12. த்³வாத³ஸமவக்³கோ³

(117) 2. கம்மகதா²

633. ஸப்³ப³ம் கம்மம் ஸவிபாகந்தி? ஆமந்தா. ஸப்³பா³ சேதனா ஸவிபாகாதி? ந ஹேவம் வத்தப்³பே³…பே… ஸப்³பா³ சேதனா ஸவிபாகாதி? ஆமந்தா. விபாகாப்³யாகதா சேதனா ஸவிபாகாதி? ந ஹேவம் வத்தப்³பே³…பே… ஸப்³பா³ சேதனா ஸவிபாகாதி? ஆமந்தா. கிரியாப்³யாகதா சேதனா ஸவிபாகாதி? ந ஹேவம் வத்தப்³பே³…பே….

ஸப்³பா³ சேதனா ஸவிபாகாதி? ஆமந்தா. காமாவசரா விபாகாப்³யாகதா சேதனா ஸவிபாகாதி? ந ஹேவம் வத்தப்³பே³…பே… ஸப்³பா³ சேதனா ஸவிபாகாதி? ஆமந்தா. ரூபாவசரா அரூபாவசரா அபரியாபன்னா விபாகாப்³யாகதா சேதனா ஸவிபாகாதி? ந ஹேவம் வத்தப்³பே³…பே….

ஸப்³பா³ சேதனா ஸவிபாகாதி? ஆமந்தா. காமாவசரா கிரியாப்³யாகதா சேதனா ஸவிபாகாதி? ந ஹேவம் வத்தப்³பே³…பே… ஸப்³பா³ சேதனா ஸவிபாகாதி? ஆமந்தா. ரூபாவசரா அரூபாவசரா கிரியாப்³யாகதா சேதனா ஸவிபாகாதி? ந ஹேவம் வத்தப்³பே³…பே….

634. விபாகாப்³யாகதா சேதனா அவிபாகாதி? ஆமந்தா. ஹஞ்சி விபாகாப்³யாகதா சேதனா அவிபாகா, நோ ச வத ரே வத்தப்³பே³ – ‘‘ஸப்³பா³ சேதனா ஸவிபாகா’’தி.

கிரியாப்³யாகதா சேதனா அவிபாகாதி? ஆமந்தா. ஹஞ்சி கிரியாப்³யாகதா சேதனா அவிபாகா, நோ ச வத ரே வத்தப்³பே³ – ‘‘ஸப்³பா³ சேதனா ஸவிபாகா’’தி.

காமாவசரா ரூபாவசரா அரூபாவசரா அபரியாபன்னா விபாகாப்³யாகதா சேதனா அவிபாகாதி? ஆமந்தா. ஹஞ்சி அபரியாபன்னா விபாகாப்³யாகதா சேதனா அவிபாகா, நோ ச வத ரே வத்தப்³பே³ – ‘‘ஸப்³பா³ சேதனா ஸவிபாகா’’தி.

காமாவசரா ரூபாவசரா அரூபாவசரா கிரியாப்³யாகதா சேதனா அவிபாகாதி? ஆமந்தா. ஹஞ்சி அரூபாவசரா கிரியாப்³யாகதா சேதனா அவிபாகா, நோ ச வத ரே வத்தப்³பே³ – ‘‘ஸப்³பா³ சேதனா ஸவிபாகா’’தி.

635. ந வத்தப்³ப³ம் – ‘‘ஸப்³ப³ம் கம்மம் ஸவிபாக’’ந்தி? ஆமந்தா. நனு வுத்தம் ப⁴க³வதா – ‘‘நாஹம், பி⁴க்க²வே, ஸஞ்சேதனிகானம் கம்மானம் கதானம் உபசிதானம் அப்படிஸம்விதி³த்வா ப்³யந்திபா⁴வம் வதா³மி, தஞ்ச கோ² தி³ட்டே²வ த⁴ம்மே உபபஜ்ஜே [உபபஜ்ஜம் (அ. நி. 10.17)] வா அபரே வா பரியாயே’’தி [அ. நி. 10.217]! அத்தே²வ ஸுத்தந்தோதி? ஆமந்தா. தேன ஹி ஸப்³ப³ம் கம்மம் ஸவிபாகந்தி.

கம்மகதா² நிட்டி²தா.