18. அபரஅச்ச²ராஸங்கா⁴தவக்³கோ³

382. ‘‘அச்ச²ராஸங்கா⁴தமத்தம்பி சே, பி⁴க்க²வே, பி⁴க்கு² பட²மம் ஜா²னம் பா⁴வேதி, அயம் வுச்சதி, பி⁴க்க²வே – ‘பி⁴க்கு² அரித்தஜ்ஜா²னோ விஹரதி, ஸத்து²ஸாஸனகரோ ஓவாத³பதிகரோ, அமோக⁴ம் ரட்ட²பிண்ட³ம் பு⁴ஞ்ஜதி’. கோ பன வாதோ³ யே நம் ப³ஹுலீகரோந்தீ’’தி!

383-389. ‘‘அச்ச²ராஸங்கா⁴தமத்தம்பி சே, பி⁴க்க²வே, பி⁴க்கு² து³தியம் ஜா²னம் பா⁴வேதி…பே… ததியம் ஜா²னம் பா⁴வேதி…பே… சதுத்த²ம் ஜா²னம் பா⁴வேதி…பே… மேத்தம் சேதோவிமுத்திம் பா⁴வேதி…பே… கருணம் சேதோவிமுத்திம் பா⁴வேதி…பே… முதி³தம் சேதோவிமுத்திம் பா⁴வேதி…பே… உபேக்க²ம் சேதோவிமுத்திம் பா⁴வேதி…பே….

390-393. காயே காயானுபஸ்ஸீ விஹரதி ஆதாபீ ஸம்பஜானோ ஸதிமா வினேய்ய லோகே அபி⁴ஜ்ஜா²தோ³மனஸ்ஸம்; வேத³னாஸு வேத³னானுபஸ்ஸீ விஹரதி…பே… சித்தே சித்தானுபஸ்ஸீ விஹரதி…பே… த⁴ம்மேஸு த⁴ம்மானுபஸ்ஸீ விஹரதி ஆதாபீ ஸம்பஜானோ ஸதிமா வினேய்ய லோகே அபி⁴ஜ்ஜா²தோ³மனஸ்ஸம்.

394-397. அனுப்பன்னானம் பாபகானம் அகுஸலானம் த⁴ம்மானம் அனுப்பாதா³ய ச²ந்த³ம் ஜனேதி வாயமதி வீரியம் [விரியம் (ஸீ. ஸ்யா. கம். பீ.)] ஆரப⁴தி சித்தம் பக்³க³ண்ஹாதி பத³ஹதி; உப்பன்னானம் பாபகானம் அகுஸலானம் த⁴ம்மானம் பஹானாய ச²ந்த³ம் ஜனேதி வாயமதி வீரியம் ஆரப⁴தி சித்தம் பக்³க³ண்ஹாதி பத³ஹதி. அனுப்பன்னானம் குஸலானம் த⁴ம்மானம் உப்பாதா³ய ச²ந்த³ம் ஜனேதி வாயமதி வீரியம் ஆரப⁴தி சித்தம் பக்³க³ண்ஹாதி பத³ஹதி; உப்பன்னானம் குஸலானம் த⁴ம்மானம் டி²தியா அஸம்மோஸாய பி⁴ய்யோபா⁴வாய வேபுல்லாய பா⁴வனாய பாரிபூரியா ச²ந்த³ம் ஜனேதி வாயமதி வீரியம் ஆரப⁴தி சித்தம் பக்³க³ண்ஹாதி பத³ஹதி.

398-401. ச²ந்த³ஸமாதி⁴பதா⁴னஸங்கா²ரஸமன்னாக³தம் இத்³தி⁴பாத³ம் பா⁴வேதி… வீரியஸமாதி⁴பதா⁴னஸங்கா²ரஸமன்னாக³தம் இத்³தி⁴பாத³ம் பா⁴வேதி… சித்தஸமாதி⁴பதா⁴னஸங்கா²ரஸமன்னாக³தம் இத்³தி⁴பாத³ம் பா⁴வேதி… வீமம்ஸாஸமாதி⁴பதா⁴னஸங்கா²ரஸமன்னாக³தம் இத்³தி⁴பாத³ம் பா⁴வேதி….

