14. சுத்³த³ஸமவக்³கோ³

(136) 1. குஸலாகுஸலபடிஸந்த³ஹனகதா²

686. அகுஸலமூலம் படிஸந்த³ஹதி குஸலமூலந்தி? ஆமந்தா. யா அகுஸலஸ்ஸ உப்பாதா³ய ஆவட்டனா…பே… பணிதி⁴, ஸாவ குஸலஸ்ஸ உப்பாதா³ய ஆவட்டனா…பே… பணிதீ⁴தி? ந ஹேவம் வத்தப்³பே³…பே….

அகுஸலமூலம் படிஸந்த³ஹதி குஸலமூலம், ந வத்தப்³ப³ம் – ‘‘யா அகுஸலஸ்ஸ உப்பாதா³ய ஆவட்டனா…பே… பணிதி⁴, ஸாவ குஸலஸ்ஸ உப்பாதா³ய ஆவட்டனா…பே… பணிதீ⁴’’தி? ஆமந்தா. குஸலம் அனாவட்டேந்தஸ்ஸ [அனாவட்டந்தஸ்ஸ (ஸீ. பீ. க.), அனாவஜ்ஜந்தஸ்ஸ (ஸ்யா. கம்.)] உப்பஜ்ஜதி …பே… அப்பணித³ஹந்தஸ்ஸ உப்பஜ்ஜதீதி? ந ஹேவம் வத்தப்³பே³…பே… நனு குஸலம் ஆவட்டேந்தஸ்ஸ உப்பஜ்ஜதி…பே… பணித³ஹந்தஸ்ஸ உப்பஜ்ஜதீதி? ஆமந்தா. ஹஞ்சி குஸலம் ஆவட்டேந்தஸ்ஸ உப்பஜ்ஜதி…பே… பணித³ஹந்தஸ்ஸ உப்பஜ்ஜதி, நோ ச வத ரே வத்தப்³பே³ – ‘‘அகுஸலமூலம் படிஸந்த³ஹதி குஸலமூல’’ந்தி.

687. அகுஸலமூலம் படிஸந்த³ஹதி குஸலமூலந்தி? ஆமந்தா. அகுஸலமூலம் அயோனிஸோ மனஸிகரோதோ உப்பஜ்ஜதீதி? ஆமந்தா. குஸலம் அயோனிஸோ மனஸிகரோதோ உப்பஜ்ஜதீதி? ந ஹேவம் வத்தப்³பே³…பே… நனு குஸலம் யோனிஸோ மனஸிகரோதோ உப்பஜ்ஜதீதி? ஆமந்தா. ஹஞ்சி குஸலம் யோனிஸோ மனஸிகரோதோ உப்பஜ்ஜதி, நோ ச வத ரே வத்தப்³பே³ – ‘‘அகுஸலமூலம் படிஸந்த³ஹதி குஸலமூல’’ந்தி.

அகுஸலமூலம் படிஸந்த³ஹதி குஸலமூலந்தி? ஆமந்தா. காமஸஞ்ஞாய அனந்தரா நேக்க²ம்மஸஞ்ஞா உப்பஜ்ஜதி, ப்³யாபாத³ஸஞ்ஞாய அனந்தரா அப்³யாபாத³ஸஞ்ஞா உப்பஜ்ஜதி, விஹிம்ஸாஸஞ்ஞாய அனந்தரா அவிஹிம்ஸாஸஞ்ஞா உப்பஜ்ஜதி, ப்³யாபாத³ஸ்ஸ அனந்தரா மேத்தா உப்பஜ்ஜதி, விஹிம்ஸாய அனந்தரா கருணா உப்பஜ்ஜதி, அரதியா அனந்தரா முதி³தா உப்பஜ்ஜதி, படிக⁴ஸ்ஸ அனந்தரா உபேக்கா² உப்பஜ்ஜதீதி? ந ஹேவம் வத்தப்³பே³…பே….

688. குஸலமூலம் படிஸந்த³ஹதி அகுஸலமூலந்தி? ஆமந்தா. யா குஸலஸ்ஸ உப்பாதா³ய ஆவட்டனா…பே… பணிதி⁴, ஸாவ அகுஸலஸ்ஸ உப்பாதா³ய ஆவட்டனா…பே… பணிதீ⁴தி? ந ஹேவம் வத்தப்³பே³…பே….

குஸலமூலம் படிஸந்த³ஹதி அகுஸலமூலம், ந வத்தப்³ப³ம் – ‘‘யா குஸலஸ்ஸ உப்பாதா³ய ஆவட்டனா…பே… பணிதி⁴, ஸாவ அகுஸலஸ்ஸ உப்பாதா³ய ஆவட்டனா…பே… பணிதீ⁴’’தி? ஆமந்தா. அகுஸலம் அனாவட்டேந்தஸ்ஸ உப்பஜ்ஜதி…பே… அப்பணித³ஹந்தஸ்ஸ உப்பஜ்ஜதீதி? ந ஹேவம் வத்தப்³பே³…பே… நனு அகுஸலம் ஆவட்டேந்தஸ்ஸ உப்பஜ்ஜதி…பே… பணித³ஹந்தஸ்ஸ உப்பஜ்ஜதீதி? ஆமந்தா. ஹஞ்சி அகுஸலம் ஆவட்டேந்தஸ்ஸ உப்பஜ்ஜதி…பே… பணித³ஹந்தஸ்ஸ உப்பஜ்ஜதி, நோ ச வத ரே வத்தப்³பே³ – ‘‘குஸலமூலம் படிஸந்த³ஹதி அகுஸலமூல’’ந்தி.

689. குஸலமூலம் படிஸந்த³ஹதி அகுஸலமூலந்தி? ஆமந்தா. குஸலம் யோனிஸோ மனஸிகரோதோ உப்பஜ்ஜதீதி? ஆமந்தா. அகுஸலம் யோனிஸோ மனஸிகரோதோ உப்பஜ்ஜதீதி? ந ஹேவம் வத்தப்³பே³…பே… நனு அகுஸலம் அயோனிஸோ மனஸிகரோதோ உப்பஜ்ஜதீதி? ஆமந்தா. ஹஞ்சி அகுஸலம் அயோனிஸோ மனஸிகரோதோ உப்பஜ்ஜதி, நோ ச வத ரே வத்தப்³பே³ – ‘‘குஸலமூலம் படிஸந்த³ஹதி அகுஸலமூல’’ந்தி.

