11. ஏகாத³ஸமவக்³கோ³

(106-108) 1-3. திஸ்ஸோபி அனுஸயகதா²

605. அனுஸயா அப்³யாகதாதி? ஆமந்தா. விபாகாப்³யாகதா கிரியாப்³யாகதா ரூபம் நிப்³பா³னம் சக்கா²யதனம்…பே… போ²ட்ட²ப்³பா³யதனந்தி? ந ஹேவம் வத்தப்³பே³…பே….

காமராகா³னுஸயோ அப்³யாகதோதி? ஆமந்தா. காமராகோ³ காமராக³பரியுட்டா²னம் காமராக³ஸம்யோஜனம் காமோகோ⁴ காமயோகோ³ காமச்ச²ந்த³னீவரணம் அப்³யாகதந்தி? ந ஹேவம் வத்தப்³பே³…பே… காமராகோ³ காமராக³பரியுட்டா²னம்…பே… காமச்ச²ந்த³னீவரணம் அகுஸலந்தி? ஆமந்தா. காமராகா³னுஸயோ அகுஸலோதி? ந ஹேவம் வத்தப்³பே³…பே….

படிகா⁴னுஸயோ அப்³யாகதோதி? ஆமந்தா. படிக⁴ம் படிக⁴பரியுட்டா²னம் படிக⁴ஸம்யோஜனம் அப்³யாகதந்தி? ந ஹேவம் வத்தப்³பே³…பே… படிக⁴ம் படிக⁴பரியுட்டா²னம் படிக⁴ஸம்யோஜனம் அகுஸலந்தி? ஆமந்தா. படிகா⁴னுஸயோ அகுஸலோதி? ந ஹேவம் வத்தப்³பே³…பே….

மானானுஸயோ அப்³யாகதோதி? ஆமந்தா. மானோ மானபரியுட்டா²னம் மானஸம்யோஜனம் அப்³யாகதந்தி? ந ஹேவம் வத்தப்³பே³ …பே… மானோ மானபரியுட்டா²னம் மானஸம்யோஜனம் அகுஸலந்தி? ஆமந்தா. மானானுஸயோ அகுஸலோதி? ந ஹேவம் வத்தப்³பே³ …பே….

தி³ட்டா²னுஸயோ அப்³யாகதோதி? ஆமந்தா. தி³ட்டி² தி³ட்டோ²கோ⁴ தி³ட்டி²யோகோ³ தி³ட்டி²பரியுட்டா²னம் தி³ட்டி²ஸம்யோஜனம் அப்³யாகதந்தி? ந ஹேவம் வத்தப்³பே³…பே… தி³ட்டி² தி³ட்டோ²கோ⁴ தி³ட்டி²யோகோ³ தி³ட்டி²பரியுட்டா²னம் தி³ட்டி²ஸம்யோஜனம் அகுஸலந்தி? ஆமந்தா. தி³ட்டா²னுஸயோ அகுஸலோதி? ந ஹேவம் வத்தப்³பே³…பே….

விசிகிச்சா²னுஸயோ அப்³யாகதோதி? ஆமந்தா. விசிகிச்சா² விசிகிச்சா²பரியுட்டா²னம் விசிகிச்சா²ஸம்யோஜனம் விசிகிச்சா²னீவரணம் அப்³யாகதந்தி? ந ஹேவம் வத்தப்³பே³…பே… விசிகிச்சா² விசிகிச்சா²பரியுட்டா²னம் விசிகிச்சா²ஸம்யோஜனம் விசிகிச்சா²னீவரணம் அகுஸலந்தி? ஆமந்தா. விசிகிச்சா²னுஸயோ அகுஸலோதி? ந ஹேவம் வத்தப்³பே³…பே….

ப⁴வராகா³னுஸயோ அப்³யாகதோதி? ஆமந்தா. ப⁴வராகோ³ ப⁴வராக³பரியுட்டா²னம் ப⁴வராக³ஸம்யோஜனம் அப்³யாகதந்தி? ந ஹேவம் வத்தப்³பே³…பே… ப⁴வராகோ³ ப⁴வராக³பரியுட்டா²னம் ப⁴வராக³ஸம்யோஜனம் அகுஸலந்தி? ஆமந்தா. ப⁴வராகா³னுஸயோ அகுஸலோதி? ந ஹேவம் வத்தப்³பே³…பே….

அவிஜ்ஜானுஸயோ அப்³யாகதோதி? ஆமந்தா. அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜாபரியுட்டா²னம் அவிஜ்ஜாஸம்யோஜனம் அவிஜ்ஜானீவரணம் அப்³யாகதந்தி? ந ஹேவம் வத்தப்³பே³…பே… அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜாபரியுட்டா²னம் அவிஜ்ஜாஸம்யோஜனம் அவிஜ்ஜானீவரணம் அகுஸலந்தி? ஆமந்தா. அவிஜ்ஜானுஸயோ அகுஸலோதி? ந ஹேவம் வத்தப்³பே³…பே….

606. ந வத்தப்³ப³ம் – ‘‘அனுஸயா அப்³யாகதா’’தி? ஆமந்தா. புது²ஜ்ஜனோ குஸலாப்³யாகதே சித்தே வத்தமானே ‘‘ஸானுஸயோ’’தி வத்தப்³போ³தி? ஆமந்தா. குஸலாகுஸலா த⁴ம்மா ஸம்முகீ²பா⁴வம் ஆக³ச்ச²ந்தீதி? ந ஹேவம் வத்தப்³பே³…பே… தேன ஹி அனுஸயா அப்³யாகதாதி. புது²ஜ்ஜனோ குஸலாப்³யாகதே சித்தே வத்தமானே ‘‘ஸராகோ³’’தி வத்தப்³போ³தி? ஆமந்தா. குஸலாகுஸலா த⁴ம்மா ஸம்முகீ²பா⁴வம் ஆக³ச்ச²ந்தீதி? ந ஹேவம் வத்தப்³பே³…பே… தேன ஹி ராகோ³ அப்³யாகதோதி.

607. அனுஸயா அஹேதுகாதி? ஆமந்தா. ரூபம் நிப்³பா³னம் சக்கா²யதனம்…பே… போ²ட்ட²ப்³பா³யதனந்தி? ந ஹேவம் வத்தப்³பே³…பே….

