ அதீதா ஸக்காயதி³ட்டி² அத்தி², ஸகதா³கா³மீ தாய தி³ட்டி²யா ஸதி³ட்டி²கோதி? ந ஹேவம் வத்தப்³பே³…பே… புது²ஜ்ஜனஸ்ஸ அதீதா விசிகிச்சா² அத்தி²… அதீதோ ஓளாரிகோ ப்³யாபாதோ³ அத்தி², புது²ஜ்ஜனோ தேன ப்³யாபாதே³ன ப்³யாபன்னசித்தோதி? ஆமந்தா. ஸகதா³கா³மிஸ்ஸ அதீதோ ஓளாரிகோ ப்³யாபாதோ³ அத்தி², ஸகதா³கா³மீ தேன ப்³யாபாதே³ன ப்³யாபன்னசித்தோதி? ந ஹேவம் வத்தப்³பே³…பே….

புது²ஜ்ஜனஸ்ஸ அதீதா ஸக்காயதி³ட்டி² அத்தி², புது²ஜ்ஜனோ தாய தி³ட்டி²யா ஸதி³ட்டி²கோதி? ஆமந்தா. ஸோதாபன்னஸ்ஸ அதீதா ஸக்காயதி³ட்டி² அத்தி², ஸோதாபன்னோ தாய தி³ட்டி²யா ஸதி³ட்டி²கோதி? ந ஹேவம் வத்தப்³பே³…பே… புது²ஜ்ஜனஸ்ஸ அதீதா விசிகிச்சா² அத்தி²…பே… அதீதோ அபாயக³மனீயோ மோஹோ அத்தி², புது²ஜ்ஜனோ தேன மோஹேன ஸமோஹோதி? ஆமந்தா. ஸோதாபன்னஸ்ஸ அதீதோ அபாயக³மனீயோ மோஹோ அத்தி², ஸோதாபன்னோ தேன மோஹேன ஸமோஹோதி? ந ஹேவம் வத்தப்³பே³…பே….

அரஹதோ அதீதோ ராகோ³ அத்தி², ந ச அரஹா தேன ராகே³ன ஸராகோ³தி? ஆமந்தா. புது²ஜ்ஜனஸ்ஸ அதீதோ ராகோ³ அத்தி², ந ச புது²ஜ்ஜனோ தேன ராகே³ன ஸராகோ³தி? ந ஹேவம் வத்தப்³பே³…பே… அரஹதோ அதீதோ தோ³ஸோ அத்தி²…பே… அதீதம் அனோத்தப்பம் அத்தி², ந ச அரஹா தேன அனோத்தப்பேன அனோத்தப்பீதி? ஆமந்தா. புது²ஜ்ஜனஸ்ஸ அதீதம் அனோத்தப்பம் அத்தி², ந ச புது²ஜ்ஜனோ தேன அனோத்தப்பேன அனோத்தப்பீதி? ந ஹேவம் வத்தப்³பே³…பே….

அனாகா³மிஸ்ஸ அதீதா ஸக்காயதி³ட்டி² அத்தி², ந ச அனாகா³மீ தாய தி³ட்டி²யா ஸதி³ட்டி²கோதி? ஆமந்தா. புது²ஜ்ஜனஸ்ஸ அதீதா ஸக்காயதி³ட்டி² அத்தி², ந ச புது²ஜ்ஜனோ தாய தி³ட்டி²யா ஸதி³ட்டி²கோதி? ந ஹேவம் வத்தப்³பே³…பே… அனாகா³மிஸ்ஸ அதீதா விசிகிச்சா² அத்தி²…பே… அதீதோ அணுஸஹக³தோ ப்³யாபாதோ³ அத்தி², ந ச அனாகா³மீ தேன ப்³யாபாதே³ன ப்³யாபன்னசித்தோதி? ஆமந்தா. புது²ஜ்ஜனஸ்ஸ அதீதோ அணுஸஹக³தோ ப்³யாபாதோ³ அத்தி², ந ச புது²ஜ்ஜனோ தேன ப்³யாபாதே³ன ப்³யாபன்னசித்தோதி? ந ஹேவம் வத்தப்³பே³…பே….

