2. අන්ධකාරවග්ගො

1. පඨමාදිසික්ඛාපදවණ්ණනා

841. දුතියවග්ගස්ස පඨමෙ දානෙ වාති දානනිමිත්තං. රත්තන්ධකාරෙ පුරිසස්ස හත්ථපාසෙ ඨානාදි, රහොපෙක්ඛා, සහායාභාවොති තීණි අඞ්ගානි.

842-850. දුතියාදීනි උත්තානානි.

854. පඤ්චමෙ පල්ලඞ්කස්ස අනොකාසෙති ඌරුබද්ධාසනස්ස අප්පහොනකෙ. පුරෙභත්තං අන්තරඝරෙ පල්ලඞ්කප්පහොනකාසනෙ නිසජ්ජා, අනනුඤ්ඤාතකාරණා අනාපුච්ඡා වුත්තපරිච්ඡෙදාතික්කමොති ද්වෙ අඞ්ගානි.

860-879. ඡට්ඨාදීනි උත්තානානි.

නිට්ඨිතො අන්ධකාරවග්ගො දුතියො.