குஸலமூலம் படிஸந்த³ஹதி அகுஸலமூலந்தி? ஆமந்தா. நேக்க²ம்மஸஞ்ஞாய அனந்தரா காமஸஞ்ஞா உப்பஜ்ஜதி, அப்³யாபாத³ஸஞ்ஞாய அனந்தரா ப்³யாபாத³ஸஞ்ஞா உப்பஜ்ஜதி, அவிஹிம்ஸாஸஞ்ஞாய அனந்தரா விஹிம்ஸாஸஞ்ஞா உப்பஜ்ஜதி, மேத்தாய அனந்தரா ப்³யாபாதோ³ உப்பஜ்ஜதி, கருணாய அனந்தரா விஹிம்ஸா உப்பஜ்ஜதி, முதி³தாய அனந்தரா அரதி உப்பஜ்ஜதி, உபேக்கா²ய அனந்தரா படிக⁴ம் உப்பஜ்ஜதீதி? ந ஹேவம் வத்தப்³பே³…பே….

690. ந வத்தப்³ப³ம் – ‘‘அகுஸலமூலம் படிஸந்த³ஹதி குஸலமூலம், குஸலமூலம் படிஸந்த³ஹதி அகுஸலமூல’’ந்தி? ஆமந்தா. நனு யஸ்மிம்யேவ வத்து²ஸ்மிம் ரஜ்ஜதி தஸ்மிஞ்ஞேவ வத்து²ஸ்மிம் விரஜ்ஜதி, யஸ்மிம்யேவ வத்து²ஸ்மிம் விரஜ்ஜதி தஸ்மிஞ்ஞேவ வத்து²ஸ்மிம் ரஜ்ஜதீதி? ஆமந்தா. ஹஞ்சி யஸ்மிஞ்ஞேவ வத்து²ஸ்மிம் ரஜ்ஜதி தஸ்மிஞ்ஞேவ வத்து²ஸ்மிம் விரஜ்ஜதி, யஸ்மிஞ்ஞேவ வத்து²ஸ்மிம் விரஜ்ஜதி தஸ்மிஞ்ஞேவ வத்து²ஸ்மிம் ரஜ்ஜதி, தேன வத ரே வத்தப்³பே³ – ‘‘அகுஸலமூலம் படிஸந்த³ஹதி குஸலமூலம், குஸலமூலம் படிஸந்த³ஹதி அகுஸலமூல’’ந்தி.

குஸலாகுஸலபடிஸந்த³ஹனகதா² நிட்டி²தா.

14. சுத்³த³ஸமவக்³கோ³

(137) 2. ஸளாயதனுப்பத்திகதா²

691. ஸளாயதனம் அபுப்³ப³ம் அசரிமம் மாதுகுச்சி²ஸ்மிம் ஸண்டா²தீதி? ஆமந்தா. ஸப்³ப³ங்க³பச்சங்கீ³ அஹீனிந்த்³ரியோ மாதுகுச்சி²ஸ்மிம் ஓக்கமதீதி? ந ஹேவம் வத்தப்³பே³…பே….

உபபத்தேஸியேன சித்தேன சக்கா²யதனம் ஸண்டா²தீதி? ஆமந்தா. உபபத்தேஸியேன சித்தேன ஹத்தா² ஸண்ட²ந்தி, பாதா³ ஸண்ட²ந்தி, ஸீஸம் ஸண்டா²தி, கண்ணோ ஸண்டா²தி, நாஸிகா ஸண்டா²தி, முக²ம் ஸண்டா²தி, த³ந்தா ஸண்ட²ந்தீதி? ந ஹேவம் வத்தப்³பே³…பே….

உபபத்தேஸியேன சித்தேன ஸோதாயதனம்…பே… கா⁴னாயதனம்…பே… ஜிவ்ஹாயதனம் ஸண்டா²தீதி? ஆமந்தா. உபபத்தேஸியேன சித்தேன ஹத்தா² ஸண்ட²ந்தி, பாதா³ ஸண்ட²ந்தி, ஸீஸம் ஸண்டா²தி, கண்ணோ ஸண்டா²தி, நாஸிகா ஸண்டா²தி, முக²ம் ஸண்டா²தி, த³ந்தா ஸண்ட²ந்தீதி? ந ஹேவம் வத்தப்³பே³…பே….

692. மாதுகுச்சி²க³தஸ்ஸ பச்சா² சக்கா²யதனம் உப்பஜ்ஜதீதி? ஆமந்தா. மாதுகுச்சி²ஸ்மிம் சக்கு²படிலாபா⁴ய கம்மம் கரோதீதி? ந ஹேவம் வத்தப்³பே³…பே… மாதுகுச்சி²க³தஸ்ஸ பச்சா² ஸோதாயதனம்…பே… கா⁴னாயதனம்…பே… ஜிவ்ஹாயதனம் உப்பஜ்ஜதீதி? ஆமந்தா. மாதுகுச்சி²ஸ்மிம் ஜிவ்ஹாபடிலாபா⁴ய கம்மம் கரோதீதி? ந ஹேவம் வத்தப்³பே³…பே….

மாதுகுச்சி²க³தஸ்ஸ பச்சா² கேஸா லோமா நகா² த³ந்தா அட்டீ² உப்பஜ்ஜந்தீதி? ஆமந்தா. மாதுகுச்சி²ஸ்மிம் அட்டி²படிலாபா⁴ய கம்மம் கரோதீதி? ந ஹேவம் வத்தப்³பே³…பே….

ந வத்தப்³ப³ம் – ‘‘மாதுகுச்சி²க³தஸ்ஸ பச்சா² கேஸா லோமா நகா² த³ந்தா அட்டீ² உப்பஜ்ஜந்தீ’’தி? ஆமந்தா. நனு வுத்தம் ப⁴க³வதா –

‘‘பட²மம் கலலம் ஹோதி, கலலா ஹோதி அப்³பு³த³ம்;

அப்³பு³தா³ ஜாயதே பேஸி [பேஸீ (ஸ்யா. கம். பீ.)], பேஸி நிப்³ப³த்ததே [நிப்³ப³த்ததீ (ஸீ. ஸ்யா., ஸம். நி. 1.235), நிப்³ப³த்ததி (பீ. க.)] க⁴னோ;

க⁴னா பஸாகா² ஜாயந்தி, கேஸா லோமா நகா²பி ச.

‘‘யஞ்சஸ்ஸ பு⁴ஞ்ஜதி மாதா, அன்னம் பானஞ்ச போ⁴ஜனம்;

தேன ஸோ தத்த² யாபேதி, மாதுகுச்சி²க³தோ நரோ’’தி [ஸம். நி. 1.235].

