2. பரிஹானிகதா²

1. வாத³யுத்திபரிஹானி

239. பரிஹாயதி அரஹா அரஹத்தாதி? ஆமந்தா. ஸப்³ப³த்த² அரஹா அரஹத்தா பரிஹாயதீதி? ந ஹேவம் வத்தப்³பே³…பே… ஸப்³ப³த்த² அரஹா அரஹத்தா பரிஹாயதீதி? ஆமந்தா. ஸப்³ப³த்த² அரஹதோ பரிஹானீதி? ந ஹேவம் வத்தப்³பே³…பே….

பரிஹாயதி அரஹா அரஹத்தாதி? ஆமந்தா. ஸப்³ப³தா³ அரஹா அரஹத்தா பரிஹாயதீதி? ந ஹேவம் வத்தப்³பே³…பே… ஸப்³ப³தா³ அரஹா அரஹத்தா பரிஹாயதீதி? ஆமந்தா. ஸப்³ப³தா³ அரஹதோ பரிஹானீதி? ந ஹேவம் வத்தப்³பே³…பே….

பரிஹாயதி அரஹா அரஹத்தாதி? ஆமந்தா. ஸப்³பே³வ அரஹந்தோ அரஹத்தா பரிஹாயந்தீதி? ந ஹேவம் வத்தப்³பே³…பே… ஸப்³பே³வ அரஹந்தோ அரஹத்தா பரிஹாயந்தீதி? ஆமந்தா. ஸப்³பே³ஸம்யேவ அரஹந்தானம் பரிஹானீதி? ந ஹேவம் வத்தப்³பே³…பே….

பரிஹாயதி அரஹா அரஹத்தாதி? ஆமந்தா. அரஹா அரஹத்தா பரிஹாயமானோ சதூஹி ப²லேஹி பரிஹாயதீதி? ந ஹேவம் வத்தப்³பே³…பே….

சதூஹி ஸதஸஹஸ்ஸேஹி ஸேட்டீ² ஸேட்டி²த்தம் காரேந்தோ ஸதஸஹஸ்ஸே பரிஹீனே ஸேட்டி²த்தா பரிஹீனோ ஹோதீதி? ஆமந்தா. ஸப்³ப³ஸாபதேய்யா பரிஹீனோ ஹோதீதி? ந ஹேவம் வத்தப்³பே³…பே….

சதூஹி ஸதஸஹஸ்ஸேஹி ஸேட்டீ² ஸேட்டி²த்தம் காரேந்தோ ஸதஸஹஸ்ஸே பரிஹீனே ப⁴ப்³போ³ ஸப்³ப³ஸாபதேய்யா பரிஹாயிதுந்தி? ஆமந்தா. அரஹா அரஹத்தா பரிஹாயமானோ ப⁴ப்³போ³ சதூஹி ப²லேஹி பரிஹாயிதுந்தி? ந ஹேவம் வத்தப்³பே³…பே….

2. அரியபுக்³க³லஸம்ஸந்த³னபரிஹானி

240. பரிஹாயதி அரஹா அரஹத்தாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே….

பரிஹாயதி அரஹா அரஹத்தாதி? ஆமந்தா. பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³…பே….

பரிஹாயதி அரஹா அரஹத்தாதி? ஆமந்தா. பரிஹாயதி அனாகா³மீ அனாகா³மிப²லாதி? ந ஹேவம் வத்தப்³பே³…பே….

பரிஹாயதி அனாகா³மீ அனாகா³மிப²லாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே….

பரிஹாயதி அனாகா³மீ அனாகா³மிப²லாதி? ஆமந்தா. பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³…பே….

பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே….

ந பரிஹாயதி ஸோதாபன்னோ ஸோதாபத்திப²லாதி? ஆமந்தா. ந பரிஹாயதி அரஹா அரஹத்தாதி? ந ஹேவம் வத்தப்³பே³…பே….

ந பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. ந பரிஹாயதி அரஹா அரஹத்தாதி? ந ஹேவம் வத்தப்³பே³…பே….

ந பரிஹாயதி அனாகா³மீ அனாகா³மிப²லாதி? ஆமந்தா. ந பரிஹாயதி அரஹா அரஹத்தாதி? ந ஹேவம் வத்தப்³பே³…பே….

ந பரிஹாயதி ஸோதாபன்னோ ஸோதாபத்திப²லாதி? ஆமந்தா. ந பரிஹாயதி அனாகா³மீ அனாகா³மிப²லாதி? ந ஹேவம் வத்தப்³பே³…பே….

ந பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. ந பரிஹாயதி அனாகா³மீ அனாகா³மிப²லாதி? ந ஹேவம் வத்தப்³பே³…பே….

ந பரிஹாயதி ஸோதாபன்னோ ஸோதாபத்திப²லாதி? ஆமந்தா. ந பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³…பே….

241. பரிஹாயதி அரஹா அரஹத்தாதி? ஆமந்தா. அரஹா அரஹத்தா பரிஹாயமானோ கத்த² ஸண்டா²தீதி? அனாகா³மிப²லேதி. அனாகா³மீ அனாகா³மிப²லா பரிஹாயமானோ கத்த² ஸண்டா²தீதி? ஸகதா³கா³மிப²லேதி. ஸகதா³கா³மீ ஸகதா³கா³மிப²லா பரிஹாயமானோ கத்த² ஸண்டா²தீதி? ஸோதாபத்திப²லேதி. ஸோதாபன்னோ ஸோதாபத்திப²லா பரிஹாயமானோ புது²ஜ்ஜனபூ⁴மியம் ஸண்டா²தீதி? ந ஹேவம் வத்தப்³பே³.

ஆஜானாஹி நிக்³க³ஹம். ஹஞ்சி அரஹா அரஹத்தா பரிஹாயமானோ அனாகா³மிப²லே ஸண்டா²தி, அனாகா³மீ அனாகா³மிப²லா பரிஹாயமானோ ஸகதா³கா³மிப²லே ஸண்டா²தி, ஸகதா³கா³மீ ஸகதா³கா³மிப²லா பரிஹாயமானோ ஸோதாபத்திப²லே ஸண்டா²தி; தேன வத ரே வத்தப்³பே³ – ‘‘ஸோதாபன்னோ ஸோதாபத்திப²லா பரிஹாயமானோ புது²ஜ்ஜனபூ⁴மியம் ஸண்டா²தீ’’தி.

அரஹா அரஹத்தா பரிஹாயமானோ ஸோதாபத்திப²லே ஸண்டா²தீதி? ஆமந்தா. ஸோதாபத்திப²லஸ்ஸ அனந்தரா அரஹத்தம்யேவ ஸச்சி²கரோதீதி? ந ஹேவம் வத்தப்³பே³…பே….

242. பரிஹாயதி அரஹா அரஹத்தாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே… கஸ்ஸ ப³ஹுதரா கிலேஸா பஹீனா அரஹதோ வா ஸோதாபன்னஸ்ஸ வாதி? அரஹதோ. ஹஞ்சி அரஹதோ ப³ஹுதரா கிலேஸா பஹீனா, பரிஹாயதி அரஹா அரஹத்தா; தேன வத ரே வத்தப்³பே³ – ‘‘பரிஹாயதி ஸோதாபன்னோ ஸோதாபத்திப²லா’’தி.

பரிஹாயதி அரஹா அரஹத்தாதி? ஆமந்தா. பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³…பே… கஸ்ஸ ப³ஹுதரா கிலேஸா பஹீனா அரஹதோ வா ஸகதா³கா³மிஸ்ஸ வாதி? அரஹதோ. ஹஞ்சி அரஹதோ ப³ஹுதரா கிலேஸா பஹீனா, பரிஹாயதி அரஹா அரஹத்தா; தேன வத ரே வத்தப்³பே³ – ‘‘பரிஹாயதி ஸகதா³கா³மீ ஸகதா³கா³மிப²லா’’தி.

