1. පඨමාදිසික්ඛාපදවණ්ණනා
978. චිත්තාගාරවග්ගස්ස පඨමෙ පාටෙක්කා ආපත්තියොති ගීවාය පරිවත්තනප්පයොගගණනාය.
1015. නවමෙ හත්ථිආදීසු සිප්ප-සද්දො පච්චෙකං යොජෙතබ්බො, තථා ආථබ්බණාදීසු මන්ත-සද්දො. තත්ථ ආථබ්බණමන්තො නාම ආථබ්බණවෙදවිහිතො පරූපඝාතකරො මන්තො. ඛීලනමන්තො නාම වෙරිමාරණත්ථාය සාරදාරුමයං ඛීලං මන්තෙත්වා පථවියං ආකොටනමන්තො. අගදප්පයොගො විසප්පයොජනං. නාගමණ්ඩලන්ති සප්පානං පවෙසනිවාරණත්ථං මණ්ඩලබන්ධමන්තො. සෙසං සබ්බත්ථ උත්තානමෙව.
නිට්ඨිතො චිත්තාගාරවග්ගො පඤ්චමො.
1025-1116. ආරාමවග්ගෙ, ගබ්භිනිවග්ගෙ ච සබ්බං උත්තානමෙව.