அத்தே²வ ஸுத்தந்தோதி? ஆமந்தா. தேன ஹி மாதுகுச்சி²க³தஸ்ஸ பச்சா² கேஸா லோமா நகா² த³ந்தா அட்டீ² உப்பஜ்ஜந்தீதி.

ஸளாயதனுப்பத்திகதா² நிட்டி²தா.

14. சுத்³த³ஸமவக்³கோ³

(138) 3. அனந்தரபச்சயகதா²

693. சக்கு²விஞ்ஞாணஸ்ஸ அனந்தரா ஸோதவிஞ்ஞாணம் உப்பஜ்ஜதீதி? ஆமந்தா. யா சக்கு²விஞ்ஞாணஸ்ஸ உப்பாதா³ய ஆவட்டனா…பே… பணிதி⁴, ஸாவ ஸோதவிஞ்ஞாணஸ்ஸ உப்பாதா³ய ஆவட்டனா…பே… பணிதீ⁴தி? ந ஹேவம் வத்தப்³பே³…பே….

சக்கு²விஞ்ஞாணஸ்ஸ அனந்தரா ஸோதவிஞ்ஞாணம் உப்பஜ்ஜதி, ந வத்தப்³ப³ம் – ‘‘யா சக்கு²விஞ்ஞாணஸ்ஸ உப்பாதா³ய ஆவட்டனா…பே… பணிதி⁴, ஸாவ ஸோதவிஞ்ஞாணஸ்ஸ உப்பாதா³ய ஆவட்டனா…பே… பணிதீ⁴தி? ஆமந்தா. ஸோதவிஞ்ஞாணம் அனாவட்டேந்தஸ்ஸ உப்பஜ்ஜதி…பே… அப்பணித³ஹந்தஸ்ஸ உப்பஜ்ஜதீதி? ந ஹேவம் வத்தப்³பே³…பே…. நனு ஸோதவிஞ்ஞாணம் ஆவட்டேந்தஸ்ஸ உப்பஜ்ஜதி…பே… பணித³ஹந்தஸ்ஸ உப்பஜ்ஜதீதி, ஆமந்தா. ஹஞ்சி ஸோதவிஞ்ஞாணம் ஆவட்டேந்தஸ்ஸ உப்பஜ்ஜதி…பே… பணித³ஹந்தஸ்ஸ உப்பஜ்ஜதி, நோ ச வத ரே வத்தப்³பே³ – ‘‘சக்கு²விஞ்ஞாணஸ்ஸ அனந்தரா ஸோதவிஞ்ஞாணம் உப்பஜ்ஜதீ’’தி.

694. சக்கு²விஞ்ஞாணஸ்ஸ அனந்தரா ஸோதவிஞ்ஞாணம் உப்பஜ்ஜதீதி? ஆமந்தா. சக்கு²விஞ்ஞாணம் ரூபனிமித்தம் மனஸிகரோதோ உப்பஜ்ஜதீதி? ஆமந்தா. ஸோதவிஞ்ஞாணம் ரூபனிமித்தம் மனஸிகரோதோ உப்பஜ்ஜதீதி? ந ஹேவம் வத்தப்³பே³…பே….

சக்கு²விஞ்ஞாணம் ரூபாரம்மணஞ்ஞேவ ந அஞ்ஞாரம்மணந்தி? ஆமந்தா. ஸோதவிஞ்ஞாணம் ரூபாரம்மணஞ்ஞேவ ந அஞ்ஞாரம்மணந்தி? ந ஹேவம் வத்தப்³பே³…பே….

சக்கு²ஞ்ச படிச்ச ரூபே ச உப்பஜ்ஜதி சக்கு²விஞ்ஞாணந்தி? ஆமந்தா. சக்கு²ஞ்ச படிச்ச ரூபே ச உப்பஜ்ஜதி ஸோதவிஞ்ஞாணந்தி? ந ஹேவம் வத்தப்³பே³…பே….

சக்கு²ஞ்ச படிச்ச ரூபே ச உப்பஜ்ஜதி ஸோதவிஞ்ஞாணந்தி? ஆமந்தா. ‘‘சக்கு²ஞ்ச படிச்ச ரூபே ச உப்பஜ்ஜதி ஸோதவிஞ்ஞாண’’ந்தி – அத்தே²வ ஸுத்தந்தோதி? நத்தி². ‘‘சக்கு²ஞ்ச படிச்ச ரூபே ச உப்பஜ்ஜதி சக்கு²விஞ்ஞாண’’ந்தி – அத்தே²வ ஸுத்தந்தோதி? ஆமந்தா. ஹஞ்சி ‘‘சக்கு²ஞ்ச படிச்ச ரூபே ச உப்பஜ்ஜதி சக்கு²விஞ்ஞாண’’ந்தி – அத்தே²வ ஸுத்தந்தோ, நோ ச வத ரே வத்தப்³பே³ – ‘‘சக்கு²ஞ்ச படிச்ச ரூபே ச உப்பஜ்ஜதி ஸோதவிஞ்ஞாண’’ந்தி.

சக்கு²விஞ்ஞாணஸ்ஸ அனந்தரா ஸோதவிஞ்ஞாணம் உப்பஜ்ஜதீதி? ஆமந்தா. தஞ்ஞேவ சக்கு²விஞ்ஞாணம் தம் ஸோதவிஞ்ஞாணந்தி? ந ஹேவம் வத்தப்³பே³…பே….

