5. இந்த்³ரியம்

50. சக்கு²ந்த்³ரியம் கதிஹி க²ந்தே⁴ஹி கதிஹாயதனேஹி கதிஹி தா⁴தூஹி ஸங்க³ஹிதம்? சக்கு²ந்த்³ரியம் ஏகேன க²ந்தே⁴ன ஏகேனாயதனேன ஏகாய தா⁴துயா ஸங்க³ஹிதம். கதிஹி அஸங்க³ஹிதம்? சதூஹி க²ந்தே⁴ஹி ஏகாத³ஸஹாயதனேஹி ஸத்தரஸஹி தா⁴தூஹி அஸங்க³ஹிதம்.

51. ஸோதிந்த்³ரியம்… கா⁴னிந்த்³ரியம்… ஜிவ்ஹிந்த்³ரியம்… காயிந்த்³ரியம்… இத்தி²ந்த்³ரியம் … புரிஸிந்த்³ரியம் ஏகேன க²ந்தே⁴ன ஏகேனாயதனேன ஏகாய தா⁴துயா ஸங்க³ஹிதம். கதிஹி அஸங்க³ஹிதம்? சதூஹி க²ந்தே⁴ஹி ஏகாத³ஸஹாயதனேஹி ஸத்தரஸஹி தா⁴தூஹி அஸங்க³ஹிதம்.

52. மனிந்த்³ரியம் ஏகேன க²ந்தே⁴ன ஏகேனாயதனேன ஸத்தஹி தா⁴தூஹி ஸங்க³ஹிதம். கதிஹி அஸங்க³ஹிதம்? சதூஹி க²ந்தே⁴ஹி ஏகாத³ஸஹாயதனேஹி ஏகாத³ஸஹி தா⁴தூஹி அஸங்க³ஹிதம்.

53. ஜீவிதிந்த்³ரியம் த்³வீஹி க²ந்தே⁴ஹி ஏகேனாயதனேன ஏகாய தா⁴துயா ஸங்க³ஹிதம். கதிஹி அஸங்க³ஹிதம்? தீஹி க²ந்தே⁴ஹி ஏகாத³ஸஹாயதனேஹி ஸத்தரஸஹி தா⁴தூஹி அஸங்க³ஹிதம்.

54. ஸுகி²ந்த்³ரியம் … து³க்கி²ந்த்³ரியம்… ஸோமனஸ்ஸிந்த்³ரியம்… தோ³மனஸ்ஸிந்த்³ரியம்… உபேக்கி²ந்த்³ரியம்… ஸத்³தி⁴ந்த்³ரியம்… வீரியிந்த்³ரியம்… ஸதிந்த்³ரியம்… ஸமாதி⁴ந்த்³ரியம்… பஞ்ஞிந்த்³ரியம்… அனஞ்ஞாதஞ்ஞஸ்ஸாமீதிந்த்³ரியம்… அஞ்ஞிந்த்³ரியம்… அஞ்ஞாதாவிந்த்³ரியம் ஏகேன க²ந்தே⁴ன ஏகேனாயதனேன ஏகாய தா⁴துயா ஸங்க³ஹிதம். கதிஹி அஸங்க³ஹிதம்? சதூஹி க²ந்தே⁴ஹி ஏகாத³ஸஹாயதனேஹி ஸத்தரஸஹி தா⁴தூஹி அஸங்க³ஹிதம்.

(ஏகமூலகம்.)

55. சக்கு²ந்த்³ரியஞ்ச ஸோதிந்த்³ரியஞ்ச ஏகேன க²ந்தே⁴ன த்³வீஹாயதனேஹி த்³வீஹி தா⁴தூஹி ஸங்க³ஹிதா. கதிஹி அஸங்க³ஹிதா? சதூஹி க²ந்தே⁴ஹி த³ஸஹாயதனேஹி ஸோளஸஹி தா⁴தூஹி அஸங்க³ஹிதா.

