4. චතුත්ථසඞ්ඝාදිසෙසසික්ඛාපදවණ්ණනා

694. චතුත්ථෙ කාරකගණස්සාති ඉමස්ස කම්මං කාතබ්බන්ති යෙහි සන්නිට්ඨානං කතං, තෙ සන්ධාය වුත්තං. කම්මවාචක්ඛණෙ සහඨිතෙති කෙචි. නෙත්ථාරවත්තෙති නිත්ථරණහෙතුම්හි වත්තෙ.

698. පාළියං අසන්තෙ කාරකසඞ්ඝෙති එත්ථ විජ්ජමානං සුදූරම්පි ගන්ත්වා ආපුච්ඡිතබ්බං. අන්තරායෙ පන සති සම්මා වත්තන්තං ඔසාරෙතුං වට්ටතීති. ධම්මකම්මෙන උක්ඛිත්තතා, අනනුඤ්ඤාතකාරණා ඔසාරණන්ති ද්වෙ අඞ්ගානි.

චතුත්ථසඞ්ඝාදිසෙසසික්ඛාපදවණ්ණනා නිට්ඨිතා.