ஸகதா³கா³மிஸ்ஸ அதீதா ஸக்காயதி³ட்டி² அத்தி², ந ச ஸகதா³கா³மீ தாய தி³ட்டி²யா ஸதி³ட்டி²கோதி? ஆமந்தா. புது²ஜ்ஜனஸ்ஸ அதீதா ஸக்காயதி³ட்டி² அத்தி², ந ச புது²ஜ்ஜனோ தாய தி³ட்டி²யா ஸதி³ட்டி²கோதி? ந ஹேவம் வத்தப்³பே³…பே… ஸகதா³கா³மிஸ்ஸ அதீதா விசிகிச்சா² அத்தி²…பே… அதீதோ ஓளாரிகோ ப்³யாபாதோ³ அத்தி², ந ச ஸகதா³கா³மீ தேன ப்³யாபாதே³ன ப்³யாபன்னசித்தோதி? ஆமந்தா. புது²ஜ்ஜனஸ்ஸ அதீதோ ஓளாரிகோ ப்³யாபாதோ³ அத்தி², ந ச புது²ஜ்ஜனோ தேன ப்³யாபாதே³ன ப்³யாபன்னசித்தோதி? ந ஹேவம் வத்தப்³பே³…பே….

ஸோதாபன்னஸ்ஸ அதீதா ஸக்காயதி³ட்டி² அத்தி², ந ச ஸோதாபன்னோ தாய தி³ட்டி²யா ஸதி³ட்டி²கோதி? ஆமந்தா. புது²ஜ்ஜனஸ்ஸ அதீதா ஸக்காயதி³ட்டி² அத்தி², ந ச புது²ஜ்ஜனோ தாய தி³ட்டி²யா ஸதி³ட்டி²கோதி? ந ஹேவம் வத்தப்³பே³…பே… ஸோதாபன்னஸ்ஸ அதீதா விசிகிச்சா² அத்தி²…பே… அதீதோ அபாயக³மனீயோ மோஹோ அத்தி², ந ச ஸோதாபன்னோ தேன மோஹேன ஸமோஹோதி? ஆமந்தா. புது²ஜ்ஜனஸ்ஸ அதீதோ அபாயக³மனீயோ மோஹோ அத்தி², ந ச புது²ஜ்ஜனோ தேன மோஹேன ஸமோஹோதி? ந ஹேவம் வத்தப்³பே³…பே….

அதீதஹத்தா²தி³கதா²

293. அதீதா ஹத்தா² அத்தீ²தி? ஆமந்தா. அதீதேஸு ஹத்தே²ஸு ஸதி ஆதா³னனிக்கே²பனம் பஞ்ஞாயதீதி? ந ஹேவம் வத்தப்³பே³…பே… அதீதா பாதா³ அத்தீ²தி? ஆமந்தா. அதீதேஸு பாதே³ஸு ஸதி அபி⁴க்கமபடிக்கமோ பஞ்ஞாயதீதி? ந ஹேவம் வத்தப்³பே³…பே… அதீதா பப்³பா³ அத்தீ²தி? ஆமந்தா. அதீதேஸு பப்³பே³ஸு ஸதி ஸமிஞ்ஜனபஸாரணம் பஞ்ஞாயதீதி? ந ஹேவம் வத்தப்³பே³…பே… அதீதோ குச்சி² அத்தீ²தி? ஆமந்தா. அதீதஸ்மிம் குச்சி²ஸ்மிம் ஸதி ஜிக⁴ச்சா² பிபாஸா பஞ்ஞாயதீதி? ந ஹேவம் வத்தப்³பே³…பே….

அதீதோ காயோ அத்தீ²தி? ஆமந்தா. அதீதோ காயோ பக்³க³ஹனிக்³க³ஹுபகோ³ சே²த³னபே⁴த³னுபகோ³ காகேஹி கி³ஜ்ஜே²ஹி குலலேஹி ஸாதா⁴ரணோதி? ந ஹேவம் வத்தப்³பே³…பே… அதீதே காயே விஸம் கமேய்ய, ஸத்த²ம் கமேய்ய, அக்³கி³ கமேய்யாதி? ந ஹேவம் வத்தப்³பே³…பே… லப்³பா⁴ அதீதோ காயோ அத்³து³ப³ந்த⁴னேன ப³ந்தி⁴தும், ரஜ்ஜுப³ந்த⁴னேன ப³ந்தி⁴தும், ஸங்க²லிகப³ந்த⁴னேன ப³ந்தி⁴தும், கா³மப³ந்த⁴னேன ப³ந்தி⁴தும், நிக³மப³ந்த⁴னேன ப³ந்தி⁴தும், நக³ரப³ந்த⁴னேன ப³ந்தி⁴தும், ஜனபத³ப³ந்த⁴னேன ப³ந்தி⁴தும், கண்ட²பஞ்சமேஹி ப³ந்த⁴னேஹி ப³ந்தி⁴துந்தி? ந ஹேவம் வத்தப்³பே³…பே….

