3. வினயபேய்யாலம்

201. ‘‘த்³வேமே, பி⁴க்க²வே, அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்தம். கதமே த்³வே? ஸங்க⁴ஸுட்டு²தாய ஸங்க⁴பா²ஸுதாய… து³ம்மங்கூனம் புக்³க³லானம் நிக்³க³ஹாய, பேஸலானம் பி⁴க்கூ²னம் பா²ஸுவிஹாராய… தி³ட்ட²த⁴ம்மிகானம் ஆஸவானம் ஸம்வராய, ஸம்பராயிகானம் ஆஸவானம் படிகா⁴தாய… தி³ட்ட²த⁴ம்மிகானம் வேரானம் ஸம்வராய, ஸம்பராயிகானம் வேரானம் படிகா⁴தாய… தி³ட்ட²த⁴ம்மிகானம் வஜ்ஜானம் ஸம்வராய, ஸம்பராயிகானம் வஜ்ஜானம் படிகா⁴தாய… தி³ட்ட²த⁴ம்மிகானம் ப⁴யானம் ஸம்வராய, ஸம்பராயிகானம் ப⁴யானம் படிகா⁴தாய… தி³ட்ட²த⁴ம்மிகானம் அகுஸலானம் த⁴ம்மானம் ஸம்வராய, ஸம்பராயிகானம் அகுஸலானம் த⁴ம்மானம் படிகா⁴தாய… கி³ஹீனம் அனுகம்பாய, பாபிச்சா²னம் பி⁴க்கூ²னம் பக்கு²பச்சே²தா³ய… அப்பஸன்னானம் பஸாதா³ய, பஸன்னானம் பி⁴ய்யோபா⁴வாய… ஸத்³த⁴ம்மட்டி²தியா வினயானுக்³க³ஹாய. இமே கோ², பி⁴க்க²வே, த்³வே அத்த²வஸே படிச்ச ததா²க³தேன ஸாவகானம் ஸிக்கா²பத³ம் பஞ்ஞத்த’’ந்தி.

202-230. ‘‘த்³வேமே, பி⁴க்க²வே, அத்த²வஸே படிச்ச ததா²க³தேன ஸாவகானம் பாதிமோக்க²ம் பஞ்ஞத்தம்…பே… பாதிமோக்கு²த்³தே³ஸோ பஞ்ஞத்தோ… பாதிமோக்க²ட்ட²பனம் பஞ்ஞத்தம்… பவாரணா பஞ்ஞத்தா… பவாரணட்ட²பனம் பஞ்ஞத்தம்… தஜ்ஜனீயகம்மம் பஞ்ஞத்தம்… நியஸ்ஸகம்மம் பஞ்ஞத்தம்… பப்³பா³ஜனீயகம்மம் பஞ்ஞத்தம்… படிஸாரணீயகம்மம் பஞ்ஞத்தம்… உக்கே²பனீயகம்மம் பஞ்ஞத்தம்… பரிவாஸதா³னம் பஞ்ஞத்தம்… மூலாய படிகஸ்ஸனம் பஞ்ஞத்தம்… மானத்ததா³னம் பஞ்ஞத்தம்… அப்³பா⁴னம் பஞ்ஞத்தம்… ஓஸாரணீயம் பஞ்ஞத்தம்… நிஸ்ஸாரணீயம் பஞ்ஞத்தம்… உபஸம்பதா³ பஞ்ஞத்தா… ஞத்திகம்மம் பஞ்ஞத்தம்… ஞத்திது³தியகம்மம் பஞ்ஞத்தம்… ஞத்திசதுத்த²கம்மம் பஞ்ஞத்தம்… அபஞ்ஞத்தே பஞ்ஞத்தம்… பஞ்ஞத்தே அனுபஞ்ஞத்தம்… ஸம்முகா²வினயோ பஞ்ஞத்தோ… ஸதிவினயோ பஞ்ஞத்தோ… அமூள்ஹவினயோ பஞ்ஞத்தோ… படிஞ்ஞாதகரணம் பஞ்ஞத்தம்… யேபு⁴ய்யஸிகா பஞ்ஞத்தா… தஸ்ஸபாபியஸிகா பஞ்ஞத்தா… திணவத்தா²ரகோ பஞ்ஞத்தோ. கதமே த்³வே? ஸங்க⁴ஸுட்டு²தாய, ஸங்க⁴பா²ஸுதாய… து³ம்மங்கூனம் புக்³க³லானம் நிக்³க³ஹாய, பேஸலானம் பி⁴க்கூ²னம் பா²ஸுவிஹாராய… தி³ட்ட²த⁴ம்மிகானம் ஆஸவானம் ஸம்வராய, ஸம்பராயிகானம் ஆஸவானம் படிகா⁴தாய… தி³ட்ட²த⁴ம்மிகானம் வேரானம் ஸம்வராய, ஸம்பராயிகானம் வேரானம் படிகா⁴தாய… தி³ட்ட²த⁴ம்மிகானம் வஜ்ஜானம் ஸம்வராய, ஸம்பராயிகானம் வஜ்ஜானம் படிகா⁴தாய… தி³ட்ட²த⁴ம்மிகானம் ப⁴யானம் ஸம்வராய, ஸம்பராயிகானம் ப⁴யானம் படிகா⁴தாய… தி³ட்ட²த⁴ம்மிகானம் அகுஸலானம் த⁴ம்மானம் ஸம்வராய, ஸம்பராயிகானம் அகுஸலானம் த⁴ம்மானம் படிகா⁴தாய… கி³ஹீனம் அனுகம்பாய, பாபிச்சா²னம் பி⁴க்கூ²னம் பக்கு²பச்சே²தா³ய… அப்பஸன்னானம் பஸாதா³ய, பஸன்னானம் பி⁴ய்யோபா⁴வாய… ஸத்³த⁴ம்மட்டி²தியா, வினயானுக்³க³ஹாய. இமே கோ², பி⁴க்க²வே, த்³வே அத்த²வஸே படிச்ச ததா²க³தேன ஸாவகானம் திணவத்தா²ரகோ பஞ்ஞத்தோ’’தி.

வினயபேய்யாலம் நிட்டி²தம்.