695. ஸோதவிஞ்ஞாணஸ்ஸ அனந்தரா கா⁴னவிஞ்ஞாணம் உப்பஜ்ஜதி…பே… கா⁴னவிஞ்ஞாணஸ்ஸ அனந்தரா ஜிவ்ஹாவிஞ்ஞாணம் உப்பஜ்ஜதி…பே… ஜிவ்ஹாவிஞ்ஞாணஸ்ஸ அனந்தரா காயவிஞ்ஞாணம் உப்பஜ்ஜதீதி? ஆமந்தா. யா ஜிவ்ஹாவிஞ்ஞாணஸ்ஸ உப்பாதா³ய ஆவட்டனா…பே… பணிதி⁴, ஸாவ காயவிஞ்ஞாணஸ்ஸ உப்பாதா³ய ஆவட்டனா…பே… பணிதீ⁴தி? ந ஹேவம் வத்தப்³பே³…பே… ஜிவ்ஹாவிஞ்ஞாணஸ்ஸ அனந்தரா காயவிஞ்ஞாணம் உப்பஜ்ஜதி, ந வத்தப்³ப³ம் – ‘‘யா ஜிவ்ஹாவிஞ்ஞாணஸ்ஸ உப்பாதா³ய ஆவட்டனா…பே… பணிதி⁴, ஸாவ காயவிஞ்ஞாணஸ்ஸ உப்பாதா³ய ஆவட்டனா…பே… பணிதீ⁴’’தி? ஆமந்தா. காயவிஞ்ஞாணம் அனாவட்டேந்தஸ்ஸ உப்பஜ்ஜதி…பே… அப்பணித³ஹந்தஸ்ஸ உப்பஜ்ஜதீதி? ந ஹேவம் வத்தப்³பே³…பே… நனு காயவிஞ்ஞாணம் ஆவட்டேந்தஸ்ஸ உப்பஜ்ஜதி…பே… பணித³ஹந்தஸ்ஸ உப்பஜ்ஜதீதி? ஆமந்தா. ஹஞ்சி காயவிஞ்ஞாணம் ஆவட்டேந்தஸ்ஸ உப்பஜ்ஜதி…பே… பணித³ஹந்தஸ்ஸ உப்பஜ்ஜதி, நோ ச வத ரே வத்தப்³பே³ – ‘‘ஜிவ்ஹாவிஞ்ஞாணஸ்ஸ அனந்தரா காயவிஞ்ஞாணம் உப்பஜ்ஜதீ’’தி.

696. ஜிவ்ஹாவிஞ்ஞாணஸ்ஸ அனந்தரா காயவிஞ்ஞாணம் உப்பஜ்ஜதீதி? ஆமந்தா. ஜிவ்ஹாவிஞ்ஞாணம் ரஸனிமித்தம் மனஸிகரோதோ உப்பஜ்ஜதீதி? ஆமந்தா. காயவிஞ்ஞாணம் ரஸனிமித்தம் மனஸிகரோதோ உப்பஜ்ஜதீதி? ந ஹேவம் வத்தப்³பே³…பே….

ஜிவ்ஹாவிஞ்ஞாணம் ரஸாரம்மணஞ்ஞேவ ந அஞ்ஞாரம்மணந்தி? ஆமந்தா. காயவிஞ்ஞாணம் ரஸாரம்மணஞ்ஞேவ ந அஞ்ஞாரம்மணந்தி? ந ஹேவம் வத்தப்³பே³…பே….

ஜிவ்ஹஞ்ச படிச்ச ரஸே ச உப்பஜ்ஜதி ஜிவ்ஹாவிஞ்ஞாணந்தி? ஆமந்தா. ஜிவ்ஹஞ்ச படிச்ச ரஸே ச உப்பஜ்ஜதி காயவிஞ்ஞாணந்தி? ந ஹேவம் வத்தப்³பே³…பே….

ஜிவ்ஹஞ்ச படிச்ச ரஸே ச உப்பஜ்ஜதி காயவிஞ்ஞாணந்தி? ஆமந்தா. ‘‘ஜிவ்ஹஞ்ச படிச்ச ரஸே ச உப்பஜ்ஜதி காயவிஞ்ஞாண’’ந்தி – அத்தே²வ ஸுத்தந்தோதி? நத்தி². ‘‘ஜிவ்ஹஞ்ச படிச்ச ரஸே ச உப்பஜ்ஜதி ஜிவ்ஹாவிஞ்ஞாண’’ந்தி – அத்தே²வ ஸுத்தந்தோதி? ஆமந்தா. ஹஞ்சி ‘‘ஜிவ்ஹஞ்ச படிச்ச ரஸே ச உப்பஜ்ஜதி ஜிவ்ஹாவிஞ்ஞாண’’ந்தி – அத்தே²வ ஸுத்தந்தோதி, நோ ச வத ரே வத்தப்³பே³ – ‘‘ஜிவ்ஹஞ்ச படிச்ச ரஸே ச உப்பஜ்ஜதி காயவிஞ்ஞாண’’ந்தி.

ஜிவ்ஹாவிஞ்ஞாணஸ்ஸ அனந்தரா காயவிஞ்ஞாணம் உப்பஜ்ஜதீதி? ஆமந்தா. தஞ்ஞேவ ஜிவ்ஹாவிஞ்ஞாணம் தம் காயவிஞ்ஞாணந்தி? ந ஹேவம் வத்தப்³பே³…பே….

697. ந வத்தப்³ப³ம் – ‘‘பஞ்சவிஞ்ஞாணா அஞ்ஞமஞ்ஞஸ்ஸ ஸமனந்தரா உப்பஜ்ஜந்தீ’’தி? ஆமந்தா. நனு அத்தி² கோசி நச்சதி கா³யதி வாதே³தி, ரூபஞ்ச பஸ்ஸதி, ஸத்³த³ஞ்ச ஸுணாதி, க³ந்த⁴ஞ்ச கா⁴யதி, ரஸஞ்ச ஸாயதி, போ²ட்ட²ப்³ப³ஞ்ச பு²ஸதீதி? ஆமந்தா. ஹஞ்சி அத்தி² கோசி நச்சதி கா³யதி வாதே³தி, ரூபஞ்ச பஸ்ஸதி, ஸத்³த³ஞ்ச ஸுணாதி, க³ந்த⁴ஞ்ச கா⁴யதி, ரஸஞ்ச ஸாயதி, போ²ட்ட²ப்³ப³ஞ்ச பு²ஸதி, தேன வத ரே வத்தப்³பே³ – ‘‘பஞ்சவிஞ்ஞாணா அஞ்ஞமஞ்ஞஸ்ஸ ஸமனந்தரா உப்பஜ்ஜந்தீ’’தி.

அனந்தரபச்சயகதா² நிட்டி²தா.

14. சுத்³த³ஸமவக்³கோ³

(139) 4. அரியரூபகதா²

698. அரியரூபம் மஹாபூ⁴தானம் உபாதா³யாதி? ஆமந்தா. அரியரூபம் குஸலந்தி? ஆமந்தா. மஹாபூ⁴தா குஸலாதி? ந ஹேவம் வத்தப்³பே³ …பே… மஹாபூ⁴தா அப்³யாகதாதி? ஆமந்தா. அரியரூபம் அப்³யாகதந்தி? ந ஹேவம் வத்தப்³பே³…பே… அரியரூபம் மஹாபூ⁴தானம் உபாதா³யாதி? ஆமந்தா. அரியரூபம் அனாஸவம் அஸம்யோஜனியம் அக³ந்த²னியம் அனோக⁴னியம் அயோக³னியம் அனீவரணியம் அபராமட்ட²ம் அனுபாதா³னியம் அஸம்கிலேஸியந்தி? ஆமந்தா. மஹாபூ⁴தா அனாஸவா…பே… அஸம்கிலேஸியாதி? ந ஹேவம் வத்தப்³பே³…பே… மஹாபூ⁴தா ஸாஸவா ஸம்யோஜனியா…பே… ஸம்கிலேஸியாதி? ஆமந்தா. அரியரூபம் ஸாஸவம் ஸம்யோஜனியம்…பே… ஸம்கிலேஸியந்தி? ந ஹேவம் வத்தப்³பே³…பே….

