4. ஜஹதிகதா²

1. நஸுத்தாஹரணகதா²

279. ஜஹதி புது²ஜ்ஜனோ காமராக³ப்³யாபாத³ந்தி? ஆமந்தா. அச்சந்தம் ஜஹதி, அனவஸேஸம் ஜஹதி, அப்படிஸந்தி⁴யம் ஜஹதி, ஸமூலம் ஜஹதி, ஸதண்ஹம் ஜஹதி, ஸானுஸயம் ஜஹதி, அரியேன ஞாணேன ஜஹதி, அரியேன மக்³கே³ன ஜஹதி, அகுப்பம் படிவிஜ்ஜ²ந்தோ ஜஹதி, அனாகா³மிப²லம் ஸச்சி²கரோந்தோ ஜஹதீதி? ந ஹேவம் வத்தப்³பே³…பே….

விக்க²ம்பே⁴தி புது²ஜ்ஜனோ காமராக³ப்³யாபாத³ந்தி? ஆமந்தா. அச்சந்தம் விக்க²ம்பே⁴தி, அனவஸேஸம் விக்க²ம்பே⁴தி, அப்படிஸந்தி⁴யம் விக்க²ம்பே⁴தி, ஸமூலம் விக்க²ம்பே⁴தி, ஸதண்ஹம் விக்க²ம்பே⁴தி, ஸானுஸயம் விக்க²ம்பே⁴தி, அரியேன ஞாணேன விக்க²ம்பே⁴தி, அரியேன மக்³கே³ன விக்க²ம்பே⁴தி, அகுப்பம் படிவிஜ்ஜ²ந்தோ விக்க²ம்பே⁴தி, அனாகா³மிப²லம் ஸச்சி²கரோந்தோ விக்க²ம்பே⁴தீதி? ந ஹேவம் வத்தப்³பே³…பே….

ஜஹதி அனாகா³மிப²லஸச்சி²கிரியாய படிபன்னோ புக்³க³லோ காமராக³ப்³யாபாத³ம், ஸோ ச அச்சந்தம் ஜஹதி, அனவஸேஸம் ஜஹதி…பே… அனாகா³மிப²லம் ஸச்சி²கரோந்தோ ஜஹதீதி? ஆமந்தா. ஜஹதி புது²ஜ்ஜனோ காமராக³ப்³யாபாத³ம், ஸோ ச அச்சந்தம் ஜஹதி, அனவஸேஸம் ஜஹதி…பே… அனாகா³மிப²லம் ஸச்சி²கரோந்தோ ஜஹதீதி? ந ஹேவம் வத்தப்³பே³…பே….

விக்க²ம்பே⁴தி அனாகா³மிப²லஸச்சி²கிரியாய படிபன்னோ புக்³க³லோ காமராக³ப்³யாபாத³ம், ஸோ ச அச்சந்தம் விக்க²ம்பே⁴தி, அனவஸேஸம் விக்க²ம்பே⁴தி…பே… அனாகா³மிப²லம் ஸச்சி²கரோந்தோ விக்க²ம்பே⁴தீதி? ஆமந்தா. விக்க²ம்பே⁴தி புது²ஜ்ஜனோ காமராக³ப்³யாபாத³ம், ஸோ ச அச்சந்தம் விக்க²ம்பே⁴தி, அனவஸேஸம் விக்க²ம்பே⁴தி …பே… அனாகா³மிப²லம் ஸச்சி²கரோந்தோ விக்க²ம்பே⁴தீதி? ந ஹேவம் வத்தப்³பே³…பே….

ஜஹதி புது²ஜ்ஜனோ காமராக³ப்³யாபாத³ம், ஸோ ச ந அச்சந்தம் ஜஹதி, ந அனவஸேஸம் ஜஹதி…பே… ந அனாகா³மிப²லம் ஸச்சி²கரோந்தோ ஜஹதீதி? ஆமந்தா. ஜஹதி அனாகா³மிப²லஸச்சி²கிரியாய படிபன்னோ புக்³க³லோ காமராக³ப்³யாபாத³ம், ஸோ ச ந அச்சந்தம் ஜஹதி…பே… ந அனாகா³மிப²லம் ஸச்சி²கரோந்தோ ஜஹதீதி? ந ஹேவம் வத்தப்³பே³…பே….