அதீதோ ஆபோ அத்தீ²தி? ஆமந்தா. தேன ஆபேன ஆபகரணீயம் கரோதீதி? ந ஹேவம் வத்தப்³பே³…பே… அதீதோ தேஜோ அத்தீ²தி? ஆமந்தா. தேன தேஜேன தேஜகரணீயம் கரோதீதி? ந ஹேவம் வத்தப்³பே³…பே… அதீதோ வாயோ அத்தீ²தி? ஆமந்தா. தேன வாயேன வாயகரணீயம் கரோதீதி? ந ஹேவம் வத்தப்³பே³…பே….

அதீதக்க²ந்தா⁴தி³ஸமோதா⁴னகதா²

294. அதீதோ ரூபக்க²ந்தோ⁴ அத்தி², அனாக³தோ ரூபக்க²ந்தோ⁴ அத்தி², பச்சுப்பன்னோ ரூபக்க²ந்தோ⁴ அத்தீ²தி? ஆமந்தா. தயோ ரூபக்க²ந்தா⁴தி? ந ஹேவம் வத்தப்³பே³ …பே… அதீதா பஞ்சக்க²ந்தா⁴ அத்தி², அனாக³தா பஞ்சக்க²ந்தா⁴ அத்தி², பச்சுப்பன்னா பஞ்சக்க²ந்தா⁴ அத்தீ²தி? ஆமந்தா. பன்னரஸக்க²ந்தா⁴தி? ந ஹேவம் வத்தப்³பே³…பே….

அதீதம் சக்கா²யதனம் அத்தி², அனாக³தம் சக்கா²யதனம் அத்தி², பச்சுப்பன்னம் சக்கா²யதனம் அத்தீ²தி? ஆமந்தா. தீணி சக்கா²யதனானீதி? ந ஹேவம் வத்தப்³பே³…பே… அதீதானி த்³வாத³ஸாயதனானி அத்தி², அனாக³தானி த்³வாத³ஸாயதனானி அத்தி², பச்சுப்பன்னானி த்³வாத³ஸாயதனானி அத்தீ²தி? ஆமந்தா. ச²த்திம்ஸாயதனானீதி? ந ஹேவம் வத்தப்³பே³…பே….

அதீதா சக்கு²தா⁴து அத்தி², அனாக³தா சக்கு²தா⁴து அத்தி², பச்சுப்பன்னா சக்கு²தா⁴து அத்தீ²தி? ஆமந்தா. திஸ்ஸோ சக்கு²தா⁴துயோதி? ந ஹேவம் வத்தப்³பே³…பே… அதீதா அட்டா²ரஸ தா⁴துயோ அத்தி², அனாக³தா அட்டா²ரஸ தா⁴துயோ அத்தி², பச்சுப்பன்னா அட்டா²ரஸ தா⁴துயோ அத்தீ²தி? ஆமந்தா. சதுபஞ்ஞாஸ தா⁴துயோதி? ந ஹேவம் வத்தப்³பே³…பே….

அதீதம் சக்கு²ந்த்³ரியம் அத்தி², அனாக³தம் சக்கு²ந்த்³ரியம் அத்தி², பச்சுப்பன்னம் சக்கு²ந்த்³ரியம் அத்தீ²தி? ஆமந்தா. தீணி சக்கு²ந்த்³ரியானீதி? ந ஹேவம் வத்தப்³பே³…பே… அதீதானி பா³வீஸதிந்த்³ரியானி அத்தி², அனாக³தானி பா³வீஸதிந்த்³ரியானி அத்தி², பச்சுப்பன்னானி பா³வீஸதிந்த்³ரியானி அத்தீ²தி? ஆமந்தா. ச²ஸட்டி²ந்த்³ரியானீதி? ந ஹேவம் வத்தப்³பே³…பே….