699. ந வத்தப்³ப³ம் – ‘‘அரியரூபம் மஹாபூ⁴தானம் உபாதா³யா’’தி? ஆமந்தா. நனு வுத்தம் ப⁴க³வதா – ‘‘யம் கிஞ்சி, பி⁴க்க²வே, ரூபம் சத்தாரி மஹாபூ⁴தானி சதுன்னஞ்ச மஹாபூ⁴தானம் உபாதா³யரூப’’ந்தி [ம. நி. 1.347; அ. நி. 11.15]! அத்தே²வ ஸுத்தந்தோதி? ஆமந்தா. தேன ஹி அரியரூபம் மஹாபூ⁴தானம் உபாதா³யாதி.

அரியரூபகதா² நிட்டி²தா.

14. சுத்³த³ஸமவக்³கோ³

(140) 5. அஞ்ஞோ அனுஸயோதிகதா²

700. அஞ்ஞோ காமராகா³னுஸயோ அஞ்ஞம் காமராக³பரியுட்டா²னந்தி? ஆமந்தா. அஞ்ஞோ காமராகோ³ அஞ்ஞம் காமராக³பரியுட்டா²னந்தி? ந ஹேவம் வத்தப்³பே³…பே… ஸ்வேவ காமராகோ³ தம் காமராக³பரியுட்டா²னந்தி? ஆமந்தா. ஸ்வேவ காமராகா³னுஸயோ தம் காமராக³பரியுட்டா²னந்தி? ந ஹேவம் வத்தப்³பே³…பே….

அஞ்ஞோ படிகா⁴னுஸயோ அஞ்ஞம் படிக⁴பரியுட்டா²னந்தி? ஆமந்தா. அஞ்ஞம் படிக⁴ம் அஞ்ஞம் படிக⁴பரியுட்டா²னந்தி? ந ஹேவம் வத்தப்³பே³…பே… தஞ்ஞேவ படிக⁴ம் தம் படிக⁴பரியுட்டா²னந்தி? ஆமந்தா. ஸ்வேவ படிகா⁴னுஸயோ தம் படிக⁴பரியுட்டா²னந்தி? ந ஹேவம் வத்தப்³பே³…பே….

அஞ்ஞோ மானானுஸயோ அஞ்ஞம் மானபரியுட்டா²னந்தி? ஆமந்தா. அஞ்ஞோ மானோ அஞ்ஞம் மானபரியுட்டா²னந்தி? ந ஹேவம் வத்தப்³பே³…பே… ஸ்வேவ மானோ தம் மானபரியுட்டா²னந்தி? ஆமந்தா. ஸ்வேவ மானானுஸயோ தம் மானபரியுட்டா²னந்தி? ந ஹேவம் வத்தப்³பே³…பே….

அஞ்ஞோ தி³ட்டா²னுஸயோ அஞ்ஞம் தி³ட்டி²பரியுட்டா²னந்தி? ஆமந்தா. அஞ்ஞா தி³ட்டி² அஞ்ஞம் தி³ட்டி²பரியுட்டா²னந்தி? ந ஹேவம் வத்தப்³பே³…பே… ஸாவ தி³ட்டி² தம் தி³ட்டி²பரியுட்டா²னந்தி? ஆமந்தா. ஸ்வேவ தி³ட்டா²னுஸயோ தம் தி³ட்டி²பரியுட்டா²னந்தி? ந ஹேவம் வத்தப்³பே³…பே….

அஞ்ஞோ விசிகிச்சா²னுஸயோ அஞ்ஞம் விசிகிச்சா²பரியுட்டா²னந்தி? ஆமந்தா. அஞ்ஞா விசிகிச்சா² அஞ்ஞம் விசிகிச்சா²பரியுட்டா²னந்தி? ந ஹேவம் வத்தப்³பே³…பே… ஸாவ விசிகிச்சா² தம் விசிகிச்சா²பரியுட்டா²னந்தி? ஆமந்தா. ஸ்வேவ விசிகிச்சா²னுஸயோ தம் விசிகிச்சா²பரியுட்டா²னந்தி? ந ஹேவம் வத்தப்³பே³…பே….

அஞ்ஞோ ப⁴வராகா³னுஸயோ அஞ்ஞம் ப⁴வராக³பரியுட்டா²னந்தி? ஆமந்தா. அஞ்ஞோ ப⁴வராகோ³ அஞ்ஞம் ப⁴வராக³பரியுட்டா²னந்தி? ந ஹேவம் வத்தப்³பே³…பே… ஸ்வேவ ப⁴வராகோ³ தம் ப⁴வராக³பரியுட்டா²னந்தி? ஆமந்தா. ஸ்வேவ ப⁴வராகா³னுஸயோ தம் ப⁴வராக³பரியுட்டா²னந்தி? ந ஹேவம் வத்தப்³பே³…பே….

அஞ்ஞோ அவிஜ்ஜானுஸயோ அஞ்ஞம் அவிஜ்ஜாபரியுட்டா²னந்தி? ஆமந்தா. அஞ்ஞா அவிஜ்ஜா அஞ்ஞம் அவிஜ்ஜாபரியுட்டா²னந்தி? ந ஹேவம் வத்தப்³பே³…பே… ஸாவ அவிஜ்ஜா தம் அவிஜ்ஜாபரியுட்டா²னந்தி? ஆமந்தா. ஸ்வேவ அவிஜ்ஜானுஸயோ தம் அவிஜ்ஜாபரியுட்டா²னந்தி? ந ஹேவம் வத்தப்³பே³…பே….