விக்க²ம்பே⁴தி புது²ஜ்ஜனோ காமராக³ப்³யாபாத³ம், ஸோ ச ந அச்சந்தம் விக்க²ம்பே⁴தி, ந அனவஸேஸம் விக்க²ம்பே⁴தி…பே… ந அனாகா³மிப²லம் ஸச்சி²கரோந்தோ விக்க²ம்பே⁴தீதி? ஆமந்தா. விக்க²ம்பே⁴தி அனாகா³மிப²லஸச்சி²கிரியாய படிபன்னோ புக்³க³லோ காமராக³ப்³யாபாத³ம், ஸோ ச ந அச்சந்தம் விக்க²ம்பே⁴தி, ந அனவஸேஸம் விக்க²ம்பே⁴தி…பே… ந அனாகா³மிப²லம் ஸச்சி²கரோந்தோ விக்க²ம்பே⁴தீதி? ந ஹேவம் வத்தப்³பே³…பே….

ஜஹதி புது²ஜ்ஜனோ காமராக³ப்³யாபாத³ந்தி? ஆமந்தா. கதமேன மக்³கே³னாதி? ரூபாவசரேன மக்³கே³னாதி. ரூபாவசரோ மக்³கோ³ நிய்யானிகோ க²யகா³மீ போ³த⁴கா³மீ அபசயகா³மீ அனாஸவோ அஸம்யோஜனியோ அக³ந்த²னியோ அனோக⁴னியோ அயோக³னியோ அனீவரணியோ அபராமட்டோ² அனுபாதா³னியோ அஸம்கிலேஸியோதி? ந ஹேவம் வத்தப்³பே³. நனு ரூபாவசரோ மக்³கோ³ அனிய்யானிகோ ந க²யகா³மீ ந போ³த⁴கா³மீ ந அபசயகா³மீ ஸாஸவோ ஸம்யோஜனியோ…பே… ஸம்கிலேஸியோதி? ஆமந்தா. ஹஞ்சி ரூபாவசரோ மக்³கோ³ அனிய்யானிகோ ந க²யகா³மீ…பே… ஸம்கிலேஸியோ, நோ ச வத ரே வத்தப்³பே³ – ‘‘ஜஹதி புது²ஜ்ஜனோ ரூபாவசரேன மக்³கே³ன காமராக³ப்³யாபாத³’’ந்தி.

ஜஹதி அனாகா³மிப²லஸச்சி²கிரியாய படிபன்னோ புக்³க³லோ அனாகா³மிமக்³கே³ன காமராக³ப்³யாபாத³ம், ஸோ ச மக்³கோ³ நிய்யானிகோ க²யகா³மீ போ³த⁴கா³மீ அபசயகா³மீ அனாஸவோ…பே… அஸம்கிலேஸியோதி? ஆமந்தா. ஜஹதி புது²ஜ்ஜனோ ரூபாவசரேன மக்³கே³ன காமராக³ப்³யாபாத³ம், ஸோ ச மக்³கோ³ நிய்யானிகோ க²யகா³மீ போ³த⁴கா³மீ அபசயகா³மீ அனாஸவோ…பே… அஸம்கிலேஸியோதி? ந ஹேவம் வத்தப்³பே³…பே….

ஜஹதி புது²ஜ்ஜனோ ரூபாவசரேன மக்³கே³ன காமராக³ப்³யாபாத³ம், ஸோ ச மக்³கோ³ அனிய்யானிகோ ந க²யகா³மீ ந போ³த⁴கா³மீ ந அபசயகா³மீ ஸாஸவோ…பே… ஸம்கிலேஸியோதி? ஆமந்தா. ஜஹதி அனாகா³மிப²லஸச்சி²கிரியாய படிபன்னோ புக்³க³லோ அனாகா³மிமக்³கே³ன காமராக³ப்³யாபாத³ம், ஸோ ச மக்³கோ³ அனிய்யானிகோ ந க²யகா³மீ ந போ³த⁴கா³மீ ந அபசயகா³மீ ஸாஸவோ…பே… ஸம்கிலேஸியோதி? ந ஹேவம் வத்தப்³பே³…பே….

280. புது²ஜ்ஜனோ காமேஸு வீதராகோ³ ஸஹ த⁴ம்மாபி⁴ஸமயா அனாகா³மிப²லே ஸண்டா²தீதி? ஆமந்தா. அரஹத்தே ஸண்டா²தீதி? ந ஹேவம் வத்தப்³பே³…பே….