அதீதோ ராஜா சக்கவத்தீ அத்தி², அனாக³தோ ராஜா சக்கவத்தீ அத்தி², பச்சுப்பன்னோ ராஜா சக்கவத்தீ அத்தீ²தி? ஆமந்தா. திண்ணன்னம் ராஜூனம் சக்கவத்தீனம் ஸம்முகீ²பா⁴வோ ஹோதீதி? ந ஹேவம் வத்தப்³பே³…பே….

அதீதோ ஸம்மாஸம்முத்³தோ⁴ அத்தி², அனாக³தோ ஸம்மாஸம்பு³த்³தோ⁴ அத்தி², பச்சுப்பன்னோ ஸம்மாஸம்பு³த்³தோ⁴ அத்தீ²தி? ஆமந்தா. திண்ணன்னம் ஸம்மாஸம்பு³த்³தா⁴னம் ஸம்முகீ²பா⁴வோ ஹோதீதி? ந ஹேவம் வத்தப்³பே³…பே….

பத³ஸோத⁴னகதா²

295. அதீதம் அத்தீ²தி? ஆமந்தா. அத்தி² அதீதந்தி? அத்தி² ஸியா அதீதம், ஸியா ந்வாதீதந்தி.

ஆஜானாஹி நிக்³க³ஹம். ஹஞ்சி அதீதம் அத்தி², அத்தி² ஸியா அதீதம், ஸியா ந்வாதீதம், தேனாதீதம் ந்வாதீதம், ந்வாதீதம் அதீதந்தி. யம் தத்த² வதே³ஸி – ‘‘வத்தப்³பே³ கோ² – ‘அதீதம் அத்தி² அத்தி² ஸியா அதீதம், ஸியா ந்வாதீதம், தேனாதீதம் ந்வாதீதம், ந்வாதீதம் அதீத’’’ந்தி மிச்சா².

நோ சே பன அதீதம் ந்வாதீதம் ந்வாதீதம் அதீதந்தி, நோ ச வத ரே வத்தப்³பே³ – ‘‘அதீதம் அத்தி² அத்தி² ஸியா அதீதம், ஸியா ந்வாதீத’’ந்தி. யம் தத்த² வதே³ஸி – ‘‘வத்தப்³பே³ கோ² – ‘அதீதம் அத்தி² அத்தி² ஸியா அதீதம், ஸியா ந்வாதீதம், தேனாதீதம் ந்வாதீதம், ந்வாதீதம் அதீத’’’ந்தி மிச்சா².

அனாக³தம் அத்தீ²தி? ஆமந்தா. அத்தி² அனாக³தந்தி? அத்தி² ஸியா அனாக³தம், ஸியா ந்வானாக³தந்தி.

ஆஜானாஹி நிக்³க³ஹம். ஹஞ்சி அனாக³தம் அத்தி² அத்தி² ஸியா அனாக³தம் ஸியா ந்வானாக³தம், தேனானாக³தம் ந்வானாக³தம், ந்வானாக³தம் அனாக³தந்தி. யம் தத்த² வதே³ஸி – ‘‘வத்தப்³பே³ கோ² – ‘அனாக³தம் அத்தி² அத்தி² ஸியா அனாக³தம், ஸியா ந்வானாக³தம், தேனானாக³தம் ந்வானாக³தம், ந்வானாக³தம் அனாக³த’’’ந்தி மிச்சா².

நோ சே பனானாக³தம் ந்வானாக³தம் ந்வானாக³தம் அனாக³தந்தி, நோ ச வத ரே வத்தப்³பே³ – ‘‘அனாக³தம் அத்தி² அத்தி² ஸியா அனாக³தம், ஸியா ந்வானாக³த’’ந்தி. யம் தத்த² வதே³ஸி – ‘‘வத்தப்³பே³ கோ² – ‘அனாக³தம் அத்தி² அத்தி² ஸியா அனாக³தம், ஸியா ந்வானாக³தம், தேனானாக³தம் ந்வானாக³தம், ந்வானாக³தம் அனாக³த’’’ந்தி மிச்சா².

பச்சுப்பன்னம் அத்தீ²தி, ஆமந்தா. அத்தி² பச்சுப்பன்னந்தி? அத்தி² ஸியா பச்சுப்பன்னம், ஸியா நோ பச்சுப்பன்னந்தி.