பரிஹாயதி அரஹா அரஹத்தாதி? ஆமந்தா. பரிஹாயதி அனாகா³மீ அனாகா³மிப²லாதி? ந ஹேவம் வத்தப்³பே³…பே… கஸ்ஸ ப³ஹுதரா கிலேஸா பஹீனா அரஹதோ வா அனாகா³மிஸ்ஸ வாதி? அரஹதோ. ஹஞ்சி அரஹதோ ப³ஹுதரா கிலேஸா பஹீனா, பரிஹாயதி அரஹா அரஹத்தா; தேன வத ரே வத்தப்³பே³ – ‘‘பரிஹாயதி அனாகா³மீ அனாகா³மிப²லா’’தி.

பரிஹாயதி அனாகா³மீ அனாகா³மிப²லாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே… கஸ்ஸ ப³ஹுதரா கிலேஸா பஹீனா அனாகா³மிஸ்ஸ வா ஸோதாபன்னஸ்ஸ வாதி? அனாகா³மிஸ்ஸ. ஹஞ்சி அனாகா³மிஸ்ஸ ப³ஹுதரா கிலேஸா பஹீனா, பரிஹாயதி அனாகா³மீ அனாகா³மிப²லா; தேன வத ரே வத்தப்³பே³ – ‘‘பரிஹாயதி ஸோதாபன்னோ ஸோதாபத்திப²லா’’தி.

243. பரிஹாயதி அனாகா³மீ அனாகா³மிப²லாதி? ஆமந்தா. பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³…பே… கஸ்ஸ ப³ஹுதரா கிலேஸா பஹீனா அனாகா³மிஸ்ஸ வா ஸகதா³கா³மிஸ்ஸ வாதி? அனாகா³மிஸ்ஸ. ஹஞ்சி அனாகா³மிஸ்ஸ ப³ஹுதரா கிலேஸா பஹீனா, பரிஹாயதி அனாகா³மீ அனாகா³மிப²லா; தேன வத ரே வத்தப்³பே³ – ‘‘பரிஹாயதி ஸகதா³கா³மீ ஸகதா³கா³மிப²லா’’தி.

பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே… கஸ்ஸ ப³ஹுதரா கிலேஸா பஹீனா ஸகதா³கா³மிஸ்ஸ வா ஸோதாபன்னஸ்ஸ வாதி? ஸகதா³கா³மிஸ்ஸ. ஹஞ்சி ஸகதா³கா³மிஸ்ஸ ப³ஹுதரா கிலேஸா பஹீனா, பரிஹாயதி ஸகதா³கா³மீ ஸகதா³கா³மிப²லா; தேன வத ரே வத்தப்³பே³ – ‘‘பரிஹாயதி ஸோதாபன்னோ ஸோதாபத்திப²லா’’தி.

244. பரிஹாயதி அரஹா அரஹத்தாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே… கஸ்ஸ அதி⁴மத்தா மக்³க³பா⁴வனா அரஹதோ வா ஸோதாபன்னஸ்ஸ வாதி? அரஹதோ. ஹஞ்சி அரஹதோ அதி⁴மத்தா மக்³க³பா⁴வனா, பரிஹாயதி அரஹா அரஹத்தா; தேன வத ரே வத்தப்³பே³ – ‘‘பரிஹாயதி ஸோதாபன்னோ ஸோதாபத்திப²லா’’தி.

பரிஹாயதி அரஹா அரஹத்தாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே… கஸ்ஸ அதி⁴மத்தா ஸதிபட்டா²னபா⁴வனா…பே… ஸம்மப்பதா⁴னபா⁴வனா… இத்³தி⁴பாத³பா⁴வனா… இந்த்³ரியபா⁴வனா … ப³லபா⁴வனா… போ³ஜ்ஜ²ங்க³பா⁴வனா அரஹதோ வா ஸோதாபன்னஸ்ஸ வாதி? அரஹதோ. ஹஞ்சி அரஹதோ அதி⁴மத்தா போ³ஜ்ஜ²ங்க³பா⁴வனா, பரிஹாயதி அரஹா அரஹத்தா; தேன வத ரே வத்தப்³பே³ – ‘‘பரிஹாயதி ஸோதாபன்னோ ஸோதாபத்திப²லா’’தி.

பரிஹாயதி அரஹா அரஹத்தாதி? ஆமந்தா. பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³…பே… கஸ்ஸ அதி⁴மத்தா மக்³க³பா⁴வனா…பே… போ³ஜ்ஜ²ங்க³பா⁴வனா அரஹதோ வா ஸகதா³கா³மிஸ்ஸ வாதி? அரஹதோ. ஹஞ்சி அரஹதோ அதி⁴மத்தா போ³ஜ்ஜ²ங்க³பா⁴வனா, பரிஹாயதி அரஹா அரஹத்தா; தேன வத ரே வத்தப்³பே³ – ‘‘பரிஹாயதி ஸகதா³கா³மீ ஸகதா³கா³மிப²லா’’தி.

பரிஹாயதி அரஹா அரஹத்தாதி? ஆமந்தா. பரிஹாயதி அனாகா³மீ அனாகா³மிப²லாதி? ந ஹேவம் வத்தப்³பே³…பே… கஸ்ஸ அதி⁴மத்தா மக்³க³பா⁴வனா…பே… போ³ஜ்ஜ²ங்க³பா⁴வனா அரஹதோ வா அனாகா³மிஸ்ஸ வாதி? அரஹதோ. ஹஞ்சி அரஹதோ அதி⁴மத்தா போ³ஜ்ஜ²ங்க³பா⁴வனா, பரிஹாயதி அரஹா அரஹத்தா; தேன வத ரே வத்தப்³பே³ – ‘‘பரிஹாயதி அனாகா³மீ அனாகா³மிப²லா’’தி.

245. பரிஹாயதி அனாகா³மீ அனாகா³மிப²லாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே… கஸ்ஸ அதி⁴மத்தா மக்³க³பா⁴வனா…பே… போ³ஜ்ஜ²ங்க³பா⁴வனா அனாகா³மிஸ்ஸ வா ஸோதாபன்னஸ்ஸ வாதி? அனாகா³மிஸ்ஸ. ஹஞ்சி அனாகா³மிஸ்ஸ அதி⁴மத்தா போ³ஜ்ஜ²ங்க³பா⁴வனா, பரிஹாயதி அனாகா³மீ அனாகா³மிப²லா; தேன வத ரே வத்தப்³பே³ – ‘‘பரிஹாயதி ஸோதாபன்னோ ஸோதாபத்திப²லா’’தி.

பரிஹாயதி அனாகா³மீ அனாகா³மிப²லாதி? ஆமந்தா. பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³…பே… கஸ்ஸ அதி⁴மத்தா மக்³க³பா⁴வனா…பே… போ³ஜ்ஜ²ங்க³பா⁴வனா அனாகா³மிஸ்ஸ வா ஸகதா³கா³மிஸ்ஸ வாதி? அனாகா³மிஸ்ஸ. ஹஞ்சி அனாகா³மிஸ்ஸ அதி⁴மத்தா போ³ஜ்ஜ²ங்க³பா⁴வனா, பரிஹாயதி அனாகா³மீ அனாகா³மிப²லா; தேன வத ரே வத்தப்³பே³ – ‘‘பரிஹாயதி ஸகதா³கா³மீ ஸகதா³கா³மிப²லா’’தி.

246. பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே… கஸ்ஸ அதி⁴மத்தா மக்³க³பா⁴வனா…பே… போ³ஜ்ஜ²ங்க³பா⁴வனா ஸகதா³கா³மிஸ்ஸ வா ஸோதாபன்னஸ்ஸ வாதி? ஸகதா³கா³மிஸ்ஸ. ஹஞ்சி ஸகதா³கா³மிஸ்ஸ அதி⁴மத்தா போ³ஜ்ஜ²ங்க³பா⁴வனா, பரிஹாயதி ஸகதா³கா³மீ ஸகதா³கா³மிப²லா; தேன வத ரே வத்தப்³பே³ – ‘‘பரிஹாயதி ஸோதாபன்னோ ஸோதாபத்திப²லா’’தி…பே….

247. அரஹதா து³க்க²ம் தி³ட்ட²ம், பரிஹாயதி அரஹா அரஹத்தாதி? ஆமந்தா. ஸோதாபன்னேன து³க்க²ம் தி³ட்ட²ம், பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே….

அரஹதா ஸமுத³யோ தி³ட்டோ², பரிஹாயதி அரஹா அரஹத்தாதி? ஆமந்தா. ஸோதாபன்னேன ஸமுத³யோ தி³ட்டோ², பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே….

அரஹதா நிரோதோ⁴ தி³ட்டோ², பரிஹாயதி அரஹா அரஹத்தாதி? ஆமந்தா. ஸோதாபன்னேன நிரோதோ⁴ தி³ட்டோ², பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே….

அரஹதா மக்³கோ³ தி³ட்டோ², பரிஹாயதி அரஹா அரஹத்தாதி? ஆமந்தா. ஸோதாபன்னேன மக்³கோ³ தி³ட்டோ², பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே….

அரஹதா சத்தாரி ஸச்சானி தி³ட்டா²னி, பரிஹாயதி அரஹா அரஹத்தாதி? ஆமந்தா. ஸோதாபன்னேன சத்தாரி ஸச்சானி தி³ட்டா²னி, பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே….

அரஹதா து³க்க²ம் தி³ட்ட²ம், பரிஹாயதி அரஹா அரஹத்தாதி? ஆமந்தா. ஸகதா³கா³மினா து³க்க²ம் தி³ட்ட²ம், பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³…பே….

அரஹதா ஸமுத³யோ தி³ட்டோ²…பே… நிரோதோ⁴ தி³ட்டோ²…பே… மக்³கோ³ தி³ட்டோ²…பே… சத்தாரி ஸச்சானி தி³ட்டா²னி, பரிஹாயதி அரஹா அரஹத்தாதி? ஆமந்தா. ஸகதா³கா³மினா சத்தாரி ஸச்சானி தி³ட்டா²னி, பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³…பே….

அரஹதா து³க்க²ம் தி³ட்ட²ம், பரிஹாயதி அரஹா அரஹத்தாதி? ஆமந்தா. அனாகா³மினா து³க்க²ம் தி³ட்ட²ம், பரிஹாயதி அனாகா³மீ அனாகா³மிப²லாதி? ந ஹேவம் வத்தப்³பே³…பே….

அரஹதா ஸமுத³யோ தி³ட்டோ²…பே… நிரோதோ⁴ தி³ட்டோ²…பே… மக்³கோ³ தி³ட்டோ²…பே… சத்தாரி ஸச்சானி தி³ட்டா²னி, பரிஹாயதி அரஹா அரஹத்தாதி? ஆமந்தா. அனாகா³மினா சத்தாரி ஸச்சானி தி³ட்டா²னி, பரிஹாயதி அனாகா³மீ அனாகா³மிப²லாதி? ந ஹேவம் வத்தப்³பே³…பே….

248. அனாகா³மினா து³க்க²ம் தி³ட்ட²ம், பரிஹாயதி அனாகா³மீ அனாகா³மிப²லாதி? ஆமந்தா. ஸோதாபன்னேன து³க்க²ம் தி³ட்ட²ம், பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே….

அனாகா³மினா ஸமுத³யோ தி³ட்டோ²…பே… நிரோதோ⁴ தி³ட்டோ²…பே… மக்³கோ³ தி³ட்டோ²…பே… சத்தாரி ஸச்சானி தி³ட்டா²னி, பரிஹாயதி அனாகா³மீ அனாகா³மிப²லாதி? ஆமந்தா. ஸோதாபன்னேன சத்தாரி ஸச்சானி தி³ட்டா²னி, பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே….

அனாகா³மினா து³க்க²ம் தி³ட்ட²ம், பரிஹாயதி அனாகா³மீ அனாகா³மிப²லாதி? ஆமந்தா. ஸகதா³கா³மினா து³க்க²ம் தி³ட்ட²ம், பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³…பே….

அனாகா³மினா ஸமுத³யோ தி³ட்டோ²…பே… நிரோதோ⁴ தி³ட்டோ²…பே… மக்³கோ³ தி³ட்டோ²…பே… சத்தாரி ஸச்சானி தி³ட்டா²னி, பரிஹாயதி அனாகா³மீ அனாகா³மிப²லாதி? ஆமந்தா. ஸகதா³கா³மினா சத்தாரி ஸச்சானி தி³ட்டா²னி, பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³…பே….

249. ஸகதா³கா³மினா து³க்க²ம் தி³ட்ட²ம், பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. ஸோதாபன்னேன து³க்க²ம் தி³ட்ட²ம், பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே….

ஸகதா³கா³மினா ஸமுத³யோ தி³ட்டோ²…பே… நிரோதோ⁴ தி³ட்டோ²…பே… மக்³கோ³ தி³ட்டோ²…பே… சத்தாரி ஸச்சானி தி³ட்டா²னி, பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. ஸோதாபன்னேன சத்தாரி ஸச்சானி தி³ட்டா²னி, பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே….

250. ஸோதாபன்னேன து³க்க²ம் தி³ட்ட²ம், ந பரிஹாயதி ஸோதாபன்னோ ஸோதாபத்திப²லாதி? ஆமந்தா. அரஹதா து³க்க²ம் தி³ட்ட²ம், ந பரிஹாயதி அரஹா அரஹத்தாதி? ந ஹேவம் வத்தப்³பே³…பே….

ஸோதாபன்னேன ஸமுத³யோ தி³ட்டோ²…பே… நிரோதோ⁴ தி³ட்டோ²…பே… மக்³கோ³ தி³ட்டோ²…பே… சத்தாரி ஸச்சானி தி³ட்டா²னி, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. அரஹதா சத்தாரி ஸச்சானி தி³ட்டா²னி, ந பரிஹாயதி அரஹா அரஹத்தாதி? ந ஹேவம் வத்தப்³பே³…பே….

ஸகதா³கா³மினா து³க்க²ம் தி³ட்ட²ம்…பே… சத்தாரி ஸச்சானி தி³ட்டா²னி, ந பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. அரஹதா சத்தாரி ஸச்சானி தி³ட்டா²னி, ந பரிஹாயதி அரஹா அரஹத்தாதி? ந ஹேவம் வத்தப்³பே³…பே….

அனாகா³மினா து³க்க²ம் தி³ட்ட²ம்…பே… சத்தாரி ஸச்சானி தி³ட்டா²னி, ந பரிஹாயதி அனாகா³மீ அனாகா³மிப²லாதி? ஆமந்தா. அரஹதா சத்தாரி ஸச்சானி தி³ட்டா²னி, ந பரிஹாயதி அரஹா அரஹத்தாதி? ந ஹேவம் வத்தப்³பே³…பே….

ஸோதாபன்னேன து³க்க²ம் தி³ட்ட²ம்…பே… சத்தாரி ஸச்சானி தி³ட்டா²னி, ந பரிஹாயதி ஸோதாபன்னோ ஸோதாபத்திப²லாதி? ஆமந்தா.

அனாகா³மினா து³க்க²ம் தி³ட்ட²ம்…பே… சத்தாரி ஸச்சானி தி³ட்டா²னி, ந பரிஹாயதி அனாகா³மீ அனாகா³மிப²லாதி? ந ஹேவம் வத்தப்³பே³…பே….