காமராகா³னுஸயோ அஹேதுகோதி? ஆமந்தா. காமராகோ³ காமராக³பரியுட்டா²னம் காமராக³ஸம்யோஜனம் காமச்ச²ந்த³னீவரணம் அஹேதுகந்தி? ந ஹேவம் வத்தப்³பே³…பே… காமராகோ³ காமராக³பரியுட்டா²னம்…பே… காமச்ச²ந்த³னீவரணம் ஸஹேதுகந்தி? ஆமந்தா. காமராகா³னுஸயோ ஸஹேதுகோதி? ந ஹேவம் வத்தப்³பே³…பே… படிகா⁴னுஸயோ…பே… மானானுஸயோ… தி³ட்டா²னுஸயோ… விசிகிச்சா²னுஸயோ… ப⁴வராகா³னுஸயோ… அவிஜ்ஜானுஸயோ அஹேதுகோதி? ஆமந்தா. அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜாபரியுட்டா²னம் அவிஜ்ஜாஸம்யோஜனம் அவிஜ்ஜானீவரணம் அஹேதுகந்தி? ந ஹேவம் வத்தப்³பே³ …பே… அவிஜ்ஜா அவிஜ்ஜோகோ⁴…பே… அவிஜ்ஜானீவரணம் ஸஹேதுகந்தி? ஆமந்தா. அவிஜ்ஜானுஸயோ ஸஹேதுகோதி? ந ஹேவம் வத்தப்³பே³…பே….

608. ந வத்தப்³ப³ம் – ‘‘அனுஸயா அஹேதுகா’’தி? ஆமந்தா. புது²ஜ்ஜனோ குஸலாப்³யாகதே சித்தே வத்தமானே ‘‘ஸானுஸயோ’’தி வத்தப்³போ³தி? ஆமந்தா. அனுஸயா தேன ஹேதுனா ஸஹேதுகாதி? ந ஹேவம் வத்தப்³பே³…பே… தேன ஹி அனுஸயா அஹேதுகாதி. புது²ஜ்ஜனோ குஸலாப்³யாகதே சித்தே வத்தமானே ‘‘ஸராகோ³’’தி வத்தப்³போ³தி? ஆமந்தா. ராகோ³ தேன ஹேதுனா ஸஹேதுகோதி? ந ஹேவம் வத்தப்³பே³…பே… தேன ஹி ராகோ³ அஹேதுகோதி.

609. அனுஸயா சித்தவிப்பயுத்தாதி? ஆமந்தா. ரூபம் நிப்³பா³னம் சக்கா²யதனம்…பே… போ²ட்ட²ப்³பா³யதனந்தி? ந ஹேவம் வத்தப்³பே³…பே….

காமராகா³னுஸயோ சித்தவிப்பயுத்தோதி? ஆமந்தா. காமராகோ³ காமராக³பரியுட்டா²னம் காமராக³ஸம்யோஜனம் காமோகோ⁴ காமயோகோ³ காமச்ச²ந்த³னீவரணம் சித்தவிப்பயுத்தந்தி? ந ஹேவம் வத்தப்³பே³…பே… காமராகோ³ காமராக³பரியுட்டா²னம்…பே… காமச்ச²ந்த³னீவரணம் சித்தஸம்பயுத்தந்தி? ஆமந்தா. காமராகா³னுஸயோ சித்தஸம்பயுத்தோதி? ந ஹேவம் வத்தப்³பே³…பே….

610. காமராகா³னுஸயோ சித்தவிப்பயுத்தோதி? ஆமந்தா. கதமக்க²ந்த⁴பரியாபன்னோதி? ஸங்கா²ரக்க²ந்த⁴பரியாபன்னோதி. ஸங்கா²ரக்க²ந்தோ⁴ சித்தவிப்பயுத்தோதி? ந ஹேவம் வத்தப்³பே³. ஸங்கா²ரக்க²ந்தோ⁴ சித்தவிப்பயுத்தோதி? ஆமந்தா. வேத³னாக்க²ந்தோ⁴ ஸஞ்ஞாக்க²ந்தோ⁴ சித்தவிப்பயுத்தோதி? ந ஹேவம் வத்தப்³பே³…பே….

காமராகா³னுஸயோ ஸங்கா²ரக்க²ந்த⁴பரியாபன்னோ சித்தவிப்பயுத்தோதி? ஆமந்தா. காமராகோ³ ஸங்கா²ரக்க²ந்த⁴பரியாபன்னோ சித்தவிப்பயுத்தோதி? ந ஹேவம் வத்தப்³பே³…பே… காமராகோ³ ஸங்கா²ரக்க²ந்த⁴பரியாபன்னோ சித்தஸம்பயுத்தோதி? ஆமந்தா. காமராகா³னுஸயோ ஸங்கா²ரக்க²ந்த⁴பரியாபன்னோ சித்தஸம்பயுத்தோதி? ந ஹேவம் வத்தப்³பே³…பே….

காமராகா³னுஸயோ ஸங்கா²ரக்க²ந்த⁴பரியாபன்னோ சித்தவிப்பயுத்தோ, காமராகோ³ ஸங்கா²ரக்க²ந்த⁴பரியாபன்னோ சித்தஸம்பயுத்தோதி? ஆமந்தா. ஸங்கா²ரக்க²ந்தோ⁴ ஏகதே³ஸோ சித்தஸம்பயுத்தோ ஏகதே³ஸோ சித்தவிப்பயுத்தோதி? ந ஹேவம் வத்தப்³பே³…பே….

ஸங்கா²ரக்க²ந்தோ⁴ ஏகதே³ஸோ சித்தஸம்பயுத்தோ ஏகதே³ஸோ சித்தவிப்பயுத்தோதி? ஆமந்தா. வேத³னாக்க²ந்தோ⁴ ஸஞ்ஞாக்க²ந்தோ⁴ ஏகதே³ஸோ சித்தஸம்பயுத்தோ ஏகதே³ஸோ சித்தவிப்பயுத்தோதி? ந ஹேவம் வத்தப்³பே³…பே….