402-406. ஸத்³தி⁴ந்த்³ரியம் பா⁴வேதி… வீரியிந்த்³ரியம் பா⁴வேதி… ஸதிந்த்³ரியம் பா⁴வேதி… ஸமாதி⁴ந்த்³ரியம் பா⁴வேதி… பஞ்ஞிந்த்³ரியம் பா⁴வேதி….

407-411. ஸத்³தா⁴ப³லம் பா⁴வேதி… வீரியப³லம் பா⁴வேதி… ஸதிப³லம் பா⁴வேதி… ஸமாதி⁴ப³லம் பா⁴வேதி… பஞ்ஞாப³லம் பா⁴வேதி….

412-418. ஸதிஸம்போ³ஜ்ஜ²ங்க³ம் பா⁴வேதி… த⁴ம்மவிசயஸம்போ³ஜ்ஜ²ங்க³ம் பா⁴வேதி… வீரியஸம்போ³ஜ்ஜ²ங்க³ம் பா⁴வேதி… பீதிஸம்போ³ஜ்ஜ²ங்க³ம் பா⁴வேதி… பஸ்ஸத்³தி⁴ஸம்போ³ஜ்ஜ²ங்க³ம் பா⁴வேதி… ஸமாதி⁴ஸம்போ³ஜ்ஜ²ங்க³ம் பா⁴வேதி… உபேக்கா²ஸம்போ³ஜ்ஜ²ங்க³ம் பா⁴வேதி….

419-426. ஸம்மாதி³ட்டி²ம் பா⁴வேதி… ஸம்மாஸங்கப்பம் பா⁴வேதி… ஸம்மாவாசம் பா⁴வேதி… ஸம்மாகம்மந்தம் பா⁴வேதி… ஸம்மாஆஜீவம் பா⁴வேதி… ஸம்மாவாயாமம் பா⁴வேதி… ஸம்மாஸதிம் பா⁴வேதி… ஸம்மாஸமாதி⁴ம் பா⁴வேதி….

427-434. [தீ³. நி. 2.173; ம. நி. 2.249; அ. நி. 8.65] அஜ்ஜ²த்தம் ரூபஸஞ்ஞீ ப³ஹித்³தா⁴ ரூபானி பஸ்ஸதி பரித்தானி ஸுவண்ணது³ப்³ப³ண்ணானி. ‘தானி அபி⁴பு⁴ய்ய ஜானாமி பஸ்ஸாமீ’தி – ஏவம்ஸஞ்ஞீ ஹோதி… அஜ்ஜ²த்தம் ரூபஸஞ்ஞீ ப³ஹித்³தா⁴ ரூபானி பஸ்ஸதி அப்பமாணானி ஸுவண்ணது³ப்³ப³ண்ணானி. ‘தானி அபி⁴பு⁴ய்ய ஜானாமி பஸ்ஸாமீ’தி – ஏவம்ஸஞ்ஞீ ஹோதி… அஜ்ஜ²த்தம் அரூபஸஞ்ஞீ ப³ஹித்³தா⁴ ரூபானி பஸ்ஸதி பரித்தானி ஸுவண்ணது³ப்³ப³ண்ணானி. ‘தானி அபி⁴பு⁴ய்ய ஜானாமி பஸ்ஸாமீ’தி – ஏவம்ஸஞ்ஞீ ஹோதி… அஜ்ஜ²த்தம் அரூபஸஞ்ஞீ ப³ஹித்³தா⁴ ரூபானி பஸ்ஸதி அப்பமாணானி ஸுவண்ணது³ப்³ப³ண்ணானி. ‘தானி அபி⁴பு⁴ய்ய ஜானாமி பஸ்ஸாமீ’தி – ஏவம்ஸஞ்ஞீ ஹோதி… அஜ்ஜ²த்தம் அரூபஸஞ்ஞீ ப³ஹித்³தா⁴ ரூபானி பஸ்ஸதி நீலானி நீலவண்ணானி நீலனித³ஸ்ஸனானி நீலனிபா⁴ஸானி. ‘தானி அபி⁴பு⁴ய்ய ஜானாமி பஸ்ஸாமீ’தி – ஏவம்ஸஞ்ஞீ ஹோதி… அஜ்ஜ²த்தம் அரூபஸஞ்ஞீ ப³ஹித்³தா⁴ ரூபானி பஸ்ஸதி பீதானி பீதவண்ணானி பீதனித³ஸ்ஸனானி பீதனிபா⁴ஸானி. ‘தானி அபி⁴பு⁴ய்ய ஜானாமி பஸ்ஸாமீ’தி – ஏவம்ஸஞ்ஞீ ஹோதி… அஜ்ஜ²த்தம் அரூபஸஞ்ஞீ ப³ஹித்³தா⁴ ரூபானி பஸ்ஸதி லோஹிதகானி லோஹிதகவண்ணானி லோஹிதகனித³ஸ்ஸனானி லோஹிதகனிபா⁴ஸானி. ‘தானி அபி⁴பு⁴ய்ய ஜானாமி பஸ்ஸாமீ’தி ஏவம்ஸஞ்ஞீ ஹோதி… அஜ்ஜ²த்தம் அரூபஸஞ்ஞீ ப³ஹித்³தா⁴ ரூபானி பஸ்ஸதி ஓதா³தானி ஓதா³தவண்ணானி ஓதா³தனித³ஸ்ஸனானி ஓதா³தனிபா⁴ஸானி. ‘தானி அபி⁴பு⁴ய்ய ஜானாமி பஸ்ஸாமீ’தி – ஏவம்ஸஞ்ஞீ ஹோதி….

