10. ஆஹுனேய்யவக்³கோ³

95. ‘‘ஸத்திமே, பி⁴க்க²வே, புக்³க³லா ஆஹுனேய்யா…பே… த³க்கி²ணேய்யா அஞ்ஜலிகரணீயா அனுத்தரம் புஞ்ஞக்கே²த்தம் லோகஸ்ஸ. கதமே ஸத்த? இத⁴, பி⁴க்க²வே, ஏகச்சோ புக்³க³லோ சக்கு²ஸ்மிம் அனிச்சானுபஸ்ஸீ விஹரதி அனிச்சஸஞ்ஞீ அனிச்சபடிஸம்வேதீ³ ஸததம் ஸமிதம் அப்³போ³கிண்ணம் சேதஸா அதி⁴முச்சமானோ பஞ்ஞாய பரியோகா³ஹமானோ. ஸோ ஆஸவானம் க²யா அனாஸவம் சேதோவிமுத்திம் பஞ்ஞாவிமுத்திம் தி³ட்டே²வ த⁴ம்மே ஸயம் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி. அயம் கோ², பி⁴க்க²வே, பட²மோ புக்³க³லோ ஆஹுனேய்யோ பாஹுனேய்யோ…பே… அனுத்தரம் புஞ்ஞக்கே²த்தம் லோகஸ்ஸ.

‘‘புன சபரம், பி⁴க்க²வே, இதே⁴கச்சோ புக்³க³லோ சக்கு²ஸ்மிம் அனிச்சானுபஸ்ஸீ விஹரதி அனிச்சஸஞ்ஞீ அனிச்சபடிஸம்வேதீ³ ஸததம் ஸமிதம் அப்³போ³கிண்ணம் சேதஸா அதி⁴முச்சமானோ பஞ்ஞாய பரியோகா³ஹமானோ. தஸ்ஸ அபுப்³ப³ம் அசரிமம் ஆஸவபரியாதா³னஞ்ச ஹோதி ஜீவிதபரியாதா³னஞ்ச. அயம், பி⁴க்க²வே, து³தியோ புக்³க³லோ ஆஹுனேய்யோ…பே… அனுத்தரம் புஞ்ஞக்கே²த்தம் லோகஸ்ஸ.

‘‘புன சபரம், பி⁴க்க²வே, இதே⁴கச்சோ புக்³க³லோ சக்கு²ஸ்மிம் அனிச்சானுபஸ்ஸீ விஹரதி அனிச்சஸஞ்ஞீ அனிச்சபடிஸம்வேதீ³ ஸததம் ஸமிதம் அப்³போ³கிண்ணம் சேதஸா அதி⁴முச்சமானோ பஞ்ஞாய பரியோகா³ஹமானோ. ஸோ பஞ்சன்னம் ஓரம்பா⁴கி³யானம் ஸம்யோஜனானம் பரிக்க²யா அந்தராபரினிப்³பா³யீ ஹோதி…பே… உபஹச்சபரினிப்³பா³யீ ஹோதி…பே… அஸங்கா²ரபரினிப்³பா³யீ ஹோதி…பே… ஸஸங்கா²ரபரினிப்³பா³யீ ஹோதி…பே… உத்³த⁴ம்ஸோதோ ஹோதி அகனிட்ட²கா³மீ. அயம், பி⁴க்க²வே, ஸத்தமோ புக்³க³லோ ஆஹுனேய்யோ…பே… அனுத்தரம் புஞ்ஞக்கே²த்தம் லோகஸ்ஸ. இமே கோ², பி⁴க்க²வே, ஸத்த புக்³க³லா ஆஹுனேய்யா பாஹுனேய்யா த³க்கி²ணேய்யா அஞ்ஜலிகரணீயா அனுத்தரம் புஞ்ஞக்கே²த்தம் லோகஸ்ஸா’’தி.

96-622. ஸத்திமே, பி⁴க்க²வே, புக்³க³லா ஆஹுனேய்யா பாஹுனேய்யா…பே… அனுத்தரம் புஞ்ஞக்கே²த்தம் லோகஸ்ஸ. கதமே ஸத்த? இத⁴, பி⁴க்க²வே, ஏகச்சோ புக்³க³லோ சக்கு²ஸ்மிம் து³க்கா²னுபஸ்ஸீ விஹரதி…பே… சக்கு²ஸ்மிம் அனத்தானுபஸ்ஸீ விஹரதி…பே… சக்கு²ஸ்மிம் க²யானுபஸ்ஸீ விஹரதி…பே… சக்கு²ஸ்மிம் வயானுபஸ்ஸீ விஹரதி…பே… சக்கு²ஸ்மிம் விராகா³னுபஸ்ஸீ விஹரதி…பே… சக்கு²ஸ்மிம் நிரோதா⁴னுபஸ்ஸீ விஹரதி…பே… சக்கு²ஸ்மிம் படினிஸ்ஸக்³கா³னுபஸ்ஸீ விஹரதி…பே….

ஸோதஸ்மிம்…பே… கா⁴னஸ்மிம்… ஜிவ்ஹாய… காயஸ்மிம்… மனஸ்மிம்…பே….