611. படிகா⁴னுஸயோ மானானுஸயோ தி³ட்டா²னுஸயோ விசிகிச்சா²னுஸயோ ப⁴வராகா³னுஸயோ அவிஜ்ஜானுஸயோ சித்தவிப்பயுத்தோதி? ஆமந்தா. அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜானீவரணம் சித்தவிப்பயுத்தந்தி? ந ஹேவம் வத்தப்³பே³…பே… அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜானீவரணம் சித்தஸம்பயுத்தந்தி? ஆமந்தா. அவிஜ்ஜானுஸயோ சித்தஸம்பயுத்தோதி? ந ஹேவம் வத்தப்³பே³…பே….

612. அவிஜ்ஜானுஸயோ சித்தவிப்பயுத்தோதி? ஆமந்தா. கதமக்க²ந்த⁴பரியாபன்னோதி? ஸங்கா²ரக்க²ந்த⁴பரியாபன்னோதி. ஸங்கா²ரக்க²ந்தோ⁴ சித்தவிப்பயுத்தோதி? ந ஹேவம் வத்தப்³பே³. ஸங்கா²ரக்க²ந்தோ⁴ சித்தவிப்பயுத்தோதி? ஆமந்தா. வேத³னாக்க²ந்தோ⁴ ஸஞ்ஞாக்க²ந்தோ⁴ சித்தவிப்பயுத்தோதி? ந ஹேவம் வத்தப்³பே³…பே….

அவிஜ்ஜானுஸயோ ஸங்கா²ரக்க²ந்த⁴பரியாபன்னோ சித்தவிப்பயுத்தோதி? ஆமந்தா. அவிஜ்ஜா ஸங்கா²ரக்க²ந்த⁴பரியாபன்னா சித்தவிப்பயுத்தாதி? ந ஹேவம் வத்தப்³பே³…பே… அவிஜ்ஜா ஸங்கா²ரக்க²ந்த⁴பரியாபன்னா சித்தஸம்பயுத்தாதி? ஆமந்தா. அவிஜ்ஜானுஸயோ ஸங்கா²ரக்க²ந்த⁴பரியாபன்னோ சித்தஸம்பயுத்தோதி? ந ஹேவம் வத்தப்³பே³…பே….

அவிஜ்ஜானுஸயோ ஸங்கா²ரக்க²ந்த⁴பரியாபன்னோ சித்தவிப்பயுத்தோ, அவிஜ்ஜாஸங்கா²ரக்க²ந்த⁴பரியாபன்னா சித்தஸம்பயுத்தாதி? ஆமந்தா. ஸங்கா²ரக்க²ந்தோ⁴ ஏகதே³ஸோ சித்தஸம்பயுத்தோ ஏகதே³ஸோ சித்தவிப்பயுத்தோதி? ந ஹேவம் வத்தப்³பே³.

ஸங்கா²ரக்க²ந்தோ⁴ ஏகதே³ஸோ சித்தஸம்பயுத்தோ ஏகதே³ஸோ சித்தவிப்பயுத்தோதி? ஆமந்தா. வேத³னாக்க²ந்தோ⁴ ஸஞ்ஞாக்க²ந்தோ⁴ ஏகதே³ஸோ சித்தஸம்பயுத்தோ ஏகதே³ஸோ சித்தவிப்பயுத்தோதி? ந ஹேவம் வத்தப்³பே³…பே….

613. ந வத்தப்³ப³ம் – ‘‘அனுஸயா சித்தவிப்பயுத்தா’’தி? ஆமந்தா. புது²ஜ்ஜனோ குஸலாப்³யாகதே சித்தே வத்தமானே ‘‘ஸானுஸயோ’’தி வத்தப்³போ³தி? ஆமந்தா. அனுஸயா தேன சித்தேன ஸம்பயுத்தாதி? ந ஹேவம் வத்தப்³பே³. தேன ஹி அனுஸயா சித்தவிப்பயுத்தாதி. புது²ஜ்ஜனோ குஸலாப்³யாகதே சித்தே வத்தமானே ‘‘ஸராகோ³’’தி வத்தப்³போ³தி? ஆமந்தா. ராகோ³ தேன சித்தேன ஸம்பயுத்தோதி? ந ஹேவம் வத்தப்³பே³. தேன ஹி ராகோ³ சித்தவிப்பயுத்தோதி.

திஸ்ஸோபி அனுஸயகதா² நிட்டி²தா.

11. ஏகாத³ஸமவக்³கோ³

(109) 4. ஞாணகதா²

614. அஞ்ஞாணே விக³தே ஞாணவிப்பயுத்தே சித்தே வத்தமானே ந வத்தப்³ப³ம் – ‘‘ஞாணீ’’தி? ஆமந்தா. ராகே³ விக³தே ந வத்தப்³ப³ம் – ‘‘வீதராகோ³’’தி? ந ஹேவம் வத்தப்³பே³…பே… அஞ்ஞாணே விக³தே ஞாணவிப்பயுத்தே சித்தே வத்தமானே ந வத்தப்³ப³ம் – ‘‘ஞாணீ’’தி? ஆமந்தா. தோ³ஸே விக³தே… மோஹே விக³தே… கிலேஸே விக³தே ந வத்தப்³ப³ம் – ‘‘நிக்கிலேஸோ’’தி? ந ஹேவம் வத்தப்³பே³…பே….

ராகே³ விக³தே வத்தப்³ப³ம் – ‘‘வீதராகோ³’’தி? ஆமந்தா. அஞ்ஞாணே விக³தே ஞாணவிப்பயுத்தே சித்தே வத்தமானே வத்தப்³ப³ம் – ‘‘ஞாணீ’’தி? ந ஹேவம் வத்தப்³பே³…பே… தோ³ஸே விக³தே… மோஹே விக³தே… கிலேஸே விக³தே வத்தப்³ப³ம் – ‘‘நிக்கிலேஸோ’’தி? ஆமந்தா. அஞ்ஞாணே விக³தே ஞாணவிப்பயுத்தே சித்தே வத்தமானே வத்தப்³ப³ம் – ‘‘ஞாணீ’’தி? ந ஹேவம் வத்தப்³பே³…பே….

615. அஞ்ஞாணே விக³தே ஞாணவிப்பயுத்தே சித்தே வத்தமானே வத்தப்³ப³ம் – ‘‘ஞாணீ’’தி? ஆமந்தா. அதீதேன ஞாணேன ஞாணீ நிருத்³தே⁴ன விக³தேன படிபஸ்ஸத்³தே⁴ன ஞாணேன ஞாணீதி? ந ஹேவம் வத்தப்³பே³…பே….

ஞாணகதா² நிட்டி²தா.

