8. උපස්සුතිසික්ඛාපදවණ්ණනා

471. අට්ඨමෙ සුය්‍යතීති සුති, වචනං. තස්සා සමීපං උපස්සුති. සුය්‍යති එත්ථාති සුතීති එවඤ්හි අත්ථෙ ගය්හමානෙ සවනට්ඨානසමීපෙ අඤ්ඤස්මිං අස්සවනට්ඨානෙ තිට්ඨතීති ආපජ්ජති. අට්ඨකථායඤ්ච උපස්සුති-සද්දස්සෙව අත්ථං දස්සෙතුං ‘‘යත්ථ ඨත්වා’’තිආදි වුත්තං, න සුති-සද්දමත්තස්ස.

473. එකපරිච්ඡෙදානීති කදාචි අකිරියතො, කදාචි කිරියතො සමුට්ඨානසාමඤ්ඤෙන වුත්තං. උපසම්පන්නෙන චොදනාධිප්පායො, සවනන්ති ද්වෙ අඞ්ගානි.

උපස්සුතිසික්ඛාපදවණ්ණනා නිට්ඨිතා.