435-442. ரூபீ ரூபானி பஸ்ஸதி… அஜ்ஜ²த்தம் அரூபஸஞ்ஞீ ப³ஹித்³தா⁴ ரூபானி பஸ்ஸதி ஸுப⁴ந்தேவ அதி⁴முத்தோ ஹோதி… ஸப்³ப³ஸோ ரூபஸஞ்ஞானம் ஸமதிக்கமா படிக⁴ஸஞ்ஞானம் அத்த²ங்க³மா நானத்தஸஞ்ஞானம் அமனஸிகாரா அனந்தோ ஆகாஸோதி ஆகாஸானஞ்சாயதனம் உபஸம்பஜ்ஜ விஹரதி… ஸப்³ப³ஸோ ஆகாஸானஞ்சாயதனம் ஸமதிக்கம்ம அனந்தம் விஞ்ஞாணந்தி விஞ்ஞாணஞ்சாயதனம் உபஸம்பஜ்ஜ விஹரதி… ஸப்³ப³ஸோ விஞ்ஞாணஞ்சாயதனம் ஸமதிக்கம்ம நத்தி² கிஞ்சீதி ஆகிஞ்சஞ்ஞாயதனம் உபஸம்பஜ்ஜ விஹரதி… ஸப்³ப³ஸோ ஆகிஞ்சஞ்ஞாயதனம் ஸமதிக்கம்ம நேவஸஞ்ஞானாஸஞ்ஞாயதனம் உபஸம்பஜ்ஜ விஹரதி… ஸப்³ப³ஸோ நேவஸஞ்ஞானாஸஞ்ஞாயதனம் ஸமதிக்கம்ம ஸஞ்ஞாவேத³யிதனிரோத⁴ம் உபஸம்பஜ்ஜ விஹரதி….

443-452. பத²வீகஸிணம் பா⁴வேதி… ஆபோகஸிணம் பா⁴வேதி… தேஜோகஸிணம் பா⁴வேதி… வாயோகஸிணம் பா⁴வேதி… நீலகஸிணம் பா⁴வேதி… பீதகஸிணம் பா⁴வேதி… லோஹிதகஸிணம் பா⁴வேதி… ஓதா³தகஸிணம் பா⁴வேதி… ஆகாஸகஸிணம் பா⁴வேதி… விஞ்ஞாணகஸிணம் பா⁴வேதி….

453-462. அஸுப⁴ஸஞ்ஞம் பா⁴வேதி… மரணஸஞ்ஞம் பா⁴வேதி… ஆஹாரே படிகூலஸஞ்ஞம் பா⁴வேதி… ஸப்³ப³லோகே அனபி⁴ரதிஸஞ்ஞம் [அனபி⁴ரதஸஞ்ஞம் (ஸீ. ஸ்யா. கம். பீ.)] பா⁴வேதி… அனிச்சஸஞ்ஞம் பா⁴வேதி… அனிச்சே து³க்க²ஸஞ்ஞம் பா⁴வேதி… து³க்கே² அனத்தஸஞ்ஞம் பா⁴வேதி… பஹானஸஞ்ஞம் பா⁴வேதி… விராக³ஸஞ்ஞம் பா⁴வேதி… நிரோத⁴ஸஞ்ஞம் பா⁴வேதி….