ஆஜானாஹி நிக்³க³ஹம். ஹஞ்சி பச்சுப்பன்னம் அத்தி² அத்தி² ஸியா பச்சுப்பன்னம், ஸியா நோ பச்சுப்பன்னம், தேன பச்சுப்பன்னம், நோ பச்சுப்பன்னம், நோ பச்சுப்பன்னம் பச்சுப்பன்னந்தி. யம் தத்த² வதே³ஸி – ‘‘வத்தப்³பே³ கோ² – ‘பச்சுப்பன்னம் அத்தி² அத்தி² ஸியா பச்சுப்பன்னம், ஸியா நோ பச்சுப்பன்னம், தேன பச்சுப்பன்னம் நோ பச்சுப்பன்னம், நோ பச்சுப்பன்னம் பச்சுப்பன்ன’’’ந்தி மிச்சா².

நோ சே பன பச்சுப்பன்னம் நோ பச்சுப்பன்னம், நோ பச்சுப்பன்னம் பச்சுப்பன்னந்தி, நோ ச வத ரே வத்தப்³பே³ – ‘‘பச்சுப்பன்னம் அத்தி² அத்தி² ஸியா பச்சுப்பன்னம், ஸியா நோ பச்சுப்பன்ன’’ந்தி. யம் தத்த² வதே³ஸி – ‘‘வத்தப்³பே³ கோ² – ‘பச்சுப்பன்னம் அத்தி² அத்தி² ஸியா பச்சுப்பன்னம், ஸியா நோ பச்சுப்பன்னம், தேன பச்சுப்பன்னம் நோ பச்சுப்பன்னம், நோ பச்சுப்பன்னம் பச்சுப்பன்ன’’’ந்தி மிச்சா².

நிப்³பா³னம் அத்தீ²தி? ஆமந்தா. அத்தி² நிப்³பா³னந்தி? அத்தி² ஸியா நிப்³பா³னம் ஸியா நோ நிப்³பா³னந்தி.

ஆஜானாஹி நிக்³க³ஹம். ஹஞ்சி நிப்³பா³னம் அத்தி² அத்தி² ஸியா நிப்³பா³னம், ஸியா நோ நிப்³பா³னம், தேன நிப்³பா³னம் நோ நிப்³பா³னம், நோ நிப்³பா³னம் நிப்³பா³னந்தி. யம் தத்த² வதே³ஸி – ‘‘வத்தப்³பே³ கோ² – ‘நிப்³பா³னம் அத்தி² அத்தி² ஸியா நிப்³பா³னம், ஸியா நோ நிப்³பா³னம், தேன நிப்³பா³னம் நோ நிப்³பா³னம், நோ நிப்³பா³னம் நிப்³பா³ன’’’ந்தி மிச்சா².

நோ சே பன நிப்³பா³னம் நோ நிப்³பா³னம், நோ நிப்³பா³னம் நிப்³பா³னந்தி, நோ ச வத ரே வத்தப்³பே³ – ‘‘நிப்³பா³னம் அத்தி² அத்தி² ஸியா நிப்³பா³னம், ஸியா நோ நிப்³பா³ன’’ந்தி. யம் தத்த² வதே³ஸி – ‘‘வத்தப்³பே³ கோ² – ‘நிப்³பா³னம் அத்தி² அத்தி² ஸியா நிப்³பா³னம், ஸியா நோ நிப்³பா³னம், தேன நிப்³பா³னம் நோ நிப்³பா³னம், நோ நிப்³பா³னம் நிப்³பா³ன’’’ந்தி மிச்சா².

ஸுத்தஸாத⁴னம்

296. ந வத்தப்³ப³ம் – ‘‘அதீதம் அத்தி², அனாக³தம் அத்தீ²’’தி? ஆமந்தா. நனு வுத்தம் ப⁴க³வதா – ‘‘யம் கிஞ்சி, பி⁴க்க²வே, ரூபம் அதீதானாக³தபச்சுப்பன்னம் அஜ்ஜ²த்தம் வா ப³ஹித்³தா⁴ வா ஓளாரிகம் வா ஸுகு²மம் வா ஹீனம் வா பணீதம் வா யம் தூ³ரே ஸந்திகே வா – அயம் வுச்சதி ரூபக்க²ந்தோ⁴. யா காசி வேத³னா… யா காசி ஸஞ்ஞா… யே கேசி ஸங்கா²ரா… யம் கிஞ்சி விஞ்ஞாணம் அதீதானாக³தபச்சுப்பன்னம் அஜ்ஜ²த்தம் வா ப³ஹித்³தா⁴ வா ஓளாரிகம் வா ஸுகு²மம் வா ஹீனம் வா பணீதம் வா யம் தூ³ரே ஸந்திகே வா – அயம் வுச்சதி விஞ்ஞாணக்க²ந்தோ⁴’’தி [ஸம். நி. 3.48]. அத்தே²வ ஸுத்தந்தோதி? ஆமந்தா. தேன ஹி அதீதம் அத்தி², அனாக³தம் அத்தீ²தி.

