வேஜ்ஜாசரிய கண்ட³

286. ஆயுபே³த³கதாப்⁴யாஸோ, ஸப்³பே³ஸம் பியத³ஸ்ஸனோ;

அரியஸீலகு³ணோபேதோ, ஏஸ வேஜ்ஜோ விதீ⁴யதே.

287. நானாக³ந்த²ஜானனஞ்ச, ஸுதி³ட்ட²கம்மஸம்பதா³;

த³க்க²தா ஹத்த²ஸீக⁴தா, பஸாத³ஸூரஸத்திதா.

288. ஸாபா⁴விகதங்க²ணிக-ஞாணஸுபா⁴ஸிதாபி ச;

உஸ்ஸாஹோ த³ப்³போ³ ஸப்³ப³தா, வேஜ்ஜாசேரஸ்ஸ லக்க²ணம்;

289. கிலிட்ட²வத்த²ம் கோதோ⁴ ச, அதிமானஞ்ச க³ம்மதா;

அனிமந்திதக³மனம், ஏதே பஞ்ச விவஜ்ஜியா.

290. தி³ட்ட²கம்மதா ஸோசஞ்ச, த³க்க²தா விதி³தாக³மோ;

சத்தாரோ ஸுபி⁴ஸக்கஸ்ஸ, ஸுகு³ணா விஞ்ஞுனா மதா.

291. ருஜாய ஜயலக்க²ணம், ரஸோ ச பே⁴ஸஜ்ஜம்பி ச;

திலக்க²ணபே⁴தோ³ சேவ, விஞ்ஞேய்யோ பி⁴ஸக்கேன வே.