15. பன்னரஸமவக்³கோ³

(147) 3. அத்³தா⁴கதா²

720. அத்³தா⁴ பரினிப்ப²ன்னோதி? ஆமந்தா. ரூபந்தி? ந ஹேவம் வத்தப்³பே³…பே… வேத³னா…பே… ஸஞ்ஞா…பே… ஸங்கா²ரா…பே… விஞ்ஞாணந்தி? ந ஹேவம் வத்தப்³பே³…பே… அதீதோ அத்³தா⁴ பரினிப்ப²ன்னோதி? ஆமந்தா. ரூபந்தி? ந ஹேவம் வத்தப்³பே³…பே… வேத³னா…பே… ஸஞ்ஞா…பே… ஸங்கா²ரா…பே… விஞ்ஞாணந்தி? ந ஹேவம் வத்தப்³பே³…பே… அனாக³தோ அத்³தா⁴ பரினிப்ப²ன்னோதி? ஆமந்தா. ரூபந்தி? ந ஹேவம் வத்தப்³பே³…பே… வேத³னா…பே… ஸஞ்ஞா…பே… ஸங்கா²ரா…பே… விஞ்ஞாணந்தி? ந ஹேவம் வத்தப்³பே³…பே… பச்சுப்பன்னோ அத்³தா⁴ பரினிப்ப²ன்னோதி? ஆமந்தா. ரூபந்தி? ந ஹேவம் வத்தப்³பே³…பே… வேத³னா…பே… ஸஞ்ஞா…பே… ஸங்கா²ரா…பே… விஞ்ஞாணந்தி? ந ஹேவம் வத்தப்³பே³…பே….

அதீதம் ரூபம் வேத³னா ஸஞ்ஞா ஸங்கா²ரா விஞ்ஞாணம் அதீதோ அத்³தா⁴தி? ஆமந்தா. அதீதா பஞ்சத்³தா⁴தி? ந ஹேவம் வத்தப்³பே³…பே… அனாக³தம் ரூபம் வேத³னா ஸஞ்ஞா ஸங்கா²ரா விஞ்ஞாணம் அனாக³தோ அத்³தா⁴தி? ஆமந்தா. அனாக³தா பஞ்சத்³தா⁴தி? ந ஹேவம் வத்தப்³பே³…பே… பச்சுப்பன்னம் ரூபம் வேத³னா ஸஞ்ஞா ஸங்கா²ரா விஞ்ஞாணம் பச்சுப்பன்னோ அத்³தா⁴தி? ஆமந்தா. பச்சுப்பன்னா பஞ்சத்³தா⁴தி? ந ஹேவம் வத்தப்³பே³…பே….

அதீதா பஞ்சக்க²ந்தா⁴ அதீதோ அத்³தா⁴, அனாக³தா பஞ்சக்க²ந்தா⁴ அனாக³தோ அத்³தா⁴, பச்சுப்பன்னா பஞ்சக்க²ந்தா⁴ பச்சுப்பன்னோ அத்³தா⁴தி? ஆமந்தா. பன்னரஸத்³தா⁴தி? ந ஹேவம் வத்தப்³பே³…பே….

அதீதானி த்³வாத³ஸாயதனானி அதீதோ அத்³தா⁴, அனாக³தானி த்³வாத³ஸாயதனானி அனாக³தோ அத்³தா⁴, பச்சுப்பன்னானி த்³வாத³ஸாயதனானி பச்சுப்பன்னோ அத்³தா⁴தி? ஆமந்தா. ச²த்திம்ஸ அத்³தா⁴தி? ந ஹேவம் வத்தப்³பே³…பே….

அதீதா அட்டா²ரஸ தா⁴துயோ அதீதோ அத்³தா⁴, அனாக³தா அட்டா²ரஸ தா⁴துயோ அனாக³தோ அத்³தா⁴, பச்சுப்பன்னா அட்டா²ரஸ தா⁴துயோ பச்சுப்பன்னோ அத்³தா⁴தி? ஆமந்தா. சதுபஞ்ஞாஸ அத்³தா⁴தி? ந ஹேவம் வத்தப்³பே³…பே….

அதீதானி பா³வீஸதிந்த்³ரியானி அதீதோ அத்³தா⁴, அனாக³தானி பா³வீஸதிந்த்³ரியானி அனாக³தோ அத்³தா⁴, பச்சுப்பன்னானி பா³வீஸதிந்த்³ரியானி பச்சுப்பன்னோ அத்³தா⁴தி? ஆமந்தா. ச²ஸட்டி² அத்³தா⁴தி? ந ஹேவம் வத்தப்³பே³…பே….

721. ந வத்தப்³ப³ம் – ‘‘அத்³தா⁴ பரினிப்ப²ன்னோதி? ஆமந்தா. நனு வுத்தம் ப⁴க³வதா – ‘‘தீணிமானி, பி⁴க்க²வே, கதா²வத்தூ²னி! கதமானி தீணி? அதீதம் வா, பி⁴க்க²வே, அத்³தா⁴னம் ஆரப்³ப⁴ கத²ம் கதே²ய்ய – ‘ஏவம் அஹோஸி அதீதமத்³தா⁴ன’ந்தி; அனாக³தம் வா, பி⁴க்க²வே, அத்³தா⁴னம் ஆரப்³ப⁴ கத²ம் கதே²ய்ய – ‘ஏவம் ப⁴விஸ்ஸதி அனாக³தமத்³தா⁴ன’ந்தி; ஏதரஹி வா, பி⁴க்க²வே, பச்சுப்பன்னம் அத்³தா⁴னம் ஆரப்³ப⁴ கத²ம் கதே²ய்ய – ‘ஏவம் ஹோதி ஏதரஹி பச்சுப்பன்ன’ந்தி. இமானி கோ², பி⁴க்க²வே, தீணி கதா²வத்தூ²னீ’’தி [அ. நி. 3.68; தீ³. நி. 3.305]. அத்தே²வ ஸுத்தந்தோதி? ஆமந்தா. தேன ஹி அத்³தா⁴ பரினிப்ப²ன்னோதி.

அத்³தா⁴கதா² நிட்டி²தா.