அதீதம் அத்தி², அனாக³தம் அத்தீ²தி? ஆமந்தா. நனு வுத்தம் ப⁴க³வதா – ‘‘தயோமே, பி⁴க்க²வே, நிருத்திபதா² அதி⁴வசனபதா² பஞ்ஞத்திபதா² அஸங்கிண்ணா அஸங்கிண்ணபுப்³பா³ ந ஸங்கியந்தி ந ஸங்கியிஸ்ஸந்தி அப்படிகுட்டா² ஸமணேஹி ப்³ராஹ்மணேஹி விஞ்ஞூஹி. கதமே தயோ? யம், பி⁴க்க²வே, ரூபம் அதீதம் நிருத்³த⁴ம் விக³தம் விபரிணதம் ‘அஹோஸீ’தி தஸ்ஸ ஸங்கா², ‘அஹோஸீ’தி தஸ்ஸ ஸமஞ்ஞா, ‘அஹோஸீ’தி தஸ்ஸ பஞ்ஞத்தி; ந தஸ்ஸ ஸங்கா² ‘அத்தீ²’தி, ந தஸ்ஸ ஸங்கா² ‘ப⁴விஸ்ஸதீ’தி. யா வேத³னா…பே… யா ஸஞ்ஞா… யே ஸங்கா²ரா… யம் விஞ்ஞாணம் அதீதம் நிருத்³த⁴ம் விக³தம் விபரிணதம் ‘அஹோஸீ’தி தஸ்ஸ ஸங்கா², ‘அஹோஸீ’தி தஸ்ஸ ஸமஞ்ஞா, ‘அஹோஸீ’தி தஸ்ஸ பஞ்ஞத்தி; ந தஸ்ஸ ஸங்கா² ‘அத்தீ²’தி, ந தஸ்ஸ ஸங்கா² ‘ப⁴விஸ்ஸதீ’தி.

‘‘யம், பி⁴க்க²வே, ரூபம் அஜாதம் அபாதுபூ⁴தம் ‘ப⁴விஸ்ஸதீ’தி தஸ்ஸ ஸங்கா², ‘ப⁴விஸ்ஸதீ’தி தஸ்ஸ ஸமஞ்ஞா, ‘ப⁴விஸ்ஸதீ’தி தஸ்ஸ பஞ்ஞத்தி; ந தஸ்ஸ ஸங்கா² ‘அத்தீ²’தி, ந தஸ்ஸ ஸங்கா² ‘அஹோஸீ’தி. யா வேத³னா…பே… யா ஸஞ்ஞா… யே ஸங்கா²ரா… யம் விஞ்ஞாணம் அஜாதம் அபாதுபூ⁴தம் ‘ப⁴விஸ்ஸதீ’தி தஸ்ஸ ஸங்கா², ‘ப⁴விஸ்ஸதீ’தி தஸ்ஸ ஸமஞ்ஞா, ‘ப⁴விஸ்ஸதீ’தி தஸ்ஸ பஞ்ஞத்தி; ந தஸ்ஸ ஸங்கா² ‘அத்தீ²’தி, ந தஸ்ஸ ஸங்கா² ‘அஹோஸீ’தி.