463-472. அனிச்சஸஞ்ஞம் பா⁴வேதி… அனத்தஸஞ்ஞம் பா⁴வேதி… மரணஸஞ்ஞம் பா⁴வேதி… ஆஹாரே படிகூலஸஞ்ஞம் பா⁴வேதி… ஸப்³ப³லோகே அனபி⁴ரதிஸஞ்ஞம் பா⁴வேதி… அட்டி²கஸஞ்ஞம் பா⁴வேதி… புளவகஸஞ்ஞம் [புளுவகஸஞ்ஞம் (க.)] பா⁴வேதி… வினீலகஸஞ்ஞம் பா⁴வேதி… விச்சி²த்³த³கஸஞ்ஞம் பா⁴வேதி… உத்³து⁴மாதகஸஞ்ஞம் பா⁴வேதி….

473-482. பு³த்³தா⁴னுஸ்ஸதிம் பா⁴வேதி… த⁴ம்மானுஸ்ஸதிம் பா⁴வேதி… ஸங்கா⁴னுஸ்ஸதிம் பா⁴வேதி… ஸீலானுஸ்ஸதிம் பா⁴வேதி… சாகா³னுஸ்ஸதிம் பா⁴வேதி… தே³வதானுஸ்ஸதிம் பா⁴வேதி… ஆனாபானஸ்ஸதிம் பா⁴வேதி… மரணஸ்ஸதிம் பா⁴வேதி… காயக³தாஸதிம் பா⁴வேதி… உபஸமானுஸ்ஸதிம் பா⁴வேதி….

483-492. பட²மஜ்ஜா²னஸஹக³தம் ஸத்³தி⁴ந்த்³ரியம் பா⁴வேதி… வீரியிந்த்³ரியம் பா⁴வேதி… ஸதிந்த்³ரியம் பா⁴வேதி… ஸமாதி⁴ந்த்³ரியம் பா⁴வேதி… பஞ்ஞிந்த்³ரியம் பா⁴வேதி… ஸத்³தா⁴ப³லம் பா⁴வேதி… வீரியப³லம் பா⁴வேதி… ஸதிப³லம் பா⁴வேதி… ஸமாதி⁴ப³லம் பா⁴வேதி… பஞ்ஞாப³லம் பா⁴வேதி….

493-562. ‘‘து³தியஜ்ஜா²னஸஹக³தம்…பே… ததியஜ்ஜா²னஸஹக³தம்…பே… சதுத்த²ஜ்ஜா²னஸஹக³தம்…பே… மேத்தாஸஹக³தம்…பே… கருணாஸஹக³தம்…பே… முதி³தாஸஹக³தம்…பே… உபேக்கா²ஸஹக³தம் ஸத்³தி⁴ந்த்³ரியம் பா⁴வேதி… வீரியிந்த்³ரியம் பா⁴வேதி… ஸதிந்த்³ரியம் பா⁴வேதி… ஸமாதி⁴ந்த்³ரியம் பா⁴வேதி… பஞ்ஞிந்த்³ரியம் பா⁴வேதி… ஸத்³தா⁴ப³லம் பா⁴வேதி… வீரியப³லம் பா⁴வேதி… ஸதிப³லம் பா⁴வேதி… ஸமாதி⁴ப³லம் பா⁴வேதி… பஞ்ஞாப³லம் பா⁴வேதி. அயம் வுச்சதி, பி⁴க்க²வே – ‘பி⁴க்கு² அரித்தஜ்ஜா²னோ விஹரதி ஸத்து²ஸாஸனகரோ ஓவாத³பதிகரோ, அமோக⁴ம் ரட்ட²பிண்ட³ம் பு⁴ஞ்ஜதி’. கோ பன வாதோ³ யே நம் ப³ஹுலீகரோந்தீ’’தி!

அபரஅச்ச²ராஸங்கா⁴தவக்³கோ³ அட்டா²ரஸமோ.