3. பத்தவக்³கோ³, 10. பரிணத ஸிக்கா²புச்சா²
புச்சா² – யம் தேன ஆவுஸோ ப⁴க³வதா பஸ்ஸதா அரஹதா ஸம்மாஸம்பு³த்³தே⁴ன ஜானம் ஸங்கி⁴கம் லாப⁴ம் அத்த²னோ பரிணாமேந்தஸ்ஸ நிஸ்ஸக்³கி³யம் பாசித்தியம் கத்த² பஞ்ஞத்தம்.
விஸ்ஸஜ்ஜனா – ஸாவத்தி²யம் ப⁴ந்தே பஞ்ஞத்தம்.
புச்சா² – கம் ஆவுஸோ ஆரப்³ப⁴ கிஸ்மிம் வத்து²ஸ்மிம் பஞ்ஞத்தம்.
விஸ்ஸஜ்ஜனா – ச²ப்³ப³க்³கி³யே ப⁴ந்தே பி⁴க்கூ² ஆரப்³ப⁴ பஞ்ஞத்தம், ச²ப்³ப³க்³கி³யா ப⁴ந்தே பி⁴க்கூ² ஜானம் ஸங்கி⁴கம் லாப⁴ம் பரிணதம் அத்தனோ பரிணாமேஸும், தஸ்மிம் ப⁴ந்தே வத்து²ஸ்மிம் பஞ்ஞத்தம்.
புச்சா² – ஜானம் ஆவுஸோ ஸங்கி⁴கம் லாப⁴ம் பரிணதம் அத்தனோ பரிணாமேந்தோ, கதி ஆபத்தியோ ஆபஜ்ஜதி.
விஸ்ஸஜ்ஜனா – ஜானம் ப⁴ந்தே ஸங்கி⁴கம் லாப⁴ம் பரிணதம் அத்தனோ பரிணாமேந்தோ த்³வே ஆபத்தியோ ஆபஜ்ஜதி, பரிணாமேதி பயோகே³ து³க்கடம், பரிணாமிதே நிஸ்ஸக்³கி³யம் பாசித்தியம், ஜானம் ப⁴ந்தே ஸங்கி⁴கம் லாப⁴ம் பரிணதம் அத்தனோ பரிணாமேந்தோ இமா த்³வே ஆபத்தியோ ஆபஜ்ஜதி.
புச்சா² – கஸ்ஸ ஆவுஸோ வசனம்.
விஸ்ஸஜ்ஜனா – ப⁴க³வதோ ப⁴ந்தே வசனம் அரஹதோ ஸம்மாஸம்பு³த்³த⁴ஸ்ஸ.
புச்சா² – கேனாவுஸோ ஆப⁴தம்.
விஸ்ஸஜ்ஜனா – பரம்பராய ப⁴ந்தே ஆப⁴தம்.
புச்சா² – அத்தி² நுகோ² ஆவுஸோ தத்த² கோசிபி விரத்³த⁴தோ³ஸோ.
விஸ்ஸஜ்ஜனா – நத்தி² ப⁴ந்தே.
ஸம்கா³யனத்தா²ய ஞாபனம்
ஸுணாது மே ப⁴ந்தே ஸங்கோ⁴, அஹம் ப⁴ந்தே இமேஸம் ஸோளஸன்னம் நிஸ்ஸக்³கி³யபாசித்தியஸிக்கா²பதா³னம் நிதா³னாதீ³னி அனேகானி புச்சி²தப்³பா³னி ஆயஸ்மந்தம் விசித்தஸாராபி⁴வம்ஸம் திபிடகத⁴ர த⁴ம்மப⁴ண்டா³கா³ரிகம் புச்சி²ம், ஸோ ச புட்டோ² புட்டோ² விஸ்ஸஜ்ஜேதி, இதிஹித³ம் ப⁴ந்தே ஸிக்கா²பத³ஸஞ்ஜாதம் நிம்மலம் ஸு பரிஸுத்³த⁴ம் தஸ்ஸேவ ப⁴க³வதோ வசனம் அரஹதோ ஸம்மாஸம்பு³த்³த⁴ஸ்ஸ, தஸ்மா யதா² புரே மஹாகஸ்ஸபாத³யோ மஹாதே²ர வரா போராணஸம்கீ³திகாரா ப்³ரஹ்மசரியஸங்கா²தஸ்ஸ பு³த்³த⁴ஸாஸனஸ்ஸ சிரட்டி²தியா ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய தே³வமனுஸ்ஸானம் த⁴ம்மவினயம் ஸம்கா³யிம்ஸுசேவ அனுஸம்கா³யிம்ஸுச, ஏவமேவ மயம்பி தா³னி ச²ட்ட²ஸம்கீ³தி மஹாத⁴ம்மஸபா⁴பரியாபன்னா இமானி ஸிக்கா²பதா³னி யதா²னுப்பத்தட்டா²னதோ பட்டா²ய ஏகதோ க³ணஸஜ்ஜா²யம் கத்வா ஸம்கா³யேய்யாம.