‘‘யம், பி⁴க்க²வே, ரூபம் ஜாதம் பாதுபூ⁴தம் ‘அத்தீ²’தி தஸ்ஸ ஸங்கா², ‘அத்தீ²’தி தஸ்ஸ ஸமஞ்ஞா, ‘அத்தீ²’தி தஸ்ஸ பஞ்ஞத்தி; ந தஸ்ஸ ஸங்கா² ‘அஹோஸீ’தி, ந தஸ்ஸ ஸங்கா² ‘ப⁴விஸ்ஸதீ’தி. யா வேத³னா…பே… யா ஸஞ்ஞா… யே ஸங்கா²ரா… யம் விஞ்ஞாணம் ஜாதம் பாதுபூ⁴தம் ‘அத்தீ²’தி தஸ்ஸ ஸங்கா², ‘அத்தீ²’தி தஸ்ஸ ஸமஞ்ஞா, ‘அத்தீ²’தி தஸ்ஸ பஞ்ஞத்தி; ந தஸ்ஸ ஸங்கா² ‘அஹோஸீ’தி, ந தஸ்ஸ ஸங்கா² ‘ப⁴விஸ்ஸதீ’தி. இமே கோ², பி⁴க்க²வே, தயோ நிருத்திபதா² அதி⁴வசனபதா² பஞ்ஞத்திபதா² அஸங்கிண்ணா அஸங்கிண்ணபுப்³பா³ ந ஸங்கியந்தி ந ஸங்கியிஸ்ஸந்தி அப்படிகுட்டா² ஸமணேஹி ப்³ராஹ்மணேஹி விஞ்ஞூஹி.

‘‘யேபி தே, பி⁴க்க²வே, அஹேஸும் உக்கலா வஸ்ஸப⁴ஞ்ஞா அஹேதுகவாதா³ அகிரியவாதா³ நத்தி²கவாதா³, தேபிமே தயோ நிருத்திபதே² அதி⁴வசனபதே² பஞ்ஞத்திபதே² ந க³ரஹிதப்³ப³ம் ந படிக்கோஸிதப்³ப³ம் அமஞ்ஞிம்ஸு. தம் கிஸ்ஸ ஹேது? நிந்தா³ப்³யாரோஸஉபாரம்ப⁴ப⁴யா’’தி [ஸம்யுத்தனிகாயே]. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அதீதம் அத்தி², அனாக³தம் அத்தீ²’’தி.

அதீதம் அத்தீ²தி? ஆமந்தா. நனு ஆயஸ்மா ப²க்³கு³னோ ப⁴க³வந்தம் ஏதத³வோச – ‘‘அத்தி² நு கோ² தம், ப⁴ந்தே, சக்கு²ம் யேன சக்கு²னா அதீதே பு³த்³தே⁴ பரினிப்³பு³தே சி²ன்னபபஞ்சே சி²ன்னவடுமே பரியாதி³ன்னவட்டே ஸப்³ப³து³க்க²வீதிவத்தே பஞ்ஞாபயமானோ பஞ்ஞாபேய்யாதி. அத்தி² நு கோ² ஸா, ப⁴ந்தே, ஜிவ்ஹா…பே… அத்தி² நு கோ² ஸோ, ப⁴ந்தே, மனோ யேன மனேன அதீதே பு³த்³தே⁴ பரினிப்³பு³தே சி²ன்னபபஞ்சே சி²ன்னவடுமே பரியாதி³ன்னவட்டே ஸப்³ப³து³க்க²வீதிவத்தே பஞ்ஞாபயமானோ பஞ்ஞாபேய்யா’’தி.

‘‘நத்தி² கோ² தம், ப²க்³கு³ன, சக்கு²ம் யேன சக்கு²னா அதீதே பு³த்³தே⁴ பரினிப்³பு³தே சி²ன்னபபஞ்சே சி²ன்னவடுமே பரியாதி³ன்னவட்டே ஸப்³ப³து³க்க²வீதிவத்தே பஞ்ஞாபயமானோ பஞ்ஞாபேய்ய. நத்தி² கோ² ஸா, ப²க்³கு³ன, ஜிவ்ஹா…பே… நத்தி² நு கோ² ஸோ, ப²க்³கு³ன, மனோ யேன மனேன அதீதே பு³த்³தே⁴ பரினிப்³பு³தே சி²ன்னபபஞ்சே சி²ன்னவடுமே பரியாதி³ன்னவட்டே ஸப்³ப³து³க்க²வீதிவத்தே பஞ்ஞாபயமானோ பஞ்ஞாபேய்யா’’தி [ஸம். நி. 4.83]. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அதீதம் அத்தீ²’’தி.

அதீதம் அத்தீ²தி? ஆமந்தா. நனு ஆயஸ்மா நந்த³கோ ஏதத³வோச – ‘‘அஹு புப்³பே³ லோபோ⁴ தத³ஹு அகுஸலம், ஸோ ஏதரஹி நத்தி², இச்சேதம் குஸலம். அஹு புப்³பே³ தோ³ஸோ… அஹு புப்³பே³ மோஹோ, தத³ஹு அகுஸலம், ஸோ ஏதரஹி நத்தி², இச்சேதம் குஸல’’ந்தி [அங்கு³த்தரனிகாயே]. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அதீதம் அத்தீ²’’தி.