11. ஏகாத³ஸமவக்³கோ³

(110) 5. ஞாணம் சித்தவிப்பயுத்தந்திகதா²

616. ஞாணம் சித்தவிப்பயுத்தந்தி? ஆமந்தா. ரூபம் நிப்³பா³னம் சக்கா²யதனம்…பே… போ²ட்ட²ப்³பா³யதனந்தி? ந ஹேவம் வத்தப்³பே³…பே… ஞாணம் சித்தவிப்பயுத்தந்தி? ஆமந்தா. பஞ்ஞா பஞ்ஞிந்த்³ரியம் பஞ்ஞாப³லம் ஸம்மாதி³ட்டி² த⁴ம்மவிசயஸம்போ³ஜ்ஜ²ங்கோ³ சித்தவிப்பயுத்தோதி? ந ஹேவம் வத்தப்³பே³…பே… பஞ்ஞா பஞ்ஞிந்த்³ரியம் பஞ்ஞாப³லம் ஸம்மாதி³ட்டி² த⁴ம்மவிசயஸம்போ³ஜ்ஜ²ங்கோ³ சித்தஸம்பயுத்தோதி? ஆமந்தா. ஞாணம் சித்தஸம்பயுத்தந்தி? ந ஹேவம் வத்தப்³பே³…பே….

ஞாணம் சித்தவிப்பயுத்தந்தி? ஆமந்தா. கதமக்க²ந்த⁴பரியாபன்னந்தி? ஸங்கா²ரக்க²ந்த⁴பரியாபன்னந்தி. ஸங்கா²ரக்க²ந்தோ⁴ சித்தவிப்பயுத்தோதி? ந ஹேவம் வத்தப்³பே³…பே… ஸங்கா²ரக்க²ந்தோ⁴ சித்தவிப்பயுத்தோதி? ஆமந்தா. வேத³னாக்க²ந்தோ⁴ ஸஞ்ஞாக்க²ந்தோ⁴ சித்தவிப்பயுத்தோதி? ந ஹேவம் வத்தப்³பே³…பே… ஞாணம் ஸங்கா²ரக்க²ந்த⁴பரியாபன்னம் சித்தவிப்பயுத்தந்தி? ஆமந்தா. பஞ்ஞா ஸங்கா²ரக்க²ந்த⁴பரியாபன்னா சித்தவிப்பயுத்தாதி? ந ஹேவம் வத்தப்³பே³…பே… பஞ்ஞா ஸங்கா²ரக்க²ந்த⁴பரியாபன்னா சித்தஸம்பயுத்தாதி? ஆமந்தா. ஞாணம் ஸங்கா²ரக்க²ந்த⁴பரியாபன்னம் சித்தஸம்பயுத்தந்தி? ந ஹேவம் வத்தப்³பே³…பே… ஞாணம் ஸங்கா²ரக்க²ந்த⁴பரியாபன்னம் சித்தவிப்பயுத்தம், பஞ்ஞா ஸங்கா²ரக்க²ந்த⁴பரியாபன்னா சித்தஸம்பயுத்தாதி? ஆமந்தா. ஸங்கா²ரக்க²ந்தோ⁴ ஏகதே³ஸோ சித்தஸம்பயுத்தோ ஏகதே³ஸோ சித்தவிப்பயுத்தோதி? ந ஹேவம் வத்தப்³பே³…பே… ஸங்கா²ரக்க²ந்தோ⁴ ஏகதே³ஸோ சித்தஸம்பயுத்தோ ஏகதே³ஸோ சித்தவிப்பயுத்தோதி? ஆமந்தா. வேத³னாக்க²ந்தோ⁴ ஸஞ்ஞாக்க²ந்தோ⁴ ஏகதே³ஸோ சித்தஸம்பயுத்தோ ஏகதே³ஸோ சித்தவிப்பயுத்தோதி? ந ஹேவம் வத்தப்³பே³…பே….

617. ந வத்தப்³ப³ம் – ‘‘ஞாணம் சித்தவிப்பயுத்த’’ந்தி? ஆமந்தா. அரஹா சக்கு²விஞ்ஞாணஸமங்கீ³ ‘‘ஞாணீ’’தி வத்தப்³போ³தி? ஆமந்தா. ஞாணம் தேன சித்தேன ஸம்பயுத்தந்தி? ந ஹேவம் வத்தப்³பே³. தேன ஹி ஞாணம் சித்தவிப்பயுத்தந்தி.

அரஹா சக்கு²விஞ்ஞாணஸமங்கீ³ ‘‘பஞ்ஞவா’’தி வத்தப்³போ³தி [ஸகவாதீ³புச்சா² விய தி³ஸ்ஸதி]? ஆமந்தா. பஞ்ஞா தேன சித்தேன ஸம்பயுத்தாதி? ந ஹேவம் வத்தப்³பே³. தேன ஹி பஞ்ஞா சித்தவிப்பயுத்தாதி.

ஞாணம் சித்தவிப்பயுத்தந்திகதா² நிட்டி²தா.

11. ஏகாத³ஸமவக்³கோ³

(111) 6. இத³ம் து³க்க²ந்திகதா²

618. ‘‘இத³ம் து³க்க²’’ந்தி வாசம் பா⁴ஸதோ ‘‘இத³ம் து³க்க²’’ந்தி ஞாணம் பவத்ததீதி? ஆமந்தா. ‘‘அயம் து³க்க²ஸமுத³யோ’’தி வாசம் பா⁴ஸதோ ‘‘அயம் து³க்க²ஸமுத³யோ’’தி ஞாணம் பவத்ததீதி? ந ஹேவம் வத்தப்³பே³…பே… ‘‘இத³ம் து³க்க²’’ந்தி வாசம் பா⁴ஸதோ ‘‘இத³ம் து³க்க²’’ந்தி ஞாணம் பவத்ததீதி? ஆமந்தா. ‘‘அயம் து³க்க²னிரோதோ⁴’’தி வாசம் பா⁴ஸதோ ‘‘அயம் து³க்க²னிரோதோ⁴’’தி ஞாணம் பவத்ததீதி? ந ஹேவம் வத்தப்³பே³…பே… ‘‘இத³ம் து³க்க²’’ந்தி வாசம் பா⁴ஸதோ ‘‘இத³ம் து³க்க²’’ந்தி ஞாணம் பவத்ததீதி? ஆமந்தா. ‘‘அயம் மக்³கோ³’’தி வாசம் பா⁴ஸதோ ‘‘அயம் மக்³கோ³’’தி ஞாணம் பவத்ததீதி? ந ஹேவம் வத்தப்³பே³…பே….

