(8) 3. ஸனிமித்தவக்³கோ³

78. ‘‘ஸனிமித்தா, பி⁴க்க²வே, உப்பஜ்ஜந்தி பாபகா அகுஸலா த⁴ம்மா, நோ அனிமித்தா. தஸ்ஸேவ நிமித்தஸ்ஸ பஹானா ஏவம் தே பாபகா அகுஸலா த⁴ம்மா ந ஹோந்தீ’’தி.

79. ‘‘ஸனிதா³னா, பி⁴க்க²வே, உப்பஜ்ஜந்தி பாபகா அகுஸலா த⁴ம்மா, நோ அனிதா³னா. தஸ்ஸேவ நிதா³னஸ்ஸ பஹானா ஏவம் தே பாபகா அகுஸலா த⁴ம்மா ந ஹோந்தீ’’தி.

80. ‘‘ஸஹேதுகா, பி⁴க்க²வே, உப்பஜ்ஜந்தி பாபகா அகுஸலா த⁴ம்மா, நோ அஹேதுகா. தஸ்ஸேவ ஹேதுஸ்ஸ பஹானா ஏவம் தே பாபகா அகுஸலா த⁴ம்மா ந ஹோந்தீ’’தி.

81. ‘‘ஸஸங்கா²ரா, பி⁴க்க²வே, உப்பஜ்ஜந்தி பாபகா அகுஸலா த⁴ம்மா, நோ அஸங்கா²ரா. தேஸம்யேவ ஸங்கா²ரானம் பஹானா ஏவம் தே பாபகா அகுஸலா த⁴ம்மா ந ஹோந்தீ’’தி.

82. ‘‘ஸப்பச்சயா, பி⁴க்க²வே, உப்பஜ்ஜந்தி பாபகா அகுஸலா த⁴ம்மா, நோ அப்பச்சயா. தஸ்ஸேவ பச்சயஸ்ஸ பஹானா ஏவம் தே பாபகா அகுஸலா த⁴ம்மா ந ஹோந்தீ’’தி.

83. ‘‘ஸரூபா, பி⁴க்க²வே, உப்பஜ்ஜந்தி பாபகா அகுஸலா த⁴ம்மா, நோ அரூபா. தஸ்ஸேவ ரூபஸ்ஸ பஹானா ஏவம் தே பாபகா அகுஸலா த⁴ம்மா ந ஹோந்தீ’’தி.

84. ‘‘ஸவேத³னா, பி⁴க்க²வே, உப்பஜ்ஜந்தி பாபகா அகுஸலா த⁴ம்மா, நோ அவேத³னா. தஸ்ஸாயேவ வேத³னாய பஹானா ஏவம் தே பாபகா அகுஸலா த⁴ம்மா ந ஹோந்தீ’’தி.

85. ‘‘ஸஸஞ்ஞா, பி⁴க்க²வே, உப்பஜ்ஜந்தி பாபகா அகுஸலா த⁴ம்மா, நோ அஸஞ்ஞா. தஸ்ஸாயேவ ஸஞ்ஞாய பஹானா ஏவம் தே பாபகா அகுஸலா த⁴ம்மா ந ஹோந்தீ’’தி.

86. ‘‘ஸவிஞ்ஞாணா, பி⁴க்க²வே, உப்பஜ்ஜந்தி பாபகா அகுஸலா த⁴ம்மா, நோ அவிஞ்ஞாணா. தஸ்ஸேவ விஞ்ஞாணஸ்ஸ பஹானா ஏவம் தே பாபகா அகுஸலா த⁴ம்மா ந ஹோந்தீ’’தி.

87. ‘‘ஸங்க²தாரம்மணா, பி⁴க்க²வே, உப்பஜ்ஜந்தி பாபகா அகுஸலா த⁴ம்மா, நோ அஸங்க²தாரம்மணா. தஸ்ஸேவ ஸங்க²தஸ்ஸ பஹானா ஏவம் தே பாபகா அகுஸலா த⁴ம்மா ந ஹோந்தீ’’தி.

ஸனிமித்தவக்³கோ³ ததியோ.