2. උජ්ජග්ඝිකවග්ගවණ්ණනා

586. දුතියවග්ගාදිඋජ්ජග්ඝිකඅප්පසද්දෙසු නිසීදනපටිසංයුත්තෙසුපි වාසූපගතස්ස අනාපත්ති න වුත්තා, කායප්පචාලකාදීසු එව පන වුත්තා. පාළිපොත්ථකෙසු පනෙතං කෙසුචි පෙය්‍යාලෙන බ්‍යාමොහිතත්තා න සුට්ඨු විඤ්ඤායති. යත්ථ ච අන්තරඝරෙ ධම්මං වා දෙසෙන්තස්ස, පාතිමොක්ඛං වා උද්දිසන්තස්ස මහාසද්දෙන යාවපරිසසාවනෙපි අනාපත්ති එවාති දට්ඨබ්බං තථා ආනන්දත්ථෙරමහින්දත්ථෙරාදීහි ආචරිතත්තා.

උජ්ජග්ඝිකවග්ගවණ්ණනා නිට්ඨිතා.