ஸகதா³கா³மினா து³க்க²ம் தி³ட்ட²ம்…பே… சத்தாரி ஸச்சானி தி³ட்டா²னி, ந பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. அனாகா³மினா து³க்க²ம் தி³ட்ட²ம்…பே… சத்தாரி ஸச்சானி தி³ட்டா²னி, ந பரிஹாயதி அனாகா³மீ அனாகா³மிப²லாதி? ந ஹேவம் வத்தப்³பே³…பே….

ஸோதாபன்னேன து³க்க²ம் தி³ட்ட²ம்…பே… சத்தாரி ஸச்சானி தி³ட்டா²னி, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. ஸகதா³கா³மினா து³க்க²ம் தி³ட்ட²ம்…பே… சத்தாரி ஸச்சானி தி³ட்டா²னி, ந பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³…பே….

251. அரஹதோ ராகோ³ பஹீனோ, பரிஹாயதி அரஹா அரஹத்தாதி? ஆமந்தா. ஸோதாபன்னஸ்ஸ ஸக்காயதி³ட்டி² பஹீனா, பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே….

அரஹதோ ராகோ³ பஹீனோ, பரிஹாயதி அரஹா அரஹத்தாதி? ஆமந்தா. ஸோதாபன்னஸ்ஸ விசிகிச்சா² பஹீனா…பே… ஸீலப்³ப³தபராமாஸோ பஹீனோ…பே… அபாயக³மனீயோ ராகோ³ பஹீனோ …பே… அபாயக³மனீயோ தோ³ஸோ பஹீனோ…பே… அபாயக³மனீயோ மோஹோ பஹீனோ, பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே….

அரஹதோ தோ³ஸோ பஹீனோ…பே… மோஹோ பஹீனோ… மானோ பஹீனோ… தி³ட்டி² பஹீனா… விசிகிச்சா² பஹீனா… தி²னம் [தீ²னம் (ஸீ. ஸ்யா. கம். பீ.)] பஹீனம்… உத்³த⁴ச்சம் பஹீனம்… அஹிரிகம் பஹீனம்…பே… அனோத்தப்பம் பஹீனம், பரிஹாயதி அரஹா அரஹத்தாதி? ஆமந்தா. ஸோதாபன்னஸ்ஸ ஸக்காயதி³ட்டி² பஹீனா, பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே….

அரஹதோ அனோத்தப்பம் பஹீனம், பரிஹாயதி அரஹா அரஹத்தாதி? ஆமந்தா. ஸோதாபன்னஸ்ஸ விசிகிச்சா² பஹீனா…பே… ஸீலப்³ப³தபராமாஸோ பஹீனோ…பே… அபாயக³மனீயோ ராகோ³ பஹீனோ…பே… அபாயக³மனீயோ தோ³ஸோ பஹீனோ…பே… அபாயக³மனீயோ மோஹோ பஹீனோ, பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³…பே….

அரஹதோ ராகோ³ பஹீனோ, பரிஹாயதி அரஹா அரஹத்தாதி? ஆமந்தா. ஸகதா³கா³மிஸ்ஸ ஸக்காயதி³ட்டி² பஹீனா, பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³.

அரஹதோ ராகோ³ பஹீனோ, பரிஹாயதி அரஹா அரஹத்தாதி? ஆமந்தா. ஸகதா³கா³மிஸ்ஸ விசிகிச்சா² பஹீனா…பே… ஸீலப்³ப³தபராமாஸோ பஹீனோ…பே… ஓளாரிகோ காமராகோ³ பஹீனோ… ஓளாரிகோ ப்³யாபாதோ³ பஹீனோ, பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³…பே….

அரஹதோ தோ³ஸோ பஹீனோ…பே… அனோத்தப்பம் பஹீனம், பரிஹாயதி அரஹா அரஹத்தாதி? ஆமந்தா. ஸகதா³கா³மிஸ்ஸ ஸக்காயதி³ட்டி² பஹீனா…பே… ஓளாரிகோ ப்³யாபாதோ³ பஹீனோ, பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³.

அரஹதோ ராகோ³ பஹீனோ, பரிஹாயதி அரஹா அரஹத்தாதி? ஆமந்தா. அனாகா³மிஸ்ஸ ஸக்காயதி³ட்டி² பஹீனா, பரிஹாயதி அனாகா³மீ அனாகா³மிப²லாதி? ந ஹேவம் வத்தப்³பே³…பே….

அரஹதோ ராகோ³ பஹீனோ, பரிஹாயதி அரஹா அரஹத்தாதி? ஆமந்தா. அனாகா³மிஸ்ஸ விசிகிச்சா² பஹீனா…பே… ஸீலப்³ப³தபராமாஸோ பஹீனோ… அணுஸஹக³தோ காமராகோ³ பஹீனோ… அணுஸஹக³தோ ப்³யாபாதோ³ பஹீனோ, பரிஹாயதி அனாகா³மீ அனாகா³மிப²லாதி? ந ஹேவம் வத்தப்³பே³.

அரஹதோ தோ³ஸோ பஹீனோ…பே… அனோத்தப்பம் பஹீனம், பரிஹாயதி அரஹா அரஹத்தாதி? ஆமந்தா. அனாகா³மிஸ்ஸ ஸக்காயதி³ட்டி² பஹீனா…பே… அணுஸஹக³தோ ப்³யாபாதோ³ பஹீனோ, பரிஹாயதி அனாகா³மீ அனாகா³மிப²லாதி? ந ஹேவம் வத்தப்³பே³.

252. அனாகா³மிஸ்ஸ ஸக்காயதி³ட்டி² பஹீனா, பரிஹாயதி அனாகா³மீ அனாகா³மிப²லாதி? ஆமந்தா. ஸோதாபன்னஸ்ஸ ஸக்காயதி³ட்டி² பஹீனா, பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³.

அனாகா³மிஸ்ஸ ஸக்காயதி³ட்டி² பஹீனா, பரிஹாயதி அனாகா³மீ அனாகா³மிப²லாதி? ஆமந்தா. ஸோதாபன்னஸ்ஸ விசிகிச்சா² பஹீனா…பே… அபாயக³மனீயோ மோஹோ பஹீனோ, பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³.

அனாகா³மிஸ்ஸ விசிகிச்சா² பஹீனா…பே… அணுஸஹக³தோ ப்³யாபாதோ³ பஹீனோ, பரிஹாயதி அனாகா³மீ அனாகா³மிப²லாதி? ஆமந்தா. ஸோதாபன்னஸ்ஸ ஸக்காயதி³ட்டி² பஹீனா…பே… அபாயக³மனீயோ மோஹோ பஹீனோ, பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³.

அனாகா³மிஸ்ஸ ஸக்காயதி³ட்டி² பஹீனா, பரிஹாயதி அனாகா³மீ அனாகா³மிப²லாதி? ஆமந்தா. ஸகதா³கா³மிஸ்ஸ ஸக்காயதி³ட்டி² பஹீனா, பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³.

அனாகா³மிஸ்ஸ ஸக்காயதி³ட்டி² பஹீனா, பரிஹாயதி அனாகா³மீ அனாகா³மிப²லாதி? ஆமந்தா. ஸகதா³கா³மிஸ்ஸ விசிகிச்சா² பஹீனா…பே… ஸீலப்³ப³தபராமாஸோ பஹீனோ… ஓளாரிகோ காமராகோ³ பஹீனோ… ஓளாரிகோ ப்³யாபாதோ³ பஹீனோ, பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³.

அனாகா³மிஸ்ஸ விசிகிச்சா² பஹீனா…பே… அணுஸஹக³தோ ப்³யாபாதோ³ பஹீனோ, பரிஹாயதி அனாகா³மீ அனாகா³மிப²லாதி? ஆமந்தா. ஸகதா³கா³மிஸ்ஸ ஸக்காயதி³ட்டி² பஹீனா…பே… ஓளாரிகோ ப்³யாபாதோ³ பஹீனோ, பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³.