56. சக்கு²ந்த்³ரியஞ்ச கா⁴னிந்த்³ரியஞ்ச… சக்கு²ந்த்³ரியஞ்ச ஜிவ்ஹிந்த்³ரியஞ்ச… சக்கு²ந்த்³ரியஞ்ச காயிந்த்³ரியஞ்ச… சக்கு²ந்த்³ரியஞ்ச இத்தி²ந்த்³ரியஞ்ச… சக்கு²ந்த்³ரியஞ்ச புரிஸிந்த்³ரியஞ்ச ஏகேன க²ந்தே⁴ன த்³வீஹாயதனேஹி த்³வீஹி தா⁴தூஹி ஸங்க³ஹிதா. கதிஹி அஸங்க³ஹிதா? சதூஹி க²ந்தே⁴ஹி த³ஸஹாயதனேஹி ஸோளஸஹி தா⁴தூஹி அஸங்க³ஹிதா.

57. சக்கு²ந்த்³ரியஞ்ச மனிந்த்³ரியஞ்ச த்³வீஹி க²ந்தே⁴ஹி த்³வீஹாயதனேஹி அட்ட²ஹி தா⁴தூஹி ஸங்க³ஹிதா. கதிஹி அஸங்க³ஹிதா? தீஹி க²ந்தே⁴ஹி த³ஸஹாயதனேஹி த³ஸஹி தா⁴தூஹி அஸங்க³ஹிதா.

58. சக்கு²ந்த்³ரியஞ்ச ஜீவிதிந்த்³ரியஞ்ச த்³வீஹி க²ந்தே⁴ஹி த்³வீஹாயதனேஹி த்³வீஹி தா⁴தூஹி ஸங்க³ஹிதா. கதிஹி அஸங்க³ஹிதா? தீஹி க²ந்தே⁴ஹி த³ஸஹாயதனேஹி ஸோளஸஹி தா⁴தூஹி அஸங்க³ஹிதா.

59. சக்கு²ந்த்³ரியஞ்ச ஸுகி²ந்த்³ரியஞ்ச… சக்கு²ந்த்³ரியஞ்ச து³க்கி²ந்த்³ரியஞ்ச… சக்கு²ந்த்³ரியஞ்ச ஸோமனஸ்ஸிந்த்³ரியஞ்ச… சக்கு²ந்த்³ரியஞ்ச தோ³மனஸ்ஸிந்த்³ரியஞ்ச… சக்கு²ந்த்³ரியஞ்ச உபேக்கி²ந்த்³ரியஞ்ச… சக்கு²ந்த்³ரியஞ்ச ஸத்³தி⁴ந்த்³ரியஞ்ச… சக்கு²ந்த்³ரியஞ்ச வீரியிந்த்³ரியஞ்ச… சக்கு²ந்த்³ரியஞ்ச ஸதிந்த்³ரியஞ்ச… சக்கு²ந்த்³ரியஞ்ச ஸமாதி⁴ந்த்³ரியஞ்ச… சக்கு²ந்த்³ரியஞ்ச பஞ்ஞிந்த்³ரியஞ்ச… சக்கு²ந்த்³ரியஞ்ச அனஞ்ஞாதஞ்ஞஸ்ஸாமீதிந்த்³ரியஞ்ச… சக்கு²ந்த்³ரியஞ்ச அஞ்ஞிந்த்³ரியஞ்ச… சக்கு²ந்த்³ரியஞ்ச அஞ்ஞாதாவிந்த்³ரியஞ்ச த்³வீஹி க²ந்தே⁴ஹி த்³வீஹாயதனேஹி த்³வீஹி தா⁴தூஹி ஸங்க³ஹிதா. கதிஹி அஸங்க³ஹிதா? தீஹி க²ந்தே⁴ஹி த³ஸஹாயதனேஹி ஸோளஸஹி தா⁴தூஹி அஸங்க³ஹிதா.

(து³கமூலகம்.)

60. பா³வீஸதிந்த்³ரியானி கதிஹி க²ந்தே⁴ஹி கதிஹாயதனேஹி கதிஹி தா⁴தூஹி ஸங்க³ஹிதானி? பா³வீஸதிந்த்³ரியானி சதூஹி க²ந்தே⁴ஹி ஸத்தஹாயதனேஹி தேரஸஹி தா⁴தூஹி ஸங்க³ஹிதானி. கதிஹி அஸங்க³ஹிதானி? ஏகேன க²ந்தே⁴ன பஞ்சஹாயதனேஹி பஞ்சஹி தா⁴தூஹி அஸங்க³ஹிதானி.