15. பன்னரஸமவக்³கோ³

(150) 6. ஜராமரணகதா²

726. லோகுத்தரானம் த⁴ம்மானம் ஜராமரணம் லோகுத்தரந்தி? ஆமந்தா. மக்³கோ³ ப²லம் நிப்³பா³னம், ஸோதாபத்திமக்³கோ³ ஸோதாபத்திப²லம்…பே… போ³ஜ்ஜ²ங்கோ³தி? ந ஹேவம் வத்தப்³பே³…பே… ஸோதாபத்திமக்³க³ஸ்ஸ ஜராமரணம் ஸோதாபத்திமக்³கோ³தி? ந ஹேவம் வத்தப்³பே³…பே… ஸோதாபத்திமக்³க³ஸ்ஸ ஜராமரணம் ஸோதாபத்திமக்³கோ³தி? ஆமந்தா. ஸோதாபத்திப²லஸ்ஸ ஜராமரணம் ஸோதாபத்திப²லந்தி? ந ஹேவம் வத்தப்³பே³ …பே… ஸகதா³கா³மிமக்³க³ஸ்ஸ…பே… ஸகதா³கா³மிப²லஸ்ஸ…பே… அனாகா³மிமக்³க³ஸ்ஸ…பே… அனாகா³மிப²லஸ்ஸ…பே… அரஹத்தமக்³க³ஸ்ஸ ஜராமரணம் அரஹத்தமக்³கோ³தி? ந ஹேவம் வத்தப்³பே³…பே… அரஹத்தமக்³க³ஸ்ஸ ஜராமரணம் அரஹத்தமக்³கோ³தி? ஆமந்தா. அரஹத்தப²லஸ்ஸ ஜராமரணம் அரஹத்தப²லந்தி? ந ஹேவம் வத்தப்³பே³…பே… ஸதிபட்டா²னானம்… ஸம்மப்பதா⁴னானம்… இத்³தி⁴பாதா³னம்… இந்த்³ரியானம்… ப³லானம்… போ³ஜ்ஜ²ங்கா³னம் ஜராமரணம் போ³ஜ்ஜ²ங்கோ³தி? ந ஹேவம் வத்தப்³பே³…பே….

727. ந வத்தப்³ப³ம் – ‘‘லோகுத்தரானம் த⁴ம்மானம் ஜராமரணம் லோகுத்தரந்தி? ஆமந்தா. லோகியந்தி? ந ஹேவம் வத்தப்³பே³. தேன ஹி லோகுத்தரந்தி.

ஜராமரணகதா² நிட்டி²தா.