253. ஸகதா³கா³மிஸ்ஸ ஸக்காயதி³ட்டி² பஹீனா, பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. ஸோதாபன்னஸ்ஸ ஸக்காயதி³ட்டி² பஹீனா, பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³.

ஸகதா³கா³மிஸ்ஸ ஸக்காயதி³ட்டி² பஹீனா, பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. ஸோதாபன்னஸ்ஸ விசிகிச்சா² பஹீனா…பே… அபாயக³மனீயோ மோஹோ பஹீனோ, பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³.

ஸகதா³கா³மிஸ்ஸ விசிகிச்சா² பஹீனா…பே… ஓளாரிகோ காமராகோ³ பஹீனோ… ஓளாரிகோ ப்³யாபாதோ³ பஹீனோ, பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. ஸோதாபன்னஸ்ஸ ஸக்காயதி³ட்டி² பஹீனா…பே… அபாயக³மனீயோ மோஹோ பஹீனோ, பரிஹாயதி ஸோதாபன்னோ ஸோதாபத்திப²லாதி? ந ஹேவம் வத்தப்³பே³.

254. ஸோதாபன்னஸ்ஸ ஸக்காயதி³ட்டி² பஹீனா, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. அரஹதோ ராகோ³ பஹீனோ, ந பரிஹாயதி அரஹா அரஹத்தாதி? ந ஹேவம் வத்தப்³பே³.

ஸோதாபன்னஸ்ஸ ஸக்காயதி³ட்டி² பஹீனா, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. அரஹதோ தோ³ஸோ பஹீனோ…பே… அனோத்தப்பம் பஹீனம், ந பரிஹாயதி அரஹா அரஹத்தாதி? ந ஹேவம் வத்தப்³பே³.

ஸோதாபன்னஸ்ஸ விசிகிச்சா² பஹீனா…பே… அபாயக³மனீயோ மோஹோ பஹீனோ, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. அரஹதோ ராகோ³ பஹீனோ…பே… அனோத்தப்பம் பஹீனம், ந பரிஹாயதி அரஹா அரஹத்தாதி? ந ஹேவம் வத்தப்³பே³.

255. ஸகதா³கா³மிஸ்ஸ ஸக்காயதி³ட்டி² பஹீனா, ந பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. அரஹதோ ராகோ³ பஹீனோ…பே… அனோத்தப்பம் பஹீனம், ந பரிஹாயதி அரஹா அரஹத்தாதி? ந ஹேவம் வத்தப்³பே³.

ஸகதா³கா³மிஸ்ஸ விசிகிச்சா² பஹீனா…பே… ஓளாரிகோ ப்³யாபாதோ³ பஹீனோ, ந பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. அரஹதோ ராகோ³ பஹீனோ…பே… அனோத்தப்பம் பஹீனம், ந பரிஹாயதி அரஹா அரஹத்தாதி? ந ஹேவம் வத்தப்³பே³.

256. அனாகா³மிஸ்ஸ ஸக்காயதி³ட்டி² பஹீனா, ந பரிஹாயதி அனாகா³மீ அனாகா³மிப²லாதி? ஆமந்தா. அரஹதோ ராகோ³ பஹீனோ…பே… அனோத்தப்பம் பஹீனம், ந பரிஹாயதி அரஹா அரஹத்தாதி? ந ஹேவம் வத்தப்³பே³.

அனாகா³மிஸ்ஸ விசிகிச்சா² பஹீனா…பே… அணுஸஹக³தோ ப்³யாபாதோ³ பஹீனோ, ந பரிஹாயதி அனாகா³மீ அனாகா³மிப²லாதி? ஆமந்தா. அரஹதோ ராகோ³ பஹீனோ…பே… அனோத்தப்பம் பஹீனம், ந பரிஹாயதி அரஹா அரஹத்தாதி? ந ஹேவம் வத்தப்³பே³.

257. ஸோதாபன்னஸ்ஸ ஸக்காயதி³ட்டி² பஹீனா, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. அனாகா³மிஸ்ஸ ஸக்காயதி³ட்டி² பஹீனா… அணுஸஹக³தோ ப்³யாபாதோ³ பஹீனோ, ந பரிஹாயதி அனாகா³மீ அனாகா³மிப²லாதி? ந ஹேவம் வத்தப்³பே³.

ஸோதாபன்னஸ்ஸ விசிகிச்சா² பஹீனா…பே… அபாயக³மனீயோ மோஹோ பஹீனோ, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. அனாகா³மிஸ்ஸ ஸக்காயதி³ட்டி² பஹீனா…பே… அணுஸஹக³தோ ப்³யாபாதோ³ பஹீனோ, ந பரிஹாயதி அனாகா³மீ அனாகா³மிப²லாதி? ந ஹேவம் வத்தப்³பே³.

258. ஸகதா³கா³மிஸ்ஸ ஸக்காயதி³ட்டி² பஹீனா, ந பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. அனாகா³மிஸ்ஸ ஸக்காயதி³ட்டி² பஹீனா…பே… அணுஸஹக³தோ ப்³யாபாதோ³ பஹீனோ, ந பரிஹாயதி அனாகா³மீ அனாகா³மிப²லாதி? ந ஹேவம் வத்தப்³பே³.

ஸகதா³கா³மிஸ்ஸ விசிகிச்சா² பஹீனா…பே… ஓளாரிகோ ப்³யாபாதோ³ பஹீனோ, ந பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. அனாகா³மிஸ்ஸ ஸக்காயதி³ட்டி² பஹீனா…பே… அணுஸஹக³தோ ப்³யாபாதோ³ பஹீனோ, ந பரிஹாயதி அனாகா³மீ அனாகா³மிப²லாதி? ந ஹேவம் வத்தப்³பே³.

259. ஸோதாபன்னஸ்ஸ ஸக்காயதி³ட்டி² பஹீனா, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. ஸகதா³கா³மிஸ்ஸ ஸக்காயதி³ட்டி² பஹீனா…பே… ஓளாரிகோ ப்³யாபாதோ³ பஹீனோ, ந பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³.

ஸோதாபன்னஸ்ஸ விசிகிச்சா² பஹீனா…பே… அபாயக³மனீயோ மோஹோ பஹீனோ, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. ஸகதா³கா³மிஸ்ஸ ஸக்காயதி³ட்டி² பஹீனா…பே… ஓளாரிகோ ப்³யாபாதோ³ பஹீனோ, ந பரிஹாயதி ஸகதா³கா³மீ ஸகதா³கா³மிப²லாதி? ந ஹேவம் வத்தப்³பே³.

260. பரிஹாயதி அரஹா அரஹத்தாதி? ஆமந்தா. நனு அரஹதோ ராகோ³ பஹீனோ உச்சி²ன்னமூலோ தாலாவத்து²கதோ அனபா⁴வங்கதோ [அனபா⁴வகதோ (ஸீ.)] ஆயதிம் அனுப்பாத³த⁴ம்மோதி? ஆமந்தா. ஹஞ்சி அரஹதோ ராகோ³ பஹீனோ உச்சி²ன்னமூலோ தாலாவத்து²கதோ அனபா⁴வங்கதோ ஆயதிம் அனுப்பாத³த⁴ம்மோ, நோ ச வத ரே [நோ வத ரே (ஸ்யா. பீ.) ஏவமுபரிபி] வத்தப்³பே³ – ‘‘பரிஹாயதி அரஹா அரஹத்தா’’தி.