‘‘அயம் ஸமுத³யோ’’தி வாசம் பா⁴ஸதோ ந ச ‘‘அயம் ஸமுத³யோ’’தி ஞாணம் பவத்ததீதி? ஆமந்தா. ‘‘இத³ம் து³க்க²’’ந்தி வாசம் பா⁴ஸதோ ந ச ‘‘இத³ம் து³க்க²’’ந்தி ஞாணம் பவத்ததீதி? ந ஹேவம் வத்தப்³பே³…பே… ‘‘அயம் நிரோதோ⁴’’தி… ‘‘அயம் மக்³கோ³’’தி வாசம் பா⁴ஸதோ ந ச ‘‘அயம் மக்³கோ³’’தி ஞாணம் பவத்ததீதி? ஆமந்தா. ‘‘இத³ம் து³க்க²’’ந்தி வாசம் பா⁴ஸதோ ந ச ‘‘இத³ம் து³க்க²’’ந்தி ஞாணம் பவத்ததீதி? ந ஹேவம் வத்தப்³பே³…பே….

619. ‘‘இத³ம் து³க்க²’’ந்தி வாசம் பா⁴ஸதோ ‘‘இத³ம் து³க்க²’’ந்தி ஞாணம் பவத்ததீதி? ஆமந்தா. ‘‘ரூபம் அனிச்ச’’ந்தி வாசம் பா⁴ஸதோ ‘‘ரூபம் அனிச்ச’’ந்தி ஞாணம் பவத்ததீதி? ந ஹேவம் வத்தப்³பே³…பே… ‘‘இத³ம் து³க்க²’’ந்தி வாசம் பா⁴ஸதோ ‘‘இத³ம் து³க்க²’’ந்தி ஞாணம் பவத்ததீதி? ஆமந்தா. வேத³னா… ஸஞ்ஞா… ஸங்கா²ரா… ‘‘விஞ்ஞாணம் அனிச்ச’’ந்தி வாசம் பா⁴ஸதோ ‘‘விஞ்ஞாணம் அனிச்ச’’ந்தி ஞாணம் பவத்ததீதி? ந ஹேவம் வத்தப்³பே³…பே….

‘‘இத³ம் து³க்க²’’ந்தி வாசம் பா⁴ஸதோ ‘‘இத³ம் து³க்க²’’ந்தி ஞாணம் பவத்ததீதி? ஆமந்தா. ‘‘ரூபம் அனத்தா’’தி வாசம் பா⁴ஸதோ ‘‘ரூபம் அனத்தா’’தி ஞாணம் பவத்ததீதி? ந ஹேவம் வத்தப்³பே³…பே… ‘‘இத³ம் து³க்க²’’ந்தி வாசம் பா⁴ஸதோ ‘‘இத³ம் து³க்க²’’ந்தி ஞாணம் பவத்ததீதி? ஆமந்தா. வேத³னா … ஸஞ்ஞா… ஸங்கா²ரா… ‘‘விஞ்ஞாணம் அனத்தா’’தி வாசம் பா⁴ஸதோ ‘‘விஞ்ஞாணம் அனத்தா’’தி ஞாணம் பவத்ததீதி? ந ஹேவம் வத்தப்³பே³…பே….

‘‘ரூபம் அனிச்ச’’ந்தி வாசம் பா⁴ஸதோ ந ச ‘‘ரூபம் அனிச்ச’’ந்தி ஞாணம் பவத்ததீதி? ஆமந்தா. ‘‘இத³ம் து³க்க²’’ந்தி வாசம் பா⁴ஸதோ ந ச ‘‘இத³ம் து³க்க²’’ந்தி ஞாணம் பவத்ததீதி? ந ஹேவம் வத்தப்³பே³…பே… வேத³னா… ஸஞ்ஞா… ஸங்கா²ரா… ‘‘விஞ்ஞாணம் அனிச்ச’’ந்தி வாசம் பா⁴ஸதோ ந ச ‘‘விஞ்ஞாணம் அனிச்ச’’ந்தி ஞாணம் பவத்ததீதி? ஆமந்தா. ‘‘இத³ம் து³க்க²’’ந்தி வாசம் பா⁴ஸதோ ந ச ‘‘இத³ம் து³க்க²’’ந்தி ஞாணம் பவத்ததீதி? ந ஹேவம் வத்தப்³பே³…பே….

‘‘ரூபம் அனத்தா’’தி வாசம் பா⁴ஸதோ ந ச ‘‘ரூபம் அனத்தா’’தி ஞாணம் பவத்ததீதி? ஆமந்தா. ‘‘இத³ம் து³க்க²’’ந்தி வாசம் பா⁴ஸதோ ந ச ‘‘இத³ம் து³க்க²’’ந்தி ஞாணம் பவத்ததீதி? ந ஹேவம் வத்தப்³பே³ …பே… வேத³னா… ஸஞ்ஞா… ஸங்கா²ரா… ‘‘விஞ்ஞாணம் அனத்தா’’தி வாசம் பா⁴ஸதோ ந ச ‘‘விஞ்ஞாணம் அனத்தா’’தி ஞாணம் பவத்ததீதி? ஆமந்தா. ‘‘இத³ம் து³க்க²’’ந்தி வாசம் பா⁴ஸதோ ந ச ‘‘து³க்க²’’ந்தி ஞாணம் பவத்ததீதி? ந ஹேவம் வத்தப்³பே³…பே….

620. ‘‘இத³ம் து³க்க²’’ந்தி வாசம் பா⁴ஸதோ ‘‘இத³ம் து³க்க²’’ந்தி ஞாணம் பவத்ததீதி? ஆமந்தா. ‘‘இ’’தி [ஈதி (ஸ்யா. பீ.)] ச ‘‘த³’’ந்தி ச ‘‘து³’’தி [தூ³தி (ஸ்யா. பீ.)] ச ‘‘க²’’ந்தி ச ஞாணம் பவத்ததீதி? ந ஹேவம் வத்தப்³பே³…பே….

இத³ம் து³க்க²ந்திகதா² நிட்டி²தா.

