8. மஹிம்ஸகரட்ட²ஸ்ஸாஸனவம்ஸகதா²மக்³கோ³

8. இதா³னி யதா²வுத்தமாதிகாவஸேன மஹிம்ஸகரட்ட²ஸாஸனவம்ஸகதா²மக்³க³ம் வத்தும் ஓகாஸோ அனுப்பத்தோ, தஸ்மா தம் வக்கா²மி.

ததியஸங்கீ³தாவஸானே ஹி மஹாமோக்³க³லிபுத்ததிஸ்ஸத்தே²ரோ மஹாரேவத்தே²ரம் மஹிம்ஸகமண்ட³லம் பேஸேஸி,- த்வம் ஏதம் ரட்ட²ம் க³ந்த்வா ஏத்த² ஸாஸனம் பதிட்டா²பேஹீதி.

ஸோச அத்தபஞ்சமோ ஹுத்வா மஹிம்ஸகமண்ட³லம் அக³மாஸி பச்சந்திமேஸு ஜனபதே³ஸு பஞ்சவக்³கோ³ க³ணோ அலம் உபஸம்பத³கம்மாயாதி மஞ்ஞமானோ. தே²ரோ மஹிம்ஸகமண்ட³லம் க³ந்த்வா தே³வதூ³தஸுத்தம் கதே²ஸி. ஸுத்தபரியோஸானே சத்தாலீஸபாணஸஹஸ்ஸானி த⁴ம்மசக்கு²ம் ப்படிலபி⁴ம்ஸு. சத்தாலீஸம்யேவ பாணஸஹஸ்ஸானி பப்³ப³ஜிம்ஸு.

க³ந்த்வான ரட்ட²ம் மஹிம்ஸம், மஹாரேவோ மஹித்³தி⁴கோ;

சோதே³த்வா தே³வதூ³தேஹி, மோசேஸி ப³ந்த⁴னா ப³ஹூதி.

அது⁴னா பன தத்த² ஸாஸனஸ்ஸ அப்³பே⁴ஹிவிய படிச்ச²ன்னஸ்ஸ ஸூரியஸ்ஸ ஓகாஸோ து³ப்³ப³லோ ஹுத்வா பஞ்ஞாயதி.

இதி ஸாஸனவம்ஸே மஹிம்ஸகரட்ட²ஸாஸனவம்ஸகதா²மக்³கோ³

நாம அட்ட²மோ பரிச்சே²தோ³.