ரூபேஸு…பே… ஸத்³தே³ஸு… க³ந்தே⁴ஸு… ரஸேஸு… போ²ட்ட²ப்³பே³ஸு … த⁴ம்மேஸு …பே….

சக்கு²விஞ்ஞாணே…பே… ஸோதவிஞ்ஞாணே… கா⁴னவிஞ்ஞாணே… ஜிவ்ஹாவிஞ்ஞாணே… காயவிஞ்ஞாணே… மனோவிஞ்ஞாணே…பே….

சக்கு²ஸம்ப²ஸ்ஸே…பே… ஸோதஸம்ப²ஸ்ஸே… கா⁴னஸம்ப²ஸ்ஸே… ஜிவ்ஹாஸம்ப²ஸ்ஸே… காயஸம்ப²ஸ்ஸே… மனோஸம்ப²ஸ்ஸே…பே….

சக்கு²ஸம்ப²ஸ்ஸஜாய வேத³னாய…பே… ஸோதஸம்ப²ஸ்ஸஜாய வேத³னாய… கா⁴னஸம்ப²ஸ்ஸஜாய வேத³னாய… ஜிவ்ஹாஸம்ப²ஸ்ஸஜாய வேத³னாய… காயஸம்ப²ஸ்ஸஜாய வேத³னாய… மனோஸம்ப²ஸ்ஸஜாய வேத³னாய…பே….

ரூபஸஞ்ஞாய…பே… ஸத்³த³ஸஞ்ஞாய… க³ந்த⁴ஸஞ்ஞாய… ரஸஸஞ்ஞாய… போ²ட்ட²ப்³ப³ஸஞ்ஞாய… த⁴ம்மஸஞ்ஞாய…பே….

ரூபஸஞ்சேதனாய…பே… ஸத்³த³ஸஞ்சேதனாய… க³ந்த⁴ஸஞ்சேதனாய… ரஸஸஞ்சேதனாய… போ²ட்ட²ப்³ப³ஸஞ்சேதனாய… த⁴ம்மஸஞ்சேதனாய…பே….

ரூபதண்ஹாய…பே… ஸத்³த³தண்ஹாய… க³ந்த⁴தண்ஹாய… ரஸதண்ஹாய… போ²ட்ட²ப்³ப³தண்ஹாய… த⁴ம்மதண்ஹாய…பே….

ரூபவிதக்கே …பே… ஸத்³த³விதக்கே… க³ந்த⁴விதக்கே… ரஸவிதக்கே… போ²ட்ட²ப்³ப³விதக்கே… த⁴ம்மவிதக்கே…பே….

ரூபவிசாரே…பே… ஸத்³த³விசாரே… க³ந்த⁴விசாரே… ரஸவிசாரே… போ²ட்ட²ப்³ப³விசாரே… த⁴ம்மவிசாரே…பே….

‘‘பஞ்சக்க²ந்தே⁴ [( ) ஸீ. ஸ்யா. போத்த²கேஸு நத்தி²] …பே… ரூபக்க²ந்தே⁴… வேத³னாக்க²ந்தே⁴… ஸஞ்ஞாக்க²ந்தே⁴… ஸங்கா²ரக்க²ந்தே⁴… விஞ்ஞாணக்க²ந்தே⁴ அனிச்சானுபஸ்ஸீ விஹரதி…பே… து³க்கா²னுபஸ்ஸீ விஹரதி… அனத்தானுபஸ்ஸீ விஹரதி… க²யானுபஸ்ஸீ விஹரதி… வயானுபஸ்ஸீ விஹரதி… விராகா³னுபஸ்ஸீ விஹரதி… நிரோதா⁴னுபஸ்ஸீ விஹரதி… படினிஸ்ஸக்³கா³னுபஸ்ஸீ விஹரதி…பே… லோகஸ்ஸா’’தி.

‘‘ச²த்³வாராரம்மணேஸ்வேத்த², விஞ்ஞாணேஸு ச ப²ஸ்ஸேஸு;

வேத³னாஸு ச த்³வாரஸ்ஸ, ஸுத்தா ஹோந்தி விஸும் அட்ட².

‘‘ஸஞ்ஞா ஸஞ்சேதனா தண்ஹா, விதக்கேஸு விசாரே ச;

கோ³சரஸ்ஸ விஸும் அட்ட², பஞ்சக்க²ந்தே⁴ ச பச்சேகே.

‘‘ஸோளஸஸ்வேத்த² மூலேஸு, அனிச்சம் து³க்க²மனத்தா;

க²யா வயா விராகா³ ச, நிரோதா⁴ படினிஸ்ஸக்³கா³.

‘‘கமம் அட்டா²னுபஸ்ஸனா, யோஜேத்வான விஸும் விஸும்;

ஸம்பிண்டி³தேஸு ஸப்³பே³ஸு, ஹோந்தி பஞ்ச ஸதானி ச;

அட்ட²வீஸதி ஸுத்தானி, ஆஹுனேய்யே ச வக்³கி³கே’’ [இமா உத்³தா³னகா³தா²யோ ஸீ. ஸ்யா. போத்த²கேஸு நத்தி²].

ஆஹுனேய்யவக்³கோ³ த³ஸமோ.