11. ஏகாத³ஸமவக்³கோ³

(112) 7. இத்³தி⁴ப³லகதா²

621. இத்³தி⁴ப³லேன ஸமன்னாக³தோ கப்பம் திட்டே²ய்யாதி? ஆமந்தா. இத்³தி⁴மயிகோ ஸோ ஆயு, இத்³தி⁴மயிகா ஸா க³தி, இத்³தி⁴மயிகோ ஸோ அத்தபா⁴வப்படிலாபோ⁴தி? ந ஹேவம் வத்தப்³பே³…பே….

இத்³தி⁴ப³லேன ஸமன்னாக³தோ கப்பம் திட்டே²ய்யாதி? ஆமந்தா. அதீதம் கப்பம் திட்டே²ய்ய, அனாக³தம் கப்பம் திட்டே²ய்யாதி? ந ஹேவம் வத்தப்³பே³…பே… இத்³தி⁴ப³லேன ஸமன்னாக³தோ கப்பம் திட்டே²ய்யாதி? ஆமந்தா. த்³வே கப்பே திட்டே²ய்ய, தயோ கப்பே திட்டே²ய்ய, சத்தாரோ கப்பே திட்டே²ய்யாதி? ந ஹேவம் வத்தப்³பே³…பே… இத்³தி⁴ப³லேன ஸமன்னாக³தோ கப்பம் திட்டே²ய்யாதி? ஆமந்தா. ஸதி ஜீவிதே ஜீவிதாவஸேஸே திட்டே²ய்ய, அஸதி ஜீவிதே ஜீவிதாவஸேஸே திட்டே²ய்யாதி? ஸதி ஜீவிதே ஜீவிதாவஸேஸே திட்டே²ய்யாதி. ஹஞ்சி ஸதி ஜீவிதே ஜீவிதாவஸேஸே திட்டே²ய்ய, நோ ச வத ரே வத்தப்³பே³ – ‘‘இத்³தி⁴ப³லேன ஸமன்னாக³தோ கப்பம் திட்டே²ய்யா’’தி. அஸதி ஜீவிதே ஜீவிதாவஸேஸே திட்டே²ய்யாதி, மதோ திட்டே²ய்ய, காலங்கதோ திட்டே²ய்யாதி? ந ஹேவம் வத்தப்³பே³…பே….

622. இத்³தி⁴ப³லேன ஸமன்னாக³தோ கப்பம் திட்டே²ய்யாதி? ஆமந்தா. உப்பன்னோ ப²ஸ்ஸோ மா நிருஜ்ஜீ²தி லப்³பா⁴ இத்³தி⁴யா பக்³க³ஹேதுந்தி? ந ஹேவம் வத்தப்³பே³…பே… உப்பன்னா வேத³னா…பே… உப்பன்னா ஸஞ்ஞா …பே… உப்பன்னா சேதனா…பே… உப்பன்னம் சித்தம்… உப்பன்னா ஸத்³தா⁴… உப்பன்னம் வீரியம்… உப்பன்னா ஸதி… உப்பன்னோ ஸமாதி⁴ …பே… உப்பன்னா பஞ்ஞா மா நிருஜ்ஜீ²தி லப்³பா⁴ இத்³தி⁴யா பக்³க³ஹேதுந்தி? ந ஹேவம் வத்தப்³பே³…பே….

இத்³தி⁴ப³லேன ஸமன்னாக³தோ கப்பம் திட்டே²ய்யாதி? ஆமந்தா. ரூபம் நிச்சம் ஹோதூதி லப்³பா⁴ இத்³தி⁴யா பக்³க³ஹேதுந்தி? ந ஹேவம் வத்தப்³பே³…பே… வேத³னா…பே… ஸஞ்ஞா… ஸங்கா²ரா… விஞ்ஞாணம் நிச்சம் ஹோதூதி லப்³பா⁴ இத்³தி⁴யா பக்³க³ஹேதுந்தி? ந ஹேவம் வத்தப்³பே³…பே….

இத்³தி⁴ப³லேன ஸமன்னாக³தோ கப்பம் திட்டே²ய்யாதி? ஆமந்தா. ஜாதித⁴ம்மா ஸத்தா மா ஜாயிம்ஸூதி லப்³பா⁴ இத்³தி⁴யா பக்³க³ஹேதுந்தி? ந ஹேவம் வத்தப்³பே³…பே… ஜராத⁴ம்மா ஸத்தா மா ஜீரிம்ஸூதி…பே… ப்³யாதி⁴த⁴ம்மா ஸத்தா மா ப்³யாதி⁴யிம்ஸூதி…பே… மரணத⁴ம்மா ஸத்தா மா மீயிம்ஸூதி லப்³பா⁴ இத்³தி⁴யா பக்³க³ஹேதுந்தி? ந ஹேவம் வத்தப்³பே³…பே….

623. ந வத்தப்³ப³ம் – ‘‘இத்³தி⁴ப³லேன ஸமன்னாக³தோ கப்பம் திட்டே²ய்யா’’தி? ஆமந்தா. நனு வுத்தம் ப⁴க³வதா – ‘‘யஸ்ஸ கஸ்ஸசி, ஆனந்த³, சத்தாரோ இத்³தி⁴பாதா³ பா⁴விதா ப³ஹுலீகதா யானீகதா வத்து²கதா அனுட்டி²தா பரிசிதா ஸுஸமாரத்³தா⁴, ஸோ ஆகங்க²மானோ கப்பம் வா திட்டே²ய்ய கப்பாவஸேஸம் வா’’தி [தீ³. நி. 2.166; ஸம். நி. 5.822; உதா³. 51]! அத்தே²வ ஸுத்தந்தோதி? ஆமந்தா. தேன ஹி இத்³தி⁴ப³லேன ஸமன்னாக³தோ கப்பம் திட்டே²ய்யாதி.