புது²ஜ்ஜனோ காமேஸு வீதராகோ³ ஸஹ த⁴ம்மாபி⁴ஸமயா அனாகா³மிப²லே ஸண்டா²தீதி? ஆமந்தா. அபுப்³ப³ம் அசரிமம் தயோ மக்³கே³ பா⁴வேதீதி? ந ஹேவம் வத்தப்³பே³…பே….

அபுப்³ப³ம் அசரிமம் தயோ மக்³கே³ பா⁴வேதீதி? ஆமந்தா. அபுப்³ப³ம் அசரிமம் தீணி ஸாமஞ்ஞப²லானி ஸச்சி²கரோதீதி? ந ஹேவம் வத்தப்³பே³…பே….

அபுப்³ப³ம் அசரிமம் தீணி ஸாமஞ்ஞப²லானி ஸச்சி²கரோதீதி? ஆமந்தா. திண்ணம் ப²ஸ்ஸானம் திஸ்ஸன்னம் வேத³னானம் திஸ்ஸன்னம் ஸஞ்ஞானம் திஸ்ஸன்னம் சேதனானம் திண்ணம் சித்தானம் திஸ்ஸன்னம் ஸத்³தா⁴னம் திண்ணம் வீரியானம் திஸ்ஸன்னம் ஸதீனம் திண்ணம் ஸமாதீ⁴னம் திஸ்ஸன்னம் பஞ்ஞானம் ஸமோதா⁴னம் ஹோதீதி? ந ஹேவம் வத்தப்³பே³…பே….

புது²ஜ்ஜனோ காமேஸு வீதராகோ³ ஸஹ த⁴ம்மாபி⁴ஸமயா அனாகா³மிப²லே ஸண்டா²தீதி? ஆமந்தா. ஸோதாபத்திமக்³கே³னாதி? ந ஹேவம் வத்தப்³பே³…பே….

ஸகதா³கா³மிமக்³கே³னாதி? ந ஹேவம் வத்தப்³பே³. கதமேன மக்³கே³னாதி? அனாகா³மிமக்³கே³னாதி. அனாகா³மிமக்³கே³ன ஸக்காயதி³ட்டி²ம் விசிகிச்ச²ம் ஸீலப்³ப³தபராமாஸம் ஜஹதீதி? ந ஹேவம் வத்தப்³பே³…பே….

2. ஸுத்தாஹரணகதா²

281. அனாகா³மிமக்³கே³ன ஸக்காயதி³ட்டி²ம் விசிகிச்ச²ம் ஸீலப்³ப³தபராமாஸம் ஜஹதீதி? ஆமந்தா. நனு திண்ணம் ஸம்யோஜனானம் பஹானா ஸோதாபத்திப²லம் வுத்தம் ப⁴க³வதாதி? ஆமந்தா. ஹஞ்சி திண்ணம் ஸம்யோஜனானம் பஹானா ஸோதாபத்திப²லம் வுத்தம் ப⁴க³வதா, நோ ச வத ரே வத்தப்³பே³ – ‘‘அனாகா³மிமக்³கே³ன ஸக்காயதி³ட்டி²ம் விசிகிச்ச²ம் ஸீலப்³ப³தபராமாஸம் ஜஹதீ’’தி. அனாகா³மிமக்³கே³ன ஓளாரிகம் காமராக³ம் ஓளாரிகம் ப்³யாபாத³ம் ஜஹதீதி? ந ஹேவம் வத்தப்³பே³…பே….

அனாகா³மிமக்³கே³ன ஓளாரிகம் காமராக³ம் ஓளாரிகம் ப்³யாபாத³ம் ஜஹதீதி? ஆமந்தா. நனு காமராக³ப்³யாபாதா³னம் தனுபா⁴வா ஸகதா³கா³மிப²லம் வுத்தம் ப⁴க³வதாதி? ஆமந்தா. ஹஞ்சி காமராக³ப்³யாபாதா³னம் தனுபா⁴வா ஸகதா³கா³மிப²லம் வுத்தம் ப⁴க³வதா, நோ ச வத ரே வத்தப்³பே³ – ‘‘அனாகா³மிமக்³கே³ன ஓளாரிகம் காமராக³ம் ஓளாரிகம் ப்³யாபாத³ம் ஜஹதீ’’தி.

