7. ධම්මදෙසනාසික්ඛාපදවණ්ණනා
60. සත්තමෙ න යක්ඛෙනාතිආදීනං ‘‘අඤ්ඤත්‍ර විඤ්ඤුනා’’ති ඉමිනා සම්බන්ධො. අඤ්ඤත්‍ර විඤ්ඤුනා පුරිසවිග්ගහෙන, න යක්ඛාදිනාපීති එවමත්ථො ගහෙතබ්බොති අධිප්පායො. තාදිසෙනපි හි සහ ඨිතාය දෙසෙතුං න වට්ටති. තංතංදෙසභාසාය අත්ථං යථාරුචි වට්ටති එව.
ඉරියාපථාපරිවත්තනං, පුරිසං වා ද්වාදසහත්ථූපචාරෙ අපක්කොසාපනං එත්ථ අකිරියා. වුත්තලක්ඛණස්ස ධම්මස්ස ඡන්නං වාචානං උපරි දෙසනා, වුත්තලක්ඛණො මාතුගාමො, ඉරියාපථපඅවත්තනාභාවො, විඤ්ඤූපුරිසාභාවො, අපඤ්හවිස්සජ්ජනාති ඉමානෙත්ථ පඤ්ච අඞ්ගානි.
ධම්මදෙසනාසික්ඛාපදවණ්ණනා නිට්ඨිතා.