12. த்³வாத³ஸமவக்³கோ³

(124) 9. து³க்³க³திகதா²

650. தி³ட்டி²ஸம்பன்னஸ்ஸ புக்³க³லஸ்ஸ பஹீனா து³க்³க³தீதி? ஆமந்தா. தி³ட்டி²ஸம்பன்னோ புக்³க³லோ ஆபாயிகே ரூபே ரஜ்ஜேய்யாதி? ஆமந்தா. ஹஞ்சி தி³ட்டி²ஸம்பன்னோ புக்³க³லோ ஆபாயிகே ரூபே ரஜ்ஜேய்ய, நோ ச வத ரே வத்தப்³பே³ – ‘‘தி³ட்டி²ஸம்பன்னஸ்ஸ புக்³க³லஸ்ஸ பஹீனா து³க்³க³தீ’’தி.

தி³ட்டி²ஸம்பன்னஸ்ஸ புக்³க³லஸ்ஸ பஹீனா து³க்³க³தீதி? ஆமந்தா. தி³ட்டி²ஸம்பன்னோ புக்³க³லோ ஆபாயிகே ஸத்³தே³…பே… க³ந்தே⁴… ரஸே… போ²ட்ட²ப்³பே³…பே… அமனுஸ்ஸித்தி²யா திரச்சா²னக³தித்தி²யா நாக³கஞ்ஞாய மேது²னம் த⁴ம்மம் படிஸேவேய்ய, அஜேளகம் படிக்³க³ண்ஹேய்ய, குக்குடஸூகரம் படிக்³க³ண்ஹேய்ய, ஹத்தி²க³வஸ்ஸவளவம் படிக்³க³ண்ஹேய்ய… தித்திரவட்டகமோரகபிஞ்ஜரம் [… கபிஞ்ஜலம் (ஸ்யா. கம். பீ.)] படிக்³க³ண்ஹேய்யாதி? ஆமந்தா. ஹஞ்சி தி³ட்டி²ஸம்பன்னோ புக்³க³லோ தித்திரவட்டகமோரகபிஞ்ஜரம் படிக்³க³ண்ஹேய்ய, நோ ச வத ரே வத்தப்³பே³ – ‘‘தி³ட்டி²ஸம்பன்னஸ்ஸ புக்³க³லஸ்ஸ பஹீனா து³க்³க³தீ’’தி.

651. தி³ட்டி²ஸம்பன்னஸ்ஸ புக்³க³லஸ்ஸ பஹீனா து³க்³க³தி, தி³ட்டி²ஸம்பன்னோ புக்³க³லோ ஆபாயிகே ரூபே ரஜ்ஜேய்யாதி? ஆமந்தா. அரஹதோ பஹீனா து³க்³க³தி, அரஹா ஆபாயிகே ரூபே ரஜ்ஜேய்யாதி? ந ஹேவம் வத்தப்³பே³…பே… தி³ட்டி²ஸம்பன்னஸ்ஸ புக்³க³லஸ்ஸ பஹீனா து³க்³க³தி, தி³ட்டி²ஸம்பன்னோ புக்³க³லோ ஆபாயிகே ஸத்³தே³… க³ந்தே⁴… ரஸே… போ²ட்ட²ப்³பே³…பே… தித்திரவட்டகமோரகபிஞ்ஜரம் படிக்³க³ண்ஹேய்யாதி? ஆமந்தா. அரஹதோ பஹீனா து³க்³க³தி, அரஹா தித்திரவட்டகமோரகபிஞ்ஜரம் படிக்³க³ண்ஹேய்யாதி? ந ஹேவம் வத்தப்³பே³…பே….

அரஹதோ பஹீனா து³க்³க³தி, ந ச அரஹா ஆபாயிகே ரூபே ரஜ்ஜேய்யாதி? ஆமந்தா. தி³ட்டி²ஸம்பன்னஸ்ஸ புக்³க³லஸ்ஸ பஹீனா து³க்³க³தி, ந ச தி³ட்டி²ஸம்பன்னோ புக்³க³லோ ஆபாயிகே ரூபே ரஜ்ஜேய்யாதி? ந ஹேவம் வத்தப்³பே³…பே… அரஹதோ பஹீனா து³க்³க³தி, ந ச அரஹா ஆபாயிகே ஸத்³தே³…பே… க³ந்தே⁴…பே… ரஸே…பே… போ²ட்ட²ப்³பே³…பே… அமனுஸ்ஸித்தி²யா திரச்சா²னக³தித்தி²யா நாக³கஞ்ஞாய மேது²னம் த⁴ம்மம் படிஸேவேய்ய, அஜேளகம் படிக்³க³ண்ஹேய்ய, குக்குடஸூகரம் படிக்³க³ண்ஹேய்ய, ஹத்தி²க³வஸ்ஸவளவம் படிக்³க³ண்ஹேய்ய…பே… தித்திரவட்டகமோரகபிஞ்ஜரம் படிக்³க³ண்ஹேய்யாதி? ஆமந்தா. தி³ட்டி²ஸம்பன்னஸ்ஸ புக்³க³லஸ்ஸ பஹீனா து³க்³க³தி, ந ச தி³ட்டி²ஸம்பன்னோ புக்³க³லோ தித்திரவட்டகமோரகபிஞ்ஜரம் படிக்³க³ண்ஹேய்யாதி? ந ஹேவம் வத்தப்³பே³…பே….

652. [அட்ட²கதா²னுலோமம் பரவாதீ³புச்சா²லக்க²ணம். ததா²பாயம் புச்சா² ஸகவாதி³ஸ்ஸ, புரிமாயோ ச இமிஸ்ஸம் து³க்³க³திகதா²யம் பரவாதி³ஸ்ஸாதி க³ஹேதப்³பா³ விய தி³ஸ்ஸந்தி] ந வத்தப்³ப³ம் – ‘‘தி³ட்டி²ஸம்பன்னஸ்ஸ புக்³க³லஸ்ஸ பஹீனா து³க்³க³தீ’’தி? ஆமந்தா. தி³ட்டி²ஸம்பன்னோ புக்³க³லோ நிரயம் உபபஜ்ஜேய்ய…பே… திரச்சா²னயோனிம் உபபஜ்ஜேய்ய… பேத்திவிஸயம் உபபஜ்ஜேய்யாதி? ந ஹேவம் வத்தப்³பே³. தேன ஹி தி³ட்டி²ஸம்பன்னஸ்ஸ புக்³க³லஸ்ஸ பஹீனா து³க்³க³தீதி.

து³க்³க³திகதா² நிட்டி²தா.