பரிஹாயதி அரஹா அரஹத்தாதி? ஆமந்தா. நனு அரஹதோ தோ³ஸோ பஹீனோ…பே… மோஹோ பஹீனோ… மானோ பஹீனோ… தி³ட்டி² பஹீனா… விசிகிச்சா² பஹீனா… தி²னம் பஹீனம்… உத்³த⁴ச்சம் பஹீனம்… அஹிரிகம் பஹீனம்… அனோத்தப்பம் பஹீனம் உச்சி²ன்னமூலம் தாலாவத்து²கதம் அனபா⁴வங்கதம் ஆயதிம் அனுப்பாத³த⁴ம்மந்தி? ஆமந்தா. ஹஞ்சி அரஹதோ அனோத்தப்பம் பஹீனம் உச்சி²ன்னமூலம் தாலாவத்து²கதம் அனபா⁴வங்கதம் ஆயதிம் அனுப்பாத³த⁴ம்மம், நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.

பரிஹாயதி அரஹா அரஹத்தாதி? ஆமந்தா. நனு அரஹதோ ராக³ப்பஹானாய மக்³கோ³ பா⁴விதோதி? ஆமந்தா. ஹஞ்சி அரஹதோ ராக³ப்பஹானாய மக்³கோ³ பா⁴விதோ, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.

பரிஹாயதி அரஹா அரஹத்தாதி? ஆமந்தா. நனு அரஹதோ ராக³ப்பஹானாய ஸதிபட்டா²னா பா⁴விதா…பே… ஸம்மப்பதா⁴னா பா⁴விதா… இத்³தி⁴பாதா³ பா⁴விதா… இந்த்³ரியா பா⁴விதா… ப³லா பா⁴விதா… போ³ஜ்ஜ²ங்கா³ பா⁴விதாதி? ஆமந்தா. ஹஞ்சி அரஹதோ ராக³ப்பஹானாய போ³ஜ்ஜ²ங்கா³ பா⁴விதா, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.

பரிஹாயதி அரஹா அரஹத்தாதி? ஆமந்தா. நனு அரஹதோ தோ³ஸப்பஹானாய…பே… அனோத்தப்பபஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதாதி? ஆமந்தா. ஹஞ்சி அரஹதோ அனோத்தப்பபஹானாய போ³ஜ்ஜ²ங்கா³ பா⁴விதா, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.

261. பரிஹாயதி அரஹா அரஹத்தாதி? ஆமந்தா. நனு அரஹா வீதராகோ³ வீததோ³ஸோ வீதமோஹோ கதகரணீயோ ஓஹிதபா⁴ரோ அனுப்பத்தஸத³த்தோ² பரிக்கீ²ணப⁴வஸம்யோஜனோ ஸம்மத³ஞ்ஞாவிமுத்தோ உக்கி²த்தபலிகோ⁴ ஸங்கிண்ணபரிகோ² அப்³பூ³ள்ஹேஸிகோ நிரக்³க³ளோ அரியோ பன்னத்³த⁴ஜோ பன்னபா⁴ரோ விஸஞ்ஞுத்தோ ஸுவிஜிதவிஜயோ; து³க்க²ம் தஸ்ஸ பரிஞ்ஞாதம், ஸமுத³யோ பஹீனோ, நிரோதோ⁴ ஸச்சி²கதோ, மக்³கோ³ பா⁴விதோ, அபி⁴ஞ்ஞேய்யம் அபி⁴ஞ்ஞாதம், பரிஞ்ஞேய்யம் பரிஞ்ஞாதம், பஹாதப்³ப³ம் பஹீனம், பா⁴வேதப்³ப³ம் பா⁴விதம், ஸச்சி²காதப்³ப³ம் ஸச்சி²கதந்தி? ஆமந்தா. ஹஞ்சி அரஹா வீதராகோ³ வீததோ³ஸோ வீதமோஹோ…பே… ஸச்சி²காதப்³ப³ம் ஸச்சி²கதம், நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.

262. பரிஹாயதி அரஹா அரஹத்தாதி? ( ) [(ஆமந்தா) (க.)] ஸமயவிமுத்தோ அரஹா அரஹத்தா பரிஹாயதி, அஸமயவிமுத்தோ அரஹா அரஹத்தா ந பரிஹாயதீதி. ஸமயவிமுத்தோ அரஹா அரஹத்தா பரிஹாயதீதி? ஆமந்தா. அஸமயவிமுத்தோ அரஹா அரஹத்தா பரிஹாயதீதி [ந பரிஹாயதீதி (க.)]? ந ஹேவம் வத்தப்³பே³.

அஸமயவிமுத்தோ அரஹா அரஹத்தா ந பரிஹாயதீதி? ஆமந்தா. ஸமயவிமுத்தோ அரஹா அரஹத்தா ந பரிஹாயதீதி? ந ஹேவம் வத்தப்³பே³.

ஸமயவிமுத்தஸ்ஸ அரஹதோ ராகோ³ பஹீனோ, பரிஹாயதி ஸமயவிமுத்தோ அரஹா அரஹத்தாதி? ஆமந்தா. அஸமயவிமுத்தஸ்ஸ அரஹதோ ராகோ³ பஹீனோ, பரிஹாயதி அஸமயவிமுத்தோ அரஹா அரஹத்தாதி? ந ஹேவம் வத்தப்³பே³.

ஸமயவிமுத்தஸ்ஸ அரஹதோ தோ³ஸோ பஹீனோ…பே… அனோத்தப்பம் பஹீனம், பரிஹாயதி ஸமயவிமுத்தோ அரஹா அரஹத்தாதி? ஆமந்தா. அஸமயவிமுத்தஸ்ஸ அரஹதோ அனோத்தப்பம் பஹீனம், பரிஹாயதி அஸமயவிமுத்தோ அரஹா அரஹத்தாதி? ந ஹேவம் வத்தப்³பே³.

ஸமயவிமுத்தஸ்ஸ அரஹதோ ராக³ப்பஹானாய மக்³கோ³ பா⁴விதோ, பரிஹாயதி ஸமயவிமுத்தோ அரஹா அரஹத்தாதி? ஆமந்தா. அஸமயவிமுத்தஸ்ஸ அரஹதோ ராக³ப்பஹானாய மக்³கோ³ பா⁴விதோ, பரிஹாயதி அஸமயவிமுத்தோ அரஹா அரஹத்தாதி? ந ஹேவம் வத்தப்³பே³.

ஸமயவிமுத்தஸ்ஸ அரஹதோ ராக³ப்பஹானாய ஸதிபட்டா²னா பா⁴விதா…பே… ஸம்மப்பதா⁴னா பா⁴விதா… இத்³தி⁴பாதா³ பா⁴விதா… இந்த்³ரியா பா⁴விதா… ப³லா பா⁴விதா… போ³ஜ்ஜ²ங்கா³ பா⁴விதா, பரிஹாயதி ஸமயவிமுத்தோ அரஹா அரஹத்தாதி? ஆமந்தா. அஸமயவிமுத்தஸ்ஸ அரஹதோ ராக³ப்பஹானாய ஸதிபட்டா²னா பா⁴விதா…பே… போ³ஜ்ஜ²ங்கா³ பா⁴விதா, பரிஹாயதி அஸமயவிமுத்தோ அரஹா அரஹத்தாதி? ந ஹேவம் வத்தப்³பே³.

ஸமயவிமுத்தஸ்ஸ அரஹதோ தோ³ஸப்பஹானாய…பே… அனோத்தப்பபஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா, பரிஹாயதி ஸமயவிமுத்தோ அரஹா அரஹத்தாதி? ஆமந்தா. அஸமயவிமுத்தஸ்ஸ அரஹதோ அனோத்தப்பபஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா, பரிஹாயதி அஸமயவிமுத்தோ அரஹா அரஹத்தாதி? ந ஹேவம் வத்தப்³பே³…பே….