624. இத்³தி⁴ப³லேன ஸமன்னாக³தோ கப்பம் திட்டே²ய்யாதி? ஆமந்தா. நனு வுத்தம் ப⁴க³வதா – ‘‘சதுன்னம், பி⁴க்க²வே, த⁴ம்மானம் நத்தி² கோசி பாடிபோ⁴கோ³ ஸமணோ வா ப்³ராஹ்மணோ வா தே³வோ வா மாரோ வா ப்³ரஹ்மா வா கோசி வா லோகஸ்மிம்! கதமேஸம் சதுன்னம்? ஜராத⁴ம்மோ ‘‘மா ஜீரீ’’தி நத்தி² கோசி பாடிபோ⁴கோ³ ஸமணோ வா ப்³ராஹ்மணோ வா தே³வோ வா மாரோ வா ப்³ரஹ்மா வா கோசி வா லோகஸ்மிம். ப்³யாதி⁴த⁴ம்மோ ‘‘மா ப்³யாதி⁴யீ’’தி…பே… மரணத⁴ம்மோ ‘‘மா மீயீ’’தி…பே… யானி கோ² பன தானி புப்³பே³ கதானி பாபகானி கம்மானி ஸம்கிலேஸிகானி போனோப்³ப⁴விகானி [போனோப⁴விகானி (ஸீ. பீ.)] ஸத³ரானி [நிஸ்ஸாரானி (ஸீ. பீ. க.), து³க்கு²த்³ரயானி (ஸ்யா.)] து³க்க²விபாகானி ஆயதிம் ஜாதிஜராமரணியானி தேஸம் விபாகோ ‘‘மா நிப்³ப³த்தீ’’தி நத்தி² கோசி பாடிபோ⁴கோ³ ஸமணோ வா ப்³ராஹ்மணோ வா தே³வோ வா மாரோ வா ப்³ரஹ்மா வா கோசி வா லோகஸ்மிம். இமேஸம் கோ², பி⁴க்க²வே, சதுன்னம் த⁴ம்மானம் நத்தி² கோசி பாடிபோ⁴கோ³ ஸமணோ வா ப்³ராஹ்மணோ வா தே³வோ வா மாரோ வா ப்³ரஹ்மா வா கோசி வா லோகஸ்மி’’ந்தி [அ. நி. 4.182]. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘இத்³தி⁴ப³லேன ஸமன்னாக³தோ கப்பம் திட்டே²ய்யா’’தி.

இத்³தி⁴ப³லகதா² நிட்டி²தா.

11. ஏகாத³ஸமவக்³கோ³

(113) 8. ஸமாதி⁴கதா²

625. சித்தஸந்ததி ஸமாதீ⁴தி? ஆமந்தா. அதீதா சித்தஸந்ததி ஸமாதீ⁴தி? ந ஹேவம் வத்தப்³பே³ …பே… சித்தஸந்ததி ஸமாதீ⁴தி? ஆமந்தா. அனாக³தா சித்தஸந்ததி ஸமாதீ⁴தி? ந ஹேவம் வத்தப்³பே³…பே… சித்தஸந்ததி ஸமாதீ⁴தி? ஆமந்தா. நனு அதீதம் நிருத்³த⁴ம் அனாக³தம் அஜாதந்தி? ஆமந்தா. ஹஞ்சி அதீதம் நிருத்³த⁴ம் அனாக³தம் அஜாதம், நோ ச வத ரே வத்தப்³பே³ – ‘‘சித்தஸந்ததி ஸமாதீ⁴’’தி.

626. ஏகசித்தக்க²ணிகோ ஸமாதீ⁴தி? ஆமந்தா. சக்கு²விஞ்ஞாணஸமங்கீ³ ஸமாபன்னோதி? ந ஹேவம் வத்தப்³பே³…பே… ஸோதவிஞ்ஞாணஸமங்கீ³…பே… கா⁴னவிஞ்ஞாணஸமங்கீ³… ஜிவ்ஹாவிஞ்ஞாணஸமங்கீ³… காயவிஞ்ஞாணஸமங்கீ³…பே… அகுஸலசித்தஸமங்கீ³ …பே… ராக³ஸஹக³தசித்தஸமங்கீ³…பே… தோ³ஸஸஹக³தசித்தஸமங்கீ³…பே… மோஹஸஹக³தசித்தஸமங்கீ³…பே… அனோத்தப்பஸஹக³தசித்தஸமங்கீ³ ஸமாபன்னோதி? ந ஹேவம் வத்தப்³பே³…பே….

சித்தஸந்ததி ஸமாதீ⁴தி? ஆமந்தா. அகுஸலசித்தஸந்ததி ஸமாதீ⁴தி? ந ஹேவம் வத்தப்³பே³…பே… ராக³ஸஹக³தா…பே… தோ³ஸஸஹக³தா…பே… மோஹஸஹக³தா…பே… அனோத்தப்பஸஹக³தா சித்தஸந்ததி ஸமாதீ⁴தி? ந ஹேவம் வத்தப்³பே³…பே….

ந வத்தப்³ப³ம் – ‘‘சித்தஸந்ததி ஸமாதீ⁴’’தி? ஆமந்தா. நனு வுத்தம் ப⁴க³வதா – ‘‘அஹம் கோ², ஆவுஸோ நிக³ண்டா², பஹோமி அனிஞ்ஜமானோ காயேன, அபா⁴ஸமானோ வாசம், ஸத்த ரத்திந்தி³வானி [ரத்திதி³வானி (க.)] ஏகந்தஸுக²ம் படிஸம்வேதீ³ விஹரிது’’ந்தி [ம. நி. 1.180]! அத்தே²வ ஸுத்தந்தோதி? ஆமந்தா. தேன ஹி சித்தஸந்ததி ஸமாதீ⁴தி.

ஸமாதி⁴கதா² நிட்டி²தா.

11. ஏகாத³ஸமவக்³கோ³

(114) 9. த⁴ம்மட்டி²ததாகதா²

627. த⁴ம்மட்டி²ததா பரினிப்ப²ன்னாதி? ஆமந்தா. தாய டி²ததா பரினிப்ப²ன்னாதி? ந ஹேவம் வத்தப்³பே³…பே… தாய டி²ததா பரினிப்ப²ன்னாதி? ஆமந்தா. தாய தாயேவ நத்தி² து³க்க²ஸ்ஸந்தகிரியா, நத்தி² வட்டுபச்சே²தோ³, நத்தி² அனுபாதா³பரினிப்³பா³னந்தி? ந ஹேவம் வத்தப்³பே³…பே….