701. ந வத்தப்³ப³ம் – ‘‘அஞ்ஞோ அனுஸயோ அஞ்ஞம் பரியுட்டா²ன’’ந்தி? ஆமந்தா. புது²ஜ்ஜனோ குஸலாப்³யாகதே சித்தே வத்தமானே ‘‘ஸானுஸயோ’’தி வத்தப்³போ³தி? ஆமந்தா. ‘‘பரியுட்டி²தோ’’தி வத்தப்³போ³தி? ந ஹேவம் வத்தப்³பே³. தேன ஹி அஞ்ஞோ அனுஸயோ அஞ்ஞம் பரியுட்டா²னந்தி. புது²ஜ்ஜனோ குஸலாப்³யாகதே சித்தே வத்தமானே ‘‘ஸராகோ³’’தி வத்தப்³போ³தி? ஆமந்தா. ‘‘பரியுட்டி²தோ’’தி வத்தப்³போ³தி? ந ஹேவம் வத்தப்³பே³. தேன ஹி அஞ்ஞோ ராகோ³ அஞ்ஞம் பரியுட்டா²னந்தி.

அஞ்ஞோ அனுஸயோதிகதா² நிட்டி²தா.

14. சுத்³த³ஸமவக்³கோ³

(141) 6. பரியுட்டா²னம் சித்தவிப்பயுத்தந்திகதா²

702. பரியுட்டா²னம் சித்தவிப்பயுத்தந்தி? ஆமந்தா. ரூபம் நிப்³பா³னம் சக்கா²யதனம்…பே… போ²ட்ட²ப்³பா³யதனந்தி? ந ஹேவம் வத்தப்³பே³…பே… பரியுட்டா²னம் சித்தவிப்பயுத்தந்தி? ஆமந்தா. நத்தி² ஸராக³ம் சித்தம் ஸதோ³ஸம் சித்தம் ஸமோஹம் சித்தம்…பே… அகுஸலம் சித்தம் ஸம்கிலிட்ட²ம் சித்தந்தி? ந ஹேவம் வத்தப்³பே³…பே… நனு அத்தி² ஸராக³ம் சித்தம் ஸதோ³ஸம் சித்தம் ஸமோஹம் சித்தம்…பே… அகுஸலம் சித்தம் ஸம்கிலிட்ட²ம் சித்தந்தி? ஆமந்தா. ஹஞ்சி அத்தி² ஸராக³ம் சித்தம் ஸதோ³ஸம் சித்தம் ஸமோஹம் சித்தம்…பே… அகுஸலம் சித்தம் ஸம்கிலிட்ட²ம் சித்தம், நோ ச வத ரே வத்தப்³பே³ – ‘‘பரியுட்டா²னம் சித்தவிப்பயுத்த’’ந்தி.

பரியுட்டா²னம் சித்தவிப்பயுத்தந்திகதா² நிட்டி²தா.

14. சுத்³த³ஸமவக்³கோ³

(142) 7. பரியாபன்னகதா²

703. ரூபராகோ³ ரூபதா⁴தும் அனுஸேதி, ரூபதா⁴துபரியாபன்னோதி? ஆமந்தா. ஸமாபத்தேஸியோ உபபத்தேஸியோ தி³ட்ட²த⁴ம்மஸுக²விஹாரோ, ஸமாபத்தேஸியேன சித்தேன உபபத்தேஸியேன சித்தேன தி³ட்ட²த⁴ம்மஸுக²விஹாரேன சித்தேன ஸஹக³தோ ஸஹஜாதோ ஸம்ஸட்டோ² ஸம்பயுத்தோ ஏகுப்பாதோ³ ஏகனிரோதோ⁴ ஏகவத்து²கோ ஏகாரம்மணோதி? ந ஹேவம் வத்தப்³பே³…பே… நனு ந ஸமாபத்தேஸியோ ந உபபத்தேஸியோ ந தி³ட்ட²த⁴ம்மஸுக²விஹாரோ, ந ஸமாபத்தேஸியேன சித்தேன ந உபபத்தேஸியேன சித்தேன ந தி³ட்ட²த⁴ம்மஸுக²விஹாரேன சித்தேன ஸஹக³தோ ஸஹஜாதோ ஸம்ஸட்டோ² ஸம்பயுத்தோ ஏகுப்பாதோ³ ஏகனிரோதோ⁴ ஏகவத்து²கோ ஏகாரம்மணோதி? ஆமந்தா. ஹஞ்சி ந ஸமாபத்தேஸியோ ந உபபத்தேஸியோ ந தி³ட்ட²த⁴ம்மஸுக²விஹாரோ…பே… ஏகாரம்மணோ, நோ ச வத ரே வத்தப்³பே³ – ‘‘ரூபராகோ³ ரூபதா⁴தும் அனுஸேதி, ரூபதா⁴துபரியாபன்னோ’’தி…பே….

ரூபராகோ³ ரூபதா⁴தும் அனுஸேதி, ரூபதா⁴துபரியாபன்னோதி? ஆமந்தா. ஸத்³த³ராகோ³ ஸத்³த³தா⁴தும் அனுஸேதி, ஸத்³த³தா⁴துபரியாபன்னோதி? ந ஹேவம் வத்தப்³பே³…பே… ரூபராகோ³ ரூபதா⁴தும் அனுஸேதி, ரூபதா⁴துபரியாபன்னோதி? ஆமந்தா. க³ந்த⁴ராகோ³…பே… ரஸராகோ³…பே… போ²ட்ட²ப்³ப³ராகோ³ போ²ட்ட²ப்³ப³தா⁴தும் அனுஸேதி, போ²ட்ட²ப்³ப³தா⁴துபரியாபன்னோதி? ந ஹேவம் வத்தப்³பே³…பே….

ஸத்³த³ராகோ³ ஸத்³த³தா⁴தும் அனுஸேதி, ந வத்தப்³ப³ம் – ‘‘ஸத்³த³தா⁴துபரியாபன்னோ’’தி? ஆமந்தா. ரூபராகோ³ ரூபதா⁴தும் அனுஸேதி, ந வத்தப்³ப³ம் – ‘‘ரூபதா⁴துபரியாபன்னோ’’தி? ந ஹேவம் வத்தப்³பே³…பே… க³ந்த⁴ராகோ³…பே… ரஸராகோ³…பே… போ²ட்ட²ப்³ப³ராகோ³ போ²ட்ட²ப்³ப³தா⁴தும் அனுஸேதி, ந வத்தப்³ப³ம் – ‘‘போ²ட்ட²ப்³ப³தா⁴துபரியாபன்னோ’’தி? ஆமந்தா. ரூபராகோ³ ரூபதா⁴தும் அனுஸேதி, ந வத்தப்³ப³ம் – ‘‘ரூபதா⁴துபரியாபன்னோ’’தி? ந ஹேவம் வத்தப்³பே³…பே….