புது²ஜ்ஜனோ காமேஸு வீதராகோ³ ஸஹ த⁴ம்மாபி⁴ஸமயா அனாகா³மிப²லே ஸண்டா²தீதி? ஆமந்தா. யே கேசி த⁴ம்மம் அபி⁴ஸமேந்தி, ஸப்³பே³ தே ஸஹ த⁴ம்மாபி⁴ஸமயா அனாகா³மிப²லே ஸண்ட²ஹந்தீதி? ந ஹேவம் வத்தப்³பே³…பே….

ந வத்தப்³ப³ம் – ‘‘ஜஹதி புது²ஜ்ஜனோ காமராக³ப்³யாபாத³’’ந்தி? ஆமந்தா. நனு வுத்தம் ப⁴க³வதா –

‘‘அஹேஸும் தே [அஹிம்ஸகா (அ. நி. 6.54)] அதீதம்ஸே, ச² ஸத்தா²ரோ யஸஸ்ஸினோ;

நிராமக³ந்தா⁴ கருணேதி⁴முத்தா [கருணாதி⁴முத்தா (ஸீ. க.)], காமஸம்யோஜனாதிகா³.

‘‘காமராக³ம் விராஜேத்வா, ப்³ரஹ்மலோகூபகா³ அஹு;

அஹேஸும் ஸாவகா தேஸம், அனேகானி ஸதானிபி.

‘‘நிராமக³ந்தா⁴ கருணேதி⁴முத்தா, காமஸம்யோஜனாதிகா³;

காமராக³ம் விராஜேத்வா, ப்³ரஹ்மலோகூபகா³ அஹூ’’தி [அ. நி. 6.54].

அத்தே²வ ஸுத்தந்தோதி? ஆமந்தா. தேன ஹி ஜஹதி புது²ஜ்ஜனோ காமராக³ப்³யாபாத³ந்தி.

ஜஹதி புது²ஜ்ஜனோ காமராக³ப்³யாபாத³ந்தி? ஆமந்தா. நனு வுத்தம் ப⁴க³வதா – ‘‘ஸோ ஹி நாம, பி⁴க்க²வே, ஸுனேத்தோ ஸத்தா² ஏவம் தீ³கா⁴யுகோ ஸமானோ ஏவம் சிரட்டி²திகோ அபரிமுத்தோ அஹோஸி ஜாதியா ஜராய மரணேன ஸோகேஹி பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி அபரிமுத்தோ து³க்க²ஸ்மாதி வதா³மி. தம் கிஸ்ஸ ஹேது? சதுன்னம் த⁴ம்மானம் அனனுபோ³தா⁴ அப்படிவேதா⁴. கதமேஸம் சதுன்னம்? அரியஸ்ஸ ஸீலஸ்ஸ அனனுபோ³தா⁴ அப்படிவேதா⁴, அரியஸ்ஸ ஸமாதி⁴ஸ்ஸ, அரியாய பஞ்ஞாய, அரியாய விமுத்தியா அனனுபோ³தா⁴ அப்படிவேதா⁴. தயித³ம், பி⁴க்க²வே, அரியம் ஸீலம் அனுபு³த்³த⁴ம் படிவித்³த⁴ம், அரியோ ஸமாதி⁴ அனுபு³த்³தோ⁴ படிவித்³தோ⁴, அரியா பஞ்ஞா அனுபு³த்³தா⁴ படிவித்³தா⁴, அரியா விமுத்தி அனுபு³த்³தா⁴ படிவித்³தா⁴, உச்சி²ன்னா ப⁴வதண்ஹா, கீ²ணா ப⁴வனேத்தி, நத்தி² தா³னி புனப்³ப⁴வோதி.

‘‘ஸீலம் ஸமாதி⁴ பஞ்ஞா ச, விமுத்தி ச அனுத்தரா;

அனுபு³த்³தா⁴ இமே த⁴ம்மா, கோ³தமேன யஸஸ்ஸினா.

‘‘இதி பு³த்³தோ⁴ அபி⁴ஞ்ஞாய, த⁴ம்மமக்கா²ஸி பி⁴க்கு²னம்;

து³க்க²ஸ்ஸந்தகரோ ஸத்தா², சக்கு²மா பரினிப்³பு³தோ’’தி [அ. நி. 7.66].

அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘ஜஹதி புது²ஜ்ஜனோ காமராக³ப்³யாபாத³’’ந்தி.

ஜஹதிகதா² நிட்டி²தா.