11. ගරුපාවුරණසික්ඛාපදවණ්ණනා
යස්මා පවාරිතට්ඨානෙ විඤ්ඤත්ති නාම න පටිසෙධෙතබ්බා, තස්මා භගවා ධම්මනිමන්තනවසෙන පවාරිතට්ඨානෙ ‘‘වදෙථාය්‍යෙ, යෙනත්ථො’’ති (සාරත්ථ. ටී. පාචිත්තිය 3.784) වුත්තාය චතුක්කංසපරමං විඤ්ඤාපෙතබ්බන්ති පරිච්ඡෙදං දස්සෙතීති වෙදිතබ්බං. තෙනෙව ‘‘චෙතාපෙතබ්බන්ති ඨපෙත්වා සහධම්මිකෙ ච ඤාතකප්පවාරිතෙ ච අඤ්ඤෙන කිස්මිඤ්චිදෙව ගුණෙ පරිතුට්ඨෙන ‘වදෙථාය්‍යෙ, යෙනත්ථො’ති වුත්තාය විඤ්ඤාපෙතබ්බ’’න්ති වුත්තං. රාජානන්ති පසෙනදිකොසලරාජානං.
ගරුපාවුරණසික්ඛාපදවණ්ණනා නිට්ඨිතා.