1-8. පඨමජ්ඣානපඤ්හසුත්තාදිවණ්ණනා

332-339. කාමසහගතෙසු සඤ්ඤාමනසිකාරෙසු උපට්ඨහන්තෙසු බ්‍යාපාදාදිසහගතාපි සඤ්ඤාමනසිකාරා යථාපච්චයං උපට්ඨහන්තියෙවාති වුත්තං ‘‘කාමසහගතාති පඤ්චනීවරණසහගතා’’ති. නීවරණානඤ්හෙත්ථ නිදස්සනමත්තමෙතං, යදිදං කාමග්ගහණං. පහීනාවසෙසා චෙත්ථ නීවරණා වෙදිතබ්බා, තස්මා පඤ්චග්ගහණං න කත්තබ්බං. තස්සාති මහාමොග්ගල්ලානත්ථෙරස්ස සන්තතො උපට්ඨහිංසු අචිණ්ණවසිතාය. තෙනාහ ‘‘හානභාගියං නාම අහොසී’’ති. ආරම්මණ…පෙ… සහගතන්ති වුත්තං ඉතරෙසං අභාවතො.

පඨමජ්ඣානපඤ්හසුත්තාදිවණ්ණනා නිට්ඨිතා.