704. அரூபராகோ³ அரூபதா⁴தும் அனுஸேதி, அரூபதா⁴துபரியாபன்னோதி? ஆமந்தா. ஸமாபத்தேஸியோ உபபத்தேஸியோ தி³ட்ட²த⁴ம்மஸுக²விஹாரோ, ஸமாபத்தேஸியேன சித்தேன உபபத்தேஸியேன சித்தேன தி³ட்ட²த⁴ம்மஸுக²விஹாரேன சித்தேன ஸஹக³தோ ஸஹஜாதோ ஸம்ஸட்டோ² ஸம்பயுத்தோ ஏகுப்பாதோ³ ஏகனிரோதோ⁴ ஏகவத்து²கோ ஏகாரம்மணோதி? ந ஹேவம் வத்தப்³பே³…பே…. நனு ந ஸமாபத்தேஸியோ ந உபபத்தேஸியோ ந தி³ட்ட²த⁴ம்மஸுக²விஹாரோ, ந ஸமாபத்தேஸியேன சித்தேன…பே… ஏகாரம்மணோதி? ஆமந்தா. ஹஞ்சி ந ஸமாபத்தேஸியோ ந உபபத்தேஸியோ…பே… ஏகாரம்மணோ, நோ ச வத ரே வத்தப்³பே³ – ‘‘அரூபராகோ³ அரூபதா⁴தும் அனுஸேதி, அரூபதா⁴துபரியாபன்னோ’’தி.

அரூபராகோ³ அரூபதா⁴தும் அனுஸேதி, அரூபதா⁴துபரியாபன்னோதி? ஆமந்தா. ஸத்³த³ராகோ³ ஸத்³த³தா⁴தும் அனுஸேதி, ஸத்³த³தா⁴துபரியாபன்னோதி? ந ஹேவம் வத்தப்³பே³…பே… அரூபராகோ³ அரூபதா⁴தும் அனுஸேதி, அரூபதா⁴துபரியாபன்னோதி? ஆமந்தா. க³ந்த⁴ராகோ³…பே… ரஸராகோ³…பே… போ²ட்ட²ப்³ப³ராகோ³ போ²ட்ட²ப்³ப³தா⁴தும் அனுஸேதி, போ²ட்ட²ப்³ப³தா⁴துபரியாபன்னோதி? ந ஹேவம் வத்தப்³பே³…பே….

ஸத்³த³ராகோ³ ஸத்³த³தா⁴தும் அனுஸேதி, ந வத்தப்³ப³ம் – ‘‘ஸத்³த³தா⁴துபரியாபன்னோ’’தி? ஆமந்தா. அரூபராகோ³ அரூபதா⁴தும் அனுஸேதி, ந வத்தப்³ப³ம் – ‘‘அரூபதா⁴துபரியாபன்னோ’’தி, ந ஹேவம் வத்தப்³பே³…பே… க³ந்த⁴ராகோ³…பே… ரஸராகோ³…பே… போ²ட்ட²ப்³ப³ராகோ³ போ²ட்ட²ப்³ப³தா⁴தும் அனுஸேதி, ந வத்தப்³ப³ம் – ‘‘போ²ட்ட²ப்³ப³தா⁴துபரியாபன்னோ’’தி? ஆமந்தா. அரூபராகோ³ அரூபதா⁴தும் அனுஸேதி, ந வத்தப்³ப³ம் – ‘‘அரூபதா⁴துபரியாபன்னோ’’தி? ந ஹேவம் வத்தப்³பே³…பே….

705. ந வத்தப்³ப³ம் – ‘‘ரூபராகோ³ ரூபதா⁴தும் அனுஸேதி ரூபதா⁴துபரியாபன்னோ, அரூபராகோ³ அரூபதா⁴தும் அனுஸேதி அரூபதா⁴துபரியாபன்னோ’’தி? ஆமந்தா. நனு காமராகோ³ காமதா⁴தும் அனுஸேதி, காமதா⁴துபரியாபன்னோதி? ஆமந்தா. ஹஞ்சி காமராகோ³ காமதா⁴தும் அனுஸேதி காமதா⁴துபரியாபன்னோ, தேன வத ரே வத்தப்³பே³ – ‘‘ரூபராகோ³ ரூபதா⁴தும் அனுஸேதி ரூபதா⁴துபரியாபன்னோ, அரூபராகோ³ அரூபதா⁴தும் அனுஸேதி அரூபதா⁴துபரியாபன்னோ’’தி.

பரியாபன்னகதா² நிட்டி²தா.

14. சுத்³த³ஸமவக்³கோ³

(143) 8. அப்³யாகதகதா²

706. தி³ட்டி²க³தம் அப்³யாகதந்தி? ஆமந்தா. விபாகாப்³யாகதம் கிரியாப்³யாகதம் ரூபம் நிப்³பா³னம் சக்கா²யதனம்…பே… போ²ட்ட²ப்³பா³யதனந்தி? ந ஹேவம் வத்தப்³பே³…பே… தி³ட்டி²க³தம் அப்³யாகதந்தி? ஆமந்தா. தி³ட்டி²க³தஸம்பயுத்தோ ப²ஸ்ஸோ அப்³யாகதோதி? ந ஹேவம் வத்தப்³பே³…பே… தி³ட்டி²க³தம் அப்³யாகதந்தி? ஆமந்தா. தி³ட்டி²க³தஸம்பயுத்தா வேத³னா…பே… ஸஞ்ஞா…பே… சேதனா…பே… சித்தம் அப்³யாகதந்தி? ந ஹேவம் வத்தப்³பே³…பே….

தி³ட்டி²க³தஸம்பயுத்தோ ப²ஸ்ஸோ அகுஸலோதி? ஆமந்தா. தி³ட்டி²க³தம் அகுஸலந்தி? ந ஹேவம் வத்தப்³பே³…பே… தி³ட்டி²க³தஸம்பயுத்தா வேத³னா ஸஞ்ஞா சேதனா சித்தம் அகுஸலந்தி? ஆமந்தா. தி³ட்டி²க³தம் அகுஸலந்தி? ந ஹேவம் வத்தப்³பே³…பே….

707. தி³ட்டி²க³தம் அப்³யாகதந்தி? ஆமந்தா. அப²லம் அவிபாகந்தி? ந ஹேவம் வத்தப்³பே³…பே… நனு ஸப²லம் ஸவிபாகந்தி? ஆமந்தா. ஹஞ்சி ஸப²லம் ஸவிபாகம், நோ ச வத ரே வத்தப்³பே³ – ‘‘தி³ட்டி²க³தம் அப்³யாகத’’ந்தி.