ஸமயவிமுத்தோ அரஹா வீதராகோ³ வீததோ³ஸோ வீதமோஹோ கதகரணீயோ ஓஹிதபா⁴ரோ அனுப்பத்தஸத³த்தோ² பரிக்கீ²ணப⁴வஸம்யோஜனோ ஸம்மத³ஞ்ஞாவிமுத்தோ உக்கி²த்தபலிகோ⁴ ஸங்கிண்ணபரிகோ² அப்³பூ³ள்ஹேஸிகோ நிரக்³க³ளோ அரியோ பன்னத்³த⁴ஜோ பன்னபா⁴ரோ விஸஞ்ஞுத்தோ ஸுவிஜிதவிஜயோ, து³க்க²ம் தஸ்ஸ பரிஞ்ஞாதம், ஸமுத³யோ பஹீனோ, நிரோதோ⁴ ஸச்சி²கதோ, மக்³கோ³ பா⁴விதோ, அபி⁴ஞ்ஞேய்யம் அபி⁴ஞ்ஞாதம், பரிஞ்ஞேய்யம் பரிஞ்ஞாதம், பஹாதப்³ப³ம் பஹீனம், பா⁴வேதப்³ப³ம் பா⁴விதம், ஸச்சி²காதப்³ப³ம் ஸச்சி²கதம், பரிஹாயதி ஸமயவிமுத்தோ அரஹா அரஹத்தாதி? ஆமந்தா. அஸமயவிமுத்தோ அரஹா வீதராகோ³ வீததோ³ஸோ வீதமோஹோ…பே… ஸச்சி²காதப்³ப³ம் ஸச்சி²கதம், பரிஹாயதி அஸமயவிமுத்தோ அரஹா அரஹத்தாதி? ந ஹேவம் வத்தப்³பே³.

263. அஸமயவிமுத்தஸ்ஸ அரஹதோ ராகோ³ பஹீனோ, ந பரிஹாயதி அஸமயவிமுத்தோ அரஹா அரஹத்தாதி? ஆமந்தா. ஸமயவிமுத்தஸ்ஸ அரஹதோ ராகோ³ பஹீனோ, ந பரிஹாயதி ஸமயவிமுத்தோ அரஹா அரஹத்தாதி? ந ஹேவம் வத்தப்³பே³.

அஸமயவிமுத்தஸ்ஸ அரஹதோ தோ³ஸோ பஹீனோ…பே… அனோத்தப்பம் பஹீனம், ந பரிஹாயதி அஸமயவிமுத்தோ அரஹா அரஹத்தாதி? ஆமந்தா. ஸமயவிமுத்தஸ்ஸ அரஹதோ அனோத்தப்பம் பஹீனம், ந பரிஹாயதி ஸமயவிமுத்தோ அரஹா அரஹத்தாதி? ந ஹேவம் வத்தப்³பே³.

அஸமயவிமுத்தஸ்ஸ அரஹதோ ராக³ப்பஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா, ந பரிஹாயதி அஸமயவிமுத்தோ அரஹா அரஹத்தாதி? ஆமந்தா. ஸமயவிமுத்தஸ்ஸ அரஹதோ ராக³ப்பஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா, ந பரிஹாயதி ஸமயவிமுத்தோ அரஹா அரஹத்தாதி? ந ஹேவம் வத்தப்³பே³.

அஸமயவிமுத்தஸ்ஸ அரஹதோ தோ³ஸப்பஹானாய…பே… அனோத்தப்பபஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா, ந பரிஹாயதி அஸமயவிமுத்தோ அரஹா அரஹத்தாதி? ஆமந்தா. ஸமயவிமுத்தஸ்ஸ அரஹதோ அனோத்தப்பபஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா, ந பரிஹாயதி ஸமயவிமுத்தோ அரஹா அரஹத்தாதி? ந ஹேவம் வத்தப்³பே³.

அஸமயவிமுத்தோ அரஹா வீதராகோ³ வீததோ³ஸோ வீதமோஹோ…பே… ஸச்சி²காதப்³ப³ம் ஸச்சி²கதம், ந பரிஹாயதி அஸமயவிமுத்தோ அரஹா அரஹத்தாதி? ஆமந்தா. ஸமயவிமுத்தோ அரஹா வீதராகோ³ வீததோ³ஸோ வீதமோஹோ…பே… ஸச்சி²காதப்³ப³ம் ஸச்சி²கதம், ந பரிஹாயதி ஸமயவிமுத்தோ அரஹா அரஹத்தாதி? ந ஹேவம் வத்தப்³பே³…பே….

264. பரிஹாயதி அரஹா அரஹத்தாதி? ஆமந்தா. ஸாரிபுத்தோ தே²ரோ பரிஹாயித்த² அரஹத்தாதி? ந ஹேவம் வத்தப்³பே³. மஹாமோக்³க³ல்லானோ [மஹாமோக்³க³லானோ (க.)] தே²ரோ… மஹாகஸ்ஸபோ தே²ரோ… மஹாகச்சாயனோ [மஹாகச்சானோ (ம. நி. 1.202 ஆத³யோ)] தே²ரோ… மஹாகோட்டி²கோ [மஹாகோட்டி²தோ (ஸீ. ஸ்யா. கம். பீ.)] தே²ரோ… மஹாபந்த²கோ தே²ரோ பரிஹாயித்த² அரஹத்தாதி? ந ஹேவம் வத்தப்³பே³.

ஸாரிபுத்தோ தே²ரோ ந பரிஹாயித்த² அரஹத்தாதி? ஆமந்தா. ஹஞ்சி ஸாரிபுத்தோ தே²ரோ ந பரிஹாயித்த² அரஹத்தா, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.

மஹாமோக்³க³ல்லானோ தே²ரோ… மஹாகஸ்ஸபோ தே²ரோ… மஹாகச்சாயனோ தே²ரோ… மஹாகோட்டி²கோ தே²ரோ… மஹாபந்த²கோ தே²ரோ ந பரிஹாயித்த² அரஹத்தாதி? ஆமந்தா. ஹஞ்சி மஹாபந்த²கோ தே²ரோ ந பரிஹாயித்த² அரஹத்தா, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.

அரியபுக்³க³லஸம்ஸந்த³னம்.

3. ஸுத்தஸாத⁴னபரிஹானி

265. பரிஹாயதி அரஹா அரஹத்தாதி? ஆமந்தா. நனு வுத்தம் ப⁴க³வதா –

‘‘உச்சாவசா ஹி படிபதா³ [படிபாதா³ (அட்ட².)], ஸமணேன பகாஸிதா;

ந பாரம் தி³கு³ணம் யந்தி, நயித³ம் ஏககு³ணம் முத’’ந்தி [ஸு. நி. 719 ஸுத்தனிபாதே].

அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘பரிஹாயதி அரஹா அரஹத்தா’’தி.

பரிஹாயதி அரஹா அரஹத்தாதி? ஆமந்தா. அத்தி² சி²ன்னஸ்ஸ சே²தி³யந்தி? ந ஹேவம் வத்தப்³பே³.

அத்தி² சி²ன்னஸ்ஸ சே²தி³யந்தி? ஆமந்தா. நனு வுத்தம் ப⁴க³வதா –

‘‘வீததண்ஹோ அனாதா³னோ, கிச்சம் யஸ்ஸ ந விஜ்ஜதி;

சி²ன்னஸ்ஸ சே²தி³யம் நத்தி², ஓக⁴பாஸோ ஸமூஹதோ’’தி.

அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அத்தி² சி²ன்னஸ்ஸ சே²தி³ய’’ந்தி.

266. பரிஹாயதி அரஹா அரஹத்தாதி? ஆமந்தா. அத்தி² கதஸ்ஸ பதிசயோதி? ந ஹேவம் வத்தப்³பே³.

அத்தி² கதஸ்ஸ பதிசயோதி? ஆமந்தா. நனு வுத்தம் ப⁴க³வதா –

‘‘தஸ்ஸ ஸம்மா விமுத்தஸ்ஸ, ஸந்தசித்தஸ்ஸ பி⁴க்கு²னோ;

கதஸ்ஸ பதிசயோ நத்தி², கரணீயம் ந விஜ்ஜதி.