ந வத்தப்³ப³ம் – ‘‘அனாக³தம் அத்தீ²’’தி? ஆமந்தா. நனு வுத்தம் ப⁴க³வதா – ‘‘கப³ளீகாரே சே, பி⁴க்க²வே, ஆஹாரே அத்தி² ராகோ³, அத்தி² நந்தீ³, அத்தி² தண்ஹா; பதிட்டி²தம் தத்த² விஞ்ஞாணம் விரூள்ஹம். யத்த² பதிட்டி²தம் விஞ்ஞாணம் விரூள்ஹம், அத்தி² தத்த² நாமரூபஸ்ஸ அவக்கந்தி. யத்த² அத்தி² நாமரூபஸ்ஸ அவக்கந்தி, அத்தி² தத்த² ஸங்கா²ரானம் வுத்³தி⁴. யத்த² அத்தி² ஸங்கா²ரானம் வுத்³தி⁴, அத்தி² தத்த² ஆயதிம் புனப்³ப⁴வாபி⁴னிப்³ப³த்தி. யத்த² அத்தி² ஆயதிம் புனப்³ப⁴வாபி⁴னிப்³ப³த்தி, அத்தி² தத்த² ஆயதிம் ஜாதிஜராமரணம். யத்த² அத்தி² ஆயதிம் ஜாதிஜராமரணம், ஸஸோகம் தம், பி⁴க்க²வே, ஸரஜம் [ஸத³ரம் (ஸம். நி. 2.64) ததே³வ யுத்ததரம்] ஸஉபாயாஸந்தி வதா³மி.

‘‘ப²ஸ்ஸே சே, பி⁴க்க²வே, ஆஹாரே… மனோஸஞ்சேதனாய சே, பி⁴க்க²வே, ஆஹாரே… விஞ்ஞாணே சே, பி⁴க்க²வே, ஆஹாரே அத்தி² ராகோ³, அத்தி² நந்தீ³…பே… ஸரஜம் ஸஉபாயாஸந்தி வதா³மீ’’தி [ஸம். நி. 2.64]. அத்தே²வ ஸுத்தந்தோதி? ஆமந்தா. தேன ஹி அனாக³தம் அத்தீ²தி.

அனாக³தம் அத்தீ²தி? ஆமந்தா. நனு வுத்தம் ப⁴க³வதா – ‘‘கப³ளீகாரே சே, பி⁴க்க²வே, ஆஹாரே நத்தி² ராகோ³, நத்தி² நந்தீ³, நத்தி² தண்ஹா; அப்பதிட்டி²தம் தத்த² விஞ்ஞாணம் அவிரூள்ஹம். யத்த² விஞ்ஞாணம் அப்பதிட்டி²தம் அவிரூள்ஹம், நத்தி² தத்த² நாமரூபஸ்ஸ அவக்கந்தி. யத்த² நத்தி² நாமரூபஸ்ஸ அவக்கந்தி, நத்தி² தத்த² ஸங்கா²ரானம் வுத்³தி⁴. யத்த² நத்தி² ஸங்கா²ரானம் வுத்³தி⁴, நத்தி² தத்த² ஆயதிம் புனப்³ப⁴வாபி⁴னிப்³ப³த்தி. யத்த² நத்தி² ஆயதிம் புனப்³ப⁴வாபி⁴னிப்³ப³த்தி, நத்தி² தத்த² ஆயதிம் ஜாதிஜராமரணம். யத்த² நத்தி² ஆயதிம் ஜாதிஜராமரணம், அஸோகம் தம், பி⁴க்க²வே, அரஜம் அனுபாயாஸந்தி வதா³மி.

‘‘ப²ஸ்ஸே சே, பி⁴க்க²வே, ஆஹாரே… மனோஸஞ்சேதனாய சே, பி⁴க்க²வே, ஆஹாரே… விஞ்ஞாணே சே, பி⁴க்க²வே, ஆஹாரே நத்தி² ராகோ³, நத்தி² நந்தீ³…பே… அரஜம் அனுபாயாஸந்தி வதா³மீ’’தி [ஸம். நி. 2.64]. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அனாக³தம் அத்தீ²’’தி.

ஸப்³ப³மத்தீ²திகதா² நிட்டி²தா.