தி³ட்டி²க³தம் அப்³யாகதந்தி? ஆமந்தா. நனு மிச்சா²தி³ட்டி²பரமானி வஜ்ஜானி [அங்கு³த்தரனிகாயே] வுத்தானி ப⁴க³வதாதி? ஆமந்தா. ஹஞ்சி மிச்சா²தி³ட்டி²பரமானி வஜ்ஜானி வுத்தானி ப⁴க³வதா, நோ ச வத ரே வத்தப்³பே³ – ‘‘தி³ட்டி²க³தம் அப்³யாகத’’ந்தி.

தி³ட்டி²க³தம் அப்³யாகதந்தி? ஆமந்தா. நனு வுத்தம் ப⁴க³வதா – ‘‘மிச்சா²தி³ட்டி² கோ², வச்ச², அகுஸலா [அகுஸலம் (ம. நி. 2.194)], ஸம்மாதி³ட்டி² குஸலா’’ [குஸலம் (ம. நி. 2.104)] தி [ம. நி. 2.194]! அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘தி³ட்டி²க³தம் அப்³யாகத’’ந்தி.

தி³ட்டி²க³தம் அப்³யாகதந்தி? ஆமந்தா. நனு வுத்தம் ப⁴க³வதா – ‘‘மிச்சா²தி³ட்டி²ஸ்ஸ கோ² அஹம், புண்ண, த்³வின்னம் க³தீனம் அஞ்ஞதரம் க³திம் வதா³மி – நிரயம் வா திரச்சா²னயோனிம் வா’’தி [ம. நி. 2.79]! அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘தி³ட்டி²க³தம் அப்³யாகத’’ந்தி.

708. ந வத்தப்³ப³ம் – ‘‘தி³ட்டி²க³தம் அப்³யாகத’’ந்தி? ஆமந்தா. நனு வுத்தம் ப⁴க³வதா – ‘‘‘ஸஸ்ஸதோ லோகோ’தி கோ², வச்ச², அப்³யாகதமேதம், ‘அஸஸ்ஸதோ லோகோ’தி கோ², வச்ச², அப்³யாகதமேதம், ‘அந்தவா லோகோ’தி கோ², வச்ச², அப்³யாகதமேதம், ‘அனந்தவா லோகோ’தி கோ², வச்ச²…பே… ‘தம் ஜீவம் தம் ஸரீர’ந்தி கோ², வச்ச²…பே… ‘அஞ்ஞம் ஜீவம் அஞ்ஞம் ஸரீர’ந்தி கோ², வச்ச²…பே… ‘ஹோதி ததா²க³தோ பரம் மரணா’தி கோ², வச்ச²…பே… ‘ந ஹோதி ததா²க³தோ பரம் மரணா’தி கோ², வச்ச²…பே… ‘ஹோதி ச ந ச ஹோதி ததா²க³தோ பரம் மரணா’தி கோ², வச்ச²…பே… ‘நேவ ஹோதி ந ந ஹோதி ததா²க³தோ பரம் மரணா’தி கோ², வச்ச², அப்³யாகதமேத’’ந்தி [ஸம். நி. 4.416, தோ²கம் பன விஸதி³ஸம்]! அத்தே²வ ஸுத்தந்தோதி? ஆமந்தா. தேன ஹி தி³ட்டி²க³தம் அப்³யாகதந்தி.

தி³ட்டி²க³தம் அப்³யாகதந்தி? ஆமந்தா. நனு வுத்தம் ப⁴க³வதா – ‘‘மிச்சா²தி³ட்டி²கஸ்ஸ, பி⁴க்க²வே, புரிஸபுக்³க³லஸ்ஸ யஞ்சேவ காயகம்மம் யதா²தி³ட்டி²ஸமத்தம் ஸமாதி³ன்னம், யஞ்ச வசீகம்மம்…பே… யஞ்ச மனோகம்மம், யா ச சேதனா, யா ச பத்த²னா, யோ ச பணிதி⁴, யே ச ஸங்கா²ரா, ஸப்³பே³ தே த⁴ம்மா அனிட்டா²ய அகந்தாய அமனாபாய அஹிதாய து³க்கா²ய ஸம்வத்தந்தீ’’தி [அ. நி. 1.306]! அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘தி³ட்டி²க³தம் அப்³யாகத’’ந்தி.

அப்³யாகதகதா² நிட்டி²தா.

14. சுத்³த³ஸமவக்³கோ³

(144) 9. அபரியாபன்னகதா²

709. தி³ட்டி²க³தம் அபரியாபன்னந்தி? ஆமந்தா. மக்³கோ³ ப²லம் நிப்³பா³னம், ஸோதாபத்திமக்³கோ³ ஸோதாபத்திப²லம், ஸகதா³கா³மிமக்³கோ³ ஸகதா³கா³மிப²லம், அனாகா³மிமக்³கோ³ அனாகா³மிப²லம், அரஹத்தமக்³கோ³ அரஹத்தப²லம், ஸதிபட்டா²னம் ஸம்மப்பதா⁴னம் இத்³தி⁴பாதோ³ இந்த்³ரியம் ப³லம் போ³ஜ்ஜ²ங்கோ³தி? ந ஹேவம் வத்தப்³பே³…பே….

710. ந வத்தப்³ப³ம் – ‘‘தி³ட்டி²க³தம் அபரியாபன்ன’’ந்தி? ஆமந்தா. புது²ஜ்ஜனோ ‘‘காமேஸு வீதராகோ³’’தி வத்தப்³போ³தி? ஆமந்தா. ‘‘விக³ததி³ட்டி²யோ’’தி வத்தப்³போ³தி? ந ஹேவம் வத்தப்³பே³. தேன ஹி தி³ட்டி²க³தம் அபரியாபன்னந்தி.

அபரியாபன்னகதா² நிட்டி²தா.

சுத்³த³ஸமவக்³கோ³.

தஸ்ஸுத்³தா³னம் –

அகுஸலமூலம் படிஸந்த³ஹதி குஸலமூலம், குஸலமூலம் படிஸந்த³ஹதி அகுஸலமூலம், ஸளாயதனம் ச²விஞ்ஞாணகாயா, அரியரூபம் மஹாபூ⁴தானம் உபாதா³ய, ஸ்வேவ அனுஸயோ தம் பரியுட்டா²னம், பரியுட்டா²னம் சித்தவிப்பயுத்தம், யதா²தா⁴து தஞ்ஞேவ அனுஸேதி, தி³ட்டி²க³தம் அப்³யாகதம், தி³ட்டி²க³தம் அபரியாபன்னந்தி.