‘‘ஸேலோ யதா² ஏகக்³க⁴னோ, வாதேன ந ஸமீரதி;

ஏவம் ரூபா ரஸா ஸத்³தா³, க³ந்தா⁴ ப²ஸ்ஸா ச கேவலா.

‘‘இட்டா² த⁴ம்மா அனிட்டா² ச, நப்பவேதே⁴ந்தி தாதி³னோ;

டி²தம் சித்தம் விப்பமுத்தம், வயம் சஸ்ஸானுபஸ்ஸதீ’’தி [மஹாவ. 244; அ. நி. 6.55].

அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அத்தி² கதஸ்ஸ பதிசயோ’’தி.

267. ந வத்தப்³ப³ம் – ‘‘பரிஹாயதி அரஹா அரஹத்தா’’தி? ஆமந்தா. நனு வுத்தம் ப⁴க³வதா – ‘‘பஞ்சிமே, பி⁴க்க²வே, த⁴ம்மா ஸமயவிமுத்தஸ்ஸ பி⁴க்கு²னோ பரிஹானாய ஸம்வத்தந்தி. கதமே பஞ்ச? கம்மாராமதா, ப⁴ஸ்ஸாராமதா, நித்³தா³ராமதா, ஸங்க³ணிகாராமதா, யதா²விமுத்தம் சித்தம் ந பச்சவேக்க²தி. இமே கோ², பி⁴க்க²வே, பஞ்ச த⁴ம்மா ஸமயவிமுத்தஸ்ஸ பி⁴க்கு²னோ பரிஹானாய ஸம்வத்தந்தீ’’தி [அ. நி. 5.149]. அத்தே²வ ஸுத்தந்தோதி? ஆமந்தா. தேன ஹி பரிஹாயதி அரஹா அரஹத்தாதி.

அத்தி² அரஹதோ கம்மாராமதாதி? ந ஹேவம் வத்தப்³பே³.

அத்தி² அரஹதோ கம்மாராமதாதி? ஆமந்தா. அத்தி² அரஹதோ ராகோ³ காமராகோ³ காமராக³பரியுட்டா²னம் காமராக³ஸம்யோஜனம் காமோகோ⁴ காமயோகோ³ காமச்ச²ந்த³னீவரணந்தி? ந ஹேவம் வத்தப்³பே³.

அத்தி² அரஹதோ ப⁴ஸ்ஸாராமதா, அத்தி² அரஹதோ நித்³தா³ராமதா, அத்தி² அரஹதோ ஸங்க³ணிகாராமதாதி? ந ஹேவம் வத்தப்³பே³.

அத்தி² அரஹதோ ஸங்க³ணிகாராமதாதி? ஆமந்தா. அத்தி² அரஹதோ ராகோ³ காமராகோ³ காமராக³பரியுட்டா²னம் காமராக³ஸம்யோஜனம் காமோகோ⁴ காமயோகோ³ காமச்ச²ந்த³னீவரணந்தி? ந ஹேவம் வத்தப்³பே³.

268. பரிஹாயதி அரஹா அரஹத்தாதி? ஆமந்தா. அரஹா அரஹத்தா பரிஹாயமானோ கிம் பரியுட்டி²தோ பரிஹாயதீதி? ராக³பரியுட்டி²தோ பரிஹாயதீதி. பரியுட்டா²னம் கிம் படிச்ச உப்பஜ்ஜதீதி? அனுஸயம் படிச்ச உப்பஜ்ஜதீதி. அத்தி² அரஹதோ அனுஸயாதி? ந ஹேவம் வத்தப்³பே³.

அத்தி² அரஹதோ அனுஸயாதி? ஆமந்தா. அத்தி² அரஹதோ காமராகா³னுஸயோ படிகா⁴னுஸயோ மானானுஸயோ தி³ட்டா²னுஸயோ விசிகிச்சா²னுஸயோ ப⁴வராகா³னுஸயோ அவிஜ்ஜானுஸயோதி? ந ஹேவம் வத்தப்³பே³.

தோ³ஸபரியுட்டி²தோ பரிஹாயதீதி…பே… மோஹபரியுட்டி²தோ பரிஹாயதீதி…. பரியுட்டா²னம் கிம் படிச்ச உப்பஜ்ஜதீதி? அனுஸயம் படிச்ச உப்பஜ்ஜதீதி. அத்தி² அரஹதோ அனுஸயாதி? ந ஹேவம் வத்தப்³பே³…பே….

அத்தி² அரஹதோ அனுஸயாதி? ஆமந்தா. அத்தி² அரஹதோ காமராகா³னுஸயோ…பே… அவிஜ்ஜானுஸயோதி? ந ஹேவம் வத்தப்³பே³.

பரிஹாயதி அரஹா அரஹத்தாதி? ஆமந்தா. அரஹதோ அரஹத்தா பரிஹாயமானஸ்ஸ கிம் உபசயம் க³ச்ச²தீதி? ராகோ³ உபசயம் க³ச்ச²தீதி. ஸக்காயதி³ட்டி² உபசயம் க³ச்ச²தீதி, விசிகிச்சா² உபசயம் க³ச்ச²தீதி, ஸீலப்³ப³தபராமாஸோ உபசயம் க³ச்ச²தீதி? ந ஹேவம் வத்தப்³பே³. தோ³ஸோ உபசயம் க³ச்ச²தீதி…பே… மோஹோ உபசயம் க³ச்ச²தீதி, ஸக்காயதி³ட்டி² உபசயம் க³ச்ச²தீதி, விசிகிச்சா² உபசயம் க³ச்ச²தீதி, ஸீலப்³ப³தபராமாஸோ உபசயம் க³ச்ச²தீதி? ந ஹேவம் வத்தப்³பே³.

பரிஹாயதி அரஹா அரஹத்தாதி? ஆமந்தா. அரஹா ஆசினதீதி? ந ஹேவம் வத்தப்³பே³. அரஹா அபசினதீதி? ந ஹேவம் வத்தப்³பே³. அரஹா பஜஹதீதி? ந ஹேவம் வத்தப்³பே³. அரஹா உபாதி³யதீதி? ந ஹேவம் வத்தப்³பே³. அரஹா விஸினேதீதி? ந ஹேவம் வத்தப்³பே³. அரஹா உஸ்ஸினேதீதி? ந ஹேவம் வத்தப்³பே³. அரஹா விதூ⁴பேதீதி? ந ஹேவம் வத்தப்³பே³. அரஹா ஸந்தூ⁴பேதீதி? ந ஹேவம் வத்தப்³பே³.

நனு அரஹா நேவாசினதி ந அபசினதி அபசினித்வா டி²தோதி? ஆமந்தா. ஹஞ்சி அரஹா நேவாசினதி ந அபசினதி அபசினித்வா டி²தோ, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.

நனு அரஹா நேவ பஜஹதி ந உபாதி³யதி பஜஹித்வா டி²தோதி? ஆமந்தா. ஹஞ்சி அரஹா நேவ பஜஹதி ந உபாதி³யதி பஜஹித்வா டி²தோ, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.

நனு அரஹா நேவ விஸினேதி ந உஸ்ஸினேதி விஸினித்வா டி²தோதி? ஆமந்தா. ஹஞ்சி அரஹா நேவ விஸினேதி ந உஸ்ஸினேதி விஸினித்வா டி²தோ, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.

நனு அரஹா நேவ விதூ⁴பேதி ந ஸந்தூ⁴பேதி விதூ⁴பேத்வா டி²தோதி? ஆமந்தா. ஹஞ்சி அரஹா நேவ விதூ⁴பேதி ந ஸந்தூ⁴பேதி விதூ⁴பேத்வா டி²தோ, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.

பரிஹானிகதா² நிட்டி²தா.