ரூபஸ்ஸ டி²ததா பரினிப்ப²ன்னாதி? ஆமந்தா. தாய டி²ததா பரினிப்ப²ன்னாதி? ந ஹேவம் வத்தப்³பே³…பே… தாய டி²ததா பரினிப்ப²ன்னாதி? ஆமந்தா. தாய தாயேவ நத்தி² து³க்க²ஸ்ஸந்தகிரியா, நத்தி² வட்டுபச்சே²தோ³, நத்தி² அனுபாதா³பரினிப்³பா³னந்தி? ந ஹேவம் வத்தப்³பே³…பே….

வேத³னாய டி²ததா…பே… ஸஞ்ஞாய டி²ததா…பே… ஸங்கா²ரானம் டி²ததா…பே… விஞ்ஞாணஸ்ஸ டி²ததா பரினிப்ப²ன்னாதி? ஆமந்தா. தாய டி²ததா பரினிப்ப²ன்னாதி? ந ஹேவம் வத்தப்³பே³…பே… தாய டி²ததா பரினிப்ப²ன்னாதி? ஆமந்தா. தாய தாயேவ நத்தி² து³க்க²ஸ்ஸந்தகிரியா, நத்தி² வட்டுபச்சே²தோ³, நத்தி² அனுபாதா³பரினிப்³பா³னந்தி? ந ஹேவம் வத்தப்³பே³…பே….

த⁴ம்மட்டி²ததாகதா² நிட்டி²தா.

11. ஏகாத³ஸமவக்³கோ³

(115) 10. அனிச்சதாகதா²

628. அனிச்சதா பரினிப்ப²ன்னாதி? ஆமந்தா. தாய அனிச்சதாய அனிச்சதா பரினிப்ப²ன்னாதி? ந ஹேவம் வத்தப்³பே³…பே… தாய அனிச்சதாய அனிச்சதா பரினிப்ப²ன்னாதி? ஆமந்தா. தாய தாயேவ நத்தி² து³க்க²ஸ்ஸந்தகிரியா, நத்தி² வட்டுபச்சே²தோ³, நத்தி² அனுபாதா³பரினிப்³பா³னந்தி? ந ஹேவம் வத்தப்³பே³.

ஜரா பரினிப்ப²ன்னாதி? ஆமந்தா. தாய ஜராய ஜரா பரினிப்ப²ன்னாதி? ந ஹேவம் வத்தப்³பே³…பே… தாய ஜராய ஜரா பரினிப்ப²ன்னாதி? ஆமந்தா. தாய தாயேவ நத்தி² து³க்க²ஸ்ஸந்தகிரியா, நத்தி² வட்டுபச்சே²தோ³, நத்தி² அனுபாதா³பரினிப்³பா³னந்தி? ந ஹேவம் வத்தப்³பே³…பே….

மரணம் பரினிப்ப²ன்னந்தி? ஆமந்தா. தஸ்ஸ மரணஸ்ஸ மரணம் பரினிப்ப²ன்னந்தி? ந ஹேவம் வத்தப்³பே³. தஸ்ஸ மரணஸ்ஸ மரணம் பரினிப்ப²ன்னந்தி? ஆமந்தா. தஸ்ஸ தஸ்ஸேவ நத்தி² து³க்க²ஸ்ஸந்தகிரியா, நத்தி² வட்டுபச்சே²தோ³, நத்தி² அனுபாதா³பரினிப்³பா³னந்தி? ந ஹேவம் வத்தப்³பே³…பே….

629. ரூபம் பரினிப்ப²ன்னம், ரூபஸ்ஸ அனிச்சதா அத்தீ²தி? ஆமந்தா. அனிச்சதா பரினிப்ப²ன்னா, அனிச்சதாய அனிச்சதா அத்தீ²தி? ந ஹேவம் வத்தப்³பே³…பே… ரூபம் பரினிப்ப²ன்னம், ரூபஸ்ஸ ஜரா அத்தீ²தி? ஆமந்தா. ஜரா பரினிப்ப²ன்னா, ஜராய ஜரா அத்தீ²தி? ந ஹேவம் வத்தப்³பே³…பே….

ரூபம் பரினிப்ப²ன்னம், ரூபஸ்ஸ பே⁴தோ³ அத்தி², அந்தரதா⁴னம் அத்தீ²தி? ஆமந்தா. மரணம் பரினிப்ப²ன்னம், மரணஸ்ஸ பே⁴தோ³ அத்தி², அந்தரதா⁴னம் அத்தீ²தி? ந ஹேவம் வத்தப்³பே³…பே….

வேத³னா …பே… ஸஞ்ஞா… ஸங்கா²ரா…பே… விஞ்ஞாணம் பரினிப்ப²ன்னம், விஞ்ஞாணஸ்ஸ அனிச்சதா அத்தீ²தி? ஆமந்தா. அனிச்சதா பரினிப்ப²ன்னா, அனிச்சதாய அனிச்சதா அத்தீ²தி? ந ஹேவம் வத்தப்³பே³ …பே… விஞ்ஞாணம் பரினிப்ப²ன்னம், விஞ்ஞாணஸ்ஸ ஜரா அத்தீ²தி? ஆமந்தா. ஜரா பரினிப்ப²ன்னா, ஜராய ஜரா அத்தீ²தி? ந ஹேவம் வத்தப்³பே³…பே….

விஞ்ஞாணம் பரினிப்ப²ன்னம், விஞ்ஞாணஸ்ஸ பே⁴தோ³ அத்தி², அந்தரதா⁴னம் அத்தீ²தி? ஆமந்தா. மரணம் பரினிப்ப²ன்னம், மரணஸ்ஸ பே⁴தோ³ அத்தி², அந்தரதா⁴னம் அத்தீ²தி? ந ஹேவம் வத்தப்³பே³…பே….

அனிச்சதாகதா² நிட்டி²தா.

ஏகாத³ஸமவக்³கோ³.

தஸ்ஸுத்³தா³னம் –

அனுஸயா அப்³யாகதா, அஹேதுகா, சித்தவிப்பயுத்தா, அஞ்ஞாணே விக³தே ஞாணீ, ஞாணம் சித்தவிப்பயுத்தம், யத்த² ஸத்³தே³ [யத்த² ஸத்³தோ³ (ஸீ.), யதா²ஸத்³த³ம் (?)] ஞாணம் பவத்ததி, இத்³தி⁴ப³லேன ஸமன்னாக³தோ கப்பம் திட்டே²ய்ய, சித்தஸந்ததி ஸமாதி⁴, த⁴ம்மட்டி²ததா, அனிச்சதாதி.